Ömürdən düşən yarpaqlar
5
vətənpərvər şair kimi öz sözünü deyir. Böyük inamla yazır
ki:
Çəkilsin göylərə, daransın hissim,
Bürüsün aləmi alovum, tüstüm.
Şuşaya boylansın həsrətim, hisim,
Suvar al qanımla Vətən torpağın,
Yaz gələcək nəslə, Vətən növrağın!
Məhəmməd Bəylər Aranlının dünya silsiləsindən
olan şeirləri də, onun təkcə fərdi yaşantıları deyil, həm də,
daha geniş miqyasda düşüncələrini əhatə edir.
Onun fikrincə, dünya təzadlarla doludur:
“Acı xəbərlərlə sökülür hər dan,
Dünya təzadlardan doymayıb ancaq”
Amma, dünyanı yaşadan insanların xeyirxah əməllə-
ridir. Nə qədər ki, dünyada belə insanlar yaşayır, o zaman
gözəldi dünya. Amma, pisliklər, rəzil əməllər də, unu-
dulmur, ürəkdə yaraya çevrilir. Bu təzadlar dünya yara-
nandan mövcuddur.
Məhəmməd Bəylər Aranlı bütün şeirlərini hecada
yazır. Qoşmaları daha çoxdur və hər qoşmada fikrini ob-
razlı ifadə etməyə çalışır. Özü də bu qoşmaların əksəriyyə-
ti sevgi mövzusundadır. O, yaşadığı, duyduğu sevgi his-
slərini şeir dili ilə özünəməxsus şəkildə təqdim etməyə can
atır. Yaşı altmışı keçsə də, görünür, o hissləri, o duyğuları,
unudulmaz sevgi anlarını unutmayıb. Ömrün payızında
belə bir sevgiyə həsəd çəkmək olar. Nədir sevgi? Onun
fikrincə, sevgi insanı qocalmağa qoymayan ən ali, ən
müqəddəs bir duyğudur. Sevgisiz yaşamaq, yaşamamaq
deməkdir. Hissiz, duyğusuz adamda nə sevgi ola bilər?
Sevgi alovlu köynəkdir...və ömrün boyu o köynəyin
alovuna dözməlisən. Dünyada hansı bəlaya düşsən, o
bəladan öz ağlınla çıxarsan, amma, sevgi alovundan, sevgi
bəlasından çıxmağı düşünmə.
Məhəmməd Bəylər Aranlı
6
Dağılıb tellərin yanağa, üzə,
Gəl çıxaq gəzmyə, laləli düzə.
Qorxuram, gələsən bədnəzər gözə,
Gül-çiçək olsa da, həm sağın, solun,
Mən sənin olaram bir qara qulun.
Sevgidə qul olmaq...Bizim klassik şeirlərdən gələn
bir ənənədir. Sevgi yolunda qul olmaq şərəfdir. Məhəm-
məd Bəylər Aranlının sevgi şeirlərində lirik qəhrəmanın
yaşanılan və indi də davam edən “tərcümeyi-halı” ilə qar-
şılaşırıq.
“Ümidini vermə yelə, ay insafsız, insaf elə”-deyəndə
də, bu sevgidəki hicrana inanırsan. İnanırsan ki:
“Sevənlər yanında Məcnun, qul oldum,
Mən belə qismətə çox şükür dedim”
Məhəmməd Bəylər Aranlıya daha gözəl şeirlər yaz-
mağı arzulamaqla, sözümüzü bitiririk.
Vaqif Yusifli
Filologiya emləri doktoru
Ömürdən düşən yarpaqlar
7
MƏHƏBBƏTİN BAŞI QARLI UCA DAĞ
Məhəmməd Bəylər Aranlı
8
DÜZDÜMÜ
Vücudun gülüstan, atəş, yaraşıq,
Yanağın gül-çiçək, baxışın işıq.
Yandı alovunda ötən hər aşiq,
Qəsdin can almaqdı, düzdü, düzdümü?
Nazın, bu naz-qəmzən canımı aldı,
Hissim sinən üstə yurd-yuva saldı.
Siyah tellərində baxışım qaldı,
Qəsdin can almaqdı, düzdü, düzdümü?
Ovsunlu mələksən, atəşli-odlu,
Buxağın, yanağın təravət dolu.
Taleyin işıqlı bir ulduz yolu.
Qəsdin can almaqdı, düzdü, düzdümü?
Bəylər dərd içində, fikir içində,
Sən isə, bir şeyda bülbül səsində.
Boylanıb baxırsan uşaq sinində,
Qəsdin can almaqdı, düzdü, düzdümü?
Ömürdən düşən yarpaqlar
9
ASILI QALDI
Oturdum yerimdə, kal nəfəs dərib,
Açdım əllərimi sənə, sən fəqət.
Şəninə söylədim bir neçə tərif,
Vücudun canımı odlara saldı,
Nəfsim gözlərindən asılı qaldı.
Çəkdin ruhumu sən, çəkdin göylərə,
Yandı baxışından, sinəm, dağ, dərə.
Kövrəldi ürəyim, oldu bir tərə,
Vücudun canımı odlara saldı,
Nəfsim sözlərindən asılı qaldı.
Olmusan əlçatmaz, sirli bir qala,
Gəldi bu qəlbimə, gəldi min bəla.
Nəyimə gərəkdi, boş orman, tala,
Vücudun canımı odlara saldı,
Nəfsim əllərindən asılı qaldı.
Bəylərəm, vuruldum çiçəyə gülə,
Bürünüb pərquya, bürünüb tülə.
Yandım bu atəşdən, döndüm bülbülə,
Vücudun canımı odlara saldı,
Nəfsim tellərindən asılı qaldı.
Məhəmməd Bəylər Aranlı
10
SÜZGÜN GÖZLƏRİN
Aldı ixtiyarı, aldı əlimdən,
O şirin, o şəkər süzgün gözlərin.
Naz etdi, söz atdı, tutdu dilimdən,
O şirin, o şəkər süzgün gözlərin.
Xəyalın fikrimi apardı göyə,
Bütün varlığımı can deyə-deyə.
Böldü ürəyimi,böldü ikiyə,
O şirin, o şəkər, süzgün gözlərin.
Yas tutub ağlayır, özünü, məni,
Qarşıdan hər gələn zülmət gecəni.
Şirin xatirəli olub, keçəni,
O şirin, o şəkər süzgün gözlərin.
Ayıra bilmirsən, əyrini düzdən,
Saxtalıq oxunur, baxışdan, gözdən.
Könlümü oxuyur, oxuyur, üzdən,
O şirin, o şəkər, süzgün gözlərin.
Ovsunun ovsundu, kəməndin kəmənd,
Mindiyin köhlənin səmənddir, səmənd.
Nəyinə gərəkdir, bu insaf, bu and?
O şirin, o şəkər, süzgün gözlərin.
Dostları ilə paylaş: |