16
S O N U N C U FAT E H
Əgər təbəələri onun şah olmağını istəyirlərsə
bun dan sonra Səfəvi nəslinin heç bir üzvünü, nü ma-
yəndəsini müdafiə etməməlidirlər.
Əgər xalq Nadirin şah olmağını istəyirsə şiə məz-
həbi ilə yanaşı sünni məzhəbinə də hörmət etməlidir.
Ona görə ki, bu məzhəb ayrılığı Allahı, Peyğəmbəri
və Quranı bir olan ümmətin arasında çox qanlara sə-
bəb olmuşdur...
Romanın fəsillərində dönə-dönə göstərildiyi
ki mi, Nadir özünün türk oğlu türk olduğunu heç vaxt
unutmurdu. O, vaxtilə Sədrəzəmə göndərdiyi xüsusi
məktubda iftixar duyğusu ilə göstərməyi lazım bil-
mişdi ki, damarlarında türk qanı axdığı üçün Osman-
lı imperiyasının rəmzi, xilafətin baş şəhəri, paytaxtı
olan Bağdadı müharibə meydanına çevirmək, şəhəri
tutmaq istəmir; açıqca yazırdı ki, onu bu sülh danışıq-
larına sövq edən əsas səbəb Osmanlıların da, Nadirin
mənsub olduğu qədim Azərbaycan əfşarlarının da
«eyni kökdən», «türk soyundan» olmalarıdır.
Nadir şah romanda öz zəmanəsinin ən populyar
dövlət xadimi və sərkərdələrindən biri kimi canlan-
dırılmışdır. Həm də onu təkcə yuxarı dairələr və xa-
rici ölkələrin liderləri yüksək qiymətləndirmir. Na-
dir şah sadə insanlar, sıravi vətən övladları arasında
məşhurdur, nüfuzlu, arzuedilən və sözü eşidilən bir
qoşun başçısı, ictimai xadimdir. Burada mən roman-
dakı bu qəbildən olan çoxsaylı maraqlı hadisələrdən
bircəciyini yada salmağa ehtiyac duyuram.
«İslam qalası» bölümündə yazıçı talançıların ikrah
doğuran əməlləri fonunda belə təsirli bir epizod təsvir
17
N A D İ R Ş A H Ə F Ş A R
etmişdir. «Pəzəvəng bir əfqan doğma evinin astanasın-
da diz üstə çökmüş bir qoca qarının yalvarışlarına məhəl
qoymadan onun cavan gəlininin zərbaftalı qırçın donu-
nu cırıb döşlərini axtarırdı. Birdən o, yaxınlıqda eşitdiyi
qə fil səsdən diksindi, əlləri sustaldı. Yerindən tərpən-
mə yə heyi qalmadı. Ona elə gəldi ki, Nadirin əsgərləri
kəndin içində lap bir addımlı ğın dadır». Bu zaman qey-
rətli qayınananın dediyi bu sözlər insanlığa şərəfsizlik
gətirən o «pəzəvəng» əfqan əsgərinin belini qırır: «Allah-
dan qorxmursan, amma Nadir xanın qəzəbindən it kimi
qorxursan. Özgənin namusuna sataşmağın cəzası nədir,
o sənə göstərər! Bu el-obada burnunuzu soxmadığınız
ba ca-buca qalmayıb. Nə cavana rəhm edirsiniz, nə də
qocaya... Nadir xanın əsgərləri yediyinizi burnunuzun
deşiyindən tökəcəklər. Gizlənməyə siçan deşiyi axtara-
caqsınız!».
Bu sözlərin sahibi ağbirçək bir qarıdır. Çox yax-
şı bilir ki, həmin nataraz və nadan işğalçı belindəki
qılıncın bircə zərbəsi ilə onu həlak edəcək; amma
buna baxmayaraq sözünü deyir və bununla da indi
haradasa yadellilərlə vuruşan oğluna artıq qurumuş
döşlərindən bir vaxt halal süd verdiyini bir daha sü-
but edir. Qəddar yadelli bu sarsıdıcı odlu-alovlu itti-
hamların qabağında qılıncını siyirib qarını vurmaq
istəyəndə təhqirə məruz qalmış gəlin saman arasında
gizlətdiyi dəryaz tiyəsini var gücü ilə onun başına en-
dirir və işğalçını qan aparır...
Bu bir neçə sətir, romanın xalqımızın qəhrəmanlıq
ənənələrindən xəbər verən ən təsirli epizodlarından
biridir.
18
S O N U N C U FAT E H
Ədib Nadiri yalnız qələbə eyforiyasında təqdim
etməklə kifayətlənmir, onu çox mürəkkəb vəziyyətlər-
lə də üzləşdirir. Məşhədin azad edilməsi ərəfəsində
olduğu kimi: «Artıq Nadir xanın qarşısında İsfahan-
dan qat-qat güclü olan Əşrəf xan Əfqan, Güneydəki
Azərbaycan əyalətlərini işğal altında saxlayan osman-
lılar, daha sonra isə Quzeydə Xəzərsahili vilayətləri-
ni qəsb etmiş kafir ruslar vardı, bütün bu maneələri
indi o, tamamilə öz iradəsi və sərkərdəlik dühası he-
sabına aradan qaldırmalı idi».
Problemlərin beləcə sağdan-soldan, yuxarıdan-
aşağıdan amansız surətdə üstünə hücum çəkdiyi çox
məşəqqətli bir vaxtda da Nadir şah öz əsas qayələrin-
dən imtina etmir, islam aləminin rifahı haqqında qay-
ğıları onu tərk etmir: «Mənim qəsdim müsəlmanlar
arasında dini təfriqəyə son qoymaqdır. İstəyim budur
ki, böyük müsəlman dünyası qurub yaradaq. Bu şərtlə
ki, sonra hərəmiz öz keçmiş sərhədlərimizə çəkilib
Allahın nəsib etdiklərinə qane olaq».
Nadir xan Nadir şaha çevrilənə və Hindistanı qəhr
edənə qədər çox döyüşlər udub, çox qalalar alıb, çox
ölkələrə uğurlu yürüşlər edib... Romanın səhifələrin-
də öz təravətli əksini tapmış bu hadisələrin hamısını
bir müxtəsər məqalədə əhatə edib qiymətləndirmək
mümkün deyil. Lakin qeyd etmək vacibdir ki, yazıçı
böyük səriştə ilə, tarixi faktlara sədaqətlə, eyni zaman-
da öz bədii təxəyyülünün hesabına yaratdığı inandırı-
cı təfərrüatlarla bütün bu mühüm səfər, yürüş, kam-
paniya və vuruşların mükəmməl mənzərəsini lazımi
səviyyədə çəkə bilmiş, onları mərkəzi obrazın – Na-
19
N A D İ R Ş A H Ə F Ş A R
dir şahın xarakterinin açılması üçün inandırıcı bədii
vasitələr kimi mənalandırmışdır.
Romandakı hadisələri şərti olaraq iki yerə bölüb
demək olar ki, onlardan biri yuxarıda da qeyd edil-
diyi kimi, Nadirin hərbi yürüşlərinin təfsilatlı, re-
alist təsvirlərindən ibarətdir. Bu yürüşlərin strateji
zəruriliyinin müzakirəsi, hərbi əməliyyatlara geniş
hazırlıq, yeni canlı qüvvə toplayıb silahlandırmaq,
digər təminat-təchizat məsələlərini yoluna qoymaq,
nəhayət konkret döyüş, şücaət, qəhrəmanlıq səh-
nə lərinin təsviri – Nadirin özünün həm qələbənin
təşkilatçısı olması, həm də şəxsi qəhrəmanlıq nü mu-
nələri göstərməsi bu təsvirlərin əsasını təşkil edir.
Bunlar bir orta əsr fatehinə həsr olunmuş epik əsər
üçün tamamilə təbii və çox da vacib məqamlardır.
Əsərdəki bu müstəqil təqdimatlardan heç də az
əhəmiyyətli olmayan digər təsvirlər isə obrazların,
birinci növbədə isə əlbəttə, Nadir şahın özünün daxi-
li aləminin, onun fikir və duyğular dünyasının açılıb
göstərilməsi ilə bağlıdır. Yazıçı hər iki sahədə səriştə
sahibi olduğunu nümayiş etdirir. Lakin etiraf edək ki,
hökmdar psixologiyasının açılmasına yönəlmiş təs-
virlər heç də vuruş səhnəsinin təsvirindən geri qalmır
və oxucu bunların hamısını məmnuniyyətlə izləyir.
Burada artıq ədibin irəliki roman və povestlərində
dönə-dönə sınaqlardan çıxmış psixoloji təşrih ustalığı
da öz səmərəsini göstərir.
Etibar etdiyi bir qisim vəzifə sahibinin dönüklü-
yü, bəzi yaxınlarının xəyanəti, tədriclə xəzinənin yox-
sullaşması, bir sıra əyalətlərdə vergi ödənilməsində
Dostları ilə paylaş: |