97
MƏKTƏB MEŞƏÇİLİYİNİN YARADILMASI
III FƏSİL
üzrə şəhər parklarındakı ağaclarda şibyələri müşahidə etmək
olar. Gənc meşəçilər antropogen amilin ətraf mühitə təsiri barədə
topladıqları məlumatları birlikdə müzakirə edib, nəticə çıxarırlar.
Son illərdə bir çox ölkələrdə meşələrin kütləvi deqradasiyası
və məhvolma halları qeydə alınır. Bunun əsas səbəbləri turşulu
yağışlar, havada azot, kükürd və ozon qazlarının artmasıdır.
Bu sahədə ətraf mühitin qlobal monitorinqi çərçivəsində hava
çirkləndiricilərinin meşələrə təsirinin öyrənilməsi və monitorinqi
üzrə beynəlxalq proqramlar həyata keçirilir. Bu üsullardan ən
sadəsi iynəyarpaqlı ağacların vəziyyətinə görə meşənin ekoloji
durumunun qiymətləndirilməsidir.
Meşənin ekoloji vəziyyətini qiymətləndirmək üçün Eldar şamı
ağacından ( Pinus Eldarica L.) indiqator kimi istifadə etmək
mümkündür. Şam ağacının çətirinin seyrəlməsi, iynəyarpaqlarının
saralması, qozaların sayı və budaqların böyüməsi əsas göstəricilərdir.
Şam ağacları üzərində müntəzəm müşahidələrin aparılması üçün
daimi sınaq meydançası təyin edilməlidir. Şagirdlər bu tapşırığı 3
mərhələdə yerinə yetirirlər:
1. Sınaq meydançası üçün sahənin seçilməsi;
2. Ağacların ümumi vəziyyətinin təsviri;
3. Tədqiqatın nəticələrinin qiymətləndirilməsi.
Sınaq meydançası üçün meşənin dərinliyində, yolun kənarında 1
hadan az olmayan sahə seçilir. Bu sınaq meydançasında birdəfəlik
və yaxud çoxillik tədqiqatlar aparmaq mümkündür. Tapşırığın yerinə
yetirilməsi üçün kompas, uzunluq ölçən, binokl və işçi vərəqlər
lazımdır. Şam ağaclarının ümumi vəziyyətini qiymətləndirərkən
iynəyarpaqların saralmasına və tökülməsinə, qozaların sayının
azalmasına və budaqların boy artımının dayanmasına diqqət
yetirilir. Çətiri seyrəkləşən ağacların göstərilən əlamətləri ekoloji
mühitin çirklənməsinə dəlalət edir. Həmin ərazidə bir neçə il
müşahidələri davam etdirməklə gənc meşəçilər meşənin ümumi
ekoloji vəziyyətini qiymətləndirə bilərlər.
Bu tapşırığı yerinə yetirən zaman şagirdlərin tədqiqat işlərinin
nəticələrini qruplarda müzakirə edilir və sonra müəllimin iştirakı ilə
yekunlaşdırılır. Ekoloji vəziyyətin pisləşməsinin səbəbləri və aradan
qaldırılması barədə qrupların təklifləri müşahidə gündəliklərində
qeyd olunur.
Meşənin ekoloji vəziyyətinin qiymətləndirilməsində enliyarpaqlı
ağacların yarpaq ayasından da istifadə edilə bilər. Yarpaqların
sağ və sol hissələri arasında assimmetriyanın əmələ gəlməsi
ətraf mühitin ümumi çirklənməsini göstərir. Meşə ekosisteminə
98
III FƏSİL
MƏKTƏB MEŞƏÇİLİYİNİN YARADILMASI
antropogen təsirlərin artması nəticəsində qovaq, palıd, vələs və
digər enliyarpaqlı ağaclarda morfogenetik proseslərin pozulması
yarpaqların xarici görünüşünün dəyişməsinə səbəb olur. Ağaclar
yerli ərazinin daimi sakinləri olduqlarına görə torpaq və hava
şəraitinin dəyişməsinə çox həssasdır. Yarpaqlarda assimmetriyanın
artması ekoloji mühitin pisləşməsini göstərir.
Tədqiqat işləri müəyyən ərazilərdə yarpaqların toplanması ilə
baş lanır, laboratoriya və ya sinif şəraitində davam etdirilir. Bu tap
şırığı yerinə yetirmək üçün xətkeş, bucaqölçən, qeydiyyat vərəqləri
və herbari materialları tələb olunur. Müxtəlif qrupların sınaq
meydançalarında topladıqları bitki yarpaqlarının sağ və sol hissələri
ölçülür və göstəricilər qeydə alınır. Sonra hər bir qrupun nəticələri
müqayisə edilərək təhlil olunur. Bu tədqiqat nəticəsində meşənin
antropogen təsirə daha çox məruz qalan sahəsi təyin edilir.
Sınaq meydançalarında ekoloji sistemin əsas quruluş komponenti
olan ağac növlərinin populyasiyası ayrıayrılıqda öyrənilir. Bu üsulla
meşənin inkişaf dinamikası və davamlılıq dərəcəsi müəyyən edilir.
Bitki qruplaşmasının növ tərkibi, fitosenozun müxtəlif yaruslarında
yerləşən ağac, kol və ot bitkilərinin sayı göstərilir (cədvəl 7).
Cədvəl 7
Cins
Növ
Yarus
Ağacların
sayı
Ağacın
yaşı
Orta
hündürlük,
m
Orta
diametr,
sm
Tədqiqatların nəticələrini müzakirə edərkən antropogen təsir
altında zərər çəkmiş bitkilərə xüsusi diqqət yetirmək lazımdır
(cədvəl 8).
Cədvəl 8
N
Qırılmış ağac
növləri
Sayı
Diametri,
sm
Yaşı, il
Ekoloji
pozuntunun
səbəbi
1
Palıd
3
1520
15
Qanunsuz
qırıntı
2
Lənkəran
akasiyası
5
1215
9
Meşə yanğını
(tonqal)
Meşə bitkilərinə vurulan zərəri müşahidə gündəliyində ətraflı
təsvir etmək, aşkar olunduğu yeri, tarixi, zərərçəkmiş bitkilərin
sayını qeyd etmək lazımdır. Ekoloji pozuntu barədə əlaqədar
təşkilatlara məlumat vermək lazımdır.
99
MƏKTƏB MEŞƏÇİLİYİNİN YARADILMASI
III FƏSİL
Müşahidə gündəliyinin aparılma qaydası
Təbiətdə keçirilən ekoloji tədqiqatların əsas hissəsi müşahidələrin
qeydə alınmasından ibarətdir. Qısa müddətli ekskursiyalar və
ya uzunmüddətli yürüşlər, ekspedisiyalar zamanı müşahidə
gündəliyinin düzgün tərtib edilməsinə xüsusi diqqət yetirmək
lazımdır. Təbiətdə aparılan müşahidələr ekskursiya zamanı
gündəliyə qeyd edilir. Gündəliyin birinci səhifəsində gənc meşəçinin
adi, soyadı, şəhər, rayon, məktəb, sinif göstərilir. Gündəlikdə bütün
qeydlər vərəqin sağ tərəfində aparılır. Sol səhifədə müşahidə
obyektlərinin rəsmlərini, xəritələri çəkmək olar. Qeydiyyatın
aparıldığı yer və vaxt, həm də iqlim şəraiti göstərilməlidir. Yazı
dəftərlərindən əlavə, gənc tədqiqatçılar rəsm albomlarından, işçi
vərəqlərdən istifadə edə bilərlər.
Gənc meşəçilər tədqiqat işlərinin yekununda referatlar və ekoloji
layihələr hazırlayırlar. Referat işi və yaxud ekoloji layihələr bir neçə
hissədən ibarət olur:
•
Giriş;
•
Tədqiqatın obyekti və metodları;
•
Tədqiqatın gedişatı;
•
Tədqiqatın nəticələri və təkliflər;
•
Ədəbiyyat.
Giriş hissəsində ekoloji problemin müasir vəziyyəti, tədqiqat
işinin aktuallığı, elmi və praktiki əhəmiyyəti, əsas məqsədi göstərilir.
II hissədə tədqiqatın aparıldığı ərazi, əsas obyektlər (meşənin
flora və ya faunası), keçirildiyi müddət təsvir edilir. Həmçinin bu
hissədə istifadə olunmuş avadanlıq, alətlər, materiallar, ölçü və
qeydiyyat üsulları öz əksini tapmalıdır. Eksperimental tədqiqat
işi aparılmışdırsa, statistik hesablama üsulları da göstərilir. III
bölmədə tədqiqat işinin gedişatı elmi dəlillərlə təsvir edilir. IV
bölmə nəticələrin ətraflı şərhinə, sxem, cədvəl, qrafik və ya rəsmlər
vasitəsilə təsvirinə həsr olunur. Ekoloji layihələrdə problemin
yaranma səbəbləri və aradan qaldırılması üçün konkret təkliflər
öz əksini tapmalıdır. Referat işində gənc meşəçilərin fəaliyyətindən
bəhs edən fotoşəkillərdən geniş istifadə edilir. Meşənin ekoloji
vəziyyətinin öyrənilməsinə aid fotoalbomlar da tərtib etmək
olar. Rəsmlər və fotoşəkillərə aid məlumatlar şəklin altında qeyd
olunmalıdır. Nəhayət, sonuncu bölmədə tədqiqatın aparılması üçün
istifadə edilən ədəbiyyat verilir.
Dostları ilə paylaş: |