8
oynayırdı. Bu dövrdə ən çox inkişaf etmiş
sənət sahələrindən biri də
dulusçuluq idi. Bundan başqa ağac emalı, daşyonma, gön-dəri, şüşə
istehsalı və sair sahələr də inkişaf edirdi.
Bu dövrdə Albaniyada köhnə şəhərlərin (Qəbələ, Naxçıvan, Dərbənd)
inkişafı ilə yanaşı yeni şəhərlərin (Bərdə, Beyləqan və s.) yaranması və
şəhər həyatının canlanması prosesi gedirdi. Şəhər əhalisinin tacir və
sənətkarlardan ibarət olan yuxarı dairəsi əlverişli
iqtisadi və sabit ticarət
fəaliyyətini təmin edə biləcək mərkəzi dövlət hakimiyyətinin olmasında
maraqlı idilər. Albaniyada və Atropatenada (Cənub) şəhərlər iqtisadi
əhəmiyyətinə və roluna görə üç tipə bölünürdü: 1) beynəlxalq ticarət yolları
üzərində meydana çıxmış şəhərlər. Bu tipə aid edilən Bərdə, Dərbənd,
Qəbələ, Çola, Beyləqan şəhərləri iri inzibati və ticarət-sənətkarlıq
mərkəzləri idilər. Mənbələrdə bu şəhərlər «böyük» və «məşhur» şəhərlər
adlandırılmışdır. 2) Ticarət yollarından kənarda, qapalı ərazilərdə yerləşən,
sənətkarlıq və ticarət mərkəzi kimi tanınan
şəhərlər, bu tip şəhərlərin
sırasına Şəki, Şəmkir, Girdman, Naxçıvan və başqaları daxildir. 3) Kənd
tipli şəhərlər və yaxud əkinçilik xarakterli şəhərlər; bunlar sosial-iqtisadi
mənada şəhər olmayıb, əslində vilayətlərin inzibati mərkəzləri idi.
Bu tipli
şəhərlərə Torpaqqala (Qax), Mingəçevir və başqaları daxil idi. Albaniyanın
paytaxt şəhəri olan Bərdə Yaxın və Orta Şərqin ən böyük ticarət
mərkəzlərindən biri olub İran körfəzi, Orta Asiya, Cənubi Azərbaycan,
Gürcüstan,
Ərəb ölkələri, Bizans və Şimali Qafqazı birləşdirən karvan
yollarının üzərində yerləşirdi.
Belə bir ümumi nəticəyə gəlmək olar ki, erkən orta əsrlərdə
Azərbaycanda feodal təsərrüfat sistemi təşəkkül tapmış,
dövlət və xüsusi
torpaq sahibliyi formaları meydana çıxmışdır. İctimai əmək bölgüsünün
dərinləşməsi ilə sənətkarlıq kənd təsərrüfatından ayrılaraq şəhərlərdə
cəmləşməyə başlamış, eyni zamanda bir çox şəhərlər iqtisadiyyatda böyük
rolu olan mühüm ticarət-sənətkarlıq mərkəzlərinə çevrilmişdilər.
Dostları ilə paylaş: