24
S O N U N C U FAT E H
«Stalin» şeirindən təqribən 75 il sonra Azər-
bay canda sözü gedən mövzuda ilk roman yazan
H.Mirələmov indi artıq çoxlarına məlum olan tarix
kitablarını araşdırıb və öz variantının məntiqi bədii
əsaslandırmasını verib. Biz onun romanında Nadirin
dəfələrlə öz yaxınlarına, ən çox da vəliəhd Rzaqulu-
ya etdiyi nəsihətlərinin şahidi oluruq. Maraqlı cəhət
budur ki, Nadir şah hakimiyyəti nəsillikcə bir-birinə
ötürən sülalədən çıxmamışdır. Buna görə də onun
hökmdarlıq təcrübəsində ailə ənənəsi yoxdur. Roman-
çı xüsusi olaraq nəzərə çatdırır ki, Nadir şahın öz oğlu-
na təlqin etdiyi keyfiyyətlər, verdiyi nəsihət və təlimat
onun özünün on illər boyu müxtəlif dərəcəli vəzifələ-
ri daşıyanda, naibüssəltənənin hakimiyyət çağlarında
min bir məşəqqətlə qazandığı acılı-şirinli təcrübədən
nəşət etmişdir. Odur ki, şahın öz oğluna dedikləri
daha həyati və daha mötəbər təlimat və nəsihətlərdir.
Təəs süf ki, Xorasanda hökmranlıq edən Rzaqulu xan
gənclik ehtiraslarının güc gəlməsi, bir tərəfdən də sa-
rayındakı yaltaq əyanların bədxah təsirləri ucbatın-
dan atasının təlimlərini tez unudur... O özü üçün çox
dəbdəbəli saray məişəti qurur, eyş-işrətinin təhlü-
kə sizliyini qorumaq üçün 13 min (!) nəfərdən ibarət
xüsusi qoşun hissəsi saxlayır. Özu də gizlin-gizlin xə-
yallar bəsləyir ki, tezliklə atasının başına bir iş gələcək
və onun taxt-taca gedən yolu çox uzanmayacaq.
Karın könlündəki, deyiblər. Romanda inandı-
rıcı təqdimatlarda göstərildiyi kimi, Rzaqulu xan
atasının ölümü barədə bədniyyətlərin yaydığı bir
şayiəyə dərhal inanır, taxt-taca halalca namizəd olan
25
N A D İ R Ş A H Ə F Ş A R
Təhmasib Mirzəni və onun oğlanları Abbas Mirzə ilə
İsmayıl Mirzəni Səbzəvarda öldürtdürür. Rzaqulu
xanın namərdliyi, rəyasətpərəstliyi o həddə çatır ki,
atasını öldürmək üçün tətikçi (snayper, killer) tutur.
Birinci cəhd elə başlanğıcdan pozulur, ikinci cəhd
zamanı isə snayperin gülləsi şahın əl barmağını yara-
layır... Elə buna görə də hakimiyyət ehtirası gündən-
günə şiddətlənən Rzaqulu xanın öz atası ilə son gö-
rüş zamanı qorxudan nitqi tutulur. Nadir şah onu
vəliəhdlikdən çıxarıb yerinə digər oğlu Nəsrulla xanı
təyin edir.
Yazıçı öz qəhrəmanının şan-şöhrətinin az qala bü-
tün dünyaya yayıldığı, artıq təkcə yaxın ölkələrin de-
yil, bir çox Avropa dövlətlərinin də onunla hesablaş -
dığı bir vaxtda şahın həyatının ən mühüm mərhələ lə -
ri, taleyüklü hadisələri haqqında düşüncələr axarı nı,
özünün özü ilə həsb-halını, özünün-özünə bir növ he-
sabat verməsini canlandırır. «Sünbüllü tac», «Başsız
qal mış tac», «Qətl gecəsinə gedən yol», «Baş tutma-
yan sui-qəsd», «Sülh naminə güzəşt» və s. başlıqlar
al tında verilmiş bu düşüncələr axarı öz növbəsində
üstündən uzun illər keçmiş vacib hadisə və əhvalatların
üzərindən məchulluq pərdəsini götürməklə ibrətamiz
səciyyə daşıyır, Nadirin özünün və onu əhatə edən
digər obrazların xarakterinin mühüm cəhətlərinin
açılmasına kömək edir.
Əsərin dili aydın, təbii, axıcıdır. Ayrı-ayrı mə qam-
larda Azərbaycan xalq yaradıcılığından, məlum və az
məlum rəvayətlərdən istifadə olunması, yeri gəldikcə
təhkiyəyə bəzi şeir nümunələrinin daxil edilməsi,
26
S O N U N C U FAT E H
Dədə Qorqudun hansısa bir kəlamının yada salınma-
sı, nəhayət, bu deyilənlərin kompozisiyada əsas yer
tutan müharibə səhnələri ilə müəyyən ölçu daxilində
növbələşdirilməsi və tarazlaşdırılması təsvirlərə oxu-
cu marağını daha da artırır. Əsərdəki çoxsaylı tarixi
hadisələri bir-biri ilə vahid bir xəttə bağlamaq, bütün
bunlar haqqında oxucu təsəvvürünün tamlığına nail
olmaq üçün H.Mirələmov bir neçə yerdə uyarlı bir
vasitədən istifadə etmişdir. O, təhkiyənin «ardıcıllığı-
nı pozaraq» kiçik bir xülasədə bir neçə il irəlinin bəzi
mühüm olaylarını yada salmaqla, yenə də təsvirlərinə
bir canlanma aşılaya bilir. «İlk donanma» bölümü-
nün əvvəlində məğlubiyyətə uğramış osmanlılarla
sülh danışıqları və bu sülhün mühüm şərtləri barədə
söz açan, burada müəyyən təfərrüatlara gedən yazı-
çı birdən-birə mövzuya təzə bir vaxt ahəngi gətirir,
imperiyanın hərbi dəniz qüvvələrini, özünə məxsus
donanmasını təsis etməyin vacibliyini açıqlayır və
felin keçmiş zamanına məxsus xəbərlərə son verib
felin gələcək zamanına məxsus xəbərlərdən istifadə
etməyə keçir:
...Ölkənin dənizdən təhlükəsizliyini donanmasız
təmin etməyin çətinliyini Birinci Pyotrun yürüşləri za-
manı anlamısdı. ...Ona görə də Nadir xanın göstərişi
ilə Lətif xan Buşəhri yeni yaradılacaq donanmadan
ötrü limana çevirməklə məşğul oldu. Az sonra bu
liman Nadiriyyə adlandırılacaqdı, 1735-ci ilin ba-
harında Əlvənd çayına 30 böyük, 50 orta gəmi və
bir neçə qayıqdan ibarət donanma gətiriləcəkdi. İki
il sonra Lətif xan Bəhreyn limanının açarını Nadir
27
N A D İ R Ş A H Ə F Ş A R
xana göndərəcəkdi, bu da Ommanı Səfəvi səltənətinə
birləşdirmək, Kəngər körfəzini öz ağalığı altına sal-
maq üçün Nadir xan Əfşara tarixi imkan yaradacaq,
üzərində qırmızı qılınc şəkli olan ağ bayraq dalğala-
nan donanmaya təkan verəcəkdi... və i.a.
* * *
Hörmətli oxucu! Bu məqalə romanın nəşrinə ön
söz kimi yazılmışdır. Ən yaxşı ön söz, müqəddimə,
yaxud giriş onun ardınca gələn romanın mahiyyəti,
obrazları, dili və bədii təsvir vasitələri, üslub xü su-
siyyətləri haqqında olsa-olsa bir ümumi təsəvvür
oya da bilər, nisbətən təcrübəsiz oxucuya əsərdəki ay-
rı-ayrı məqamları şərh edə bilər. Hər bir kamil bədii
əsər, özəlliklə də tarixi roman isə, el arasında deyildi-
yi kimi, qiymətli incilərlə dolu ağzı bağlı bir sandıq-
dır. Bu ön sözü bir açar sanıb onunla sandığı açın və
tarixi romanın geniş imkanlarını özündə əks etdirən
«Sonuncu fateh»i oxuyun. Əsərin səhifələrindəki inci-
lərdən faydalanın. Əgər sizi romanı mütaliə etməyə
meyilləndirə, həvəsləndirə bildimsə, deməli ön söz
müəllifı kimi mən öz mütəvaze məqsədimə nail ol-
muşam. Səbr və təmkin göstərib bu bir neçə səhifəni
nəzərdən keçirdiyiniz üçün sağ olun!
Bəkir Nəbiyev
2010
Dostları ilə paylaş: |