Amid Əlioğlu
Yüklə 1,73 Mb. Pdf görüntüsü
|
- Bu səhifədəki naviqasiya:
- Braziliya yazıçısı və şairi Paulo Koelyo
www.kitabxana.net Amid Əlioğlu 2016 elə bil. Bütün bunlara istəsəm də müdaxilə edə bilmirdim. Əhmədi onların tikanlı ağuşundan alıb qaçmaq istəyirdim, amma alınmırdı. Dörd-beş saniyəlik sakitliyin ardından Aydan yaşananlara tab gətirməyərək sinif otağını tərk etdi. Otaqdakılar isə davam edirdi: - Vallah də, - başqa qız qoşuldu söhbətə, - belə namus-qeyrət qarovulçususansa, ananı camaatın atmacalarından qoruyardın da! – deyəndə sinifdəkilərin rişxəndli gülüşləri Əhmədi özündən çıxardı. Bir anda açıq pəncərəyə qalxaraq gözlərimin içinə baxdı. Mən özümü itirmişdim. Nə etmək istədiyini anlamırdım. Amma o, yaş dolu gözləri ilə mənim təəccübdən bərəlmiş gözlərimin içinə baxaraq: - Bacım sənə əmanət! – deyib özünü boşluğa buraxdı. Bir anda sinfi başına alan qara-qışqırıq hər kəsi çaş-baş salmışdı. Hamı pəncərələrin qarşısında izdiham yaratdığı halda, mən birbaşa aşağı – həyət tərəfdən pəncərinin altına yüyürdüm. Əhmədin düşdüyü bom-boz asfalt qana boyanmışdı. Lakin Əhməd... Qalxıb getdiyini düşündüm. Hayqırdım, dəfələrlə çağırdım, hər tərəfə qaçdım dəli kimi, amma yox idi, Əhməd yox idi. Günlərlə məhəllələrinə, www.kitabxana.net Amid Əlioğlu 2016 evlərinə getdim, soruşdum, amma Əhməddən sorağı olan tapmadım. Əhməd cismini belə bu dünyaya çox görmüşdü. Onu da özü ilə o biri dünyaya aparmışdı sanki. Bu nə demək idi axı?!...Öncə Cavidan, sonra Əhməd. Dostluqda hansı qəbahəti işlətmişdim ki, onları xatırlamağım üçün məzarlarını belə çox gördülər mənə?! Bəs deyirdilər insan ruhən köçür bu dünyadan? Bəs deyirdilər ruh özü ilə cismi aparmır? Bu dünyaya o qədərmi nifrət edirdilər ki, birdəfəlik getdilər?. Offf!.. Bu nədir belə? Bəlkə mən də tərk edim bu etibarsız dünyanı. Kimim var ki, daha?... Cavidana verdiyim söz olmasaydı, düşünmədən... Bir müddət sonra bacısını təhvil verdiyi körpələr evinə getdim: qızcığazı götürmək üçün. Rayonda yalnız bir yerdə olan körpələr evindən elə bir qızın qeydiyatda olmamasının deyilməsi məni çaş-baş salmışdı. Nə qədər araşdırdım, olmadı. Həmin müddət ərzində körpələr evinə Sveta adlı körpənin verilməməsi sənədlərlə sübut olundu... www.kitabxana.net Amid Əlioğlu 2016 ÜÇÜNCÜ HİSSƏ MƏTLƏB Bir dəfə baş verən şey, daha heç vaxt baş verməyə bilər. Amma iki dəfə baş verən şey, mütləq üçüncü dəfə də baş verəcək. Braziliya yazıçısı və şairi Paulo Koelyo Universitetə qəbul olunandan sonra necə “böyük” iş gördüyünü dərk etmişdi, əslində. Gözü yaşlı, kədərli, qəmgin və fikirli valideynləri gördükcə, bu barədə düşünürmüş. İmtahan öncəsi, imtahan günü, imtahandan sonrakı həyəcanını bölüşənlərə təəccüblə qulaq asır, imtahana qədər necə əziyyət çəkdiyini, gecələr yatmayıb səhərədək dərs oxuduğunu, fərdi məşğələ tapşırıqlarını çatdıra bilmək üçün məktəbə günlərlə getməyən dost-tanışını heç cür anlamırmış. Dərslərini yaxşı oxumasına baxmayaraq, valideynləri onu da fərdi məşğələ üçün əlavə hazırlığa yazdırıblarmış. Onlar “Camaat bizə nə deyər?” adətiylə yaşadıqları üçün Mətləb də bu www.kitabxana.net Amid Əlioğlu 2016 prinsipə boyun əyməli imiş. Hər dəfə bütün bunlara ehtiyac olmadığını desə də, valideynlərinin fikrincə, universitetə qəbul olunmayacağı təqdirdə, qonum- qonşu, qohum-əqraba Mətləbi yox, onları qınayacaqmış. Hətta bir dəfə belə söhbət olubmuş aralarında: - Ədə, sənin hazırlığının vaxtı deyil? Çantan- zadın burdadı ki hələ. - Ee, ay ana, nəyə lazımdır axı bu “məllim yanına” getmək?! - Qələtini elə, dur, geyin,çıx evdən! - Allah haqqı, məktəbdə öyrədilənləri keçirlər. Onsuz da bunların hamısını altıncı və yeddinci sinifdə oxumuşam... - Mətləb, bizdən çox biləcəysən sən? Hər il çətinləşir e, qəbul imtahanları. O vaxt imkanımız yox idi deyə, hazırlığa qoymadıq qardaşını. O da getdi pulluya düşdü. Atan da razı olmadı. Qohum-əqrəba içində utandığımdan ölürdüm. İkinci il bir fəndən müəllim yanına qoyduq, universitetə asanca daxil oldu. - Qoymasaydız da... www.kitabxana.net Amid Əlioğlu 2016 - Sözümü kəsmə! Eybi yox, sən pulluya düş, amma təki qəbul ol... Mətləb valideynlərinin təkidilə Azərbaycan, eləcə də ingilis dili, riyaziyyat və coğrafiyadan əlavə hazırlığa gedib. İki il hazırlığa getməsinə baxmayaraq, məktəbdə öyrəndiklərini yazıbmış imtahanda. Coğrafiya və riyaziyyatdan istəməsə də, getməli imiş. Çünki hər iki müəllim məktəbdə həmin fənlərdən Mətləbə dərs verirdilər. Bu onun üçün on- on birinci sinfi həmin fənlər üzrə “kafi” qiymətlə başa vurması demək imiş. Necə ki Azərbaycan dili üzrə başqa müəllimin yanına getdiyinə görə məktəbdəki müəllimi 11-ci sinfə qədər hər rüb onun qiymətini kəsirmiş... İmtahan günü də həyəcanlı olmayıb Mətləb. Ailə üzvlərinin də həyəcanını anlaya bilmirmiş. Düşünürmüş ki, abituriyent on bir il öyrəndiyinin müəyyən hissəsini qeyd etməlidir. Özü də variantlar şəklində. Yəni bir sualın cavabını dəqiq bilməyə ehtiyac da yoxdur. Ən azından uyğun gəlməyən cavabları “ləğv” etməklə lazımi cavabı tapmaq olurdu. Yüklə 1,73 Mb. Dostları ilə paylaş:
|