rulmasına qədər mərkəzləşdirmə meyli güclənir. Belə struktur
yarandıqdan sonra özünü qorumağa can atır və bu məqsədlə yeni
xarici münaqişələrin yaranması üçün yeni rəqib axtarmağa meyllənir.
Zimmelin münaqişə nəzəriyyəsinə töhfəsi üçüncü tərəfi daxil etməsi
ilə bağlıdır. Diada çərçivəsində münasibətlər yalnız düzxətli münaqişə
imkanını nəzərdə tutur. «Üçüncü tərəf»in meydana çıxması ilə
çoxplanlı
münasibətlər,
fərqlərin
dərki,
koalisiyaların
formalaşdırılması, qrup həmrəyliyinin təşəkkülü üçün imkanlar açılır,
yəni mürəkkəb sosial qarşılıqlı fəaliyyət imkanı yaranır. Məhz
Zimmelin əsərlərindən sonra elmi dövriyyəyə «münaqişənin
sosiologiyası» termini daxil olmuşdur.
Beləliklə, XIX əsrin ikinci yarısından XX əsrin əvvəl-
lərinəqədərki dövrdə funksional konsepsiyaya görə, münaqişə ictimai
varlığın normal təzahürü, sosial münasibətlərin ayrılmaz xassəsi hesab
olunurdu. Münaqişələrə ictimai prosesdə mühüm pozitiv rol ayrılırdı.
Nəzərdən keçirilən konsepsiyaların ümumi cəhəti münaqişənin
makrosəviyyədə (sinif, xalq, dövlət) nəzərdən keçirilməsi ilə bağlı idi.
T.Parsonsun struktur funksionalizmi. XX əsrin birinci yarısında
sosiologiyada münaqişə problemi sistemli-funksional məktəb
çərçivəsində inkişaf edirdi. Bu dövrdə mikrosəviyyədə - kiçik
qruplarda və ayrı-ayrı adamlar arasında münaqişələrin yaranması və
cərəyan etməsi şərtlərinin müəyyənləşdirilməsi üzrə tətbiqi sosioloji
araşdırmalar inkişaf etdi. Təşkilatlarda, istehsalatda münaqişəli
vəziyyətlərin həllinin səmərəli metodikalarını tapmaq vəzifəsi
qoyulurdu. Bu münaqişələr cəmiyyətin inkişafını ləngidən mənfi
proseslər kimi qiymətləndirilirdi. Sosioloqların diqqətini tətillər, etiraz
nümayişləri, qiyamlar, hərbi münaqişələr və sosial gerçəkliyin digər
«anomaliyalar»ı cəlb edirdi.
Sosial münaqişənin öyrənilməsinə yanaşmada belə dəyişiklik
Amerika sosioloqu Tolkott Parsons (1902-1979) tərəfindən «Sosial
fəaliyyətin strukturu» əsərində əsaslandırılmışdı. T.Par- sons
münaqişəni ictimai həyatın sabitliyinin və mütəşəkkilliyinin
pozulmasının səbəbi kimi nəzərdən keçirirdi. O, münaqişəni sosial
anomaliya kimi müəyyən edərək, başlıca vəzifəni cəmiyyətin müxtəlif
elementləri arasında münaqişəsiz münasibətlərin qorunmasında
görürdü ki, bu da sosial tarazlığı, anlaşmanı və əməkdaşlığı təmin
etmiş olardı. Sosial sistem çərçivəsində birləş
24
dirici funksiyanı hüquq institutları, din vo adətlər yerinə yetirir. İnkişaf
etdikcə cəmiyyət «ümumiləşdirilmiş adaptiv qabiliyyə- ti»ni yüksəldir
və daha az münaqişəli olur. Onun fikrincə, norma məhz
münaqişəsizlik, sosial sistemin ahəngdarlığı, sosial gərginliyin
olmamasıdır. T.Parsonsun konsepsiyası «həyat qabiliyyətsizliyinə»
görə əsaslı tənqidə məruz qalmış və 50-ci illərdə Qərb sosiologiyasında
cəmiyyətin münaqişə modelinə qayıdış baş vermişdir.
L.Kozerin «pozitiv-funksional münaqişə» nəzəriyyəsi. 1956-cı
ildə Amerika sosioloqu Lyüis Kozerin «Sosial münaqişənin
funksiyaları» əsərinin işıq üzü görməsi müasir Qərb münaqişə
sosiologiyasının təməlini qoymuşdur. L.Kozer «pozitiv-funksional
münaqişə» konsepsiyasında sosial sistemlərin dayanıqlığının təmin
edilməsində münaqişələrin müsbət rolunu əsaslandırmışdı.
Kozer Veber və Zimmelin münaqişənin ümumiliyi və
universallığı haqqında ideyalarını inkişaf etdirərək, göstərirdi ki,
münaqişəli münasibətləri olmayan sosial qruplar mövcud deyildir və
mövcud ola bilməz. Bu nəzəriyyədə münaqişə dəyərlər və sosial status,
hakimiyyət və kifayət etməyən maddi və mənəvi nemətlər uğrunda
mübarizə kimi nəzərdən keçirilir. Bu mübarizədə tərəflərin
məqsədlərini rəqibin zərərsizləşdirilməsi, ona ziyan vurulması, yaxud
onun məhvi təşkil edir. Kozerin fikrincə, sosial qruplar və ayrı-ayrı
fərqlər arasında maddi sərvətlərin yenidən bölüşdürülməsi və
hakimiyyət uğrunda mübarizə pozitiv funksiyaları yerinə yetirir.
Birincisi, başa çatmış münaqişə iştirakçılar arasında gərgin
münasibətləri sakitləşdirməklə və mənfi emosiyaları üzə çıxarmaqla
münaqişə tərəfləri arasında qarşılıqlı münasibətləri saxlamağa, yəni
onları ilkin vəziyyətə qaytarmağa imkan verir. İkincisi, münaqişəli
qarşılıqlı fəaliyyətin gedişində insanlar bir-birlərini daha yaxşı
tanıyırlar, çünki münaqişə sınaq funksiyasını yerinə yetirir. Qarşılıqlı
dərketmə düşmənçilik münasibətlərinin əməkdaşlıq münasibətlərinə -
transformasiyasına təkan verir. L.Kozer qrupun birləşməsində xarici
münaqişənin birmənalı rol oynamadığını qeyd edir. Qrup kifayət qədər
mütəşəkkil olduqda və xarici təhlükə qrupun bir hissəsini deyil, bütün
qrupu təhdid etdikdə və qrupun bütün üzvləri tərəfindən ümumi
təhlükə kimi qavranıldıqda daxili birlik artır. Kifayət qədər mütəşəkkil
olmayan qruplar üçün narazı üzvlərə münasibətdə
25
sərtlik, daxili münaqişə təzahürlərini yatırmaq meyli səciyyəvidir.
Kozer sosial münaqişənin sosial dəyişiklikləri, yeni ictimai qayda,
norma və münasibətlərin meydana çıxmasının slimullaşdır- masını
onun pozitiv funksiyası hesab edirdi.
R.Darendorfun «cəmiyyətin münaqişə modeli». 50-ci illərin
sonlarında alman sosioloqu Ralf Darendorf (d..l929) sosial
münaqişənin «cəmiyyətin münaqişə modeli» adını almış yeni
nəzəriyyəsini əsaslandırmışdır. «Sənaye cəmiyyətində siniflər və sinfi
münaqişə» (1957) və «Müasir sosial münaqişə» (1988) əsərlərində
K.Marksm sinfi qütbləşmə, mübarizə və sinfi münaqişənin inqilabi
yolla həlli haqqında ideyalarının təsiri hiss olunur.
Darendorfun fikrincə, marksist sinfi mübarizə nəzəriyyəsi
müasir kapitalizmin münaqişələrini izah edə bilmir. K.Marksdan fərqli
olaraq, R.Darendorf belə hesab edirdi ki, münaqişənin başlıca
mənbəyini sosial qruplar arasında iqtisadi ziddiyyətlər deyil, bir
qrupun hakimiyyəti öz əlində cəmləşdirməsi və digər qrupun
hakimiyyətə malik olmaması ilə bağlı olan siyasi ziddiyyətlər təşkil
edir.
R.Darendorf göstərir ki, cəmiyyət hər an dəyişikliklərə məruz
qala bilər, bu dəyişikliklər hər yerə nüfuz edir. Buna görə də istənilən
cəmiyyət müxtəlif səviyyələrdə baş verən sosial münaqişələrlə üzləşir.
İstənilən cəmiyyət onun üzvlərinin bir hissəsinin digərini məcbur
etməsinə əsaslanır. Buna görə də sinfi münaqişə hakimiyyətin
xarakteri ilə müəyyən olunur. R.Darendorf sosial antaqonizmlərin
dərin səbəblərinin ləğvi cəhdlərini səmərəsiz hesab edir və
münaqişənin spesifik gedişatmm dəyişməsinə təsir imkanım mümkün
sayır. Bu, müasir cəmiyyət qarşısında inqilabi çevrilişlər deyil,
təkamüli dəyişikliklər perspektivini açır.
K.Bouldinqin
ümumi
münaqişəli
qarşılıqlı
fəaliyyət
nəzəriyyəsi. 60-cı illərin əvvəllərində Amerika sosioloqu Kennet Bo-
uldinq münaqişə haqqında universal təlim - «ümumi münaqişəli
qarşılıqlı fəaliyyət nəzəriyyəsi» yaratmağa cəhd göstərmişdir
(«Münaqişə və müdafiə: ümumi nəzəriyyə, 1963). Həmin nəzəriyyəyə
müvafiq surətdə münaqişə canlı və cansız aləmə xas olan, sosial,
fiziki, kimyəvi və bioloji mühit proseslərinin təhlili üçün təməl anlayış
təşkil edən ümumi kateqoriyadır. Bütün münaqişələr ümumi
funksiyalara, xassələrə və yaranma, cərəyan və həll meyllərinə
malikdir. Bouldinqin fikrincə, insan təbiətində özünə
26
Dostları ilə paylaş: |