19
və s. yerlərində oynanılan «Yallı» rəqslərində də mövcuddur. Bu
isə öz növbəsində «Yallı»lar və «Halay» rəqs mahnılarının bir- biri
ilə daxili əlaqə vasitələrinin olmasından xəbər verir.
«Halay» rəqs mahnıları Azərbaycanın xalq yaradıcılığında
xüsusi yer tutur.Araşdırma apardığımız rayon və kəndlərin fərdi
informator və musiqi kollketivlərindən toplamış və nota almış
olduğumuz «Halay» rəqs mahnıları aşağıda göstərilən kiçik xəritədə
əks olunmuşdur. Onu da bildirməliyik ki, «Halay» toplanılan
ərazidə azsaylı talış etnik qrupu məskunlaşıb.
Onu da qeyd etmək istərdik ki, başqa xalqların musiqi mədə-
niyyətində də «Halay» janrına oxşar xalq yaradıcılığına rast gəlmək
mümkündür. Buna misal olaraq slavyanlara məxsus olan «xoro-
20
vod»u göstərmək olar. «Xorovod» rus dilində «xoр» və «водить
(birgə getmək)» sözlərinin birləşməsindən əmələ gəlmişdir. Maraqlı
cəhətlərdən biridə odur ki, «xorovod » da «Halay » janrı kimi eyni
funksiyaları daşıyır.
Ümumiyyətlə «Halay» mərasim rəqs mahnıları şifahi xalq
yaradıcılığının digər janrlarına da təsir etmişdir. XX əsrin əvvəl-
lərində «Halay» rəqs mahnılarının inkişafı xüsusi yer tutmuşdur.
Elə bu baxımdan 1930-cu ildə dahi bəstəkarımız Ü. Hacıbəyli dörd
«Halay» rəqs mahnısını xor üçün işləmişdir («Ay lolo», «Aman
nənə» və s.). 1938-ci ildə F.Əmirov xalq mahnılarını toplayarkən
talış folkloruna xüsusi yer vermişdir. Daha sonra bəstəkar Bayram
Hüseynli «Azərbaycan xalq rəqs melodiyaları» məcmuəsinin II
dəftərini Lənkəran-Astara zonasının «Halay»
mahnılarına həsr edə-
rək onları toplamışdır. [23] Əhməd İsazadə və N.Məmmədov isə
«Xalq mahnıları və oyun havaları» kitabında cənub bölgəsi üzrə
«Halay» rəqs mahnılarının toplanılması və tədqiqi ilə məşğul ol-
muşlar [31]. «Halay» qızlar ansamblının fəaliyyəti haqqında isə ilk
məlumatı
1979-cu ildə A. Mansurzadə vermişdir [40].
«Yallı»larla «Halay» rəqs mahnıları arasında böyük oxşarlığın
olması, onların poetik mətni və xoreoqrafik quruluşu ilə bağlıdır.
«Yallı»ların da «Halay»lar kimi qədim tarixi var. Tədqiqatçıların
fikrincə, «Yallı» rəqs növü 8-10 min il bundan əvvəl yaranıb.
«Yallı»larda əsasən yallıbaşı, yəni ifanı icra edən bir şəxs olur ki, o
da «Yallı»nı idarə edir. «Halay» rəqs mahnılarında isə bu baxımdan
halaybaşı mərasimi idarə edir. «Halay»larda torpaqla, əkinçiliklə,
şənliklərlə bağlı olan xüsusiyyətlər əks olduğundan onlar məzmun
cəhətdən heç də «Yallı»lardan fərqlənmir. «Yallı»larda da müxtəlif
məişət və əmək mahnılarına həsr olunmuş rəqslər həm instumental,
həm də söz ilə söylənilən şəkildə mövcud olduğundan və bir dəstə
tərəfindən yallıbaşı ilə birgə icra edildiyindən, məzmun cəhətdən
«Halay»lar ilə eyniləşir. Lakin, «Halay»lar bu xüsusda, iki dəstəyə
bölünərək, deyişmə şəklində olması ilə bu rəqs mahnılarının əsas
qayəsini təşkil edir. Bu baxımdan, talış folklorunda «Halay» rəqs
21
mahnıları özünəməxsus xüsusi yer tutur. Bu mahnılar şənliklərdə,
mərasimlərdə, toylarda icra olunur.
«Halay» mahnılarında əsasən məhəbbət, toy, əkinçilik, hey-
vandarlıq və s. mövzular əsas əhəmiyyət təşkil edir. Əmək mahnı-
ları içərisində böyük məna və diqqət əkinçilik, bicar mahnılarına ve-
rilir. Heyvandarlıq və maldarlıq ilə bağlı mahnılar isə bicar mah-
nılarına nisbətən azlıq təşkil edir. Başqa məzmunda olan «Halay»
rəqs mahnıları əsasən bayram, toy və toya qədər olan mərasimlərlə
əlaqələndirilə bilər. Bayram günləri və ya toya qədər olan mərasim-
lərdən nişantaxtı, xınayaxtı və s. zamanı bəy evindən gəlin evinə
göndərilən hədiyyələrin nümayişində «Halay» rəqs mahnılarının
icrasının müxtəlif variantlarına rast gəlinir. Bu variantlar sadaladığı-
mız adətlərin icrası zamanı müxtəlif məzmunlarda özünü göstərir.
Belə mahnılarda şəhərlər, kəndlər, tarixi hadisələr haqqında da
məlumatlar verilir. Bu isə «Halay» rəqs mahnılarının hər birinin
hansı dövrə aid olması barəsində təsəvvür yaradır. Belə mahnıların
məzmunu kədərli, yumoristik, məhəbbət, iztirab və s. xarakterləri
özündə birləşdirir. «Halay» rəqs mahnılarının icrası həm də ailə-
məişət mövzusunda təzə ailə quran qıza, oğlana nəsihət vermək xü-
susiyyətini özündə daşıyır. Adət-ənənələrdə geniş yayılan novruz və
novruza qədərki mərasimlərdə «Halay» rəqs mahnılarının müxtəlif
məzmunda olması - əkinçilik, biçinçilik, təbiətin canlanması və s.
xüsusiyyətlərlə öz əksini tapır.
Ümumiyyətlə, talış folklorunda mahnıların yaranma səbəbləri
müxtəlif məzmunlu adətlərin icra olunması ilə özünü göstərir. Yeni
il şənlikləri, əmək fəaliyyəti, toy mərasimləri və s. həyata keçiril-
məsi zamanı, hər dəfə bu ayinlərin icra edilməsi özünə yeni çalarlar
daxil edir. Məsələn, Beytulla Şahsoylu bu haqda yazaraq qeyd edir
ki, «Küf dibi» mərasimləri zamanı qızlar və oğlanlar «küfə», yəni
yelləncəyə bir-bir, iki-iki minib yellənirlər. Qızlardan biri küfdə tək
yellənərkən, qalan qızlar çubuqla onun ayağına vurub və birgə oxu-
yaraq tələb edirlər ki, adaxlısının adını desin. Qız adaxlısının adını
deməyincə mahnı ifası və onun ayaqlarına çubuq vurma davam edir
[53.s.14].
22
Bu gün isə Lənkəran - Astara bölgəsindəki «Halay»lar bizə
toy mərasim folklorunu xatırladır. «Halay» mahnılarının toy mərasi-
mi ilə bağlılığı qədim tarixi köklərə dayanır. Tədqiqatçıların fikrinə
görə toy mərasimi qədim xalq teatr tamaşaları və oyunlarının tərkib
hissəsi olmuşdur. Zaman keçdikcə ayrılaraq, müstəqil toy- tamaşa
şəklini almışdır.
Toy və toya qədərki mərasimlər bir neçə hissələrə bölünür.
Buraya «ağsaqqal» toyu, «şirni» toyu, bayramxonçaları, «nişantax-
dı», «qızbaşı» və «bəybaşı», «xələtatdı», «paltarkəsdi» toyu, «qız
toyu», «xınayaxdı» toyu və s. kimi toy mərasimləri aid ola bilir.
Toylar bir neçə hissəyə bölündüyü kimi, ifa olunan mahnılar və
rəqslər də həmin mərasimlərə uyğun olur. Yəni elçilikdən başlamış,
qızın gəlin getdiyi evə qədər olan mərhələlərinin hər biri «Halay»
rəqs mahnılarında özünü göstərir.
Bütövlükdə bu mərasimlərdə «Halay» rəqs mahnıları geniş
icra olunur. «Halay» tutarkən qadınlar iki cərgəyə düzülür. Hər
dəstənin başında halaybaşı durur: dəstələr çəmənlikdə qoyulmuş
xalça və ya həsir ətrafında fırlanıb mahnı ilə yarışırlar [53.s.43].
Halaybaşı mahnını ifa etməyə başlayır, onun dəstəsindəki qadınlar
da eyni melodiyanı təkrarlayırlar. Bundan sonra ikinci dəstə eyni
formada birinci dəstəyə cavab verir. Bu ifa tərzinin müxtəlif
formaları da mövcuddur. Belə ki, bir sıra mahnılarda birinci dəstə
mahnını söyləyir, o biri dəstə isə onlara halaybaşlığı ilə cavab
verirlər. Əsasən «Halay» iştirakçılarının geyim tərzləri sırğalar,
boyunbağları, qolbağlar, paltarlara düzülmüş pullar, qırmızı rəngli
don (nimtənə, baharı), gödək köynək, qat-qat yığılmış tumanlar ilə
əks olunur. Halaybaşılar əlindəki qavalla həm mahnının ritmini
tutur, həm də rəqs hərəkətinin tipini təyin edərək oynayıb oxuyurlar.
Beləliklə, «Halay» rəqs mahnıları səslənir. Halaybaşılardan asılı
olaraq mahnının tempi dəyişilir (ağırlaşır, tezləşir və s.). Belə bir
temp dəyişmələri ritmə də təsir edir.
M.İ.Həkimovun fikirincə «Halay» rəqs mahnılarını Lənkəran-
Astara bölgəsində əsasən qadınlar tərəfindən oxunur. Lakin, bu
Dostları ilə paylaş: |