19
və ödəniş etdikdən sonra əldə olunmuş pullar yuyulmuş sayılacaq, yəni,
onların mənbəyinin “izi-tozu” qalmayacaqdır.
o
Müflisləşmə zamanı iri şirkətlərin və ya bankların rəhbərləri tərəfindən
də qiymətli kağızların alqı-satqısı ilə dələduzluqlar edilə bilər. Misal
üçün, müflisləşmə güman edilən zaman bank rəhbərinin yaratdığı (və ya
yaratmadığı) “fiktiv” bir şirkətdən likvid olmayan veksellər alınır.
Aydındır ki, firmaya ödənilmiş pullar daha sonra bank rəhbərinin
sərəncamına keçəcək (daha doğrusu, artıq keçmiş olur), “boş” veksellər
isə “havada” qalacaqdır.
31
•
PY sığorta sektorunda da həyata keçirilir.
32
o
Misal üçün, PY məqsədilə böyük məbləğə sığorta müqaviləsini o şərtlə
bağlamaq mümkündür ki, həmin müqavilə birtərəfli qaydada
pozulduqda sığorta haqqı, ondan müəyyən faiz tutulmaqla, sığortalının
(və ya digər şəxsin) xaricdə olan bank hesabına və hətta başqa valyutaya
konvertasiya edilməklə köçürülsün. Beləliklə, bu cür pulların
mənbəyinin izi getdikcə silinmiş olacaqdır.
o
Bəzən sığorta haqqı sığortaçıya bank vasitəsilə ödənilir. Bu halda sığorta
haqqının “təsadüfən” ikiqat artıq ödənilməsi halları da mümkündür.
Artıq ödənilmiş məbləğlər daha sonra sığortaçı tərəfindən ya çek
şə
klində, ya da köçürmə vasitəsilə qaytarılır. Qaytarılmış bu cür
vəsaitlərin mənbəyi legitim
33
kimi görünür (xüsusən də əgər sığortaçı
tanınmış və uzun fəaliyyətinə görə etibar qazanmış bir şirkətdirsə).
o
Sığortaçının agentləri ilə əlbir olub (və ya olmadan, dələduzluq yolu ilə)
müəyyən bir əmlakı yüksək sığorta haqqı məbləği ilə sığortalamaq, daha
sonra isə guya sığorta hadisəsi nəticəsində ödənilmiş sığorta haqqından
31
Yeri gəlmişkən, bu cür əməliyyatlara görə CM-in 210-cu maddəsi (“Müflisləşmə
zamanı qanunsuz hərəkətlər
”) ilə cinayət məsuliyyəti nəzərdə tutulmamışdır (Daha
ə
traflı bax: F.Y.Səməndərov, Azərbaycan Respublikası Cinayət Məcəlləsinin
Kommentariyası
, Digesta nəşr., 2003, s.511).
32
Daha ətraflı bax: Examples of money laundering and suspicious transactions
involving insurance
, Appendix to the IAIS Guidance paper on anti-money
laundering and combating the financing of terrorism, oktyabr 2004
33
“Legitim” ifadəsini “leqal” (qanuni) ifadəsindən fərqləndirmək lazımdır. Əgər
“leqal” anlayışı “mövcud qanunvericiliyə uyğun” mənasına gəlirsə, “legitim”
anlayışı “cəmiyyətin ümumi haqq-ədalət (əxlaq, təcrübədə qəbul edilmiş qaydalar)
barədə fikrinə uyğun
” mənasına gəlir.
20
az olan məbləğdə
34
zərərin baş verdiyini bəyan etmək və müvafiq
sığorta ödənişini tələb etmək də mümkündür. Bu sxem həm sığorta
ş
irkəti, həm də pulu yuyan şəxslər üçün əlverişlidir. Sığorta təminatları
sərfəli şərtlərlə satıldığına görə sığorta agentlərinə sığorta şirkətinin
rəhbərliyi tərəfindən hətta mükafatlar da verilə bilər. Belə də etmək olar
ki, bir əmlakı onun öz faktiki dəyərindən xeyli yüksək məbləğə
sığortalayasan, daha sonra onun “gözlənilməz” səbəblərə görə məhv
olması nəticəsində həmin sığorta məbləği həcmində sığorta ödənişi
alasan. Ümumiyyətlə, sığorta sektorunda pulların yuyulması üçün ən
yayılmış sxem də sığorta hadisəsini baş vermiş kimi göstərməklə, yəni,
dələduzluq nəticəsində, sığorta ödənişinin alınması ilə həyata keçirilir.
Lakin artıq burada ən azı dələduzluq cinayətinin tərkibini də görmək
mümkündür. Həmçinin təsəvvür edin ki, bir şəxs eyni əşyanı bir neçə
sığorta şirkətində sığortalayır, bu halda həmin şəxs əşyaya dəymiş
zərərin əvəzini bir neçə dəfə artıq almaq imkanına malik olur.
35
o
Sığorta bazarında geniş yayılmış sxemlərdən biri də həyat sığortasına
aid sığorta siniflərinin tətbiqi ilə həyata keçirilir. Təsəvvür edin, bir neçə
il üçün bağlanmış həyat sığortası müqaviləsi müəyyən bir müddətdən
sonra sığortalı tərəfindən birtərəfli qaydada pozulur. Bu halda həmin
müddət ərzində sığortaçıya ödənilmiş sığorta haqları sığortalıya (və ya
digər faydalanan şəxsə) geri ödənilir. Geri ödənilmiş pulların mənbəyi
nüfuzlu bir sığorta şirkəti kimi göründüyündən ciddi şübhələr yaranmaz.
o
Qeyri-legitim gəliri
36
qanuni əsaslarla qabaqcadan planlaşdırmamış da
ə
ldə etmək olar. Təsəvvür edin ki, bir şəxs öz əmlakını, misal üçün,
maşını sığortalayır; müəyyən bir müddət keçdikdən sonra başqasının
təqsiri üzündən maşın zədələnir. Sığortalı zərərin əvəzini almaq üçün
nəinki sığorta şirkətinə müraciət edir, həm də təqsirli şəxslə əlaqədar
34
“Az olan məbləğdə” ona görə ki, sığortaçı mənfəət qazansa, heç kəsin sığorta
hadisəsinin həqiqətən baş verib-vermədiyini dərindən yoxlamaq istəyi olmasın.
35
Qanunvericiliyimizdə (MM, m.895.2) “ikili və ya çoxqat” sığortalanma halları
etibarsız sayılsa da, bu halları vaxtında aşkar edən və onların qarşısını alan
mexanizmlərin olması da pis olmazdı.
36
Burada “qeyri-qanuni gəlir” ifadəsini işlətməkdən o məqsədlə çəkinmişik ki,
həmin gəlirin qeyri-qanuni kimi müəyyən edilməsi ölkədən ölkəyə fərqlənə bilər,
lakin onun bütün cəmiyyətlərdə ədalətsiz kimi qəbul edilməsi üzrə mübahisəyə,
çətin ki səbəb olar.
Dostları ilə paylaş: |