nın tətbiqindən başqa bir yolunu görmürdü.
Yeni dövr. Bu dövrdə fransız filosofu Jan-Jak Russonun
(1712-1778) ideyaları populyar idi. Hobbsdan fərqli olaraq, o, belə
hesab edirdi ki, insan özünün təbiəti etibarilə xeyirxah, sülhsevərdir,
səadət üçün yaradılmışdır.
Onun ümumdünya-tarixi prosesin mərhələviliyi konsepsiyasına
görə, əvvəlcə «təbii hal» mövcud olur, bu zaman insanlar azad və
bərabərdir, sonra sivilizasiyanın inkişafı bərabərlik, azadlıq və səadət
halının itirilməsinə gətirib çıxarır və nəhayət, insanlar «ictimai
müqavilə» bağlamaqla yenidən ictimai münasibətlərin itirilmiş
harmoniyasını, «əbədi sülh» və həmrəylik əldə edirlər. J-J.Russonun
fikrincə, ictimai müqavilə xalqın sərt nəzarəti altında mümkündür,
çünki müharibələr nazirlərə lazımdır, buna görə də onlar xoş məram
göstərmirlər. Məsələ «artıq
dilə tutmada deyil, məcbur etmədədir».
Çoxsəviyyəli sosial təzahür kimi münaqişə ilk dəfə Adam
Smitin «Xalqların sərvətinin təbiəti və səbəbləri haqqında tədqiqat»
əsərində öyrənilmişdir.
Münaqişənin əsasında cəmiyyətin siniflərə (kapitalistlər, torpaq
mülkiyyətçiləri, muzdlu fəhlələr) bölünməsi və iqtisadi rəqabət durur.
A.Smit siniflər arasında qarşıdurmanı cəmiyyətin irəliyə doğru
inkişafının mənbəyi kimi, sosial münaqişəni isə bəşəriyyətin müəyyən
neməti kimi nəzərdən keçirirdi.
Alman filosofu tmmanuel Kant (1724-1804) belə hesab edirdi
ki, «qonşuluqda yaşayan adamlar arasında sülh vəziyyəti təbii hal
deyildir... Əksinə, təbii hal müharibə vəziyyətidir, yəni fasiləsiz hərbi
əməliyyatlar olmasa da, daimi müharibə təhdididir. Deməli, sülh
vəziyyəti bərqərar olunmalıdır». Burada J.-J.Rus- sonun «ictimai
müqavilə» haqqında ideyaları ilə əlaqə sezilir.
Alman filosofu Georq Hegelin (1770-1831) fikrincə,
münaqişənin başlıca səbəbi bir tərəfdən «sərvət yığımı» ilə digər
tərəfdən «əməyə bağlı sinif» arasında sosial qütbləşmədən irəli gəlir.
Güclü dövlət hakimiyyətinin tərəfdarı olan Hegel ölkə daxilində
dövlətin birliyini sarsıdan iğtişaşlara qarşı çıxırdı. O belə hesab edirdi
ki, dövlət bütün cəmiyyətin mənafelərini təmsil edir və münaqişələri
tənzimləməyə borcludur.
Prussiya hərbi nəzəriyyəçisi Kari Klauzevits (1780-1831)
«Müharibə haqqında» əsərində beynəlxalq hərbi münaqişənin
15
təbiətini müəyyən edərək, məşhur «Müharibə siyasətin başqa
vasitələrlə davamıdır» düsturunu təklif etmişdi. Bütün tarix boyunca
beynəlxalq hərbi
münaqişələr bioloji labüdlük, bu və ya digər dövlətin
siyasətində normadan kənaraçıxma, yaxud mo- narxın özbaşınalığının
təzahürü deyil, dövlət daxilində və dünya meydanında münaqişəyə
keçənə qədər proseslərin qanunauyğun inkişafı olmuşdur.
Mövcudluq uğrunda mübarizə problemi ingilis bioloqu Çariz
Darvinin (1809-1902) yaradıcılığında mərkəzi yer tutmuşdur. Onun
bioloji təkamül nəzəriyyəsinin məzmunu 1859-cu ildə nəşr olunmuş
«Təbii seçmə yolu ilə növlərin mənşəyi, yaxud həyat uğrunda
mübarizədə nəcib cinslərin saxlanması» kitabında açıqlanmışdır. Bu
əsərin başlıca ideyası onun adında ifadə olunmuşdur: canlı təbiətin
inkişafı yaşamaq uğrunda daimi mübarizə şəraitində həyata keçirilir ki,
bu da ən çox uyğunlaşan növlərin təbii seçmə mexanizmini təşkil edir.
Sonralar Ç.Darvinin baxışları münaqişənin bəzi sosioloji və psixoloji
nəzəriyyələrində inkişaf etdirilmişdir.
XIX əsrin ikinci yarısında alman filosofu F.Nitsşe (1844- 1900)
insan davranışındakı təcavüzkar təzahürləri patologiya və onun
təbiətindəki kənaraçıxma kimi deyil, insanın təbiətinin diq- tə etdiyi
təbii hal kimi nəzərdən keçirmişdir.
Onun fikrincə, məhz buna görə də
əbədi sülhə can atan bəşəriyyət labüd surətdə müharibəyə qayıdır.
§2. Konfliktologiya nəzəriyyəsində əsas istiqamətlər
2.1.
Psixologiyada münaqişə problemi
Qərb psixologiyası şəxsiyyətdaxili və sosial münaqişələrin
öyrənilməsində mühüm ənənələrə malikdir. Yüz ilə yaxın bir dövr
ərzində toplanmış böyük nəzəri və empirik material yanaşmaların və
nəzəri platformaların müxtəlifliyində öz əksini tapır. Münaqişənin
öyrənilməsi tarixində şərti olaraq iki mərhələni fərqləndirmək olar.
Birinci mərhələ XX əsrin 50-ci illərinə qədər davam etmişdir, ikinci
mərhələ isə keçən əsrin 50-ci illərinin sonundan indiyə qədər olan
dövrü əhatə edir.
Fərqləndirmənin əsa
16