__________________________________________
27
görüşdə iştirak edən yəhudi təşkilatları – Amerika Yəhudi
Komitəsi və sovet yəhudiləri ilə iş üzrə Milli Konfrans Təşkilatı
Vaşinqtonda çox möhkəm çalışırıq ki, Azərbaycanı dəstəkləyək.
Əlbəttə, biz ölkənizin düşdüyü vəziyyəti və bir milyon qaçqının
vəziyyətini çox yaxşı anlayırıq. Biz bu dəfə Azərbaycanda
olarkən onları da görə bilmişik.
Yəhudilər özləri tarix boyu bir çox hallarda qaçqın olmuşlar.
Ona görə də onlar bu vəziyyəti hamıdan yaxşı dərk edirlər və
əhalinin bu təbəqəsinə böyük rəğbətlə yanaşırlar. Bütün bunların
hamısından əlavə, biz Sizin göstərdiyiniz səylərə öz töhfəmizi
verməyə çalışırıq. Biz çalışırıq ki, Ermənistan ilə Azərbaycan
arasında sülh olsun.
Hazırda biz Cənubi Qafqazın hər üç ölkəsinə səfərimizi başa
çatdırmaq üzrəyik. Biz müşahidələr aparmışıq, vəziyyətlə
müəyyən qədər tanış olmuşuq. Aydındır ki, bu regionda inkişaf
yalnız sülh bərqərar ediləndən sonra mümkündür. Bizim
Azərbaycandan başqa, digər iki ölkədə də apardığımız
müşahidələr haqqında fikir lərimiz vardır.
__________________________________________
28
SSRİ XALQ ARTİSTİ
MAHMUD ESEMBAYEVƏ
Çox hörmətli Mahmud Esembayev!
Sizi, müasir incəsənətin görkəmli xadimini 75 illik
yubileyiniz münasibətilə təbrik edir, Sizə xoşbəxtlik, cansağlığı
və əmin-amanlıq arzulayıram.
Qədim Qafqazın Sizin yaradıcılığınızda kamillik dərəcəsinə
çatdırılmış gözəl rəqs nümunələri XX əsrdə ümumdünya
mədəniyyətində hadisəyə çevrilə bilmişdir. Müxtəlif xalqların
rəqs sənətinin sirlərinə dərindən nüfuz etməyiniz Sizə elə bir
ifaçılıq səviyyəsinə nail olmağa imkan vermişdir ki, bu zaman
rəqsin plastikası milli və dünya inkişaf meyllərini özündə əks
etdirir, mədəniyyətlərin yaxınlaşmasına və qarşılıqlı
zənginləşməsinə kömək edir.
Virtuozluq və cilalanmış texnika ilə, rəqsin üslub və
xarakterini parlaq və təsirli şəkildə ifadə etmək bacarığı ilə
birləşən fitri istedadınız Sizə misilsiz şedevrlər yaratmağa imkan
vermişdir. Doğma xalqınıza sonsuz məhəbbət, milh ənənələrə
sədaqət, tükənməz əməksevərlik və incəsənətin yüksək
ideallarına uzun illər xidmətiniz böyüməkdə olan nəsillər üçün
hələ bir çox illər ərzində nümunə olacaqdır.
Sizin yaradıcılığınız ölkəmizdə uzun illər boyu daim
heyranlıq və məftunluq doğurmuşdur. Azərbaycanda Sizin
iştirakınızla çəkilmiş film bunun daha bir təsdiqidir.
Bu gün Siz təkcə böyük rəqs sənətinin deyil, həm də Qafqaz
xalqlarının çoxəsrlik müdrikliyinin təcəssümüsünüz.
Xeyirxahlıq və humanizm idealları ilə aşılanmış bütün
çoxcəhətli fəaliyyətiniz bu gün də bizim Ümumqafqaz evimizdə
__________________________________________
29
sülhə əmin-amanlığa və sabit inkişafa nail olmaq işinə xidmət
edir.
Sizə uzun ömür arzulayıram.
HEYDƏR ƏLİYEV
Azərbaycan Respublikasının Prezidenti
Bakı şəhəri, 15 iyul 1999-cu il
__________________________________________
30
ERMƏNİSTAN-AZƏRBAYCAN
MÜNAQİŞƏSİNİN SÜLH YOLU İLƏ HƏLLİ
MƏSƏLƏLƏRİNİ ERMƏNİSTANIN PREZİDENTİ
ROBERT KOÇARYAN İLƏ MÜZAKİRƏ ETMƏK
ÜÇÜN İSVEÇRƏYƏ, CENEVRƏ ŞƏHƏRİNƏ
YOLA DÜŞMƏZDƏN ƏVVƏL BİNƏ HAVA
LİMANINDA KÜTLƏVİ İNFORMASİYA
VASİTƏLƏRİ NÜMAYƏNDƏLƏRİNİN
SUALLARINA CAVAB
15 iyul l999-cu il
S u a l: Cənab prezident, Sizin Azərbaycanın siyasi
rəhbərliyinə gəlməyinizin 30 ili iyulun 14-də tamam oldu. Bu
əlamətdar tarixi hadisə münasibətilə Sizi təbrik edirik.
Cənab prezident, mətbuatda verilən xəbərə görə, Siz
İsveçrədə Ermənistan prezidenti Robert Koçaryanla
görüşəcəksiniz. Ermənistan-Azərbaycan danışıqlarının bu
mərhələsini necə qiymətləndirirsiniz?
C a v a b: Birincisi, mənim Azərbaycanda siyasi hakimiyyətə
gəlməyimin 30 ilinin tamam olmağından çox məmnunam ki, 30
il yaşamışam, yaratmışam, respublikamıza xidmət etmişəm. Çox
məmnunam ki, xalqımız da mənim keçmişdə də, indi də
gördüyüm işləri unutmur. Xalqa təşəkkür edirəm.
Mən İsveçrəyə Ermənistan prezidenti cənab Koçaryanla
görüşməyə gedirəm. Biz aprel ayında Vaşinqtonda onunla
görüşmüşdük, danışıqlar aparmışdıq. Qərara gəlmişdik ki, bu
danışıqları, yəni birbaşa, bilavasitə danışıqları davam etdirək.
__________________________________________
31
Biz Lüksemburqda görüşməliydik. Ancaq mən Lüksemburqa
gedə bilmədim. Bundan sonra bir-birimiziə əlaqə saxladıq və
belə qərara gəidik ki, Cenevrədə görüşmək münasib olardı. Mən
oraya gedirəm ki, onunla görüşüb, şübhəsiz ki, əsas məsələmizi
– Ermənistan-Azərbaycan münaqişəsinin sülh yolu ilə həll
olunması məsələsini müzakirə edək.
S u a l: Cənab prezident, Siz yola düşməzdən əvvəl
Türkiyə prezidenti Süleyman Dəmirəl ilə telefonla
danışmısınız. Bu barədə bir neçə söz deyə bilərsinizmi?
C a v a b: Mən Türkiyənin prezidenti hörmətli cənab
Süleyman Dəmirəl ilə çox tez-tez telefonla danışıram. Elə olur
ki, biz həftədə iki dəfə danışırıq. O mənə, mən də ona telefon
edirəm. Mənim dostum Süleyman Dəmirəl indi İsraildədir. O,
bu gün səhər mənə telefon etmişdi. Bakı-Ceyhan neft kəmərinin
Türkiyədə bəzi məsələləri həll olunur. Bizim nümayəndə
heyətimiz də oradadır. Azərbaycan Dövlət Neft Şirkətindən
Valeh Ələsgərov orada iştirak edir. Türkiyə tərəfi bəzi
məsələləri vaxtında həll etməyi çatdıra bilməyibdir. Bilirsiniz ki,
üç aylıq protokol imzalanmışdı. İndi onlar istədilər ki, biz
yenidən protokol imzalayaq. Prezident Süleyman Dəmirəl
məndən xahiş etdi, mən də Ankarada olan Valeh Ələsgərova
göstəriş verdim ki, protokolu imzalasın.
S u a l: Cənab prezident, Dağlıq Qarabağın statusu ilə
bağlı Robert Koçaryanla söhbətiniz olacaqmı?
C a v a b: Bəs necə! Bütün məsələlər üzrə söhbət olacaqdır.
Sağ olun.
* * *
İyulun 16-da İsveçrə Konfederasiyasının Cenevrə şəhərində
Azərbaycan prezidenti Heydər Əliyevin Ermənistan prezidenti
Robert Koçaryanla təkbətək görüşü olmuşdur. Görüş
Cenevrənin Janto rayonundakı yaraşıqlı parkda yerləşən və
tanınmış dövlət xadimlərinin görüşləri üçün nəzərdə tutulan Ze
Soji iqamətgahında keçirilmişdir. Görüş zamanı
Dostları ilə paylaş: |