SeçKİ HÜququ və onun hüquqi MÜdafiƏSİNƏ dair praktik vəSAİT
Yüklə 2,33 Mb. Pdf görüntüsü
|
- Bu səhifədəki naviqasiya:
- Seçki komissiyalarına təqdim edilmiş anonim şikayətlərə baxılmır və anoninmlik aradan qaldırıldıqdan sonra şikayətə baxılır.
- 3 gün müddətində
- Belə qərar şikayət daxil olduğu gündən 3 gün müddətində, səsvermə gününə 30 gündən az müddət qalırsa, 2 gün müddətində (lakin
- Seçki komissiyasına seçkilərin gedişi zamanı daxil olan hər bir şikayət üzrə qərar 3 gün müddətində, səsvermə gününə 30
42
şəxsə geri qaytarılır. Seçki komissiyalarına təqdim edilmiş anonim şikayətlərə baxılmır və anoninmlik aradan qaldırıldıqdan sonra şikayətə baxılır. Şikayətin baxılması seçki komissiyasının səlahiyyətlərinə aid olduqda verilmiş şikayətin qəbul olunmasından və ya araşdırılmasından imtina edilməsi və ya şikayəti şifahi qəbul edən zaman yuxarıda göstərilən tələblərin qeyd olunmaması Seçki Məcəlləsinə müvafiq olaraq məsuliyyət yarada bilər. Qanunla seçki məntəqəsində baş vermiş qanun pozuntuları barədə şikayət məntəqə seçki komissiyasına verilə bilər. Məntəqə seçki komissiyasının qərarından, hərəkətindən (hərəkətsizliyindən) dairə seçki komissiyasına, dairə seçki komissiyasının qərarından, hərəkətindən (hərəkətsizliyindən) və dairə seçki komissiyası sədrinin hərəkətindən (hərəkətsizliyindən) Mərkəzi Seçki Komissiyasına, Mərkəzi Seçki Komissiyasının (MSK) qərarından, hərəkətindən (hərəkətsizliyindən) və MSK
sədrinin hərəkətindən (hərəkətsizliyindən) isə, apellyasiya instansiyası məhkəməsinə şikayət verilə bilr. İnzibati Prosessual Məcəllənin tələblərinə görə MSK-nın qərarından, hərəkətindən (hərəkərsizliyindən) və MSK sədrinin hərəkətindən (hərəkətsizliyindən) şikayət şikayət verənin yaşayış yeri və ya
baxılır
3 . Şikayət qərarın dərc edildiyi və ya alındığı, hərəkətin (hərəkətsizliyin) baş verdiyi gündən və ya maraqlı şəxsin bu haqda məlumat aldığı gündən başlayaraq 3 gün müddətində verilir. Şikayət seçki komissiyasına daxil olduqdan sonra dairə seçki komissiyasının nəzdində 3 nəfərdən, Mərkəzi Seçki Komissiyasının
3 İPM-nin 8.1.2-ci maddəsi: İnzibati akt səlahiyyəti birdən çox məhkəmənin yurisdiksiyasına aid olan ərazini əhatə edən inzibati orqan tərəfindən qəbul edildiyi hallarda, belə inzibati aktlara qarşı iddialara hüquqlarına (qanunla qorunan maraqlarına) müdaxilə edilən şəxsin yaşayış yerinin və ya olduğu yerin məhkəməsi tərəfindən baxılır.
43
nəzdində isə, 9 nəfərdən ibarət yaradılan ekspert qrupları tərəfindən araşdırılır. Şikayəti araşdıran ekspert qrupunun üzvü şikayət şəxsən təqdim edildikdə, şikayəti qəbul etməli və onun qeydiyyatını aparmalı, şikayət edən şəxsə həmin şikayətə dair qəbz verilməlidir. 4
Ekspert qrupu üzvü şikayəti araşdırarkən şikayət üzrə əlavə məlumat almaq üçün seçki komissiyası vasitəsilə müvafiq dövlət orqanlarına müraciət edə, zəruri hallarda əlavə dəlillər əldə edə (video yazılar, yazılı materiallar və s.) bilər. Ekspert qrupu həmçinin, şikayət qanunla müəyyən edilmiş qaydaların pozulması ilə daxil olduqda, şikayətin onu təqdim edən şəxsə geri göndərilməsinə dair rəy verir. Ekspert qrupu şikayətdə göstərilən qanun pozuntularında Cinayət Məcəlləsi ilə nəzərdə tutulmuş əməllərin əlamətlərinin olduğu qənaətinə gəldikdə, həmin əməllər barədə müvafiq prokurorluq orqanına məlumat verilməsinə dair əsaslandırılmış qərar qəbul edilməsi üçün dairə seçki komissiyasına rəy verməlidir (məlumata şikayətin surəti əlavə edilməlidir); Müvafiq ekspert qrupunun üzvü şikayəti verən vətəndaşı qane edə biləcək tədbirlər görmürsə, qrupun üzvünün hərəkətindən (hərəkətsizliyindən) şikayət verilə bilər. Şikayətin araşdırılması prosesində əlavə araşdırma tələb olunarsa, müvafiq seçki komissiyası bu barədə qərar qəbul edə bilər. Belə qərar şikayət daxil olduğu gündən 3 gün müddətində, səsvermə gününə 30 gündən az müddət qalırsa, 2 gün müddətində (lakin səsvermə günündən gec olmayaraq), səsvermə günü isə dərhal qəbul edilməlidir. Əlavə araşdırma müddəti 3 gündən artıq olmamalıdır Ekspert qrupu araşdırmanın nəticəsi üzrə seçki komissiyasına rəy təqdim edir. Şikayətlərə baxan ekspert qruplarının üzvləri aşağıdakı rəyləri verə bilərlər:
4 SM-nin 112-1.5.1.-ci və 112-1.5.2.-ci maddələri.
44
Aşağı seçki komissiyasının qərarının ləğv edilməsi; Seçki Məcəlləsinin 113.1-ci maddəsinə əsasən seçki subyektinə xəbərdarlıq edilməsi 5 ; Seçki Məcəlləsinin 113.2-ci maddəsində nəzərdə tutulmuş hallarda namizədin qeydə alınmasından imtina edilməsi 6 ; Seçki Məcəlləsinin 113.2-ci maddəsində nəzərdə tutulmuş hallarda qeydə alınmış namizədin qeydiyyatının ləğv olunması üçün məhkəməyə müraciət edilməsi; Şikayətçinin qaldırdığı məsələnin müvafiq seçki komissiyasında yenidən baxılması. Ekspert rəyi verildikdən dərhal sonra elan olunur və ya növbəti 18 saatdan gec olmayaraq müvafiq seçki komissiyasının qərarı ilə birlikdə dərc olunur (internet səhifəsində yerləşdirilir) və şikayətçiyə çatdırılır və ya göndərilir. Bundan sonra şikayət seçki komissiyasının iclasına çıxarılır və müvafiq qərar qəbul edilir. Seçki komissiyasının qərarında ekspert qrupunun rəyi əsas götürülür. Seçki komissiyasına seçkilərin gedişi zamanı daxil olan hər bir şikayət üzrə qərar 3 gün müddətində, səsvermə gününə 30 gündən az müddət qalarsa, 2 gün müddətində (lakin səsvermə günündən gec olmayaraq), səsvermə günü və yaxud növbəti gün isə dərhal qəbul edilir və şikayətçiyə çatdırılır.
5. SM-nin 113.1.-ci maddəsi: Namizəd, qeydə alınmış namizəd, siyasi partiya, siyasi partiyaların bloku, referendum üzrə təşviqat qrupu bu Məcəllənin tələblərini pozduğu hallarda müvafiq seçki komissiyası seçicilərə məlumat vermək şərti ilə həmin namizədə, qeydə alınmış namizədə, siyasi partiyaya, siyasi partiyaların blokuna, referendum üzrə təşviqat qrupuna kütləvi informasiya vasitələri ilə xəbərdarlıq edir.
6. SM-nin113.2.-ci maddəsi Namizədin, referendum üzrə təşviqat qrupunun qeydiyyatı aşağıda göstərilən hallarda qanunvericiliklə müəyyən edilmiş qaydada məhkəmənin qanuni qüvvəyə minmiş cinayət işi üzrə hökmü və ya inzibati xəta üzrə qərarı əsasında ləğv olunur.
Yüklə 2,33 Mb. Dostları ilə paylaş:
|