78
Qalvani 1791-ci ildə balkon təcrübəsi və digər müşahidələrini
«Əzələ hərəkəti zamanı elektrik qüvvələri haqqında traktat»
əsərində təsvir etmişdir.
Qalvaninin təcrübəsinin həqiqiliyini italyan fiziki A.Volta
(1745-1827) əvvəlcə təsdiq etsə də, 1792-1794-cü ildə apardığı
təcrübələrə əsaslanaraq, onu tamamilə başqa cür izah etmişdir. O,
elektrik cərəyanın
bu təcrübədə fizioloji deyil, məhz fiziki
mənşəyə malik olduğunu və əzələdə deyil, məhz müxtəlif
metallar arasında potensiallar fərqinin nəticəsi olduğunu
göstərmişdir.
Qalvaninin təcrübəsində əzələnin təqəllüsünə səbəb olan
elektrik Qalvani qövsünün müxtəlif uclarının nəm mühitə
(əzələyə və sinirə) toxunmasından əmələ gəlir, dövrəni bağlayan
naqil rolunu isə, qövsün uclarını əlaqələndirən
sinir-əzələ
preparatı oynayır. Qalvani və Volta arasında maraqlı elmi
mübahisə başlayır və hər iki tərəf öz fikirlərində haqlı olduqlarını
təcrübələrlə isbat etməyə səy göstərirlər.
Qalvani və Aldini, Voltanın etirazının əsassız olduğunu ucları
eyni metaldan olan qövslə apardıqları təcrübədə əzələnin təqəllüs
etdiyini göstərdilər. Daha sonra isə Qalvaninin ikinci təcrübəsi –
metalsız təcrübə adı ilə məşhur olan təcrübə ilə, yəni Qalvani
qövsündən istifadə etmədən subut etdilər ki, mioqraf üçün
hazırlanmış sinir-əzələ preparatının sinirini şüşə qarmaq vasitəsilə
həmin preparatın əzələsinin zədələnmiş yerinə toxundurduqda
həmin sinirlə üzvi əlaqəsi olan əzələ təqəllüs edir (şəkil 4.2).
Elektrofiziologiya öz başlanğıcını Qalvaninin ikinci
təcrübəsindən götürür. Məhz bu təcrübə «heyvani
elektrikin
varlığını» şübhədən çıxarır. Alman fizioloqu Dyubua-Reymon
haqlı olaraq bu təcrübəni «sinir-əzələ fiziologiyasının həqiqi əsas
təcrübəsi» adlandırdı.
Qalvaninin ölümündən sonra A.Volta elektrik cərəyanı və ya
Qalvani elementini – generatorunu kəşf etdi, başqa sözlə ən zəif
elektrik cərəyanını göstərən elektrik cihazını kəşf etdi və onu
dostu Qalvaninin şərəfinə
Qalvanometr adlandırdı.
79
Elektrofiziologiya sahəsində yeni tədqiqat 1838-1840-cı
illərdə Matteuççinin adı ilə əlaqədar olan «ikinci tetanus»
adlandırılan təcrübəsidir (şəkil 4.3). O qurbağanın aşağı
ətraflarından iki sinir-əzələ preparatı hazırlayıb, ikinci preparatın
sinirini birincinin əzələsi üzərinə qoymuşdur. Sonra birinci
preparatın sinirin üzərinə elektrod qoyaraq elektrik cərəyanı ilə
qıcıqlandıqda, ikinci preparatın əzələsi də təqəllüs etmişdir.
Matteuççının fikrinə görə preparatlardan birincisinin təqəllüsünə
səbəb texniki elektrik qıcığı, ikincisinin
təqəllüsünə səbəb isə
birinci preparatın təqəllüsü nəticəsində əmələ gələn fəaliyyət
cərəyanın sinirlə ikinci preparatın əzələsinə nəql olunmasıdır.
Şəkil 4.2. Qalvaninin ikinci
təcrübəsi
.
Şəkil 4.3. Mateuççi təcrübəsi
1791-ci ildə Qalvani «Əzələ hərəkəti zamanı elektrik qüvvəsi
haqqında traktat» əsərində sinir toxuması ilə elektrik cərəyanı
(biocərəyan) arasında gizli əlaqə olduğunu iddia edir.
Bu sahədə ən böyük nailiyyəti, alman alimi Dyubua-Reymon
etdi. O, qalvanometr induksion cihaz və qütbüləşməyən
elektrodların köməyi ilə sakit və oyanma zamanı canlı
toxumalarda elektrik olmasını öyrənmişdir. O, qalvanometrin və
iki metal elektrodun köməkliyilə elektrodun birini mühiti sinirin
üstünə, digərini kəsik
yerə qoymaqla göstərdi ki, sinirlə
impulsların nəqli zamanı hər dəfə elektrik cərəyanı qeyd olunur.
downloaded from KitabYurdu.org
80
Qalvanometr cərəyanın istiqamətinin müsbət elektrik
potensialından mənfi elektrik potensialına yönəldiyini göstərirdi.
«Heyvani elektrikin» mənşəyi barədə Dyubua-Reymon
(1846, 1848) özünün məşhur «elektromotor molekulyar»
nəzəriyyəsini ortaya atmış, onun tələbəsi Herman (1870) isə
bioelektrik cərəyanının kimyəvi əsaslarına dair fikir söyləmişdir.
1875-ci ildə Riçard Keyton məşhur ingilis neyrofiziologiya
məktəbinin əsasını qoydu. Riçard Keyton Dyubua-Reymonun
üsulu ilə maraqlanmış və ilk dəfə beyində tətbiq etmişdir. Dovşan
və meymun beyninə iki yerdən elektrod qoymaqla
elektroensefoloqrammasını aldı. Yəni tədqiq olunan beyinlərin
hər birində qalvanometrdə hər dəfə elektrik cərəyanı qeyd
olunmuşdur. Bu beyinin boz maddəsinin funksiyası ilə
əlaqədardır.
1888-ci ildə Polşada məşhur fizioloq Sılbulskinin
tələbəsi
Adolf-Bek Krakov Universitetində Keytondan xəbərsiz beynin
ensefoloqrammasını almışdır. Sıbulskiyə görə sinir proseslərin
elektrik təbiətini membranın üst və alt səthlərində, kimyəvi
fərqlərin olması ilə izah etdiyi mexanizmi, indiki konsepsiyanın
sələfi hesab etmək olar. XIX əsrin əvvəllərində elektrikölçən
cihazların tətbiqilə aparılan tədqiqatların nəticələrindən müəyyən
oldu ki, sakit vəziyyətdə əzələnin üst səthi müsbət, daxili səthi isə
mənfi elektrik yükü daşıyır. Əzələnin təqəllüsü zamanı isə onun
səthi və daxili arasındakı potensiallar fərqi azalır. Bunu nəzərə
alaraq, əzələnin sakit vəziyyətindəki
potensiallar fərqini sükunət
cərəyanı (sükunət potensialı), təqəllüs edən əzələdəki potensiallar
fərqini isə fəaliyyət cərəyanı (fəaliyyət potensialı) adlandırdılar.
Texniki tərəqqi sayəsində daha da təkmilləşdirilmiş yüksək
həssaslığa malik olan elektrik və elektron ölçmə cihazlarının və
mikroelektrod texnikasının köməyilə sinirlərdə, neyronda, onun
uzun və qısa çıxıntılarında sinir liflərində və sinaptik törəmələrdə
biopotensialların təbiəti haqqında yeni elmi məlumatlar əldə
edilmişdir.
81
4.2. Məlumatların elektrik vasitəsilə ötürülməsi
Bütün canlı hüceyrələr və toxumalar qıcığın təsir
qüvvəsindən asılı olaraq nisbi sakitlik halından oyanma və
ləngimə halına keçmək qabiliyyətinə malikdir.
Oyanma mürəkkəb
bioloji proses olub, fizioloji, biokimyəvi
və biofiziki hadisələrə təzahür edir. Oyanan toxumalar
qıcıqlandırıcının daxili və xarici mühit amillərinin təsirindən
fizioloji sükunət vəziyyətindən oyanma vəziyyətinə, yəni fəal
vəziyyətə keçərək özünəməxsus spesifik funksiya icra edir. Belə
ki, əzələ təqəllüs edir, neyron-impulslar yaradır, vəzi hüceyrəsi
şirə ifraz edir. Qıcıqlandırıcının təsirindən ən çox sinir, əzələ və
vəzi toxuması hüceyrələri cavab reaksiyası vermək
qabiliyyətinə
malik olduqları üçün bunlara «oyanan toxumalar» da deyilir.
Birləşdirici toxumanın oyanıcılıq funksiyası hələ tam
öyrənilməmişdir.
Sinir və əzələlərdə oyanmanın ötürülməsi toxumanın oyanma
və sükunət sahəsində əmələ gələn məhəlli elektrik cərəyanları
vasitəsilə yerinə yetirilir.
Orqanizmdə məlumatların nisbətən uzaq məsafəyə ötürül-
məsinin iki sistemi mövcuddur – hormonal və sinir. Hormonların
sintezi, qana daxil olması, paylanması və təsiri haqqında ətraflı
məlumat daxili sekresiya vəziləri bəhsində verilmişdir (VII fəsil).
Sinir hüceyrəsinin funksiyası bir çox digər formalarda –
temperatur, maddələr mübadiləsi, morfoloji dəyişkənlik, digər
toxumalarda oyanma və ləngimə və s. olsa da sinir hüceyrəsinin
elektrik xassəsi sinir sistemində məlumatların nəql olunması və
işlənməsi haqqında daha ətraflı məlumat verir.
Oyanma və ləngimə daima qarşılıqlı əlaqədə olmaqla bir-
birinə əks proses göstərir. Ləngimə zamanı, oyanmanın əksinə
olaraq, mövcud olan funksional fəallıq azalır, sinir hüceyrələrində
və hüceyrə çıxıntılarında fəal yayıla bilmir .
Sinir sistemi siqnalların ötürülməsinin çox yüksək sürətli və
böyük fərdiliyi ilə xarakterizə olunur. Sinir hüceyrəsi üçün
xarakter əlamət, membran potensialının
dəyişməsi vasitəsilə
downloaded from KitabYurdu.org