__________________________________________
23
probleminin – Ermənistan-Azərbaycan münaqişəsinin sülh yolu
ilə həll olunmasına yardım edəcəkdir.
Bir daha sizi bu bayram münasibətilə təbrik edirəm,
Fransanın Azərbaycandakı səfirliyinə Fransa-Azərbaycan
əlaqələrinin inkişaf etməsində uğurlar arzulayıram. Fransa
xalqına sülh, əmin-amanlıq, rifah arzulayıram. Sağ olun.
__________________________________________
24
ABŞ-ın YƏHUDİ TƏŞKİLATLARININ
NÜMAYƏNDƏ HEYƏTİ İLƏ
GÖRÜŞDƏKİ SÖHBƏT
Prezident sarayı
14 iyul l999-cu il
H e y d ə r Ə l i y e v : Mən sizi salamlayıram, Azərbaycana
xoş gəlmisiniz. Amerika Biriəşmiş Ştatlarında yaşayan
yəhudilərin təşkilatları ilə biz artıq yaxşı dostluq əlaqələri
yaratmışıq. Şübhəsiz ki, bu dostluq əlaqələri hər iki tərəfin
arzusu və istəyi ilə olubdur.
Mən Amerika Birləşmiş Ştatlarında 1997-ci ildə rəsmi
səfərdə olarkən yəhudi təşkilatları konfranslarının prezidentləri
ilə Nyu-Yorkda çox əhəmiyyətli bir görüş keçirdim. Mən bu ilin
aprel ayında Vaşinqtonda olarkən « Xolokost» muzeyini ziyarət
etdim, orada da görüşlər keçirdim. Yəhudi təşkilatlarının
nümayəndələri də vaxtaşırı olaraq Azərbaycana gəlirlər. Mən
bunu birinci növbədə Azərbaycan-Amerika Birləşmiş Ştatları
əlaqələrini, Azərbaycan-İsrail
əlaqələrini daha da
genişləndirmək və bununla bərabər, yəhudi təşkilatları ilə daha
sıx əməkdaşlıq etmək üçün çox əhəmiyyətli hesab edirəm.
Eşitdiyimə görə, sizin bu səfəriniz də çox səmərəli keçir. Mən
bundan çox məmnunam.
B a r r i G e y k o b s (Amerika Yəhudi Komitəsinin hökumət
və beynəlxalq məsələlər üzrə müdir müavini): Cənab prezident,
səmimi sözlərə görə Sizə minnətdarlığımı bildirirəm, çox sağ
olun. Azərbaycanda bizə göstərilən qayğıya və hərarətli
__________________________________________
25
görüşlərə görə hər birimizin adından, o cümlədən öz adımdan
Sizə minnətdarlığımı bildirmək istəyirəm.
Əlbəttə ki, bizim Azərbaycana səfərimiz bir növ rəmzi
xarakter daşıyır. Bu səfər Amerika Birləşmiş Ştatlarındakı
vəhudi komitəsi ilə Azərbaycan arasında dostluğun nə qədər
möhkəm olduğunu göstərir. Bu, eyni zamanda Azərbaycan ilə
İsrail arasında sağlam, isti münasibətlər olduğunu göstərir.
Səfərimizin digər məqsədi isə Azərbaycanda yaşayan
həmmillətlərimizi – yəhudiləri görməkdir.
Biz eşitmişik ki, Azərbaycanda yaşayan yəhudi icmasına çox
geniş azadlıqlar verilibdir. Onlar respublikanın digər
vətəndaşları ilə bərabər vəziyyətdə yaşayırlar. Biz indi bunun
hamısını öz gözlərimizlə gördük.
Cənab prezident, bir neçə ay bundan əvvəlki xəstəlikdən
sonra belə tez sağalmağınız münasibətilə Sizə təbriklərimizi
yetirmək istəyirik. Çox şadıq ki, Sizi bu cür çox sağlam və
qüvvətli görürük. Cənab prezident, çox sağ olun.
H e y d ə r Ə l i y e v: Təbrikə görə təşəkkür edirəm.
Həqiqətən də özümü yaxşı hiss edirəm. Amerika Birləşmiş
Ştatlarında məni çox yaxşı müalicə ediblər.
Siz Azərbaycanın vəziyyəti ilə tanış olmusunuz. Bu barədə
geniş söhbət açmağa ehtiyac yoxdur. Mən çox məmnunam ki,
siz Azərbaycanda yəhudilərin vəziyyəti ilə tanış ola bilmisiniz.
Yəqin gördünüz, Azərbaycanda milliyyətindən, dinindən asılı
olmayaraq, hər bir vətəndaş bərabər hüquqa malikdir. Bir çox
dövrlərdə, bir çox yerlərdə yəhudilərə müxtəlif məhdudiyyətlər
qoyulduğuna, onlar sıxıntılar keçirdiklərinə görə biz
Azərbaycanda yəhudilərə daim xüsusi münasibət göstərmişik və
bu gün də göstəririk.
Güman edirəm ki, bizim əsas problemimizlə, yəni
Ermənistan-Azərbaycan münaqişəsi nəticəsində ölkəmizin
torpaqlarının 20 faizinin işğal edilməsi, bir milyondan artıq
__________________________________________
26
azərbaycanlının yerindən-yurdundan didərgin düşməsi, köçkün,
qaçqın vəziyyətində yaşaması ilə də tanış olmusunuz.
Şübhəsiz ki, dünyanın müxtəlif yerlərində ayrı-ayrı insanlara,
qruplara, millətlərə cürbəcür işgəncələr verilir, onlara müxtəlif
təzyiqlər göstərilir. Amma güman edirəm, öz ölkəsində bir
milyondan artıq qaçqının, köçkünün çadırlarda yaşadığı
Azərbaycan kimi bir ölkə dünyanın heç bir yerində yoxdur. Bu,
Azərbaycanın bugünkü reallığıdır. Biz həmişə arzu edirik ki,
Azərbaycanın bu reallığı da dünyada, hər yerdə yayılsın.
Bilsinlər ki, Azərbaycan nə qədər ağır vəziyyətdədir.
Sizə məlumdur ki, biz münaqişəni sülh yolu ilə həll etmək
istəyirik və bu istiqamətdə öz işimizi aparırıq. Bilirsiniz ki,
yeddi il bundan əvvəl Amerika Birləşmiş Ştatlarının
Konqresində Azərbaycana qarşı 907-ci maddə deyilən bir
məhdudiyyət qoyulubdur. Biz son illər nə qədər çalışırıq, amma
həmin məhdudiyyəti aradan götürə bilmirik. Təbii ki, bu,
Amerika Konqresinin ədalətsiz bir qərarıdır.
Biz çox çətin bir vəziyyətdəyik və böyük problemlərlə
rastlaşaraq münaqişənin sülh yolu ilə həll olunmasına çalışırıq.
Mən Amerikada da, Azərbaycanda da keçirdiyim görüşlərdə
yəhudi təşkilatlarının nümayəndələrinə üz tutaraq demişəm ki,
Amerikada sizin imkanlarınız çoxdur, ədalətin bərpa olunması
üçün Azərbaycana yardım edin. Bu sözləri sizə də deyirəm.
Amerika Birləşmiş Ştatları ilə Azərbaycan arasında çox gözəl
tərəfdaşlıq, dotsluq əlaqələri yaranıbdır. Biz bunu yüksək
qiymətləndiririk və bütün sahələrdə
əməkdaşlığımızı
genişləndiririk. Ancaq lazımdır ki, bizim də problemlərimiz həll
olunsun. Amerika Birləşmiş Ştatlarında yəhudi təşkilatlarının
təsiri böyükdür. Biz çox arzu edərdik ki, siz öz təsirinizdən bu
istiqamətdə də istifadə edəsiniz.
B a r r i G e y k o b s: Cənab prezident, Sizə məlum olduğu
kimi, bütün yəhudi təşkilatları, xüsusilə nümayəndələri bugünkü
Dostları ilə paylaş: |