Amid Əlioğlu
Yüklə 1,73 Mb. Pdf görüntüsü
|
www.kitabxana.net Amid Əlioğlu 2016 Bu sözləri eşidən Əhməd çox sürətlə otaqdan çıxıb anası olan palataya üz tutdu. Həkimin fikirlərini belə rahat ifadə etməsinə inana bilmirdim. Hisslərini işinə qatmamağı necə öyrənmişdi? Olmaya onda, ümumiyyətlə, insanlıq hissi yox idi? Bir saniyə çox yaşasın deyə, bəlkə də milyonlar verə bilən insan başqasını bu yoldan niyə çəkindirirdi? Bir müddət dəhlizdə gözləməli oldum Əhmədi. Yanıma gələndə pərişan halda gözünü bir nöqtəyə zilləyib eləcə səssiz dayandı. Xəstəxananın həyətindəki oturacaqda əyləşəndə anası ilə danışmağını, kimyaterapiyaya razı sala bilməyini soruşdum, amma suallarım cavabsız qaldı. Gözünü bağçadakı su borusunun ağzından yerə düşərək saat əqrəbinin səsini xatırladan damcılara zilləyib dayanmışdı. Suallarımla daha çox canını sıxmamaq, tənha qalıb düşüncələrilə sərbəst əlaqə qura bilməsi üçün getməyi qərara aldım. Bir addım atmışdım ki, baxdığı yerdən gözünü çəkmədən danışmağa başladı: - Müalicə olunmaq istəmir... Deyir əgər həkim dediyi proses olsa, bacını itirəcəyik. Həm də bu işin bahalı olduğu söyləyir. Nə olsun? Əlavə iş www.kitabxana.net Amid Əlioğlu 2016 tapacağımı, nəyin bahasına olursa-olsun əməliyyat üçün daha çox pul qazanacağımı söylədim, amma yenə razılaşmadı. Çox az ömrünün qaldığını, heç olmasa, iki candan birinin sağ olmasını istəyir. Əgər onunla razılaşmasam məni bağışlamayacağını deyir. Nə deyəcəyimi, nə edəcəyimi bilmirəm. Başa düşürsən məni? Əlbətdə ki, onu başa düşürdüm. Nələr yaşadığını, nə hisslər keçirdiyini sanki içimdə mən də duyurdum. Doğuşa qədər Əhmədin hər günü həyəcan və qorxu içində keçirdi. Həmişəki laqeydliyini davam etdirən atası evə gec saatlarda, bəzən isə heç gəlmirdi. Qazandığı qəpik-quruşu həyat yoldaşının müalicəsinə yox, eyş-işrətə xərcləyən bu vicdandan məhrum şəxsi Əhməd, demək olar, dindirmirdi. Anasının xəstəliyilə əlaqədar dərsləri buraxması qiymətlərə təsirsiz ötüşmürdü. Bütün bu hadisələr sonda onun şəklinin şərəf lövhəsindən çıxarılmasıyla nəticələndi. Əhmədin isə bircə amalı anasının tezliklə sağalması idi. www.kitabxana.net Amid Əlioğlu 2016 Hamı üçün həyat davam edirdi. Məndən və ara- sıra Reyhan xaladan başqa demək olar ki, heç kim Əhmədin anası ilə maraqlanmırdı. Elə bil o məhəllədə günlər sonra dünyasını dəyişəcək hamilə bir qadın yaşamırdı. Hətta sinif yoldaşları belə gəlib Əhmədi yoxlamırdılar. Eşitdiyimə görə, valideynləri onları Əhmədlə yaxın münasibət qurduqları təqdirdə tənbeh edirlərmiş. İki aydan sonra Əhməd, yeni doğulmuş bacısı ilə tək qalmışdı artıq. Anasının ölümündən bir müddət sonra atası daha əvvəllər də qeyri-qanuni yaşadığı qadının yanına getmişdi. Reyhan xalagilin də qeyri-müəyyən səbəblərə görə həmin məhəllədən köçməsi Əhmədin bacısına baxmasını müşkülə çevirdi. O, anasının adını qoyduğu bacısını körpələr evinə təhvil verməli oldu. Onuncu sinfin son günlərində dərslərinə diqqətini artıran Əhməd bataqlıqda cücərməyə çalışan bitkiyə bənzəyirdi. Məqsədi orta məktəbi bitirdikdən sonra universitetə qəbul olmaq, eyni zamanda normal bir iş tapıb işləmək idi. Dolayısı ilə bacısını körpələr evindən götürüb ona baxacaqdı. www.kitabxana.net Amid Əlioğlu 2016 Həyatında baş verən hadisələr onu insanlardan uzaq salmışdı. Məsləhət, öyüd-nəsihət ala biləcək bir böyüyü də yox idi. Özünə qapanmışdı. Hər gün görüşüb onu nikbin notlarla kökləmək istəyim nəticəsiz qalırdı. Səssiz-səmirsiz qulaq asmaqdan başqa heç nə etmirdi. Məhəllədə, məktəbdə qüruruna toxunan onlarla hadisəyə tab gətirmirdi artıq. Həyatının qışında soyuqdan az qala donan Əhməd bacısına qovuşmaqla isinəcəyini xəyal edirdi. Və sırf bunun üçün təzyiqlərə, atmacalara dözməyə çalışırdı. Məktəbdə hər kəs ondan kənar gəzir, müəllimlərin ayrı-seçkiliyi yüz metrdən hiss edilirdi. Əhməd isə yenə də “dözürdü”. Çox vaxt o, məktəbə gedəndə bir yerdə gedirdik. Əhməd onuncu sinifdə oxuyanda, mən artıq bir il idi ki, hansısa şirkətdə gözətçi işləyirdim. Dəqiq yadımda deyil. Bir o yadımdadır ki, məktəb iş yerimə gedən yolun üstündə olduğuna görə Əhmədlə tez-tez rastlaşırdım. Günlərin bir günü yenə rastlaşdıq. Əhməd məktəbə, mən isə işə gedirdim. Əslində iş vaxtım saat doqquzda başlayıb altıda bitirdi. Amma həm gecikmə www.kitabxana.net Amid Əlioğlu 2016 olmasın deyə, həm də Əhmədlə yol boyu on dəqiqəlik də olsa, söhbət edə bilmək üçün evdən tez çıxırdım Dərs başlamazdan əvvəl gələn şagirdlər üç-üç, beş-beş toplaşıb söhbətləşir, deyib gülürdülər. Hasarın bütünlüklə daşdan yox, müəyyən aralıqla bəzəkli metal şəbəkədən ibarət olması, məktəbin həyətini kənardan görməyə imkan verirdi. Darvazanın qarşısına çatmağımıza az qalmışdı. Hiss etdim ki, Əhmədin fikri mənim işimlə bağlı etdiyim söhbətdə yox, hasara yaxın oturacağın ətrafında işvə-nazla söhbətləşməkdə olan sinif qızlarına söz atan yad məktəbin oğlanlarında idi. Belə məsələlərə laqeyd qalmamağın onun xarakterik xüsusiyyəti olduğunu bildiyim üçün qan-qaraçılıq yaranmasın deyə, diqqətini yayındırmağa çalışdım. Amma gec idi. Əhməd oğlanların olduğu yerə istiqamətlənmişdi. Əslində bu xususiyyət mənə də xas olduğundan onu başa düşürdüm. Əhmədin oğlan sinif yoldaşları da qızların olduğu yerə heç də uzaq olmayan digər oturacaqda əyləşib, yüngül hərəkətlərilə diqqət çəkirdilər. Onlar özlərini görməzliyə vuracaq qədər ağciyər idilər. Yüklə 1,73 Mb. Dostları ilə paylaş:
|