www.kitabxana.net Amid Əlioğlu
2016
Cavidanın müəmmalı ölümünü düşünə-düşünə
hər kəsdən uzaq düşmüşdüm. Heç kimlə münasibət
qurmaq istəmədiyim barədə fikirlərimi Cavidan hər
gecə yuxularımda dağıdırdı. Onun dediyi əlamətləri
reallıqda gördükcə, təəccüblənirdim. Cavidanın o
dünyadan məni gördüyünə şübhəm yox idi. Verdiyi
işarələrə görə onun real həyatdakı siması Əhməd idi.
Sırf bunun üçün Əhmədlə möhkəm dostluğumuz
yaranmışdı. Hətta öz dərslərim bitəndən sonra onu
gözləyərdim. Bizim məktəbdə on-on birinci siniflər
birinci növbə üzrə, Əhməd kimi aşağı sinif şagirdləri
isə günorta növbəsində təhsil alırdılar. Məktəbə
dərslər başlamazdan yarım, yaxud bir saat tez gələrdi.
Həmin müddətdə söhbətləşmək imkanımız yaranırdı.
Gecikdiyi hallarda narahat olurdum. Mütləq bir
problem olduğunu düşünərdim. Ona görə dərsim
bitəndən sonra Əhməd yaşadığı məhəlləyə gedərdim.
Bəzən gecikməsinin səbəbi yuxudan gec ayılmağı
olurdu. Amma ən çox məhəllədən qonşuların
getməsini gözləyərkən vaxt itirirdi. Mən onun bu
xasiyyətinə çox vaxt hirslənirdim. Qonşulardan bu
qədər çəkinmək olar? Səbəbini soruşurdum, açıb
demirdi. Lakin bir dəfə səbəbi özüm aydınlaşdırdım.
www.kitabxana.net Amid Əlioğlu
2016
Əhməd yenə də görüşümüzə gecikirdi
(Dərslərinə isə heç vaxt gecikməzdi). Yenə də onların
məhəlləsinə tərəf yol aldım. Yaz mövsümü idi.
Günəşin şüaları ağacların budaqlarında sınaraq ətrafa
səpələnirdi. Yasəmənin ətri adamın ağlını bihuş,
əhvalını xoş edirdi. Bizim tərəflərdə yayın öldürücü
istisindən fərqli olaraq, belə havada heç kim evdə
oturmur. Qonşular ortaq bir mövqe seçərək yığışıb
söhbət edir, uşaqlar isə məhəllədə müxtəlif oyunlar
oynayırlar.
Evlərinə çatanda Əhmədin tələm-tələsik qapıdan
atıldığını gördüm. Deyəsən bu dəfə səbəb qonşular
deyildi. Çünki qonşu qadınlar hamısı eyni anda
danışaraq çöldə söhbət edir, birinci növbədə dərsdən
çıxan yuxarı sinif qızları laqqırtı vura-vura məhəllədə
beş addım irəli, üç addım geriyə addımlayırdılar.
- Hardasan, ay Əhməd? Bayaqdan gözləyirəm.
Gördüm gəlib çıxmadın, narahat oldum, – tez
dilləndim.
- Yatıb qalmışam. Atam da tez durub gedib deyə
oyandırmayıb məni.
Bu sözləri dodağının altında mızıldanaraq üst-
başını düzəldirdi. Sol əliylə şalvarının kəmər vurulan
www.kitabxana.net Amid Əlioğlu
2016
hissəsindən tutub, sağ əliylə isə köynəyinin ətəyini
şalvarının içinə tələsik soxuşdura-soxuşdura xahiş
etdi:
-
Sən qapını bağla, mən şalvarımı düzəldim,
gedək.
Üzbəüz qonşunun qapısının ağzında yığışan
qadınların danışığı kəsilmişdi. Üzümü arxaya
çevirəndə onların diqqətlə Əhmədə baxdıqlarını
gördüm. Elə qapının önündən kənarlaşmaq istəyirdik
ki, qadınlardan ən qoca olanı rişxəndlə dilləndi:
-
Can ay bala, can. Anan onun-bunun uşağını
geyindirir, səni geyindirə bilmir, hə?
Əhməd üzünü mənə tutub tələsməyimi
istəyəndə gözləri dolmuşdu artıq. Büruzə verməməyə
çalışsa da, dodaqları əsirdi. Biz uzaqlaşdıqca,
qadınların səsi ucalırdı. Küçənin tinində oturan avara
oğlanların siqaret çəkməkdən saralan dişlərini sanki
reklama çəkilirlərmiş kimi bayırda qoymasını,
qızların bizə baxıb siçanlara bənzər ciyiltili səslə
pıçhapıçını hələ də gözümün önündən yox edə
bilmirəm.
www.kitabxana.net Amid Əlioğlu
2016
- Səndə günah yoxdu e, ay bala. Ana səhər gedir,
axşam gəlir. Ata da ki, heç bilinmir nə işlə məşğuldu,
- deyə başqa qadın uca səslə dilləndi.
- Aaz, o tərəfdə pozğun olub da anası. Başqa nə
gözləyirsən ki? – üçüncü qadın nisbətən aşağı tonla o
biri qonşularına söylədi.
Və daha nələr, nələr. Çox təəssüf ki, artıq başa
düşmüşdüm Əhmədi. Qonşulardan niyə qaçdığını,
səbəbini
niyə
deyə
bilmədiyini
anlamışdım.
Məhəllədən hələ də bir dostunun olmadığını, asudə
vaxtını məhəllə uşaqları ilə oynamaqla yox, yenə də
dərs oxumaqla keçirməyini, heç bir kütləvi uşaq
oyunlarını bilməməsini başa düşmüşdüm.
Məktəb müəllimlərinin də Əhmədə olan
münasibəti birmənalı deyildi, əslində. Bir-iki
müəllimdən savayı, əksər müəllimlər ona qarşı
bilərəkdən diqqətsizlik edir, vicdanları ağrımadan
qiymətini kəsirdilər. Səbəb isə sadə idi - maddi
imkansızlıq. Mənəviyyatı dayaz olan insanların
qarşısındakı adama verdiyi dəyər maddi olduğundan
Əhməd üçün vəziyyət heç də asan deyildi. Mənasız
məqsədlər üçün sinifdə vəsait yığımında hər dəfə
xəcalət çəkirdi. Adını pedaqoq qoyan bir çox
www.kitabxana.net Amid Əlioğlu
2016
müəllimlər, evdəki vəziyyəti dərk edib pul
istəməkdən utanan uşaqdan utanmadan pul tələb
edirdilər. Üstəlik, bütün bunlar könül verdiyi, zaman
keçdikcə, gözünü hər yumanda xəyalı qaranlıqlar
içində işıq saçan, səsini eşitdikcə həyacandan özünü
itirməsinə səbəb olan, ən çox da anasına bənzətdiyi,
qızılı saçları, gömgöy gözləri ağappaq bənizinə son
dərəcə mükəmməl yaraşan Aydanın yanında baş
verəndə günlərlə özünə gələ bilmirdi.
Aydan iki qardaşın bir bacısı - həmin məktəbin
direktor müavini Rafiq müəllimin qızı idi. Atasının
nüfuzuna görə müəllimlərin ona yüksək qiymət
yazmalarına baxmayaraq, dərslərinə əla hazırlaşan,
ədəb-ərkanlı, mədəniyyətli qız idi. Əhmədin ona olan
isti duyğularını hiss etsə də, atasına və sinif
yoldaşlarının rişxəndli atmacalarına tuş gəlməmək
üçün özünü bu münasibətdən kənar tuturdu. Buna
baxmayaraq, məsələni sezən bəzi sinif qızlarının
hərəkətləri ürək bulandırır, həm onun, həm də
Əhmədin qanını qaraldırdı.
Beşinci
sinifdən
sonra
Əhməd
sinif
yoldaşlarının təşkil etdiyi yeni il şənliklərinin heç
birində iştirak etmədi. Çünki iştirakçı olmaq üçün
Dostları ilə paylaş: |