Əziz oxucular! Bu mənim ilk kitabımdır. Yazmağa 2007-ci ildən başlamışam
Yüklə 1,33 Mb. Pdf görüntüsü
|
| Səkkizinci fəsil
Kabinetində tək qalan polkovnik-leytenant Məmmədzadə fikirli halda divana yaxınlaşdı. Havanın qaralmağına baxmayaraq evə getmək istəmirdi. Bilirdi ki, onu gözləyən yoxdur. İki həftədir ki, yoldaşı Qumru xanım uşaqlarla birlikdə yay tətilini keçirmək üçün gözəl rayonlardan birinə istirahətə gediblər. Bəzən Məmmədzadə özü də onların yanında olmaq istəyir, lakin bilir ki, qarşısındakı cinayəti mütləq açmalıdır. İstirahət etməyə isə hər zaman vaxt tapılar. Görəsən bu hadisəni belə qəlizləşdirən məqam nədir? Yəni qatil doğurdanmı inanırdı ki, bunun intihar olduğunu düşünəcəyik? Ya o ağ vərəqlər? Bunlar nə deməkdir axı? Vahid bəy Faiq bəyin qurbanı ola bilərdimi? Bəlkə də... Qatilə lazım olacaq nə vardı Vahid bəydə? Fabriki? Var dövləti? Yoxsa ölümü? Kim qazandı onun ölümündən? Qönçə sevimli atasını itirdi. Vəfa xanım sadiq yoldaşını-amma o Qönçəyə nisbətən soyuqqanlı görünürdü. Səyavuş ata bildiyi insanı itirsə də qazandığı da oldu. Belə çıxır ki, fabrikin idarəsi Səyavuşla Qönçəyə qalır. Bunu dəqiqləşdirmək lazım gələcək. Faiq bəy də qazanır. O da Vahid bəyi öldürərkən fabriki öz adına keçirəcək sənəd imzalatdıra bilərdi. Hansı ki, əlimizdə o vərəqdən yalnız həriflərinin izi qalıb. Başqa hansı sənəd ola bilərdi ki, Vahid bəy son nəfəsində yazıb imzalaya? Deyəsən iş getdikcə aydınlaşmağa başladı. Bəs onda tapılan ayaqqabı izi? Əyər o doğurdan da qatilindirsə belə çıxır ki, qatil qapıdan deyil hasardan aşaraq gəlmiş və getmişdir. Evə də kabinetin pəncərəsindən daxil ola bilərdi. Kabinetin birinci mərtəbədə olmasına baxmayaraq ev kürsülüdür. Elə buna görə də həmin otaqda eyvan da vardı. Çox güman ki, qatil məhz eyvandan daxil olaraq girmiş və oradan da çıxmışdır. Qatilə lazım olan təkcə Vahid bəyi öldürmək deyil, hətta sənədi onun öz əli ilə yazdırmaq, imzalatdırmaq idi. Səyavuş yalan danışana bənzəmir. Lakin fabrikdən rahat çıxıb Vahid bəyi öldürməyə də, geri qayıtmağa da kifayət qədər zamanı vardı. Onu görə biləcək kimsə yox idi. Məmmədzadə cəld ayağa qalxıb masanın üzərindəki şəhər telefonuna əl atdı. Bir neçə rəqəmi daxil etdikdən sonra dinləməyə başladı. - Alo? - Salam, Xatirə xanım! - Salam, Asif məllim. Nə təərisiniz? Qumru xanım nə təəridir? - Çox sağ olun yaxşıdılar. Sizlərə salam duası var. - Sizlər sağ olun. Nə əcəb sizdən? - Qədirə deyiləsi sözüm vardı. Gəldisə dəstəyi ona verin. - Elə indi gəlib. Bir dəyqə....- ani olaraq eşidilən xışıltını Qədirin səsi pozdu. – Alo? - Eyvazov sənə sözüm var. Diqqətlə qulaq as. - Buyurun! - Səhər tezdən iki nəfər polis işçisi ilə Faiq bəyin evinə gedirsən. Oğlunu və özünü təcili bura gətirirsən. Torpaq işini isə uzatma. Onları məni təhvil verər verməz gedib fabrikin torpaq ərazisindən analiz üçün nümunə alarsan. Mənə elə gəlir ki, ekspertlər qətl yerindən tapılmış torpaqla fabrikin ərazisindəki torpaqda uyğunluq tapacaq. - Sizcə qatil Səyavuşdur? - Mən buna əmin deyiləm. Hələ ki, qarşıda Faiq bəyin ifadəsini almaq durur. Deyəcəyim bu qədər. Sağ ol. - Gecəniz xeyrə qalsın! Dəstəyi yerinə asıb, stulunu altına çəkdi. Bu an xatırladı ki, dostu Murad Muradlıya yazacağı məktubu yarımçıq halda qoyub.Onu davam etməli və tezliklə göndərməli idi. Masadakı noutbukunu yandırdı. Az bir zamanda açdığı pəncərədə nəhayət ki, yarımçıq məktubun tapdı. Əvvəldən oxumağa başladı: “Əziz dostum Murad! Necəsən? Son məktubunda yeni bağladığın cinayət işindən yazmısan. Çox maraqlı və qaranlıq məsələyə oxşadı. Ən sonda biləndə ki, qətli məhz erməni mənşəli oğulluğu törədib tamamilə təəccüblənmədim. Bu ermənilərin xislətinə uyğundur. Bunların təbiətində qəddarlıq, rəzillik, nankorluq həmişə özünü göstərəcək. Yaxşı indi isə sənin suallarına cavab yazım. Dedin ki, son araşdırdığım cinayət işi ilə bağlı nə isə yazım. Baş üstə! Əvvəla ondan başlayıb ki, hadisə hələ bu səhər məlum olub. İlk görünüşdə intihar səhnəsinə bənzəyir. Lakin mən intihar olduğuna inanmıram. İş ondadır ki, ölən şəxs 50 yaşlı məşhur iş adamı Vahid Zamandır. Bağ evində iş masası arxasında üz üstə stol üstündə ölmüşdür. Sol əlində Revolver markalı odlu silah vardı. Sol gicgahdan aldığı güllə yarasından ölmüşdür. Masanın üzərində boş ağ vərəq və mərhumun sağ tərəfində vərəq üzərində qələm vardı. İş otağında ayaq altına salınmış xalçanın üzərində, dəqiq qeyd etsəm tam mərhumun sol tərəfində yerdən qum tapılmışdı. Hal hazırda isə ekspertizanın cavabını gözləyirəm.” – məktubu oxuyan kimi son cümləsini ləğv etdi. Beləliklə, ardını yazmağa başladı. – Əziz dostum Murad! Ekspertizanın nəticəsinə əsasən məlum olmuşdur ki, Vahid bəyin sol əlində barıt izi aşkarlanmayıb. Qarşısındakı vərəq sayı əslində üç ya da artıq olubmuş. Bunu bizim aşkarladığımız üst vərəqdəki qələm izinin dərinliyi sübut edir. Orada məhz bu həriflərin izinə rast gəlinir: “ M,s,a,m,l,n,F,o. Bir də ən dəqiq bilinən iz Vahid bəyin şəxsi imzasıdır. O ölümdən əvvəl nə isə vacib sənədə qol çəkib. Vahid bəy bağ evinə üç gün əvvəl gedibmiş. İki ay əvvəl Faiq adlı biznesmendən fabrik almışdı. Lakin Həmin sahibkar Fabriki geri istəmişdi. Vahid bəy də yeganə qızı olan Qönçəyə doğum günü hədiyyəsi olaraq fabriki verəcəkmiş. Faiq bəy oğlu Fuad ilə Vahid bəyin ölümündən üç gün əvvəl evinə gələrək hədə qorxu gəlmiş, fabriki iki günə geri satmağını tələb etmişdir. Bu mübahisə nəticəsində Vahid bəy dodağından zərbə də almışdır. Hadisə yerində həmin yaranın izinə rast gəlinmişdir. Vahid bəyin dodağı sağ tərəfdən azacıq Yüklə 1,33 Mb. Dostları ilə paylaş:
|