Məhəmməd Bəylər Aranlı
38
Bəylər xəstən oldu, dərdinə qurban,
Çəkdiyin əzaba, qəminə qurban.
Əkdiyin süsənə, zəminə qurban,
Vurma, öz ovunam, əlini saxla.
Toxun ürəyimə, qəlbimi yoxla.
Ömürdən düşən yarpaqlar
39
ÇƏKİRSƏN
Bu nə duruş, nə görkəmdi, a zalım,
Ürəyimi niyə dara çəkirsən?
Naz-qəmzəli baxışınla sözünlə,
Ürəyimi hara, hara çəkirsən?
Kipriyindən asılıbdı ay- ulduz,
Qərq olubdu işığına çəmən, düz.
Məst olmuşam ətirindən yüzə-yüz,
Ürəyimi hara, hara çəkirsən?
Yayılıbdı yanağına tellərin,
Su çilədi sinəm üstə əllərin.
Ovçu görmüş maralısan ellərin,
Ürəyimi hara, hara çəkirsən?
Aranlını aldı hicran, yordu dərd,
Dostları var, neçə igid, neçə mərd.
Sən zalımsa, qarşısına qoyub şərt,
Ürəyimi hara, hara çəkirsən?
Məhəmməd Bəylər Aranlı
40
DİNCƏLDİ İNDİ
Könlümü əlinə almısan, gülüm,
Qəlbimin alovu incəldi indi.
Keçən günlərimi qaytardın geri,
Sızlayan ürəyim dincəldi indi.
Vüsalın hissimi çuğladı, aldı,
Ürəyin qəlbimdən asılı qaldı.
Baxışın yoluma nur, şəfəq saldı,
Sızlayan ürəyim dincəldi indi.
İçində batmısan badam, püstənin,
Ağrısın alaram boyu bəstənin,
Gəlhagəl dövrüdü Bəylər xəstənin,
Sızlayan ürəyim dincəldi indi.
Ömürdən düşən yarpaqlar
41
İZN VER
Hüsnünə baxmaqdan doymayır gözüm,
İzn ver, ruhuna, qəlbinə çöküm.
Könlümü od alıb, qəlbimi alov,
Pərişan tellərə qoy, daraq çəkim.
Sən məni atəşə, alova saldın,
Şirin baxışınla qəlbimi aldın.
Bəs niyə, bu qədər əl çatmaz oldun?!
Pərişan tellərə qoy, daraq çəkim.
Deyirsən küsmüşəm, barışmaram, yox,
Dağlarda bənövşə, yasəmən nə çox.
Qaşların bir kaman, kipriyin bir ox,
Pərişan tellərə qoy, daraq çəkim.
Bəyləri yaşadır anda sədaqət,
Könül verdiyinə sevgi-məhəbbət.
A zalım balası, göstər şücaət,
Pərişan tellərə qoy, daraq çəkim.
Məhəmməd Bəylər Aranlı
42
NİGARANAM
Vaxt ötüşdü, zaman keçdi,
Qəlbim səni sevib, seçdi.
Ürəyimi hicran deşdi,
Səbirsizəm, qəlbi qanam,
Əhdimizdən nigaranam.
Bürünmüsən ipək şala,
Göz gəzdirdim izə, yola.
Püşk tulladım sağa-sola,
Səbirsizəm, qəlbi qanam,
Əhdimizdən nigaranam.
Fikir, xəyal içindəyəm,
Küçənizin tinindəyəm.
İstəyirəm sənə dəyəm,
Səbirsizəm, qəlbi qanam,
Əhdimizdən nigaranam.
Kipriyimlə od ələdim,
Yollarına nur çilədim.
Sənə xoşbəxt bəxt dilədim,
Səbirsizəm, qəlbi qanam,
Əhdimizdən nigaranam.
Söz-söhbətin şirin, məzə,
Xara-ipək, geyim təzə.
Eşq evimi gülə bəzə,
Səbirsizəm, qəlbi qanam,
Əhdimizdən nigaranam.
Ömürdən düşən yarpaqlar
43
İNSAF ELƏ
Xatirimə düşdün gülüm,
Yandım, söndüm, qaldı külüm.
Ağızımda yandı dilim,
Ümidimi vermə yelə,
Ay insafsız insaf elə.
Qərinəyə dönüb günüm,
Ərşə qalxıb ahım-ünüm.
Alışmışam, su tök, sönüm,
Ümidimi vermə yelə,
Ay insafsız insaf elə.
Oddan, sudan yaranmışam,
Ocaqlara qalanmışam.
Varlığımdan talanmışam,
Ümidimi vermə yelə,
Ay insafsız insaf elə.
Haqqa qalxıb hayım, səsim,
Yanmaq üçün hicran bəsim.
Səndən özgə yox bir kəsim,
Ümidimi vermə yelə,
Ay insafsız insaf elə.
Uçub qaçan kəpənəyəm,
Eşq yolunda divanəyəm.
Köklədiyin udam-neyəm,
Ümidimi vermə yelə,
Ay insafsız insaf elə.
Məhəmməd Bəylər Aranlı
44
EHTİYACIM VAR
Təklənib qaldım zillətdə,
Hər əzabda, əziyyətdə.
Sənin könlün nə niyyətdə?
Ruhuma yağdı yağış, qar,
Bir himə ehtiyacım var.
Ağlayıb nə saral, nə sol,
Adamla doludu, sağ-sol.
Həyat yolunda qıvraq ol,
Ruhuma yağdı yağış, qar,
Bir himə ehtiyacım var.
Dikmisən gözümü gözə,
Nur düşüb, üzündən üzə.
Qonaq gələcəyəm sizə,
Ruhuma yağdı yağış, qar,
Bir himə ehtiyacım var.
Aranlı dərd əhli, biqəm,
Eşqindən həm divanə, dəm.
Bax, görüşə tapanda çəm,
Ruhuma yağdı yağış, qar,
Bir himə ehtiyacım var.
Ömürdən düşən yarpaqlar
45
QİSMƏT
Bəxtimə iki yar, bir övlad düşdü,
Bədnəzər qəlbimi oxladı, deşdi.
Ürəyim odlandı, ciyərim şişdi,
Mən belə qismətə çox şükür dedim.
Haylı-küylü keçdi, gənclik-cavanlıq,
Yolumu çox aldı zülmət-qaranlıq.
Çörək kəsdiyimdən gördüm yamanlıq,
Mən belə qismətə çox şükür dedim.
Əl çatmaz payım var, haqq dərgahında,
Hərə öz hayında, tale payında.
Axtarır özünü taylı-tayında,
Mən belə qismətə çox şükür dedim.
Açılan sabaha çiçək-gül oldum,
Ocaqsız, tüstüsüz yanıb kül oldum.
Sevənlər yanında Məcnun, qul oldum,
Mən belə qismətə çox şükür dedim.
Harayım ünümə yetişməz oldu,
Qəlbim məhəbbətlə alışdı, doldu.
Bitmədi canımın alovu-odu,
Mən belə qismətə çox şükür dedim.
Dəryaların sinəsində yol aldım,
İlhamımın qüdrətindən güc aldım.
Yuxum qaçdı, hey xəyallara daldım,
Mən belə qismətə çox şükür dedim.
Dostları ilə paylaş: |