108
III FƏSİL
MƏKTƏB MEŞƏÇİLİYİNİN YARADILMASI
Meşənin təhlükəsizliyi
Meşədə oduncağı zədələnmiş ağac gördükdə diqqətlə nəzərdən
keçirmək lazımdır. Çox zaman koğuşunda ağacdələn, yarasa,
bayquş, dələ və digər quşların, məməlilərin yuva qurduqları belə
nəhəng ağaclar yüz illərlə salamat qalıb meşə sakinlərinin yaşayış
məskəninə çevrilir. Ona görə də hətta qurumaqda olan ağacların
meşə ekosistemində xüsusi mövqeyi olduğuna görə onlar qorunub
saxlanmalıdır.
Xüsusi təyinatlı meşə sahələrində məs; palıd meşəsində müxtəlif
yaşlı ağaclar üzərində nadir bitki və heyvanlar məskən saldığına görə
qorunur. Yaşayış məntəqələrində bitən bir çox əsrlik ağaclar təbiət
abidəsi kimi qorunur. Məktəb meşəçiliyi dəstələri belə nadir təbiət
abidələrini hamiliyə götürərək əlverişsiz təsirlərdən mühafizə edirlər.
Təbii meşələrdə təbiət abidələrini mühafizə edərkən təbii proseslərin
inkişafına mane olan süni surətdə yaxşılaşdırma tədbirlərindən imtina
etmək lazımdır. Digər ekoloji sistemlər kimi meşə ekosistemində də
təbiət hadisələri müəyyən qanunauyğunluq əsasında baş verir və
insan tərəfindən süni şəkildə müdaxiləyə ehtiyac qalmır. Meşənin
bioloji müxtəlifliyinin zənginliyi məhz bu proseslərdən asılıdır.
Azərbaycanın milli parklarında, qoruqlarında geniş maarifl ən
dirmə işləri aparılır. Məktəblilər, istirahətə gələn şəhər sakinləri,
turistlər meşələrin gözəl təbiət zənginliyi ilə tanış olur, bitki və
heyvanat aləmi haqqında məlumatlandırılırlar.
Bildiyiniz kimi nadir və nəsli kəsilməkdə olan bir çox meşə bitkiləri
və heyvanları Azərbaycanın, eləcə də beynəlxalq “Qırmızı kitab”a
daxil edilib. Ölkə qanunvericiliyinə görə bu növlər yaşadıqları
ərazilərdə qorunurlar. Öyrənilən ərazidə nadir bitkilər və heyvan
növləri aşkar edildikdə mütləq əlaqədar ekoloji təşkilatlara məlumat
verilməlidir. Həmin növün yaşadığı ərazidə gənc meşəçilər xüsusi
xəbərdarlıq işarələri hazırlayıb yerləşdirə bilərlər.
İstirahət məqsədilə insanların kütləvi olaraq meşələrə axını çox
vaxt arzuolunmaz nəticələrə səbəb olur. Ekoloji tələblərə və davranış
qaydalarına riayət etməyən vətəndaşlar yanğın hadisəsi törədir, ot
örtüyünün məhv olmasına, ağac və kolların zədələnməsinə səbəb
olur.
Buna görə də insanların gəlişinin meşə üçün təhlükəsiz olmasını
təmin etmək əsas problemlərdən biridir. Nəqliyyat yollarının
bağlanması belə tədbirlərdən biridir. Bu zaman meşə yollarına
şlaqbaum qoyulur və ya hasara alınır. Lakin tikanlı məftillərdən
çəkinmək lazımdır. Bu halda nəinki avtomobil sürücüləri, həm də
heyvanlar da xəsarət ala bilər.
109
MƏKTƏB MEŞƏÇİLİYİNİN YARADILMASI
III FƏSİL
Şəkil 34. Meşədə yanğın təhlükəsizliyi tədbirləri
Meşədə xüsusi istirahət guşələrinin yaradılması istirahətə
gələnləri axtarışdan və hədər yerə vaxt keçirməkdən xilas edir.
Belə sahələrdə nəqliyyat üçün dayanacaq, ocaq qalamaq üçün
xüsusi yerlər nəzərə alınmalıdır. Həmçinin tullantıların toplanması
üçün xüsusi konteyner və ya yeşiklər, tonqal qalanması üçün
quru budaqlarla təchiz olunduqda turistlər meşədəki bitkilərin
budaqlarını qırmaq arzusundan əl çəkir və ətrafı tullantılarla
çirk ləndirmirlər. Qurumuş ağac kötüklərindən ibarət masa və
oturacaqlar guşəyə xüsusi yaraşıq verəcək, meşə döşənəyinin
müntəzəm tapdanmasının qarşısını alır.
İstirahət guşələrində yerə tökülmüş quru yarpaqlar, məişət
tullantıları olan qutular vaxtaşırı təmizlənməlidir. Belə olduqda
təsadüfi yanğınların qarşısı alınır. Əksər hallarda meşə yanğınlarının
əsas səbəbkarı insandır. Söndürülməmiş tonqal, kibrit çöpü,
siqaret və ya avtomobildən çıxan qığılcım, böyük fəlakətə səbəb
olur. Bəzən insanlar qurumuş otu və xəzəli qəsdən yandırıb meşə
yanğını törədirlər.
Meşə yanğınları
Meşələrdə baş verən 10 yanğın hadisəsindən 9u odla ehtiyat
sız davranma nəticəsində və ya istirahət zamanı insanların yan
ğın təhlükəsizliyi qaydalarını pozması səbəbindən baş verir.
Meşə yanğınları meşə döşənəyində yaşayan həşəratlara, onların
sürfələrinə, bütün canlılara böyük zərər yetirir. Quru yarpaqları və
bitki qalıqlarını yandıran zaman nə baş verir?
110
III FƏSİL
MƏKTƏB MEŞƏÇİLİYİNİN YARADILMASI
1. İlk növbədə torpağın üst münbit qatındakı üzvü tullantılar
və münbitlik itirilir.
2. Həşəratlar, o cümlədən, qarışqa yuvaları yanıb məhv olur.
3. Bitkilərin toxumları və cavan zoğları məhv olur, ağac və
kolların gövdəsi xəsarət alır.
4. Kiçik heyvanlar sığınacaq yerlərindən məhrum olur, quş
yuvaları və yumurtaları, körpə balalar tələf olurlar.
5. Nisbətən iri heyvanlar digər ərazilərə köçüb gedirlər, lakin
yeni ərazidə şərait əlverişsiz olduqda onların sayı azalaraq
tükənir.
6. Torpağın quruması və eroziyası sürətlənir.
Meşə yanğınlarının 3 növü vardır. Aşağıdan sürətli yanğın
zamanı alov torpağın səthi ilə sürətlə yayılaraq meşə döşənəyini,
ot örtüyünü, yıxılmış ağacları, meşəaltını məhv edir, ağacların
gövdəsinin alt hissəsini qarsalayır. Alovun yayılma sürəti 40100
m∕saat olur. Bu daha çox yayılmış yanğın növüdür. Yuxarıdan yayılan
yanğın zamanı isə alov ağacların çətirini alovlandıraraq 25 km∕saat
sürətlə böyük bir ərazidə yayılır və fəlakətli dağıntıya səbəb olur.
Yeraltı meşə yanğınları zamanı torpağın çürüntülü qatı yanır.
Sutkada bir neçə metr sürətlə yayılan alov çox vaxt yerin səthinə
çıxmır. Bu tip meşə yanğını torpağın qızması ilə, kötüklərdən tüstü
çıxması və ayrıayrı alov ocaqlarının meydana çıxması ilə özünü
büruzə verir.
Meşədə yanğın hadisəsini aş
kar etdikdə dərhal meşəçilik idarə
sinə, yanğından mühafizə xid
mətinə, yerli idarəetmə orqan larına
xəbər vermək lazımdır. Çox da
böyük olmayan yanğını qum, su
ilə dolu vedrələr, quru budaq lardan
hazırlanmış süpürgə lər vasitə silə
söndürmək müm kün dür. Lakin
bu işdə yalnız böyüklərin nəzarəti
altın da iştirak etmək olar. Geniş
miq yaslı yanğınları xüsusi xidmət dəstələri tərəfindən yanğınsöndürən
texnika dan istifadə etməklə söndürülür.
Buna görə də gənc meşəçilər yanğın hadisəsini aşkar etdikdə
dərhal onu söndürməyə can atmamalı, ilk növbədə əlaqədar
təşkilat lara məlumat verməlidirlər. Bitki örtüyü çox sıx olan meşədə
alov sürətlə yayıldığına görə yalnız texnikanın gücündən istifadə
etməklə söndürülə bilər.
Şəkil 35. Meşə yanğını
Dostları ilə paylaş: |