Albaniyanın ərazisi və inzibati bölgüsü.
Alban dövləti erkən orta
çağda geniş bir ərazini əhatə edirdi. Antik dövrdə olduğu kimi Albaniyaya
şimalda Qafqaz dağlarından, cənubda Araz çayına, Qərbdə İberiyadan
Şərqdə Xəzər dənizinə qədər olan torpaqlar daxil idi. Kürün sol sahilindəki
Alban torpaqlarında Çola, Lpina, Kambisena və başqa vilayətlər yerləşirdi.
Çola vilayəti Dərbənddən Beşbarmaq dağına qədər Xəzər sahilini əhatə
edərək Çola və Dərbənd kimi iki şəhəri var idi. Çola ilə Şəki arasında Lpina
vilayəti yerləşirdi. Kürdən cənubda Paytakaran, Arsax, Uti və Sünik
vilayətləri yerləşmişdi və indiki Yuxarı Qarabağ və Mil düzünün bir hissəsi
Arsax vilayəti adlanırdı.
9
Sual 2.
Azərbaycanın Sasanilərin hakimiyyəti dövründə. Albaniyada
siyasi hakimiyyətin möhkəmlənməsi. Aquen kilsə məclisi.
Albaniyanın siyasi tarixini üç dövrə bölmək olar:
1)
Arşakilər sülaləsinin hakimiyyəti dövrü (I əsrin ortalarından 510-cu
ilə qədər). Musa Kalankatlının «Alban tarixi» əsərində Arşaki nəslindən
olan on hökmdarın adı çəkilmişdir.
2)
Sasani mərzbanlığı dövrü (510-629-cu illər).
3)
Mehranilər sülaləsinin hakimiyyəti dövrü (630-705-ci illər).
Eramızın I əsrində hakimiyyətə gələn alban arşakiləri VI əsrə kimi -
"alban mütləqiyyəti İran tərəfindən ləğv olunana və ölkə İran canişinlərinə
verilənədək" davam gətirə bildilər. Moisey Kalankatlının təqdim etdiyi
siyahıda arşakilər sülaləsindən olan on alban hökmdarının adı çəkilir:
"Arandan arşakilərin böyük nəslindən olan Qoçaq Vaçaqanadək ötən
günlərin sayı məlum deyildir. Albaniyanı idarə edən hökmdarların adları
sıra üzrə belədir: I Qoçaq Vaçaqan, Vaçe, Urnayr, II Vaçaqan, Mihravan,
Satay, Asay, Yesuagen, Vaçe və nəhayət, III Mömin Vaçaqan". Siyahıdan
aydın olur ki, Aran arşakilərdən olmayıb; görünür, Parfiya (İran)
arşakilərinin bir qolu olan bu sülalənin nümayəndələri ölkədəki yerli sülaləni
əvəz etmişdir.
Siyahıdan göründüyü kimi, Albaniyanın ilk arşaki hökmdarı e. I
əsrində hakimiyyətə gələn I Qoçaq Vaçaqan olmuşdur. Belə güman etmək
olar ki, Vaçaqanın sələfləri olan yerli hökmdarlar Albaniyanın bütün
vilayətlərinə sahib deyildilər. Məhz I Vaçaqan ölkəni birləşdirməyə və
mərkəzləşmiş dövlət yaratmağa müvəffəq olmuşdu. Onun nə özü, nə də
varisi I Vaçe haqqında başqa məlumatımız olmadığı üçün, mənbələrin I
Vaçenin davamçısı, Sasani şahənşahı II Şapurun bacısı ilə evlənmiş
Urnayr haqqında məlumatlarına nəzər yetirək. Urnayrın hakimiyyət illəri
dəqiq məlum deyil. Moisey Kalankatlının məlumatına görə, Urnayr İran
Şahənşahı II Şapurun (309-379), Bizans imperatoru Böyük Konstantinin
(337-
361), eləcə də erməni hökmdarları III Tridatın (287-330), Tiqranın
(338-
345), Arşakın (345-367) və Papın (370-374) müasiri olub. Mənbələrdə
onun adı ilk dəfə 313-cü ildə, alban əyanları ilə birlikdə xristianlığı qəbul
etməsi münasibətilə çəkilmişdir. Onunla bağlı son məlumat 371-ci ildə baş
vermiş Dzirav döyüşü ilə bağlıdır. Beləliklə, Urnayrın hakimiyyət başında ən
azı 313-cü ildən 371-ci ilə kimi olduğu güman edilir.
Alban tarixçisi onu "böyük müharibələrdə [sələflərinin] şanlı adına
varis çıxaraq, Ermənistanın içərilərində qələbə bayrağı sancan rəşadətli ər"
adlandırır.
10
Urnayrın daxili siyasətində əsas yerlərdən birini bütpərəstliklə
mübarizə, xristianlığın dövlət dininə çevrilməsi, kilsənin torpaqla təmin
olunması, ilkin bəhərin kilsəyə ayrılması tutur. Lakin Urnayrın dövründə
xristianlıq Albaniyanın hər yerinə yayılıb, ümumxalq dininə çevrilmədi.
Hökmdarın, saray adamlarının, əyanların və Albaniya əhalisinin bir
hissəsinin qəbul etdikləri xristianlıq təşəkkül tapan feodal mədəniyyətinin
ideoloji əsası oldu. Əhalinin bir hissəsi öz köhnə bütpərəst inamlarına, bir
hissəsi isə məzdəkizmə - atəşpərəstliyə sadiq qaldı.
İran şahı II Şapurun vassalı və müttəfiqi olan Urnayrın xarici siyasəti
bilavasitə Sasanilərin xarici siyasətləri ilə bağlı olduğu üçün, Albaniya da
İran-Roma müharibələrinə cəlb olundu.
Bizans tarixçisi Ammian Martselinin verdiyi məlumata görə, 359-cu
ildə romalılar və farslar arasında Amid altında baş vermiş döyüşdə alban
hökmdarı Urnayr da II Şapuru müşayiət etmişdi; Favstos Buzand isə onun
371-
ci ildə Dzirav çölündə Roma və erməni qoşunlarına qarşı aparılan
döyüşdə II Şapura kömək göstərdiyini qeyd etmişdir.
Urnayrdan
sonra mənbələrdə alban arşakilərindən Yesuagen
haqqında məlumat var. Onun dövründə köhnə əlifbanın təkmilləşdirilməsi
yolu ilə yeni alban yazısı yarandı. Bu barədə Moisey Kalankatlı, eləcə də V-
VIII əsrlərin erməni müəllifləri Koryun, Movses Xorenatsi xəbər verirlər.
Təlim-tədrisin təşkilinin Yesuagen tərəfindən həyata keçirilmiş forması
xüsusi maraq doğurur.
444-
cü ildə Yesuagenin İran Şahənşahı II Yəzdigərdin bacısından
olan oğlu II Vaçe hökmdar elan edildi. Moisey Kalankatlının məlumatına
görə bu alban hökmdarı İran Şahənşahı Perozun əmri ilə onun dövründə
dövlətin paytaxtı olmuş Perozabad (Partav-Bərdə) şəhərini saldırdı.
Paytaxtın Qəbələdən Bərdəyə köçürül-məsi xarici-siyasi dəyişikliklərlə,
türkdilli köçərilərin tez-tez baş verən basqınları ilə bağlı idi; məhz bu,
ölkənin mədəni-siyasi mərkəzinin Kürün sol sahilindən sağ sahilinə
keçirilməsinə səbəb olur.
II Vaçenin hakimiyyət illəri İran əleyhinə baş verən xalq azadlıq
hərəkatları ilə əlamətdar oldu. Bunlardan Cənubi Qafqaz xalqlarının 450-
451-ci ill
ərdə erməni sərkərdəsi Vardan Mamikonyanın başçılığı ilə
qaldırdıqları üsyanı, eləcə də 457-463-cü illərdə II Vaçenin özünün
rəhbərliyi ilə bilavasitə Albaniyada baş qaldıran azadlıq hərəkatını
göstərmək olar. Albanları və başqa Qafqaz xalqlarını bu üsyana sövq edən
əsas amil sasanilərin iqtisadi, siyasi və mədəni-ideoloji boyunduruğu
olmuşdu.
11
Mənbələrin məlumatından görünür ki, Sasani üsuli-idarəsinin
Albaniya, Ermənistan və İberiyadakı xristian təbəələrinə münasibətdə
apardığı siyasət sabit olmamış, daim dəyişikliklərə uğradı. Xristianlar Roma
imperiyasında təqiblərə məruz qaldıqda İran şahları onlara himayədarlıq
etmiş, xristianların simasında romalılara qarşı arxa cəbhədə müttəfiq
qazanmaq ümidi ilə onları öz ərazilərində həvəslə qəbul etmişdilər.
Xrist
ianlığın qələbəsi, onun Şərqi Roma imperiyasında, həmçinin Albaniya,
Ermənistan və İberiyada dövlət dininə çevrilməsi ilə Sasani İranında
xristianlara münasibət dəyişdi. Sasani şahları mötədil təriqətlərə mənsub
olan xristianları təqib etməyə, İranda, eləcə də öz yerlərində rəsmi kilsə ilə
mübarizə aparan müxtəlif təriqətləri müdafiə etməyə başladılar.
Qonşuluqda siyasi və dini cəhətdən İrana düşmən, lakin Roma imperiyası
ilə həmdin ölkənin olması həm Şimaldan, həm də qərbdən
möhkəmləndirilmiş
təbii
sərhədləri
olmayan
bu
ölkəni
həmin
istiqamətlərdən daim təhlükəyə məruz qoyurdu.
428-
ci ildə Sasanilər Ermənistanda hökmdar hakimiyyətini ləğv edib,
onu imperiyanın əyalətlərindən birinə çevirdilər. Həmin dövrdə Albaniya
müəyyən siyasi müstəqilliyini saxlaya bilmiş vassal ölkə idi. Dünyəvi
feodalların və ruhanilərin müstəsna hüquqları, eləcə də alban arşakilərinin
simasında daxili, bəzən də xarici siyasət yürüdən hökmdar hakimiyyəti
saxlanmışdı.
Lakin alban hökmdarlarının separatçılığı mərkəzi hakimiyyəti narahat
edirdi. V əsrin ortalarında şimali Qafqaz köçərilərinin artmaqda olan
basqınlarından, eləcə də Bizansın Attila ilə müharibəyə və kilsə
münaqişələrinə cəlb olunmasından istifadə edən Sasanilər Qafqaz
xalqlarının müqavimətinə və müstəqilliyinə həmişəlik son qoymaq, Albaniya
və İberiyanı da öz əyalətlərinə çevirmək üçün açıq və qəti tədbirlərə əl
atdılar. Hər şeydən əvvəl II Yəzdigərd (438-457) Cənubi qafqazlıların hərbi
qüvvələrini imperiyanın Şimal-Şərq hüdudlarına - hunlarla mübarizəyə
səfərbər edərək, bununla onların müqavimətini zəiflətdi.
II Yəzdigərd vergi siyasətini də dəyişdi. Əhalinin ümumi siyahıya
alınması və üzərinə vergi qoyulacaq hər şeyin qeydiyyatdan keçirilməsi
nəticəsində vergilər xeyli dərəcədə artdı. Kəndlilərlə yanaşı, şəhər əhalisi,
el
əcə də əvvəllər azatlar zümrəsi ilə bir tutulan və yalnız torpaq vergisi
verən ruhanilər də ağır vergi ilə yükləndilər.
Əkilib-əkilməməsindən asılı olmayaraq bütün əkinə yararlı sahələrə
vergi qoyuldu. Xəzərin qərb sahilində ucaldılan beş sıra müdafiə xəttinin
tikintisi də tamamilə Albaniya əhalisi üzərinə düşdü. Moisey Kalankatlı
yazırdı: "Qafqaz dağları ilə Böyük Şərq (Xəzər) dənizi arasındakı
12
möhtəşəm tikinti üçün inşaatçılar toplayan və müxtəlif material arayan İran
şahları ölkəmizi taqətdən salmışdılar".
Bu tədbirlərlə yanaşı Sasanilər Cənubi Qafqaz xalqlarını, o cümlədən
albanları zorla məzdəkizmə (atəşpərəstliyə) çevirmək yolu ilə onların
mədəni-ideoloji assimilyasiyasına nail olmağa çalışırdılar. Etiqad məsələsi
yalnız dini mahiyyət daşımırdı, bu həmçinin mühüm siyasi əhəmiyyətə
malik məsələ idi. Dini assimilyasiyasının əsas məqsədi mərkəzin siyasi
hakimiyyətini möhkəmləndirmək, tabe olmayan xalqların tam itaətkarlığını
təmin etmək, onları öz müstəqillikləri uğrunda apardıqları mübarizədə
kömək umduqları Bizansdan ayırmaq idi. Beləliklə, məhz həmin vaxtdan üç
Qafqaz xalqı dini müttəfiqə çevrildilər.
II Yəzdigərdin gördüyü bütün bu iqtisadi və siyasi tədbirlər 450-451-ci
illərdə baş verən antiiran hərəkatına səbəb oldu; bunun üçün əsas bəhanə
Cənubi Qafqaza göndərilmiş yeddi yüz atəşpərəstin (onlardan üç yüzü
Albaniya üçün nəzərdə tutulmuşdu) xristianlığın kökünü kəsmək və
məzdəkizmi yaymaq cəhdləri olmuşdu.
Ermənistan və İberiyaya nisbətən Albaniyada üsyan daha ağır
şəraitdə keçirdi. Paytakaran şəhərində İran silahlı qüvvələri cəmlənmişdi.
Çola ərazisində hunlara qarşı yürüşdən qayıtmış on min İran atlısı
yerləşmişdi. Sasanilər onların köməyilə Gürcüstan və Albaniyada baş
qaldırmış üsyanı zəiflətmək, Ermənistandakı hərəkatı boğmaq istəyirdilər.
II Y
əzdigərd tərəfindən şah sarayına çağırılaraq orada girov kimi
saxlanılan və məzdəkizmi qəbul etməyə məcbur edilən alban hökmdarı II
Vaçe üsyançıları açıq şəkildə müdafiə edə bilməzdi. Albaniyadakı üsyana
ölkənin Cənubi Qafqaz xalqlarının azadlıq hərəkatına başçılıq edən, hərbi
əməliyyatın ümumi strateji planını hazırlayan Vardan Mamikonyanla sıx
əlaqə saxlayan ölkə patriarxı - katolikosu və hazarapeti-vəziri rəhbərlik
edirdi.
450-
ci ildə alban hökmdarlarının qış iqamətgahı olan Xalxal şəhəri
yaxınlığında (müasir Qazax zonası) üsyançılarla İran qoşunları arasında
döyüş baş verdi. Bu döyüş İran qoşunlarının tam məğlubiyyəti ilə başa
çatdı. Bu qələbədən sonra iranlıların Albaniyada tutduqları qala və
Şəhərlərə hücum çəkən albanların, ermənilərin və iberlərin müttəfiq
qoşunları daha sonra "hun keçidinə" doğru birgə yürüş etdilər. Onlar II
Yəzdigərd tərəfindən tikilən qalanı dağıdaraq buradakı İran qarnizonunu
məhv etdilər və alban hökmdar nəslindən olan bir knyazı keçidin
komendantı təyin etdilər. Hunların ölkəsinə və başqa Şimali Qafqaz
torpaqlarına gedib, farslara qarşı ittifaq bağlamaq da ona həvalə edildi.
Hunlar kömək vəd etdilər. Bu zaman eftalilərlə müharibədə uduzan İran
13
Şahənşahı II Yəzdigərd Orta Asiyadan Ktesifona qayıtdı. Bizanslıların
Cənubi Qafqaz xristianlarının işinə qarışmadığına əmin olan II Yəzdigərd
üsyanı zor gücünə boğmaq qərarına gələrək, Mihr-Nersesi böyük ordu və
çoxsaylı fillərlə ora göndərdi. Albaniya, Ermənistan və Gürcüstandakı
üsyançılardan bir çoxunu bahalı hədiyyələr və vədlərlə üsyandan
yayındırmaq mümkün oldu. Feodalların çoxu öz yerlərinə qayıtdılar. Farslar
"Vardan Mamikonyanla Albaniya və Gürcüstan arasında çox məharətlə
bağlanmış ittifaq müqaviləsini pozmağa" müvəffəq oldular. 451-ci il iyunun
3-
də Artaz vilayətindəki Avarayr düzündə (indiki Maku ilə Xoy arasında)
farslarla üsyançılar arasındakı məşhur döyüş üsyançıların ağır məğlubiyyəti
ilə başa çatdı.
Ümumqafqaz antisasani üsyanı yatırıldıqdan az sonra, 457-463-cü
illərdə alban xalqının Sasanilərə qarşı çevrilmiş ən böyük üsyanı baş verdi.
Üsyana hökmdar II Vaçe özü başçılıq edirdi. 450-451-ci illər üsyanından
sonra heç bir güzəştə getməyən Sasani şahı II Yəzdigərd albanların ən
vacib tələblərini belə ödəmək istəmədi.
457-
ci ildə II Yəzdigərd vəfat etdi; onun ölümü İranda hakimiyyət
uğrunda mübarizəni kəskinləşdirdi. Bundan istifadə edən II Vaçe farslara
qarşı çıxdı. Bu çıxış ilk növbədə özünü II Vaçenin məcburi surətdə qəbul
etdiyi zərdüştilikdən əl çəkməsində göstərdi.
459-
cu ildə İranda hakimiyyətə Peroz (459-484) gəldi. Onun
dövründə təbəələrin onsuz da ağır olan vəziyyəti uzunmüddətli quraqlıq,
qıtlıq və Perozun xarici müharibələri nəticəsində daha da ağırlaşdı.
Bütün bunlar Albaniyada narazılığa və arasıkəsilməz üsyanlara
səbəb oldu. Erməni tarixçisi Yeqişenin dediyi kimi, İran dövlətində
müvəqqəti olaraq yaranmış əmin-amanlıq 459-cu ildə "alban hökmdarının
tabe olmaqdan qəti imtina etməsi ilə" pozuldu. Çola keçidini ələ keçirən
alban üsyançıları maskutların qoşunlarını ölkəyə buraxaraq, Böyük
Qafqazın on bir "hökmdarı" ilə ittifaq bağladılar və onların köməyilə
Albaniyaya soxulan Sasani qoşunları ilə iki il uğurlu hərbi əməliyyatlar
apardılar. Farsların Vaçe ilə dəfələrlə danışıqlara girmək cəhdləri heç bir
nəticə vermədi. Onda Peroz böyük muzdla tutduğu hunları - onoqurları
köməyə çağırdı. Alan qapısından Albaniyaya soxulan hunlar 462-ci ildə
albanlarla döyüşə girdilər, bütün ili alban hökmdarı ilə vuruşdular. Vaçenin
qoşunlarının azalmasına və dağılmasına baxmayaraq hunlar onu tabe edə
bilmədilər.
Bu müharibə İran ordusunun muzdlu döyüşçüləri olan onoqurlar üçün
də çox uğursuz oldu. Onların bir qismi döyüş meydanında, digərləri
xəstəliklərdən həlak oldu.
14
Albaniyada 457-
ci ildə başlayan bu üsyan yalnız 463-cü ildə yatırıldı.
Sasanilərin ölkədəki mövqeyi yenidən möhkəmləndi, II Vaçe taxt-tacdan
imtina etdi, arşakilər sülaləsinin hakimiyyətinə 30 illik ara verildi; ölkəni
Sasanilərin canişini - mərzban idarə etməyə başladı.
Moisey Kalankatlı yepiskop Qutun hakimiyyətdən uzaqlaşdırılmış
Vaçeyə göndərdiyi mədhiyyə-məktubundan gətirdiyi parçada siyasi
hakimiyyətini itirmiş ölkənin dininin əldən verilmədiyini xüsusi qeyd edərək
yazırdı: "Sənin ölkənin doğma dini hifz olunmuş, böyük kilsələr salamat,
kiçik kilsələr əmin-amanlıqda, ruhanilər ibadətlərdə, qurbanlar mehrablarda
q
almışdır".
Şahənşah Perozun Şərq sərhədlərdə eftalilərlə apardığı uğursuz
müharibələr, albanlara qarşı göndərdiyi cəza dəstələri, vergi zülmünün
güclənməsi, nahararların irsi imtiyazlarının sıxışdırılması, dini təqiblər
Cənubi Qafqazda yeni üsyan üçün şərait yaratdı. Albaniya, İberiya və
Ermənistanda 481 -ci ildə başlayan bu üsyanlar təxminən 484-cü ilədək
davam etdi. Üsyançı albanlar, iberlər və ermənilərlə arasıkəsilməz döyüşlər
aparan farslar elə bu zaman eftalitlərə məğlub oldular. Peroz öldürüldü.
484-
cü ildə eftalitlər İran hüdudlarına soxuldular. Bu hadisə onsuz da zəif
düşmüş İran qoşunlarını Cənubi Qafqaz torpaqlarından uzaqlaşdırdı.
484-
cü ildə Şahənşah Valarş (484-488) İran hökmdarı elan edildi.
İranda hökm sürən ağır siyasi və iqtisadi vəziyyət müharibə nəticəsində
dağılmış kəndli təsərrüfatını bərpa etməyə çalısan Valarşı onun sələflərinin
Cənubi Qafqazda həyata keçirdikləri dini təqib siyasətinə son qoymağa və
Qafqaz xalqları ilə sülh bağlamağa məcbur etdi. Nvarsaq kəndində
üsyançıların təqdim etdiyi şərtlərlə bağlanmış bu sülh müqaviləsinə görə
İran hökuməti Albaniya, Ermənistan və Gürcüstanda xeyli güzəştlərə yol
verdi, Albaniyada arşakilər sülaləsinin hakimiyyəti yenidən bərpa edildi.
Alban hökmdarının daxili idarəçilikdə müstəqilliyi tanındı. Din və etiqad
azadlığı təmin edildi, alban əyanlarının imtiyazları bərpa edildi, feodal
naharar nəsillərinin iyerarxiya prinsipi toxunulmaz qaldı. Ölkənin ali hakimi
və nahararların başçısı yalnız alban hökmdarı özü ola bilərdi. Sasanilər
məzdəkizmi zorla qəbul etdirməməyi, xristianlar isə atəşpərəstləri öz
dinlərinə döndərməməyi öhdələrinə götürdülər. Albaniyadan daxil olacaq
xəracın qədəri azaldıldı. Albanlar İran süvari ordusuna atlı verməkdən azad
edildilər.
487-
ci ildə alban arşaki sülaləsinin sonuncu nümayəndəsi, II Vaçenin
qardaşı oğlu Mömin ləqəbli III Vaçaqan alban hökmdarı oldu. Moisey
Kalankatlı yazır: "Vaçedən başlayaraq Mömin Vaçaqana kimi keçən 30 il
müddətində Albaniya hökmdarsız qaldı...". Alban tarixçisinin sözlərinə görə,
15
"yenidən bir məmləkət daxilində birləşən Albaniya sakinləri hökmdar
ailəsindən cəsur, müdrik, dərrakəli və hündür boylu Vaçaqanı seçdilər.
Alban hökmdarı Vaçenin qardaşı Yəzdigərdin oğlu olan Vaçaqanı İran şahı
Valarşın köməyi ilə taxta oturtdular".
Mömin Vaçaqanın hökmdarlığı Albaniyanın siyasi və mədəni-dini
dirçəlişi idi. O, hər şeydən əvvəl, ölkədə dini birliyə nail olmağa, xristianlığın
ümumdövlət dininə çevrilməsinə çalışdı. Bu məqsədlə o, atəşpərəstləri,
bütün bütpərəst təriqətlərini möhkəm təqib edir, onların kökünü kəsirdi. III
Vaçaqan məktəblər açır, dağıdılmış kilsə və monastırları yenidən qurur,
yenilərini tikir, kilsə rütbələrini bərpa edirdi. Albaniyanın müstəqilliyini
möhkəmləndirməyə çalısan III Vaçaqan yad dini-siyasi təsirlərə və xarici
qüvvələrin assimilyatorçu siyasətinə qarşı dayana biləcək müstəqil alban
kilsəsinin böyük siyasi rolunu nəzərə alaraq, bu kilsənin laxlamış
dayaqlarını möhkəmləndirməyi, onu iqtisadi cəhətdən gücləndirməyi zəruri
hesab etdi. Bu məqsədlə o, Aquen məclisini topladı. Bu məclis bir tərəfdən
alban kilsəsinin müstəqilliyinin təsdiq edilməsinə kömək etməli, digər
tərəfdən dövlət hakimiyyətini möhkəmləndirmək, feodal azğınlığına son
qoymaq, ruhaniləri dünyəvi əyanlarla bərabərləşdirmək, dünyəvi əyanların
və ruhanilərin vergi ödəyən zümrə ilə münasibətlərini nizamlamaq, eləcə də
ölkənin siyasi müstəqilliyini saxlamaq və yadelli qüvvələrlə mübarizə etmək
məqsədilə bütün silklərin dini birliyinə nail olmaq üçün şərait yaratmalı idi.
III Vaçaqan Albaniyada son Arşaki hökmdarı oldu.
Arşakilər sülaləsindən olan bütün alban hökmdarları müstəqil alban
siyasəti aparır, alban ideallarına - alban dövlətinə, xalqına, dininə sədaqətlə
xidmət edirdilər; tədricən onların ilkin farslıq əlamətləri aradan getmiş, onlar
tez bir zamanda yerli mədəniyyəti mənimsəmiş, albanlaşmışdılar. Alban
Arşakiləri dövründə Albaniyanın siyasi strukturunu mərkəzləşmiş feodal
dövləti kimi təqdim etmək olar.
Hökmdar ölkənin ali hakimi olub, dünyəvi və ruhani hakimiyyətin
qanunver
ici və məşvərətçi orqanlarına, ölkənin bütün hərbi qüvvələrinə
rəhbərlik edirdi. şəhərlərin salınması da hökmdarın səlahiyyətlərinə daxil
idi. İranda olduğu kimi, Albaniyada da "hökmdar hakimiyyətinə Arşakilər
nəslinin ümumi malı kimi baxılır və yalnız bu nəslin nümayəndələri ona
iddiaçı ola bilirdilər".
Albaniyanın mühüm strateji əhəmiyyətini (köçəri hücumlarının
qarşısının Qafqaz keçidlərində alınması), onun təbii ehtiyatlarını, ticarət
yollarını nəzərə alan İran Şahları I əsrdən VI əsrədək Albaniyanın
d
övlətçiliyinə toxunmamış, burada Alban hökmdarlarının -kiçik Arşakilərin
hakimiyyətini saxlamışdılar.
16
Beləliklə, Alban dövləti alban arşakiləri dövründə qədim Albaniyanın
ənənələrini davam etdirərək, özünün heç kəsdən asılı olmayan müstəqil
daxili və bəzən də xarici siyasətini yürütmüşdür.
510-
cu ildə, Sasani imperiyasında vəziyyət sabitləşən kimi, İran
şahları Albaniya və İberiyada (Kartlidə) yerli hökmdar sülalələrini ləğv
etdilər. I Xosrov tərəfindən keçirilən inzibati islahatlar nəticəsində Sasani
imp
eriyasının dörd canişinliyə (kusta) bolünməsi təsdiq edildi. Bütün
Cənubi Qafqaz ölkələri kimi, Albaniya da şimal canişinliyinin, Adurbadaqan
-
Azərbaycan da adlandırılan Qafqaz kustunun tərkibinə daxil edildi və
"
İranın və qeyri-İranın Şahənşahının" mərzbanları (canişinləri) tərəfindən
idarə olunmağa başlandı. Bu vəziyyət 628-ci ilə kimi davam etdi.
Dostları ilə paylaş: |