GİRİŞ
Təqdim olunan «Konfliktologiya» dərsliyi, ümumiyyətlə,
müasir beynəlxalq münaqişələrin, o cümlədən postsovet məkanındakı
münaqişələrin elmi-nəzəri və elmi-metodiki təhlilindən ibarətdir.
Dərsliyin xüsusiyyəti onda təzahür edir ki, müəlliflər tələbə
gənclərə beynəlxalq münaqişələrin mahiyyətini, qaynaqlarını,
köklərini və nəticələrini anlamaq, qiymətləndirmək və müstəqil təhlil
etmək bacarığını aşılamağa çalışırlar. Biz beynəlxalq siyasi
münaqişələri təhlil edərkən, onların yaranma və inkişaf tarixini, nəzəri
bazasını təhlil edərkən gəldiyimiz nəticələrdə Cənubi Qafqazdakı
dövlətlərarası, siyasi münaqişələrin xarakterik xüsusiyyətlərinə istinad
etmişik. Məlumdur ki, bütün postsovet məkanında ilk belə münaqişə
Ermənistan-Azərbaycan, Dağlıq Qarabağ münaqişəsi olmuş, onun
ardınca Gürcüstanda, Moldovada və s. belə münaqişələr meydana
çıxmışdır. Ermənistan-Azərbaycan, Dağlıq Qarabağ münaqişəsini
konseptual mövqedən nəzərdən keçirsək, onun nəzəri əsası bir çox
Avropa ölkələrindəki,
0
cümlədən keçmiş Yuqoslaviyadakı siyasi
münaqişələr (məsələn, Kosovo münaqişəsi) üçün təməl olmuşdur.
Cənubi Qafqazda Rusiya yeritdiyi hegemonçu geostrateji
siyasət nəticəsində məhz bu məqsədlər üçün yaradılmış Ermənistan
xüsusi rol oynayır. Ermənistan XIX əsrin əvvəlində Sankt- Peterburqda
verilmiş imperator fərmanı əsasında Azərbaycanın ləğv olunmuş
İrəvan xanhğmm yerində yaradılmış, ilk əvvəl «Erməni vilayəti»
adlandırılmışdır. O indi də Rusiyanın erməni vilayəti olaraq, 200 ildən
bəri çar, sovet və müasir Rusiyanın Cənubi Qafqazda başlıca və
uzunmüddətli strateji müttəfiqi və dayağı qismində çıxış etməkdədir.
Bu, Rusiya Federasiyası və Ermənistan Respublikası arasında XXI əsrə
istiqamətlənmiş müttəfiqlik münasibətləri haqqında 2002-ci il
sentyabrın 26-da Moskvada imzalanan Birgə Bəyannamədə öz
ifadəsini tapmışdır. Bəyannamədə deyilir: «Rusiya Federasiyası və
Ermənistan Respublikası XXI əsrin astanasında öz münasibətlərini
genişmiqyaslı strateji əməkdaşlıq əsasında quracaqlar».
Müasir münaqişələrin təbiəti elədir ki, onlar bir yerdə yaranır,
başqa yerdə davam edirlər. Bu,
xüsusilə həmin münaqişə
lərin böyük dövlətlər, yaxud region dövlətləri tərəfindən dəstəkləndiyi
hallara aiddir. Postsovet məkanında - Cənubi Qafqazda, Moldovada və
s. dövlətlərarası siyasi münaqişələrin təcrübəsi təsdiqləyif ki, onların
hamısı bir-bin ilə sıx. qarşılıqlı əlaqəyə malikdir, eyni mənbədən
qidalanır, vahid xarakterə və eyni niyyətlərə malikdir. Konseptual
baxımdan siyasi münaqişələr silahlı münaqişələrdən əmələ gəlir və
onların davamı kimi çıxış edir. Daxili, yaxud xarici münaqişənin
təşəbbüskarı olan dövlət silahlı yolla birinci mərhələdə müəyyən
nəticələr əldə etdikdən sonra müəyyən siyasi şərtlər irəli sürməyə
başlayır. Bütün bunlar Ermənistan-Azərbaycan, Dağlıq Qarabağ
münaqişəsinin, habelə Gürcüstandakı Abxaziya və Cənubi Osetiya,
Moldovadakı Dne- stryanı, Serbiyadakı Kosovo münaqişələrinin
nümunəsində aydın surətdə görünür.
Təqdim olunan dərslikdə dövlətlərarası siyasi münaqişələrin
nəzəri əsasları, onların inkişaf dinamikası, xarakterik xüsusiyyətləri,
həmin münaqişələrin iştirakçılarının ideoloji, siyasi və hərbi bazası,
onların psixologiyası və kəskinləşmə mənbələri nəzərdən keçirilmiş,
eyni zamanda nizamlanması, aradan qaldırılması, həlli yolları və
vasitələri ətraflı araşdırılmışdır.
Müasir beynəlxalq münasibətlər insan nəslinin kütləvi şəkildə
məhv edildiyi iki dünya müharibəsi ilə yanaşı münaqişələrin də
dünyanın ictimai-siyasi həyatında oynadığı mənfur rola dair acı
təcrübə ilə zəngindir. BMT statistikasına görə, təkcə XX yüzillikdə baş
vermiş iki dünya müharibəsində və çoxsaylı lokal münaqişələrdə 196
mln. nəfər insan həyatı məhv edilmişdir ki, bunun təqribən 70 mln.
nəfəri iki dünya müharibəsinin, qalan 126 mln. nəfəri isə
münaqişələrin və lokal müharibələrin qurbanı olmuşdur. Bu statistika
münaqişələrin «Demokl qılıncı» kimi bəşəriyyətin başı üzərindən
asıldığını söyləməyə imkan verir.
Siyasi, milli-etnik və sərhəd zəminində yaranmış münaqişələrin
müasir dünya qaydası üçün necə böyük təhlükə törətdiyini
Yuqoslaviya Federasiyasının yaşadığı tale əyani şəkildə sübut edir.
Burada 1989-cu ilin fevralından başlayan
və milli zəmində genişlənən
siyasi proseslər qısa zaman kəsiyində Federasiyanın altı dövlətə
parçalanması ilə nəticələndi.
Milli-etnik münaqişələrin dünya qaydasına necə böyük təhlükə
təşkil etdiyini müasir diplomatik düşüncə artıq
çoxdan dərk
8