saxlaya bilməyəcəyini" başa düşdüyü məqamda "mən aradan çıxıram" deməsi
tamamilə
məntiqidir və türkün xarakterini dolğunluğu ilə əks etdirir.
K.Vəliyev Şah İsmayılı Çaldıran döyüşündəki məğlubiyyəti ilə Koroğlunun "indi bic
əyyamıdı" deyib "koroğluluğunu" yerə qoyması arasında məntiqi əlaqə görməkdə tamamilə
haqlıdır: "Çaldıran döyüşü və ümumtürk faciəsinin bir dövrünün dastan dilindəki ifadəsi
"Koroğlu"dur". (K.V.Nərimanoğlu. Şah İsmayıl - Sultan Səlim savaşıg "Ulduz", 2004, ¹8, səh.
18).
Şah İsmayılın "batilin bir mənası yoxmuş" və Koroğlunun "indi bic əyyamıdı" qənaətləri
dəyişən zamana roman və dastan qəhrəmanlarının eyni baxış bucağının əksidir. Bu mənada
"Yarımçıq əlyazma"dakı Şah İsmayıl xətti "Çaldıran döyüşü və ümumtürk faciəsinin bir
dövrünün" çağdaş nəsr təfəkkürü ilə bədii inikasıdır. "Kitabi - Dədə Qorqud" dastanı ilə Şah
İsmayılla bağlı mətni türkün cəngavərlik ruhu, əqidə birliyi - batini təmizlik və Allaha inamın
tükənməzliyi ideyası birləşdirir. "Kitabi - Dədə Qorqud" qəhrəmanları ilə Şah İsmayıl dünyası
bir-birini tamamlayır, insanın mənəvi-ruhani dünyaya bağlılığının başlanğıcını və sonunu
simvollaşdırır, burada "mifdən odlu silahın çıxmasına qədər uzanan zaman yolu bitir"
(K.V.Nərimanoğlu. Göstərilən məqaləsi. səh.18.)
Tarixə ən ümumi baxış əsasında ədəbi-estetik düşüncəyə nüfuz etməyə çalışan və buna
əsasən nail olan tənqidçi Əsəd cahangir ingilis filosofu Frensis Bekon və Əbdülvahid Yəhyanın
fikirlərini ümumiləşdirərək yuxarıda haqqında danışdığımız məqaləsində belə bir qənaətə gəlir
ki, Allahla insanın vəhdətdə olduğu Əzəli, İlkin həqiqətdən düşüncə iki istiqamətdə sapıb: qədim
düşüncənin qəhrəmanı daha çox insansız allah, çağdaş düşüncənin qəhrəmanı isə allahsız
insandır. Əsas məsələ isə onların birliyidir. Doğrudur, lakin "insansız allah" qədim düşüncənin
qəhrəmanı kimi daha çox Qərbdə özünü göstərib. Şərqin qədim düşüncəsində insan Allaha
inamdan kənarda deyil. Şərq düşüncəsindəki sapıntı- insanın allahsızlaşması isə çağdaş zamanın
problemidir və bu mənada "doğrudan da əsas məsələ onların birliyidir".
Bu mənada Xızr obrazı üzərinə qayıtmaq zərurəti yaranır. Romanla bağlı ilkin təəssüratda o,
tarixi surətdir. Mənbələrdə Sultanəli Mirzə Əfşardan Şah İsmayılın oxşarı kimi söhbət açılır.
Xızrla Sultanəli Mirzə Əfşarın romanda iki müxtəlif obraz kimi təzahürü birincinin ideya-estetik
yükünün tamamilə fərqli olmasından irəli gəlir. Xızr obrazının daşıdığı ikinci estetik yük Şah
İsmayıl obrazının simvolikasını açmaqla bağlıdır. Bu mənada Xızr həm də Şah İsmayılın
Çaldırandan sonrakı xarakterini ifadə edir. Şah İsmayılın cəngavər obrazı xalqın gen yaddaşında
Çaldıran döyüşünə qədərki fəaliyyətiylə təcəssümlənir. Çaldırandan sonra on il yaşayan Şah
İsmayıl yox, şair Xətayi idi. Romanın Şah İsmayıl sücetinin bizə diktə etdiyi bu qənaət müəllifin
mətnə "subyektiv açıqlamalarından" birinin məzmununa müəyyən aydınlıq gətirir: "Çaldıranda
həlak olan Şah İsmayılla Çaldırandan sonra hakimiyyətini on il daha sürdürmüş Şah İsmayıl
arasında bir əsas fərq var. O fərq Şah İsmayılın özü ilə onun bənzəri Xızr arasında olan fərqdir,
vəssalam". Bu fikrə şərik olmaqla yanaşı, "Şah İsmayılın özü ilə onun bənzəri Xızr arasında olan
fərq"in başqa bir açılışına da diqqət yetirmək lazımdır. Romanda Şah İsmayıl və Xızr başqa-
başqa "dünya"ların insanları kimi təcəssüm tapırlar. Müəyyən şərtiliklə bu "dünya"ları allahlı və
allahsız insan epoxaları kimi də formulə etmək olar. Şah İsmayıldan fərqli olaraq Xızr Allahı
yaddan çıxarıb maddiyyata üz tutan və özünü onda tapan "dünya"ya keçidi təmsil edir. Bu yol
mənəvi müflisləşməyə aparır. "Çünki maddi dünyanın mahiyyətində eniş durur." (Ə.cahangir.
Göstərilən məqaləsi. səh.244). "Yarımçıq əlyazma" romanındakı Dədə Qorqudla bağlı mətn
həmin "eniş" prosesini əks etdirir.
Mifoloji obrazların "Yarımçıq əlyazma"dakı müasir həyat planında təsviri dünya
ədəbiyyatının təcrübəsi və nəzəriyyəsi baxımından tamamilə başa düşüləndir. M.Baxtin
21
Dostoyevskinin yaradıcılığı əsasında polifonik roman nəzəriyyəsini əsaslandıranda bu məsələyə
də toxunmuşdur.
Baxtin polifonik romanın bir canr kimi dürüst dərk edilməsi üçün onun mənbələrini
müəyyənləşdirməyi vacib hesab edir. Buna görə də, "klassik antik dövrün sonuna yaxın və
sonrakı ellinizm dövründə zahirən kifayət qədər rəngarəng, lakin daxili qohumluq əsasında
əlaqəli olan və ona görə də qədimlərin özlərining "ciddi - gülüş sahə adlandırdıqları çoxsaylı
canrları"n (Sofronun mimləri, Sokrat dialoqları, Menipp satirası və s. - T.S.) üç əsas
xüsusiyyətinin polifonik romanın formalaşmasındakı ciddi əhəmiyyətini xüsusi nəzərə
çarpdırırdı. Birinci xüsusiyyət kimi, o, göstərirdi ki, mifik qəhrəmanları və keçmişinin simaları
bu canrlarda bilərəkdən və xüsusi olaraq müasirləşdirilmişdir və onlar bitməmiş müasirliklə
familyar təmas məkanında hərəkət edir və danışırlar. Baxtın bunu "bədii obraz quruluşunun
dəyər-zaman məkanının özünün köklü şəkildə dəyişməsi" kimi qiymətləndirir.
Baxtin ciddi-gülüş canrlarının "rəvayətlərə əsaslanmadığını" və "özlərini onların vasitəsilə
işıqlandırmadığını", əksinə, "şüurlu şəkildə təcrübəyə və azad təxəyyülə əsaslanmanı" və bu
yolla "az qala rəvayətdən tamamilə azad olacaq bir obrazın meydana çıxmasını" polifonik
romanın formalaşmasına təsir göstərən ikinci xüsusiyyət hesab edir.
Baxtin polifonik romana məxsus çoxüslubluluq və çoxsəsliliyin, həmçinin "əlavə canrlardan-
məktublardan, tapılmış əlyazmalardan, söylənil-miş dialoqlardan, yüksək canrlara edilmiş
parodialardan geniş şəkildə istifadəni"n ciddi-gülüş canrlarından gəlmə üçüncü xüsusiyyət hesab
edir.
Bu xüsusiyyətlər K.Abdullanın romanın ideya-obraz və bədii strukturunda kifayət qədər
davamlı tərzdə özünü göstərir. Mifoloci
zaman-dan gerçək zamana, dastan poetikasından çağdaş
roman poetikasına keçidin mexanizmini açır.
K.Abdulla "Yarımçıq əlyazma"da Zaman haqqında böyük həqiqəti (ya bəlkə də ən acı
həqiqəti) oxucuya təqdim etmək yolu tutur. Bütün roman həqiqətin əzablı doğuluşundan
ibarətdir. K.Abdulla bu prosesdə vasitəçi rolundadır, prosesin gedişinə qətiyyən müdaxilə etmir.
Həqiqəti bu cür açmaq üsulu polifonik romana "Sokrat dialoqları"ndan gəlirdi. Yazıçı "Sokrat
dialoqları" üçün xas olan iki əsas üsuldan məharətlə bəhrələnir. İstintaq prosesində Bayandır
Xanın ortaya çıxarmaq istədiyi həqiqət-Oğuzun içdən parçalanması, bunun səbəbləri və
səbəbkarı məsələsi sinkriza (müxtəlif nöqteyi nəzərlərin müqayisəsi üsulu) və anakriza
(həmsöhbətdən söz almaq, onu söz deməyə təhrik etmək, onu öz fikrini söyləməyə, həm də
axıracan söyləməyə məcbur etmək üsulu) üsulları ilə aşkarlanır. Bu üsul sücetin hərəkət
mexanizmini tənzimləyir, formasını müəyyənləşdirir.
"Yarımçıq əlyazma"nın hərtərəfli dərkinin zamana ehtiyacı var. Anarın Y.Səmədoğlunun
"Qətl günü" romanı haqqında dediyi bir fikri iqtibas etsək, belə də demək olar ki, "Yarımçıq
əlyazma" bir oxunuşda qavra-nılan əsər deyil. Xüsusən romanın dilindəki çoxsəslilik, bədii
nitqin dialoci xarakteri "mətn"lərin müxtəlif cür qavranılmasına şərait yaradır. Romanın idrakı
zamanı postmodernizmi də, Baxtinin polifonik roman nəzəriyyəsini də, dünya ədəbiyyatının
postmodernist və polifonik roman təcrübəsini də, yazıçının bu estetik konsepsiyalardan və ədəbi
təcrübələrdən kifayət qədər yararlanmaq imkanını da, çağdaş zamanın yazıçı və oxucuya
"diktə"lərini də nəzərə almaq lazım gəlir.
Romanın ideya polifonizmi, struktur keyfiyyətləri ənənə yaratmaq gücündədir. Çünki bu
roman ənənədən yaradıcılıqla bəhrələnmənin nümu-nəsidir. Biz bu qənaətdəyik. Ən səhih fikri
isə Zaman deyəcək.
Qaynaq: http://xariciedebiyyat.azeriblog.com/2007/09/18/t-salamoghlu-yarimchiq-elyazma-
postmodernizm
22