§1. Münaqişəyə dair elmi baxışların təkamülü
Konfliktoloji ideyaların toplanması ənənələri çoxəsrlik tarixə
malikdir. Münaqişənin ilk bütöv konsepsiyaları XIX-XX əsrlərin
ayrıcında yaransa da, əvvəlki yüzilliklərdə də bəşəriyyətin ən yaxşı
zəkaları bu fenomenin təbiətinə, münaqişələrin qarşısının alınması və
həlli yollarına dair baxışlarını açıqlamışlar.
İlk insan toplumları ilə birlikdə meydana çıxan münaqişələr
bəşəriyyətin «yol yoldaşı» olmuş və uzun müddət elmi tədqiqat
obyektinə çevrilməmişdir, hərçənd onların barəsində ayrı-ayrı
dahiyanə fikirlərə, bizə gəlib çatmış ən qədim mənbələrdə rast gəlmək
olar. Zaman keçdikcə həyat şəraiti dəyişmiş, bununla birlikdə
münaqişələrin şəkli də dəyişmiş, fiziki, iqtisadi və sosial nəticələri
fərqlənmişdir. İctimai fikrin onlara münasibəti də dəyişməz
qalmamışdır. Antik dövrdən müharibələrin müfəssəl təsviri və bu kimi
münaqişələrin ilk qiymətləndirilmələri qalmışdır. Orta əsrlərdə və
Yeni dövrdə bu təzahürün mahiyyətini mənalandırmağa cəhd
göstərilmişdir. Humanist mütəfəkkirlərin bütöv bir nəsli münaqişələr,
bəşəriyyətin inkişafına onların mənfi təsiri, müharibənin cəmiyyət
həyatından kənar edilməsi və əbədi sülhün bərqərar edilməsi haqqında
təsəvvürlərini ifadə etmişlər.
Qədim dövr. Qədim filosoflar belə hesab edirdilər ki, öz-
özlüyündə münaqişə nə pis, nə də yaxşıdır, o, insanların rəyindən asılı
olmayaraq, hər yerdə mövcuddur.
Nəzərdən keçirilən problemə dair bizə gəlib çatmış ilk
tədqiqatlar b.e.ə. VI-VII əsrlərə aiddir. Həmin dövrün Çin
mütəfəkkirləri belə hesab edirdilər ki, bütün varlığın inkişaf
mənbəyini materiyaya xas olan, daimi ziddiyyətdə olan və
daşıyıcılarının cəbhələşməsinə gətirib çıxaran müsbət (yan) və mənfi
(in) cəhətlərin qarşılıqlı münasibətləri təşkil edir.
Çin filosofu Lao-tszı (b.e.ə. 579-499-cu illər) müharibə və
mübarizəni deyil, sülh və barışığı ali dəyər hesab edirdi. O öyrədirdi:
«Döyüşlərdə müharibə istəməyənlər qalib gəlir, ən başlıcası sakitliyə
riayət etməkdir».
Qədim Yunanıstanda əksliklər və şeylərin yaranışında onların
rolu haqqında fəlsəfi təlim meydana çıxır. Anaksimaqor (b.e.ə.
610-547) göstərirdi ki, şeylər əksliklərin ayrılmasına gətirib çıxaran
vahid maddi başlanğıcın - «apeyron»un daimi hərəkəti
12
nəticəsində əmələ gəlir. Heraklit (b.e.ə. 535-475) hərəkətin səbəbini
açmağa, şeylərin və təzahürlərin hərəkətini əksliklərin mübarizəsinin
doğurduğu zəruri, qanunauyğun proses kimi təqdim etməyə cəhd
göstərmişdi. O yazırdı: «Mübarizə ümumidir və hər şey zərurət üzrə
mübarizədən keçir».
Müharibə kimi, sosial münaqişənin roluna dair ilk ümu-
miləşdirmələr də bu dövrə aiddir. Belə ki, Heraklitin fikrincə,
«müharibə bütün şeylərin atası, sülh isə onların anasıdır». .Platon
(b.e.ə. 428-348) isə onu ən böyük bəla kimi nəzərdən keçirirdi. Onun
fikrincə, bir vaxtlar «qızıl əsr» mövcud olmuş, «adamlar bir-birini
sevmiş və bir-birinə xeyirxah münasibət bəsləmişlər». Buna
baxmayaraq. Platonun «ideal dövlət»ində istənilən vaxt yürüşə
çıxmağa hazır olan döyüşçülər olmuşdur.
Herodot (b.e.ə. 490-425) da Heraklitə qarşı çıxırdı. O göstərirdi
ki, «heç kim müharibəni sülhdən üstün tutacaq qədər ağılsız deyildir.
Axı müharibə vaxtı atalar övladlarını, sülh dövründə isə övladlar
atalarını basdırırlar». Materialist filosof Epikür (b.e.ə. 341-270) də
belə hesab edirdi ki, toqquşmaların mənfi nəticələri nə vaxtsa insanları
sülh şəraitində yaşamağa məcbur edəcəkdir.
Keçmişin mütəfəkkirləri ictimai həyatda cəbhələşmənin
labüdlüyünü dərk edərək, hələ o zaman «ədalətli» və «ədalətsiz»
zorakılığın meyarlarım müəyyən etməyə cəhd göstərirdilər. Məsələn,
Siseron (b.e.ə. 106-43) özünün «Dövlət haqqında» əsərində şərin
qisasının alınması, düşmənin ölkədən qovulması uğrunda aparıla
biləcək «ədalətli və şərəfli müharibə» haqqında tezis irəli sürmüşdü.
Avreli Avqustin (345-430) Siseronun şərtlərinə müharibə
aparanın «ədalətli niyyətləri»ni də əlavə etmişdi.
Orta əsrlər. Foma Akvinski (1225-1274) cəmiyyət həyatında
müharibələrə yol verilməsi haqqında fikirlərini inkişaf etdirərək,
ədalətli müharibənin daha bir şərtini müəyyən etmişdi: ondan ötrü
«avtorizə olunmuş səlahiyyət», yəni dövlət hakimiyyətinin sanksiyası
zəruridir. Hərçənd bütövlükdə, onun fikrincə, «müharibə və zorakılıq
həmişə günahdır».
Sosial münaqişələrin sistemli təhlilinə ilk cəhdlərdən biri
florensiyalı nəzəriyyəçi və dövlət xadimi Nikkolo Makiavelliyə
(1469-1527) məxsusdur. Onun konsepsiyasmın dəyəri həmin
13
dövrdə hökmran olan ictimai inkişafın mənbələrinə münasibətdə dini
baxışlardan uzaqlaşmasında idi. Orta əsrlərin böyük nəzəriyyəçisi
münaqişəni cəmiyyətin, insan təbiətinin qüsurlu olması, müxtəlif insan
qruplarının daimi və qeyri-məhdud maddi zənginləşməyə can atması
ilə şərtlənən universal və fasiləsiz halı hesab edirdi. N.Makiavelli
bütün dövlət hakimiyyətini öz əllərində cəmləşdirən əyanları sosial
münaqişənin mənbələrindən biri hesab edirdi. Buna baxmayaraq,
Makiavelli münaqişənin yalnız dağıdıcı funksiyasını deyil, həm də
yaradıcı funksiyasını görürdü. Münaqişənin mənfi rolunu azaltmaq
üçün ona düzgün təsir etməyi bacarmaq lazımdır. Bu missiyanı dövlət
yerinə yetirməlidir.
Rotterdamlı Erazm (1469-1536) qeyd edirdi ki, «müharibə onu
bilməyənlərin ruhu üçün şirindir». O, həmçinin münaqişənin öz
məntiqinə malik olduğunu, zəncirvari reaksiya kimi yayılaraq, özünün
təsir dairəsinə əhalinin və ölkənin yeni-yeni təbəqələrini cəlb etdiyini
göstərirdi. Rotterdamlı Erazm müharibələrin səbəblərini təhlil edərkən
vurğulayırdı ki, çox vaxt hökmdarların xəbis və tamahkar keyfiyyətləri
xalqları müharibələrə sürükləyir.
Hüqo Qratsi (1583-1645) suveren dövlətlər arasında hər iki
tərəfin özünün haqlı olduğuna əmin olduğu müharibə imkamnı nəzərdə
tuturdu. Onun mülahizələri sonralar «bitərəflik» anlayı- şmm nəzəri
əsasını qoymuşdur.
Münaqişələrin təbiətinə dair ingilis filosofu Frensis Bekonun
(1561-1626) irəli sürdüyü ideyalar maraq doğurur. O, ilk dəfə ölkə
daxilində sosial münaqişələrin səbəbləri sistemini əsaslı nəzəri
təhlildən keçirmişdi. Onların arasında xalqın acınacaqlı maddi
vəziyyəti aparıcı rol oynayır. Münaqişələrin yaranmasına
hökmdarların senatın və silklərin rəyinə etinasızlığı, idarəetmə- dəki
siyasi səhvlər, şayiələrin yayılması, habelə «paskvillər və müxalif
nitqlər» də təkan verir.
Tomas Hobbs (1588-1679) özünün «Leviafan» əsərində
«hamının hamıya qarşı müharibəsi» konsepsiyasını əsaslandırmışdı.
O, adamlarda eyni ümidlərin yaranmasına, özünü qoruyub saxlama,
yaxud həzz alma üçün zəruri olan obyektlərə sahib olmaq istəyinə
gətirib çıxaran bərabərliyə canatmanı münaqişənin başlıca səbəbi
hesab edirdi, bu isə insanları düşmənlərə çevirir, rəqabət, etimadsızlıq
və şöhrətpərəstlik doğururdu. Hobbs insanların qüsurlarının aradan
qaldırılmasının dövlət zorakılığı
14
Dostları ilə paylaş: |