163
cəhətlərdən özündə xalqa məxsus müxtəlif kultroloji dəyərləri
birləşdirmişdir. Xarakterik cəhətdən «Halay» mahnıları müxtəlif
tarixi dövrlərdə müxtəlif hadisələrlə: məhsul yığımı, təbiət və qəhrə-
manlıq hadisələri, ritualların keçirilməsinə rəğmən məzmunlaşmış,
xüsusi forma prinsipinə inkişaflı tərzdə nail olmuşdur. Bu
«Halay»lar həm də özündə birlik, bütövlük rəmzini birləşdirmişdir.
«Halay» mahnılarının digər bir xüsusiyyəti isə insanın həyat-
da rolu, arzu və istək ümidləri, daima realist düşüncənin özünə-
məxsus tərzdə ifadələnməsi prinsipini əks etdirməkdən ibarət olur.
Melodiyaların dildən-dilə, ağızdan-ağıza ötürülməsi istər-istəməz
həmin melodiyaların variantlarının yaranmasına səbəb olur. Bəzi
vaxt qoşma, gəraylı və yaxud bayatı şəklində olan misralar, eyni
məzmun və xarakter daşımasına baxmayaraq müxtəlif melodiyalar
vasitəsilə variantlı şəkildə dinləyiciyə çatdırılır. Belə mahnıların
formalaşmasında toplu şəkildə deyişən «Halay» dəstələrinin bir-
birini ruhlandırması da səbəb olur. Bayatı söyləmələrinin həm
laylalarda, həm ağılarda, həm də «Halay» rəqs mahnılarında möv-
cud olması bir əlaqə prinsipi yaradır.
Biz ilk dəfə olaraq dərs vəsaitində «Halay» mahnılarında lad-
intonasiya xüsusiyyətlərini tədqiq etmiş, bu mahnıların melodik
səslənmələrində meydana gələn müxtəlif intervallar şəklində səsaltı
polifonik birləşmələrin mövcudluğunu açıb göstərməyə çalışmışıq.
«Halay» mahnıları müxtəlif prizmalardan təhlil oluna bilər.
Bu mahnılarda trixord və tetraxord səs ardıcıllaşmalarının həm bir-
likdə, həm də ayrı-ayrılıqda mövcud olan xüsusiyyətlərini görə
bildik.
«Halay» rəqs mahnıları əsasən «allegro», «andante» temp-
lərində və
8
6
ölçüdə mövcud olan nümunələri geniş yayılmışdır.
Bu templər arasında «moderato» tempinə də rast gəlinir. «Halay»
mahnılarının bir tempdə başlayıb və həmin tempdə sona yetməsi
onun xarakterik cəhətlərindəndir. «Halay» mahnılarının ölçüləri
arasında 3/4, 2/4 ölçüyə də rast gəlmək mümkündür. Ölçülərin
164
melodiyalarda əks olunması, onların poetik mətnlə birləşərək hər
hansı bir fikri ifadə etməsi müxtəlif xarakterlərdə təzahür edir.
«Halay» qrup dəstələrinin deyişməsi və bədahətən şeir
söyləməsi bu qrup dəstələrinin özünü bir instrumental musiqi aləti
kimi tərənnüm edir. Bəlkə də biz bu hər qrup üzvünü ayrı-ayrılıqda
dinləsək, onlar bədahətən belə şeir demə xüsusiyyətinə malik
olmazdılar. Məhz qrup şəklində mövcud olan kollektiv ansambl
bayatı, gəraylı, qoşma üzərində söylənilən bəndlərin və misraların
yaranmasına səbəb olur. Bu bəndlər və misralar özlərinə təkrarlanan
sözləri, tərkib sözlərini, nidaları daxil edərək, bayatı, qoşma,
gəraylı
şeir növlərində söylənilən mətnlərin mənasını
qüvvətləndirir. Qoşma misralarının bayatı, gəraylı bənd misraları ilə
birləşməsi üsulu da «Halay» rəqs mahnılarının oxunuşunda çox
aydın ifadə olunur. Bu isə söylənilən «Halay»ın bədiliyinin və
məzmununun cəlbedici olmasına böyük imkan yaradır.
Tərkib sözləri ilə «Halay» və halaybaşlıqlarının başlanmasını
da görmək olar. Belə bir fikir yürütmək olar ki, «Halay»
mahnılarının ifası zamanı halaybaşlığının müxtəlif xarakterdə ifadə
olunması həm də «Halay»ın tipinin müəyyən edilməsində mühüm
rol oynayır. İntonasiyaların şeir misralarına xidmət etməsi «Halay»
melodiyalarının sadə, lakin cəlbedici və düşündürücü xüsusiyyətlə-
rini meydana gətirir. Lənkəran-Astara bölgəsində belə «Halay» rəqs
mahnılarının yaranma strukturunun formalaşması xalqın həyat
məişətində yaranan hadisələrin xarakterik xüsusiyyətlərinin müx-
təlifliyindən irəli gəlir. Bu xarakterik cəhətlər sevgi, bicar, əmək,
heyvandarlıq və s. mahnılarda təzahür edir. «Halay» mahnılarının
uzun bir tarixi yol keçməsinə baxmayaraq, bu mahnıların formalaş-
ması həm də novruz qabağı nəğmələr, Novruz, toy və s. mahnıları
ilə də sıx əlaqədardır. «Halay» mahnılarının tərkibində biz belə
mahnıların mətninin ifadəsinə də rast gəlirik.
Cənub bölgəsində rast gəlinən beşik nəğmələri içərisində
laylalar da özünəməxsusluq təşkil edir. Mahnıların özündə əks
etdirdiyi məzmun müxtəlifliyi, Azərbaycanın cənub bölgəsinə məx-
sus qədim adət və ənənələri də özündə cəmləşdirir. Bu mətnlərin
165
arasında həm də tarixi məlumatlar öz əksini tapır. Belə məlumat-
ların «Halay»ın mətnlərində əks olunması onun qədimliyindən bir
daha xəbər verir. Bu növ «Halay»lar Azərbaycanın cənub bölgəsinə
məxsus məlumatları mahnılar şəklində dinləyicilərinin yaddaşlarına
həkk etdirir.
«Halay» mahnılarının ifası zamanı meydana gələn sinkretik-
lik, həm oxunması, həm oynanılması istər-istəməz «Halay»lar və
«Yallı» rəqsləri arasında da müqayisəli araşdırmanı da meydana
gətirmişdir. Belə «Halay» mahnılarına Lənkəran-Astara bölgəsində
tədqiqat apardığımız Qızılavar, Mahmudavar, Separadi və Kakalos
və.s. kəndlərdə rast gəlinmişdir. «Halay» mahnılarının «Yallı»larla
oxşarlığı xüsusilə nəzər diqqəti cəlb edir. Yallıbaşı və halaybaşı
ifadələrinin hər ikisi dəstəbaşı ifadəsi kimi dərk olunmasına
baxmayaraq, belə ifadələnmələr tarixi köklərlə bağlı olaraq müxtəlif
dəstələrin, ordu dəstələrinin, kütləvi xalq dəstələrinin anlamını da
ifadə edir. Bu prinsip əslində tarixin qan yaddaşını, kultroloji cəhət-
lərini və cənub bölgəsinə məxsus milli mənəvi dəyərləri özündə
aşılamaqdadır. Deməli, «Halay»larda cəmləşən melodiya, lad-
məqam, intonasiya və poetik cəhətlərin ifadə oxşarlığı mühüm prin-
siplərə əsaslanır.
Buradan belə qənaətə gəlmək olar ki, tarixi mədəniyyətin
daşıyıcısı kimi Lənkəran-Astara bölgəsində yaşayan insanların gün-
dəlik həyat tərzini, ictimai həyatda yolunu dünya xalq musiqi
mədəniyyətinin bir məfhumu kimi tarixdə yaşamış, yaşayır və
yaşayacaqdır. «Halay» və «Yallı»lar arasında intonasiya oxşarlığı,
ritmik şəkil uyğunluğu, müxtəlif formalarda melodik ibarələr və
motivlərin birləşməsində meydana gəlmişdir. «Halay»ların mahnı
oxuyaraq rəqs edilməsi, iki dəstənin və halaybaşıların deyişməsi
şəklində, «Yallı»ların isə oxuyaraq rəqs edilməsi və yaxud musiqi
müşayiəti ilə rəqs edilməsi yallıbaşı tərəfindən dəstənin və
ayaqçının icra etdiyi rəqslərlə müşahidə olunur.
Əgər «Halay» mahnılarının poetik mətnində bayatı, gəraylı,
qoşma misraları bənd şəklində özünü göstərirsə, «Yallı»larda belə
misralardan iki misra və yaxud təkrarlanan misralar prinsipi üzrə
Dostları ilə paylaş: |