__________________________________________
18
Prezident Heydər Əliyev Cıdır düzünü və Şuşada Molla
Pənah Vaqifin məqbərəsinin açılış mərasimini əks etdirən
şəkillərə də maraqla tamaşa etdi.
Gəncə 1970-1980-ci illərdə respublikamızın rəhbəri Heydər
Əliyevin yaxından köməyi ilə öz simasını tamamilə dəyişmiş,
iqtisadi və mədəni yüksəlişə nail olmuşdur. Respublikamızın
prezidenti Gəncənin inkişaf dinamikasını əks etdirən şəkillərlə
yaxından tanış oldu.
Sumqayıt Heydər Əliyevin Azərbaycana rəhbərlik etdiyi
dövrdə ölkəmizin sənaye şəhərləri arasında özünəməxsus yer
tutmuşdur. Bu ilin noyabr ayında şəhərin 50 illiyi tamam
olacaqdır. Dövlətimizin başçısı həmin yubileydə mütləq iştirak
edəcəyini bildirdi.
O l q a İ s l a m o v a (Sumqayıt şəhər tarix və diyarşünaslıq
muzeyinin direktoru): Cənab prezident, Sumqayıt əsl inkişafa
məhz Sizin Azərbaycana rəhbərlik etdiyiniz illər ərzində nail
olmuşdur və bu, Sizin adınızla bağlıdır. Siz Sumqayıta həmişə
böyük diqqət və qayğı göstərmisiniz. Bütün bunlara görə biz
Sizə daim minnətdarıq.
Dövlətimizin başçısı Naftalan, Şəki, Mingəçevir, Yevlax,
Lənkəran şəhərlərinin və bir sıra rayonların stendlərinə də
maraqla tamaşa etdi.
Ş a m a m a H ə s ə n o v a (Hazırda Sumqayıt şəhərində
fəaliyyət göstərən Qubadlı orta məktəbinin direktoru): Hörmətli
cənab prezident, Siz xalqımızın Dədə Qorqud yadigarı, müdrik
rəhbərimizsiniz. Bütün qubadlılılar Sizin sağlamlığınız naminə
qurbanlar kəsib şəhid ailələrinə, kimsəsizlərə payladılar. Siz
xalqımızın ümid çırağısınız. Arzu edirik ki, işğal olunmuş
torpaqlarımız Sizin liderliyiniz altında azad edilsin və biz həmin
torpaqları yenə də gülüstana çevirək.
H e y d ə r Ə l i y e v: İnşaallah, işğal olunmuş torpaqları
azad edəcəyik, siz də gedilə öz evinizdə yaşayacaqsınız.
__________________________________________
19
Sonra prezident Heydər Əliyev Qubadlı rayonunun
nümavəndələri ilə xatirə şəkli çəkdirdi.
Sərgi ilə tanışlıq respublikamızın rəhbəri Heydər Əliyevin
vətən, xalq, dövlət qarşısında misilsiz tarixi xidmətlərinin əyani
nümayişinə çevrildi.
__________________________________________
20
HEYDƏR ƏLİYEVİN AZƏRBAYCANIN
SİYASİ RƏHBƏRLİYİNƏ GƏLMƏSİNİN
30 İLLİYİNƏ (1969-1999-cu illər)
HƏSR OLUNMUŞ MUSİQİLİ BƏDİİ GECƏ
QURTARDIQDAN SONRA
İNCƏSƏNƏT USTALARI İLƏ GÖRÜŞÜ
Respublika sarayı
13 iyul 1999-cu il
H e y d ə r Ə l i y e v: Mən ailə üzvlərimlə Sizin hamınıza
uğurlu çıxışlarınıza görə təşəkkür edirəm.
Çox sağ olun. Azərbaycanın incəsənət xadimləri, musiqi
ustaları, mədəniyyət xadimləri 30 il Azərbaycana sədaqətlə
xidmət etmişlər və Azərbaycan mədəniyyətini, Azərbaycan
incəsənətini yüksəklərə qaldırmışlar.
Siz bugünkü konsertdə bəzi məqamları göstərdiniz. Ancaq
eyni zamanda onu da göstərdiniz ki, Azərbaycanın incəsənəti,
mədəniyyəti indi çox yüksəkdədir və Azərbaycan xalqını,
müstəqil Azərbaycanı dünya miqyasında tanıdırlar. Sağ olun.
Sizə təşəkkür edirəm. Gələcək yaradıcılıq işlərinizdə sizə
uğurlar diləyirəm. Hamınıza sağ olun deyirəm.
__________________________________________
21
FRANSANIN MİLLİ BAYRAMI –
BASTİLİYANIN ALINMASI GÜNÜ
MÜNASİBƏTİLƏ FRANSANIN
AZƏRBAYCANDAKI SƏFİRLİYİNİN
TƏŞKİL ETDİYİ RƏSMİ QƏBULDA NİTQ
«Hyatt-Recensi-Naxçıvan» mehmanxanası
14 iyul 1999-cu il
Hörmətli cənab səfir!
Xanımlar və cənablar!
Sizi Fransanın 14 iyul milli bayramı – Bastiliyanın alınması
günü münasibətilə ürəkdən təbrik edirəm. Hamınıza xoşbəxtlik,
səadət arzulayıram.
Fransa inqilabı – Bastiliyanın alınması təkcə Fransa üçün
yox, bütün bəşəriyyət üçün bir dönüş nöqtəsi oldu. Fransa
inqilabının irəli sürdüyü prinsiplər – demokratiya, insan haqları,
qanunun aliliyi prinsipləri o vaxtdan başlayaraq dünyanın bir
çox ölkələrində özünə yer tapdı və beləliklə, demokratiyanın
inkişafı başlandı. Bu gün 14 iyul gününü qeyd edərək biz də
Azərbaycanda demokratiyanın, insan haqlarının yaranması üçün
bu inqilabın böyük əhəmiyyətini qiymətləndiririk və o vaxt bu
təşəbbüslə irəli çıxmış insanlara təşəkkurümüzü bildiririk.
Azərbaycan gənc müstəqil dövlətdir və müstəqil dövlət kimi
öz dövlət quruculuğunun prinsiplərini məhz demokraya, insan
hüquqları, azadlıq, dünyəvi və hüquqi dövlət yaratmaq
prinsipləri əsasında qurur. Biz Fransanın Bastiliya günündən
sonra keçdiyi yola diqqət edirik, o təcrübədən
__________________________________________
22
bəhrələnməyə çalışırıq və öz ölkəmizdə bütün müsbət
təcrübələri, o cümlədən Fransanın təcrübəsini tətbiq etməyə
çalışırıq.
Fransa böyük tarixə, zəngin mədəniyyətə malik olan ölkədir.
Fransa bu gün dünyanın qüdrətli və inkişaf etmiş dövlətlərindən
biridir və beynəlxalq siyasətdə onun özünəməxsus yeri var. Biz
Fransa ilə əlaqələrimizə xüsusi əhəmiyyət veririk. Bu gün mən
Azərbaycanın gənc müstəqillik illərində – 1993-cü ilin dekabr
ayında Fransaya ilk rəsmi səfərimi xatırlayıram. O vaxtdan ötən
illərdə Azərbaycan ilə Fransa arasında əlaqələr, əməkdaşlıq
genişlənilə və indi bu, bizim üçün böyük əhəmiyyət kəsb edir.
Fransanın böyük neft şirkətləri «Elf Agiten», «Total»
Azərbaycanın Xəzər dənizindəki sektorunda zəngin neft, qaz
yataqlarının müştərək işlənilməsində iştirak edirlər. Fransanın
bir çox başqa şirkətləri də Azərbaycanda özlərinə yer aliləlar və
ölkəmizlə iqtisadi əməkdaşlıq edirlər. Biz bu əməkdaşlığı
bundan sonra da genişləndirəcəyik. Ancaq Fransa-Azərbaycan
əlaqələrində ən çox əhəmiyyət kəsb edən odur ki, Fransa 1997-
ci ilin əvvəlindən Ermənistan-Azərbaycan münaqişəsinin sülh
yolu ilə həll olunması üçün yaranmış Minsk qrupunun
həmsədrlərindən biridir.
Son illərdə biz Ermənistan-Azərbaycan münaqişəsini sülh
yolu ilə həll etmək məsələlərini Fransa ilə dəfələrlə müzakirə
etmişik və bu gün məmnuniyyətlə qeyd edə bilərəm ki,
Fransanın prezidenti cənab Jak Şirak bu məsələlərə şəxsən
münasibət göstərir və böyük səylər qoyur. Bu ilin aprel ayında
Vaşinqtonda prezident Jak Şirakla görüşüm və danışıqlarım
əsasən bu məsələ, yəni Ermənistan-Azərbaycan münaqişəsinin
həll edilməsi məsələsi ətrafında oldu və biz çox əhəmiyyətli fikir
mübadiləsi apardıq. Çox məmnunam ki, prezident cənab Jak
Şirakla mənim aramda səmimi dostluq əlaqələri yaranıb və
ümidvaram ki, bu dostluq əlaqələri, bizim gələcək görüşlərimiz
Azərbaycanın əsas
Dostları ilə paylaş: |