__________________________________________
6
daha çox iş görməyə sövq edən, sabahkı günə nikbinlik və inam
təlqin edən Heydər Əliyev ilə görüşdən insanların necə böyük
sevinc duyduqlarını görməmək mümkün deyildir. Heydər
Əliyevin Moskvada Sovet İttifaqının rəhbərlərindən biri olduğu
dövrə aid fotoşəkillərdə də bu əhval-ruhiyyə duyulur.
1988-ci il. Stenddə «Həyəcanlı günlər» adlı cəmi bir böyük
fotoşəkil asılmışdır. Burada Bakının baş meydanında mitinqə
toplaşmış nəhəng izdiham təsvir edilmişdir. İnsanların
simasından onların əhval-ruhiyyəsi aşkar sezilir – Azərbaycan
torpağına sevinc qayıtmasına hələ çox var.
1990-cı ilə aid fotoşəkillər isə Heydər Əliyevin Naxçıvanda
işlədiyi dövrdən, habelə deputat kimi fəallyyətindən bəhs edir.
Bunlardan birində Heydər Əliyev iclas salonunda təsvir
olunmuşdur. Hərc-mərcliyə düçar olmuş ölkənin vəziyyəti üçün
keçirdiyi ürək ağrısı onun gözlərindən oxunsa da, xalqımızı son
dərəcə ağır vəziyyətdən çıxarmaq, ayağa qaldırmaq arzusu
zəifləməmişdir. Dövlətimizin başçısı bu fotoşəklin yanında
dayanaraq dedi: «Bir baxın, nə sağımda, nə də solumda heç kim
yoxdur».
Heydər Əliyev həmin dövrdə də ölkəmizin işıqlı gələcəyi
uğrunda fəaliyyətini davam etdirirdi. 1991-1992-ci illəri əks
etdirən, Naxçıvan əməkçilərı ilə, muxtar respublikanın
qonaqları, o cümlədən Türkiyənin o vaxtkı Baş naziri Süleyman
Dəmirəl ilə görüşlərdən bəhs edən şəkillər buna sübutdur.
Budur, 1993-cü il. Ölkəni və xalqı ağır vəziyyətə salan AXC-
Müsavat iqtidarının səriştəsizliyindən təngə gələn xalq Heydər
Əliyevi təkidlə hakimiyyətə dəvət etdi, prezident seçdi. O günlərə
aid fotoşəkillərdə prezidentin andiçmə mərasimi xüsusi yer
tutur. O, dövlət başçısı kimi andına sadiq qalaraq öz vədlərini
əməli surətdə yerinə yetirir, Azərbaycanın dövlət müstəqilliyini
möhkəmləndirir, ölkəmizin dünya birliyinə qovuşması üçün fəal
tədbirlər görür. Prezidentin Amerika Birləşmiş Ştatları, Fransa,
Böyük Britaniya, Norveç, Almaniya, Rusiya, İtaliya,
__________________________________________
7
Türkiyə, Pakistan, Səudiyyə Ərəbistanı, Yaponiya, İsrail,
Rumıniya, Moldova, Misir, Bolqarıstan, Qazaxıstan, Özbəkistan,
Türkmənistan və digər dövlətlərin başçıları, beynəlxalq
təşkilatların rəhbərləri ilə görüşlərindən, habelə yüksək
səviyyədə beynəlxalq tədbirlərdə iştirakından bəhs edən
fotoşəkillər çox təsirlidir.
Eksponatlara baxdıqca bir daha yəqin edirsən ki, prezident
Heydər Əliyevin inamlı və uzaqgörən daxili və xarici siyasəti
nəinki respublikada ictimai-siyasi vəziyyətin sabitləşməsinə,
Azərbaycanın beynəlxalq aləmdə nüfuzunun yüksəlməsinə, həm
də ölkənin sosial-iqtisadi dirçəliş yolu ilə inamla addımlamasına
səbəb olmuşdur. Respublikanın ayrı-ayrı nazirliklərinin, komitə,
şirkət, baş idarə və müəssisələrinin stendlərində prezident
Heydər Əliyevin görkəmli xidmətlərindən dolğun şəkildə bəhs
edilir.
Sərgidə Xarici İşlər Nazirliyinin stendi xüsusi yer tutur.
Buradakı eksponatlar dövlətimizin başçısı Heydər Əliyevin
müdrik xarici siyasətinin mərhələlərini ətraflı işıqlandırır.
Azərbaycan Dövlət Neft Şirkətinin ekspozisiyası
respublikanın başçısı Heydər Əliyevin uzaqgörənliyini əks
etdirir. Stendə baxdıqda bir daha yəqin edirsən ki, neft
sənayemizin indiki və gələcək inkişafı üçün bünövrəni
respublikamız hələ Sovet İttifaqının tərkibində olarkən məhz bu
qüdrətli şəxsiyyət qoymuşdur. Məhz onun rəhbərliyi ilə dənizdə
neft hasilatı sürətlə inkişaf yoluna istiqamətlənmişdir.
Fotoşəkillər və sənədlər Xəzərin Azərbaycan sektorundakı
yataqların birgə işlənilməsi üçün dünyanın aparıcı neft şirkətləri
ilə ARDNŞ arasında 20 tarixi müqavilə imzalanmasından,
nəinki neft sənayemizin inkişafına, həm də bütün ölkənin
tərəqqisinə təkan verəcək ixrac boru kəmərləri yaradılmasından
bəhs edir və aşkar şəkildə göstərir ki, bütün bunlar xalqımızın
müdrik rəhbəri prezident Heydər Əliyevin fəaliyyətinin
bilavasitə bəhrəsidir.
__________________________________________
8
Ötən illərin şəkillərində Heydər Əliyevin Neft Daşlarına
səfərləri, bizim günlərdə çəkilmiş fotolarda isə onun «Çıraq-l»
platformasının istifadəyə verilməsində iştirakı öz ifadəsini
tapmışdır. Bu platforma bir vaxtlar Heydər Əliyevin təşəbbüsü
ilə inşa edilmiş Dərin dəniz özülləri zavodunda yenidən
qurularaq istifadəyə verilmişdir.
X o ş b ə x t Y u s i f z a d ə:
Hörmətli cənab prezident, Siz,
Azərbaycana rəhbərlik etməyə başladıqda birinci növbədə neft
sənayesinin vəziyyəti ilə dərindən tanış oldunuz! Necə deyərlər,
problemlərimizin, geri qalmağımızın səbəblərinin nəbzini
tutdunuz.
1993-cü ildə, siz ikinci dəfə respublikaya rəhbərliyə
başlayandan sonra neft sənayesinin işi ilə yenə maraqlandınız.
Tez bir zamanda – 1994-cü il sentyabrın 20-də «Əsrin
müqaviləsi» deyilən müqavilə imzalandı. Bu müqavilənin
bağlanması xarici şirkətlərin Bakıya axınını bir neçə dəfə artırdı.
Elə bunun nəticəsidir ki, ondan sonra Sizin rəhbərliyiniz altında
imzalanmış və sərmayə qoyuluşu 20 milyard dollar olan 20
müqavilənin başlanğıcını «Əsrin müqaviləsi» qoydu.
İş belə gətirdi ki, bu gün haqqında danışdığımız «Şahdəniz»
yatağının da, necə deyərlər, taleyi yenə Sizinlə bağlıdır.
Prezidentimiz öz çıxışında dedi ki, baxmayaraq, Azərbaycan
geoloqları, geofızikləri iyirmi ildir bu yatağın perspektivinə
inanırdılar, orada iş görürdülər, amma ortada bir şey yox idi.
Yadımdadır, deyəsən, 1996-cı ilin may ayı idi. Cənab prezident,
Siz bizim hamımızı yığdınız, bizi dinlədiniz. Sonra qətiyyətlə
qərara gəldiniz ki, biz Azərbaycanı qazla mütləq təmin
etməkdən ötrü «Şahdəniz» yatağını hökmən xaricilərlə birlikdə
işlətməliyik. Hazırda «Şahdəniz» yatağında 1 trilyon
kubmetrdən çox qaz ehtiyatı var.
Mən demək istədim ki, bugünkü bu naillyyətlər təkcə bu
günün, dünənin işi deyildir. Bu nailiyyətləri əldə etməkdən ötrü
çox böyük işlər görülübdür.