www.kitabxana.net Amid Əlioğlu
2016
müəyyən miqdarda pul tələb olunurdu. Hər dəfə bir
bəhanə ilə vəziyyətdən çıxdığını düşünən binəvanın
bu bəhanələrinə özündən başqa heç kim inanmırdı.
Faciə orasında idi ki, onun iştirak etməmə səbəbi istər
sinif rəhbərinə, istərsə də məktəb yoldaşlarına bəlli
olsa da, bir kimsə onun şənlikdə iştirakı üçün israr
etmirdi. Əslində buna ehtiyac da yox idi, çünki
Əhmədin qüruru nəinki məktəb yoldaşlarının, hətta
sinif rəhbərinin də boyundan böyük idi. Pul vermədən
o şənliklərdə iştirak təklifini qəbul etməyi heç vaxt
mənliyinə sığışdırmazdı.
Fəqət, hər dəfə orada olurdu: sinif otağının
axırıncı pəncərəsinin altında. Yoldaşlarının sevincinə
qoşulur, gözünü Aydanın gül üzündən çəkmirdi.
Onların yanında olmaya-olmaya təşkil etdikləri
oyunlarda iştirak edirdi - xəyalən. Hətta yeni il
şənliklərinin birində sinif yoldaşlarının pəncərənin
qabağında çəkdirdikləri şəkildə özünü görmüşdü.
Buna ondan başqa heç kim fikir verməmişdi. Çünki
arxa fonda sadəcə kölgə kimi əks olunmuşdu.
Hər il sinfi bitirmək üçün verilən imtahanlarda
əla qiymət alırdı. Üstəlik bunu nəyinsə qarşılığında
yox, öyrəndiklərinin məntiqi nəticəsi olaraq edirdi.
www.kitabxana.net Amid Əlioğlu
2016
Amma yoldaşlarının əksəriyyətinin valideynləri,
övladlarına imtahanda əla qiymət alacaqları təqdirdə
hədiyyə vəd edirdilər. Əhmədin heç vaxt belə şansı
olmamışdı. Heç şans anlayışı da formalaşmamışdı
onda. Üzərinə düşən vəzifəni həm övlad, həm də
şagird olaraq qeyd-şərtsiz yerinə yetirməli olduğunu
bildiyi üçün yeni bir şans anlayışından uzaq idi.
Uğursuzluğunu şanssızlığında deyil, bacarıqsızlığında
görürdü.
Əhmədin ən pis günləri anasının amansız
xəstəliyə yoluxmasından sonra başladı. Bunu sonra
biləcəkdi...
Səkkizinci sinifdə oxuyanda anasının hamilə
olmağı, əslində, sevindirmişdi onu. Artıq onun
işləməyinə razı olmayan Əhməd özü iş tapmışdı. Hər
gün dərsdən sonra şadlıq saraylarının birində ofisiant
kimi çalışırdı. Lakin hər dəfə toy şənliyi başlamazdan
əvvəl, dəvətlilər arasında tanış birisinin, xüsusən də
Aydanın olmamasını yəqin edəndən sonra işə
başlaması vəzifə yerinə - xidmət göstərdiyi masa
ətrafına gecikməsilə nəticələnirdi.
www.kitabxana.net Amid Əlioğlu
2016
Qazandığı pulu, lazım gələndə, dava-dərman
almaq üçün anasına verir, yalnız ikisinin bildiyi yerdə
gizlədirdilər.
Bir müddət sonra bacısının olacağını öyrəndikdə
isə xüsusilə pərvazlanmışdı. Universitet xəyallarını
bacısı ilə bağlı xəyallar əvəzləmişdi.
Atasının anasıyla get-gedə kobud rəftarı
Əhmədin diqqətini daha çox cəlb etməyə başlayırdı.
“Kişinin” hamiləlik irəlilədikcə, həyat yoldaşına
diqqəti artmaq əvəzinə, nəinki azalırdı, hətta getdikcə
iyrəncləşirdi. Onun ağrılarını adi hamiləlik ağrıları
kimi qəbul edib əlavə imtiyazın mümkünsüz
olduğunu xatırladırdı tez-tez o pəzəvəng.
Doğuşa iki ay qalmış anasının ağrıları nəzərə
çarpacaq qədər çoxalmışdı. O qədər artmışdı ki, bir
gün
təcili
şəkildə
xəstəxanaya
aparıldığını
xatırlayıram. Həmin gün Əhmədlə onlara gedəndə
təcili yardım maşınının tükürpədici səs siqnalını
səsləndirərək və sayrışan işıqlarını yandıraraq tələm-
tələsik məhəllədən çıxdığını gördük. Məhəllədə
qarışıq sakitlik hökm sürürdü. Qonşuların demək olar
ki, hamısı qruplar halında müxtəlif yerlərdə səssizcə
ətrafı müşahidə edirdilər. Nə olduğunu anlamaq çox
www.kitabxana.net Amid Əlioğlu
2016
qəliz idi. Əhmədgilin həyət qapılarının ağzına
yaxınlaşanda qonşulardan biri onu görən kimi
dilləndi:
-
Əhməd...ananın vəziyyəti pisləşdi deyə təcili
yardım çağırdıq. Reyhan da ananla getdi...
Qonşunun sözünün tamamını gözləməyən
Əhməd tələsik evə daxil olaraq anası ilə birlikdə
yığdığı pulu götürüb bayıra çıxdı. Üz tutduğumuz
rayon mərkəzi xəstəxanasına necə çatdığımızı bir
Allah bilir, bir də bizi ora ildırım sürətilə aparan taksi
sürücüsü. Xəstənin birbaşa reanimasiya şöbəsinə
yerləşdirildiyini öyrəndiyimizdə isə həyacandan
əməlli-başlı çaş-baş qalmışdıq.
Həmin şöbəyə daxil olanda Reyhan xalanı
dəhlizdə üzgün şəkildə divara söykəndiyini görən
kimi birbaşa yanına getdik. O, Əhmədin anasına qarşı
qonşular içində ən diqqətlisi və qayğıkeş olanı idi.
Tez-tez Əhmədgilə baş çəkər, bişirdiyi yeyəcəklərdən
onlar üçün də gətirərdi.
Əhməd təlaş içində:
- Reyhan xala, nə məsələdir? Anama nə olub?
Niyə bura gətiriblər? Nə baş verir? – soruşdu.
www.kitabxana.net Amid Əlioğlu
2016
- Əhməd, bilmirəm nə baş verir. Dovğa
bişirmişdim. İstədim ki, anana da aparım. Hamilə
qadınlar yeməyə qarşı həssas olurlar axı. Həyətinizə
girib səsləndim, səs vermədi. Sonra evə keçdim.
Mətbəxdə yerə uzanmış halda olduğunu gördüm.
Sonrası da... İndi gördüyün kimi.
- Bəs həkimlər nə deyir?
- Hələ həkim heç nə deməyib. Gözləyirəm mən
də.
Əhməd səbirsiz halda dəhlizdə dövrə vururdu.
Dırnaqlarını çeynəyə-çeynəyə bir irəli, iki geri gedən
biçarə özünü açıq-aşkar itirmişə bənzəyirdi. O qədər
təlaşlanmışdı
ki,
məni
də
eşitmirdi.
Onu
sakitləşdirməyə çalışsam da, faydası olmadığını
anlayırdım. Tavanın yalnız bir yerində yanan işığın
əksini dostumun yaşarmış gözlərində görmək olurdu.
Xeyli müddət keçəndən sonra dəhlizin
qaranlığından sakit və rahat addımlarla yaxınlaşan
adamın Əhmədin atası olduğunu görəndə, özümdən
asılı olmayaraq,
yerimdən
qalxdım. Mənim
dayandığım yerdən keçəndə, bayaqdan fikirli halda
sağa-sola
hərəkət
edən
oğlu
istiqamətində
addımlayırdı. Əhmədin geri
qayıtmaq üçün
Dostları ilə paylaş: |