102
Allah öldürsün məni
Anam məndən mənə Ģikayət edir.
BaĢına dönərəm, ay ana. Sən mənim həsrətimdə, mən
isə yarın.
Yar səntək açmır mənə qolların.
Sən açan qapını hər gün açıram,
Hər an ümidliyəm üzünü görüm.
Ay aman, elə ki özünü gördüm,
Bilmirəm o zaman niyə qaçıram?!
Silib yaddaşımdan ata bilmirəm,
Bağrıma basıram xəyallarını.
Gözümə qor dolur, yata bilmirəm,
Hər gecə qəm öpür dodaqlarımı.
Anama deyəcəm dərdimi bu gün,
Yalvarsın Allaha balası üçün.
Ay ana, bəxtimi özümlə birgə
Bəs niyə doğmadın,
de görüm neyçün?
Başına dolanım, ay ana, sənin,
Mən yar arzuladım, sən isə məni.
Qəmlərin əlindən yadıma səni
Salmadım, Allah öldürsün məni.
103
Nə yaman qəm əzir atılmışları,
Gözlərim ələyir qəm yağışları.
Ah, məni atanı, oda salanı,
Qoy tutsun anamın öz qarğışları.
104
Daha
Unutmusan, demək, məni. Unuduram aram-aram mən
də səni.
Baxdım əllərinə, titrəyir yaman,
O əllər saçımda gəzməyir daha.
Baxdım gözlərinə, gülməyir, aman,
Baxışın üzümü süzməyir daha.
Baxdım yollarında, izim qalmayıb,
İylədim telimi, iyin qalmayıb.
Vurduğun yaralar heç sağalmayıb,
Dözməyir ürəyim, dözməyir daha.
Boş məzar tapmıram uzanam, öləm,
Könlüm bacarmır ki, özgəsin sevəm.
Şəkərim, nabatım, şirinim deyən,
Könlümün mehrabın düzməyir daha.
Əyninə geydiyi köynəyi yosun,
Dalğalar əlini, üzünü yusun.
Çəkilib yolumdan daha yox olsun,
Deyənim, üzümə gülməyir daha.
Eşqimin qapısı bağlanıb qalıb,
Ürəyim ocaqda dağlanıb qalıb.
Elə bil min ildir saxlanıb qalıb,
Könlüm sevdasını gəzməyir daha.
105
Qovulmadımmı
Ġlahi, atılmaq əzabmıĢ; lap ölümə bərabər. Yox, yox,
ölüm azadlıqdır. Atılmaq isə əzaba məhkumluq.
Ölmüşəm elə bil, bəs yiyəm hanı,
İlahi, mən doğub-doğulmadımmı?
Yoxdurmu bir kimsə, vay deyən hanı,
Ağladım, qəhərdən boğulmadımmı?
Eşqimi yazdılar günah yerinə,
Baxın zillətimə, baxın günümə.
Susaraq yas tutdum ölən sevgimə
Ey gözüm, ağlama, yorulmadınmı?
Xəyanət bildiyin sevgi kədərdi,
Neyləyim, bu sevgi bura qədərdi.
Sevda bağçasında yellər əsərdi,
Əsən gilavarda sovrulmadımmı?
Dəliyə dönmüşəm, bəs ağlım hanı?
Gözümdə qalmadı dünyanın malı.
Qranit vüqarlı, məxmər xəyallı,
Daş idim, qum kimi ovulmadımmı?
Soruşdun, dedin ki, niyə xəstəsən,
Yardımçı olarsan, ölmək istəsəm?
Ey dostum, dərdimi bilmək istəsən,
Bir sevən ürəkdən qovulmadımmı?!
106
Əsir
Sənsiz iki bahar ötdü. Ġydə ağacları sənsiz çiçəklədi,
sənsiz bar verdi. Altında dayandığım iydə ağacından
bircə dənə iydə dərdim. Yemək istədim. Boğuldum,
yeyə bilmədim. Su istədim. Haradan alacağam suyu,
bu düzəngahlıqda? Onsuz da iki ildir ki, yanıram
susuzluqdan...
Sevdaya tutulmuş eşq əsiriyəm,
Açma qollarımı, əzabım olsun.
Ey gülüm, qəhrindən eşqin dəlisi,
İlahi, bu sevgi günahım olsun.
Sinən yatağımdı, zülfün yorğanım,
Ayrılıq əzabım, eşqin zillətim.
Şəhvətin ləzzətim, o gül dodağın
Dərdimə məlhəmdi, ay məhəbbətim.
Susuzdan büzüşən, quruyan güləm,
Bulaq tək qaynayb çağla, əzizim.
Mən sənin əsirin, qulun, kölənəm,
Sev məni, yanında saxla, əzizim.
107
Gətirər
Yenə tənhayam. Yenə susamıĢam sənə. Susuzluqdan
yanıram...
Axı niyə inanmadın mənə?! Bir hənir, bir səs
arzusundayam. Nə vaxt dönəcəksən? Dön artıq, dön
əzizim.
Səni and verirəm And dağlarına,
Dərdimi artırıb dağa döndərmə.
Minnətə durmuşam ayaqlarıma,
Sevgilim, mən sənə dönə bilmirəm.
Günəşi gözləyirəm doğacaq deyə,
Qızınsın qəlbimin hərarəti də.
Özü ilə birlikdə aparıb gedən,
Qaytarıb gətirər məhəbbətin də.
Hərdən gözlərində qəmi görürəm,
Sıxlaşan dumanı, çəni görürəm.
Sən məndən halımı soruşmasan da,
Mən isə hər yerdə səni görürəm.
108
Bəşər övladı
Bəşərin seyidi Adəmmiş,
Dünya nura bələnmiş.
Düşüncəm qəlpə-qəlpə,
Yer üzünə səpələnmiş.
Sən demə ki, daşıdığım
Elə quruca bədənmiş,
Ruhum hanı, Allahım?
109
Qayıt
BaĢ alıb gedirəm düĢüncələrimdəki sonsuzluğa. Sən olmayan
dünyamda qaranlıq hökmranlıq edir. Sənsiz doğan GünəĢi,
batan Ayı görürəm. Özü də hər gün...lakin buna
baxmayaraq, sənsiz dünyam zülmət içərisindədir.
GünəĢin doğmasını gözləyirəm- mənim günəĢimin.
Günlərimin şahı cümə,
Adın dilimdə zümzümə,
Bağışla sənsiz günümə,
Qayıt.
Bir bax olan zülümə,
Harayıma-ünümə,
Qayıt ölən günümə,
Qayıt.
Diləyim -İsmi Əzəm,
Sədaqətdə şübhəsizəm.
İstəmirəm sənsiz gəzəm,
Qayıt.
Mən arxasız, köməksiz,
Sənsiz, tənha, gərəksiz.
Ah, ölürəm məhəbbətsiz
Qayıt.
Dostları ilə paylaş: |