Гарабаь дюйцшляри хатырланыр, йахуд Фикрят террорун гаршысыны неъя алды?
36
Mustafa Əliyev, Fikrət Nəbiyev, İbad Həsənov, Şafaət Əliyevlə
birlikdə ilk həqiqi xidmət ordusunu yaratdıq. Təkcə Ağdamda iki
mindən artıq əsgər və zabit hazırlandı. Biz əsgərlərin fiziki, tak-
tiki və mənəvi hazırlığını həyata keçirərək düşmənlərin ərazimizə
soxulmasının qarşısını alan real qüvvə hazırlayırdıq»…
Fikrət müəllim xüsusilə fərqlənirdi. O, əsgərlərin fiziki və
taktiki hazırlığı ilə məşğul idi. Əsgərlər onun Bakıdan xüsusi
təyinatla göndərilmiş karate ustası olduğunu söyləyirdilər.
Doğrudan da dağların döşündə yüzlərlə əsgəri fiziki cəhətdən
hazırlamaq böyük bir şərəf işi idi. Hər məşq zamanı dəfələrlə
möcüzəli hadisələrin şahidi olan əsgərlər böyük ruh yüksəkliyi ilə
döyüşə getməyə hazır idilər. Məsələn, məşqlərin birində
kompleks hərəkətlər həyata keçirən batalyonun yüzlərlə əsgərinin
eyni vaxtda zərbə mövqeyindəki qışqırtısı dağları lərzəyə salırdı.
Elə bu vaxt dağların o tərəfindən böyürtü eşidildi. Sonra dağın
döşündə toz-dumana qarışdı. Yüzlərlə vəhşiləşmiş öküz bizə tərəf
gəlirdi. Nəhayət, onlar bizi dövrəyə alıb dayandılar. Bu cür hallar
dəfələrlə baş verib... Dağın o tərəfindəki ermənilər də elə bu
qışqırtının, bu nərənin gücündən lərzəyə gəlmişdilər. Bu, Koroğlu
dəlilərinin nərəsi idi. Əsgərlər mütəmadi məşqlər nəticəsində
dağlara birnəfəsə çıxıb -düşə bilirdilər. Həmin döyüşçülər uzun
müddət ermənilərin Azərbaycan ərazilərinə soxulmaq cəhdinin
qarşısını aldı və hücum əməliyyatları həyata keçirdi.
Гарабаь дюйцшляри хатырланыр, йахуд Фикрят террорун гаршысыны неъя алды?
37
Şəkillərdə Fikrət Nəbiyev şəxsi heyətlə birlikdə(1992)
Гарабаь дюйцшляри хатырланыр, йахуд Фикрят террорун гаршысыны неъя алды?
38
Şəkildə Fikrət Nəbiyev şəxsi heyətlə birlikdə (1992)
Qəhramanov Vüqar Bəylər oğlunun ifadəsi: (1973-cü il
11 sentyabrda Ağdam rayonunun Göytəpə kəndində anadan
olmuşdur) Mən 1992-ci il martın 1-də ilk Həqiqi Xidmət
Ordusuna həqiqi xidmətə çağrıldım. Batalyonumuzun fəaliyyəti
bütün Azərbaycan xalqı tərəfindən rəğbətlə qarşılanırdı. Bizi ordu
quruculuğunun ilk qaranquşları hesab edirdilər. Fikrət müəllim
bizə karate dərsi keçir, əlbəyaxa şərq döyüş növünü öyrədirdi.
AzTV-dən həmin dövrlərdə bizim hərbi hissədə müxtəlif
çəkilişlər həyata keçirilirdi. 215Kl adlanan verilişin rəhbərliyi
milli qəhrəmanımız Cingiz Mustafayev, Ədil müəllim kimi
insanlar televiziyada bizim fəaliyyətimiz haqqında məlumatlar
verirdilər. Fikrət müəllim ən sayılan şəxslərdən biri idi. Onun ilk
ordu quruculuğunda göstərdiyi, təmiz hərbi qanunlara əsaslanan
əsl hərbçi fəaliyyəti bizi qorxmaz ruhda tərbiyə etməsi onun
əvəzedilməz bir insan olduğunu sübut edirdi. Təxribatçılara,
terrorçulara qarşı mübarizəsi də onun bir vətənpərvər döyşçü
olmasını göstərirdi. İlk ordu quruculuğuna mane olan qüvvələrə
qarşı öz cəsarəti, iradəsi ilə qalib gələn Fikrət müəllim onalara
qarşı barışmaz münasibət nümayiş etdirmişdi.
Гарабаь дюйцшляри хатырланыр, йахуд Фикрят террорун гаршысыны неъя алды?
39
…Bir axşam güllə səsinə oyandım. Komandirimizi və
batalyonun bir qrup hərbçisini öldürmək istəyən terrorçuların
UAZ markalı avtomabildə uzaqlaşdığını gördüm. Öyrəndim ki,
terror aktını həyata keçirmək istəyən bu insanlar hərbi, psixoloji
və fiziki cəhətdən daha güclü olan Fikrət müəllimin qarşısında
davam gətirə bilməyib, qaçmağa müvəffəq olmuşlar. Onun
Azərbaycan Respublikasının milli qəhrəmanı olacağına inanıram.
Mən Fikrət müəllimlə fəxr edirəm.
Məhərov Məhərrəm İldırım oğlunun ifadəsi: (1974-cü il
martın 5-də Ağdam rayonunun Qərvənd soveti Orta qışlaq
kəndində anadan olmuşdur). Mən 1992-ci il mayn 2-sində hərbi
xidmətə çağrılmışdım. Komandirlərimizdən Fikrət müəllim bizi
vətənpərvərlik ruhunda tərbiyə edirdi. O düşmənə qalib gəlmək
sirrini bizə öyrədirdi. Birinci növbədə bunun üçün bizi fiziki
cəhətdən hazırlayırdı. Bizə əlbəyaxa döyüşü öyrədir, döyüş
taktikasını nəzəri və praktiki olaraq başa salırdı. O bizim sağ -
salamat qalmağımızın səbəbkarı olmuşdur. Terrorla, təxribatlarla
bağlı bütün hadisələrə qarşı barışmaz olan Fikrət müəllim növbəti
terrorun qarşısını məharətlə aldı. O komandiri və şəxsi heyətin bir
hissəsini real ölüm təhlükəsindən xilas etdi. Buna görə ona
borcluyuq və ona öz təşəkkürümüzü bildiririk.
Ələskərov Elşən Sədrəddin oğlunun ifadəsi: (1974-cü il
iyunun 2-də Ağdam rayonunun Quzanlı kəndində anadan
olmuşdur). Mən 1992-ci ilin may ayında hərbi xidmətə
çağrılmışam Fikrət müəllimin ən nüfuzlu zabit olduğunu öz
gözlərimlə görmüşəm. Belə ki, bütün şəxsi heyətin fəaliyyəti
onun iradəsinə tabe idi. Mən Fikrət müəllimin qəhrəmanlıqlarını
Azərbaycan xalqının milli qürurundan doğan fədakarlıq nümunəsi
hesab edirəm.
Xocalı divizyonunun komandir müavini Pənah Məmmə-
dovun dediklərindən: İlk baxışdan adama elə gəlir ki, adamlar
eynidir. Onlar öz düşüncə, davranış və bacarıqları baxımından
bir-birinə oxşayırlar. Ancaq bunun belə olmadığını Xocalı diviz-
yonunda xidmət etmiş olsaydın görərdin! O dövrlərdə
qanunsuzluğun hökm sürdüyü bir vaxtda mənim idarə etdiyim
Гарабаь дюйцшляри хатырланыр, йахуд Фикрят террорун гаршысыны неъя алды?
40
maşın Qubadlı Polis rəisi tərəfindən müsadirə edilmişdi. Mənim
isə axtarışımı təşkil etmişdilər. Səbəb də bundan ibarət idi ki,
həmin maşınla gedərkən çoldə qoyun otaran uşaqdan öz
pulumuzla qoyun alıb aparmışdıq. Çox maraqlıdır ki, qoyun
sahibi polisə şikayət vermiş və güya bizim qoyun otaran uşaqdan
onu qorxuzaraq aldığımızı göstərmişdi. Belə bir vəziyyətdən
qurtarmaq son dərəcə çətin idi. Divizion komandiri dəfələrlə bu
işlə bağlı xahişə getmiş, ancaq nəticəsi olmamışdı. Bu hadisədən
xeyli müddət keçmişdi. Fikir məni götürmüşdü. Elə bu vaxt bizim
divizyona yeni siyasi işlər üzrə müavin göndərildi. O, Fikrət Hə-
bib oğlu Nəbiyev o biri komandirlərdən seçilmirdi. Ancaq əməli
fəaliyyətə gələndə onun tayı-bərabəri yox idi. Belə ki, elə birinci
gündən divizyonda ta səhər idmanından tutmuş, səhər və axşam
«razvodlarınadək», postlardakı gedişə nəzarətdən tutmuş təlim
tərbiyənin bütün aspektlərinədək xüsusi idarəçilik bacarığı olan
bu oğlan mənim o qədər xoşuma gəldi ki, onunla dostlaşdım. Bir
gün də öz dərdimi ona dedim. Ömrümdə belə bir adam
görməmişdim. Onunla Ağdamdan Qubadlıya, Qubadlı Polis
idarəsinə, prokurorluğuna getdim. Məni tutub içəri basdılar.
Hadisə Beyləqan ərazisində baş verdiyindən məni Beyləqan Polis
idarəsinə gətirdilər. Dəmir barmaqlıqlar arasından Fikrət
müəllimə yalvarıb deyirdim ki, komandir məni qoyub getmə! O
da gülüb deyirdi ki, qorxma! Xülasə bir neçə gün Fikrət müəllim
də elə mənim kimi əvvəl Qubadlı, sonra isə Beyləqan rayon Polis
idarəsində gecə-gündüz qaldı. Ancaq məni tərk edib heç bir saat
da məndən uzaqlaşmadı. O getsəydi, yəqin ki, məni ən azı
möhkəm döyəcəkdilər. Nəhayət, Fikrət müəllim Beyləqan rayon
Polis idarəsinin rəisi ilə şəxsi söhbət etdi. Fikrətin sübutları
əsasında işə yenidən baxılmalı oldu. Şikayətçilər çağrıldı. İbtidai
istintaqın nəticəsi olaraq məlum oldu ki, uşaq qoyun üçün mən-
dən aldığı pulu atasından gizlətmiş və qorxusundan atasına yalan
məlumat vermişdir. İşə elə həmin istintaq mərhələsində xitam
verildi. Məni azadlığa buraxdılar. Fikrət müəllimə məni bu
bəladan qurtardığı üçün pul təklif etdim. Ancaq o pula ehtiyacı
Dostları ilə paylaş: |