__________________________________________
12
TRASEKA çərçivəsində yenidən qurulmasına başlanmışdır və
bu iş xarici sərmayələr hesabına həyata keçiriləcəkdir.
Prezident Heydər Əliyev inkişaf mərhələləri onun adı ilə
bağlı olan Azərbaycan elektroenergetikasına da xarici
sərmayəçilərin diqqətini cəlb edə bilmişdir.
«Azərenerji» Səhmdar Cəmiyyətinin pavilyonunda vaxtilə
Heydər Əliyevin rəhbərliyi altında tikilmiş «Azərbaycan»
DRES-in, Şəmkir SES-in fotoşəkilləri nümayiş etdirilir. Hazırda
fəaliyyət göstərən elektroenergetika obyektlərinin hamısı son
dövrdə Heydər Əliyevin səyləri nəticəsində yenidən qurulmuş və
bərpa olunmuşdur. Bunun nəticəsində Azərbaycanın enerji
sisteminin gücü iki dəfə artmışdır.
M ü s l ü m İ m a n o v: Cənab
prezident, Sizin qarşıya
qoyduğunuz vəzifələrə uyğun olaraq energetiklərin ölkəmizdə
enerji sisteminin inkişaf etdirilməsi sahəsində gördükləri işlər
barədə pavilyonda məlumat verilir. Azərbaycan, Gürcüstan və
Türkiyənin enerji sistemlərini birləşdirəcək elektrik xəttinin
çəkilməsini, xarici sərmayələrdən istifadə olunmaqla
respublikamızda bir sıra energetika obyektlərinin yenidən
qurulmasını və ya tikintisini, «Azərbaycan» DRES-i layihə
gücünə çatdırmaq üçün onun bütün bloklarının bərpasını buna
misal gətirmək olar.
Göründüyü kimi bütün bu uğurlara nail olmaq üçün Sizin
rəhbərliyiniz altında çox böyük işlər görülmüşdür.
H e y d ə r Ə l i y e v: Televiziyadakı çıxışlarınızda görürəm
ki, siz 1970-1980-ci illərdə Azərbaycanda energetika sahəsində
görülmüş işləri bir qədər izah etmək istəyirsiniz. Ancaq
Azərbaycanda və Moskvada çalışdığım dövrdə mənim bu
sahədə necə çətinliklərlə gördüyüm işləri və respublikamızda
energetikanı hansı yüksəklərə qaldırdığımı əhaliyə daha geniş
çatdırmaq lazımdır. Mən fəxr edirəm ki, o illərdə bu işləri
görmüşəm. Əgər biz o illərdə bunları yaratmasaydıq, indi bu
sahə tamam batmışdı.
__________________________________________
13
İnsan elektrik enerjisi olmadan yaşaya bilməz. Sən bilirsən
ki, bu qurğuların hər birini tapmaq, almaq və qurmaq nə qədər
çətinliklə başa gəlirdi. Bunların qiymətləri də çox baha idi. Sən
o vaxtdan işləyirsən. Mən o vaxt bu stansiyaları yaratdım.
Əlbəttə, siz də bu işə xidmət edirdiniz. Ondan sonra nə yarandı?
Heç bir şey. Olanları da, elektrik ötürücü xətlərini də sökdülər,
dağıtdılar. İndi biz «Yenikənd» Su Elektrik Stansiyasının
tikintisinə başlamışıq. «Şimal» Dövlət Rayon Elektrik
Stansiyasının yenidən qurulması üçün Yaponiyadan 320 milyon
dollar kredit almışıq. Biz bu işi başa çatdıracağıq. Hər şey işlə
ölçülür.
M ü s l ü m İ m a n o v: Cənab prezident, biz energetiklər
Sizin gördüyünüz nəhəng quruculuq işlərini heç vaxt
unutmayacağıq. Biz Sizi heç vaxt yaddan çıxarmamışıq və
çıxara da bilmərik. Doğrudan da, 1970-1980-ci illərdə, eləcə də
son illər energetika sahəsində böyük işlər görülübdür. Məhz
bunun nəticəsində də biz respublikamızın energetika sahəsində
müstəqilliyini tam təmin edə bilirik.
H e y d ə r Ə l i y e v: Bilirsiniz, bu işləri kimin yaddan
çıxarıb-çıxarmamasının mənim üçün əhəmiyyəti yoxdur. Mən
bu işləri öz xalqım, ölkəm, Azərbaycan üçün etmişəm. Müəyyən
vaxtda kimsə bu işləri pozmaq, dağıtmaq, ona ləkə yaxınaq
istəyilədir. Tarix bunlara heç vaxt dözməz. Mənim bu gün də
yaratdıqlarım yaşayacaqdır. Əgər bundan sonra da kimsə pis
yola düşsə, heç bir şeyə nail ola bilməyəcəkdir.
1980-ci ildə Bakıda Heydər Əliyevin rəhbərliyi ilə Avropada
ən böyük Şampan şərabları zavodu tikilmişdir. Ölkəmizin
prezidenti həmin müəssisənin ekspozisiyası ilə tanış oldu.
Vaxtilə keçmiş Sovet İttifaqının tələbatı nəzərə alınmaqla
tikilmiş bu zavod öz məhsulunun 90 faizini SSRİ-nin müxtəlif
respublikalarına göndərirdi. Ölkəmizin rəhbərinə zavodun
yenicə istehsalına başladığı və alıcı tələbatı olan keyfiyyətli
məhsul növləri barədə məlumat verdilər.
__________________________________________
14
Sonra prezident Heydər Əliyev Kənd Təsərrüfatı Nazirliyinin
pavilyonu ilə tanış oldu. Ekspozisiyada xalq təsərrüfatının bu
sahəsinin intensiv inkişafına ölkəmizin rəhhərinin çox böyük
töhfələrindən, onun başçılığı ilə aqrar bölmədə aparılan mühüm
islahatlar sayəsində əldə olunmuş müsbət nəticələrdən bəhs
edilir.
Respublikamızın avtomobil nəqliyyatçıları əvvəllər olduğu
kimi, indi də bu sahənin inkişafını dövlətimizin başçısı Heydər
Əliyevin adı ilə bağlayırlar.
H ü s e y n H ü s e y n o v: Cənab prezident, «Azəravto-
nəqliyyat» Dövlət Konserninin pavilyonundakı ekspozisiyadan
göründüyü kimi, məhz Sizin məqsədyönlü fəaliyyətiniz
sayəsində Azərbaycanda avtomobil nəqliyyatı ilə sərnişin və yük
daşınması dəfələrlə artmışdı. 70-ci illərdə Bakıda tikilmiş 5
növrəli taksi parkının o vaxt nə SSRİ-də, nə də Avropada
bənzəri yox idi. Həmin dövrdə respublikamızda bir sıra digər iri
avtomobil nəqliyyatı müəssisələri də yaradılmışdır. Pavilyonun
ekspozisiyası ölkəmizin avtomobil nəqliyyatı parkının
yeniləşdiyini, o cümlədən ən müasir avtomaşınlar alındığını
göstərir, Bakıda və bu qəbildən Qafqazda ən yaxşı obyekt
olacaq yeni avtovağzal tikilir.
«Azərbaycan Hava Yolları» Dövlət Konserninin
pavilyonunda respublikamızın rəhhəri Heydər Əliyevin səyləri
sayəsində ölkəmizdə mülki aviasiyanın dinamik inkişafından
bəhs edilir. Heydər Əliyevin respublikaya rəhbərlik etdiyi
dövrdə Azərbaycanın ən böyük şəhərlərində hava limanları
tikilmiş, sərnişin təyyarələrinin sayı xeyli artmış, kənd
təsərrüfatı və neft sənayesi xüsusi aviasiya ilə təchiz
olunmuşdur.
C a h a n g i r Ə s g ə r o v: Cənab prezident! Hazırda
təyyarə parkının yenidən təchiz olunması prosesi gedir.
Məsələn, bu yaxınlarda ağıryüklü İL-76 təyyarəsi alınmış,
tezliklə «Boinq-754» markalı iki yeni təyyarə gətiriləcəkdir.
Pavilyonda onların maketləri nümayiş etdirilir. Xarici
sərmayələrin