www.kitabxana.net Amid Əlioğlu
2016
çevriləndə atası ilə üzbəüz olması məni də
həyacanlandırmışdı.
-
Anana nə olub?! Doğur? - soruşanda üzünə
yaraşmayan mənasız gülüşü hiss etməmək mümkün
deyildi.
O,
normal
doğumun reanimasiyada
olmadığını bilməyəcək qədər düşüncəsiz insan idi.
Atası bu sözü deyəndə Əhmədin dişi-dişinə
sıxılmış halda, gözlərini isə atasının yaşam məqsədi
olmayan gözlərinə zilləmişdi. Nifrət və hirs dolu
baxışlara daha çox tab gətirə bilməyən kişi Əhmədin
yanından ötüb Reyhan xalaya yaxınlaşdı. Vəziyyəti
ayaqüstü öyrənən bivec kişi sanki burada qeyri-adi bir
hadisə olmadığını yəqinləşdirərək dilləndi:
-
Reyhan bacı, qorxulu bir şey yoxdu burda.
Doğumla əlaqədardır. Əhməd burdadı da. Mən
gedim, bir azdan gələrəm.
Səssiz qalmaqla kifayətlənən Reyhan xalanın
onsuz da başqa çarəsi yox idi. Həyat yoldaşına laqeyd
olan kişiyə qonşu olaraq “Hara gedirsən ay kişi, bu
doğumla əlaqədar bir şey deyil... Nəsə ciddi bir
məsələ olmasaydı, reanimasiyaya gətirməzdilər.
Doğuma hələ iki ay var...” – söyləyəsi deyildi ki.
www.kitabxana.net Amid Əlioğlu
2016
Atası gedəndən təqribən beş dəqiqə sonra
otaqdan çıxan həkim qapının yanında duran Reyhan
xaladan soruşdu:
-
Xəstənin nəyisiz?
Biz də onlara tərəf yüyürdük.
-
Həkim, mən qonşusuyam...
Həkimin çaş-baş qaldığı üzündən oxunurdu.
-
Bəs... Bəs xəstənin başqa kimsəsi...
-
Həkim, oğlu burdadır, – Reyhan xala
həyəcanla həkimin sözünü kəsib tələsik cavab verdi.
Əhməd həkimə çatmışdı artıq.
-
Həkim, anamın vəziyyəti necədi? Nə olub ona?
Qorxudan əl-ayağı əsən Əhmədi diqqətlə süzən
həkim onu otağına dəvət etdi. Reyhan xalanın da
onlarla otağa girmək niyyətinə həkimin əngəl
olmasına baxmayaraq, mən içəri keçə bildim. Həkim
məni görmürdü sanki.
Eynəyini taxıb masanın üstündəki sənədləri
nəsə axtarırcasına vərəqləyən həkimin əllərinə və
baxdığı yerlərə həm Əhməd, həm də mən, özümüzdən
asılı olmayaraq, diqqətlə göz gəzdirirdik. Nə o
danışırdı, nə də mən. Bir müddət davam edən
axtarışdan sonra həkim asta səslə Əhməddən:
www.kitabxana.net Amid Əlioğlu
2016
- Adın nədir, oğlum?- soruşdu.
- Əhməd...
- Anan bundan əvvəl həkimə müraciət edibmi?
Hamiləliklə əlaqədar analizlər verilibmi? Mən bunları
bilməliyəm. Ona kömək etmək üçün bilməliyəm.
Anan yatmış vəziyyətdədir. Özündən soruşa
bilmədim.
Atan
haradadı
bəs? Kimin-kimsən
yoxdurmu sənin, oğul?
Əhməd yaşarmış gözlərilə bir müddət sol
tərəfindəki pəncərəyə baxdıqdan sonra danışmağa
başladı. İndiyə qədər heç kimə, heç yerdə
danışmadığı həyat hekayəsini dərindən nəfəs ala-ala
danışırdı.
Söyləyəcəklərinin
anasına
yardımçı
olacağını düşünən biçarə danışdıqca, az məbləğdə
olan pulunu cibindən çıxarır, əlində tutub yenidən
cibinə qoyurdu. Burnunun ucuna sürüşdürdüyü
eynəyinin üstündən Əhmədə baxan həkim isə qalın
qaşlarını gah qaldırıb, gah endirirdi. Əhməd, sözünü
bitirdikdən sonra həkim:
- Aydındır oğul, aydındır. Deməli, məsələ belədir
də, - deyib təzəcə söhbətə başlayırdı ki, qapını döyüb
içəri daxil olan tibb bacısı:
www.kitabxana.net Amid Əlioğlu
2016
- Həkim, xəstə özünə gəldi, – deyəndə biz ani
olaraq yerimizdən qalxdıq. Əhməd təlaş içində
dəhlizə çıxdı. Lakin həkim onu saxlayaraq anasının
yanına hələ girə bilməyəcəyini söylədi:
- Əhməd, səbirli ol! Bir məsələni ananla danışım,
daha sonra səninlə söhbət edərik. Otağıma keç və
məni gözlə!
Bir müddətdən sonra otağına qayıdan həkim
rentgen kağızlarını masanın üstünə qoyaraq
pəncərinin qabağında durdu. Bir qədər xəstəxananın
bağını seyr etdikdən sonra yerinə keçdi. Nə
düşündüyünü sezmək çox çətin idi. Barmaqları ilə
göz qapaqlarının burnuna yaxın olan hissəsini
ovuşduraraq:
-
Əhməd, sənin anan xəstədir, – dedi.
Əhməd bir kəlmə belə danışmadan gözlərini
həkimin ağzına zilləmişdi. Həkim isə adi bir xəbər
verirmiş kimi rahat danışırdı. Onlar belədir də. Ay
ərzində, bəlkə də gün ərzində neçə-neçə amansız
xəstəliyin “müjdəçisi” olurlar...
-
Uzun sözün qısası, ananın döşündə xərçəng
var. Biz buna şiş deyirik. Çox təəssüf ki, bədxassəli
şişə çevrilib artıq.
www.kitabxana.net Amid Əlioğlu
2016
Gözünü hər qırpanda kipriyindən süzülən yaş
Əhmədin ovcunun içinə düşürdü. Həkim isə davam
edirdi:
-
Şiş çox sürətlə irəliləyir. Müalicəsi demək olar
ki, artıq mümkün deyil. Biz sadacə şişin böyüməsinin
qarşısını ala bilərik. Kimyaterapiya sayəsində. Bu
isə...
-
Bu isə?... Bu isə nə, həkim?
-
Bu isə həm bahalıdı, həm də uşaq üçün
təhlükəlidi. Bir də ki, ümumiyyətlə, anan buna razılıq
vermir.
-
Başa düşmədim. Anam niyə razılıq verməsin
axı, həkim?
-
Çünki kimyaterapiya olunsa, uşağı itirmək
məcburiyyətində qalacaq.
-
Olunmasa axı, anamı... – “itirmək” sözünü
dilinə belə gətirə bilməyən Əhməd həyəcanlı şəkildə
ayağa qalxdı.
-
Əhməd, qulaq as! Anan razı olsa belə, bu iş
vəsait tələb edən işdir. Ömrünü ancaq bir müddət
uzatmaqdan başqa bir işə yaramayacaq. Bir var ikisini
də itirəsən, bir də var heç olmaya uşağı xilas edək...
Dostları ilə paylaş: |