Suya qoyulub duzu aşağı salınmış balıq qızardıla bilər və
bundan həm də kotlet kütləsi hazırlanır.
Duzlu siyənəyin emalı. Duzlu siyənəyin qarnının nazik
kənarı və habelə belinin bütün uzunu boyunca dərisi kəsilib
başından başlamış soyulur. Sonra siyənəyin içi çıxarılır, başı,
quyruğu, onurğa və qabırğa sümükləri xaric edilir, başından isə
qəlsəmələri ayrılır. Bu əməliyyatdan sonra siyənək yuyulur.
Siyənək çox duzlu yaxud quru olan hallarda soyuq suya
yaxud dəmlənmiş çayın içinə salınır. Çay içində saxlanan zaman
siyənəyin duzu çayın tərkibindəki aşılayıcı maddələrin sayəsində
azalır, lakin suda saxlanan siyənək kimi yumşalmır.
Siyənəyin şirəli olması üçün onu süd içində islatmalıdır;
burada siyənəyin yumşaq əti bir qab içinə qoyulub üstünə bol süd
tökülür.
Siyənəyin parçalanmış yumşaq tikələri ya bütöv şəkildə, ya
da eninə tərəf doğranaraq tətbiq edilir.
1.2.4. Balıq yarımfabrikatları və onların saxlanması
Balığın urvalanması
Balıqdan hazırlanası xörəyin xarakterinə görə o, urvalanır,
yəni üzərinə un səpilir, yaxud üzərinə un səpildikdən sonra bir də
lyezon içində isladılır və sonra üstünə döyülmüş suxarı səpilir.
Urvalamazdan qabaq balıq tikələrinə duz səpilir.
Un urvası. Un urvası I növ ələnmiş buğda unundan ibarət-
dir.
Una duz qatıldığı halda balıq tikələrini duzlamaq lazım
gəlmir. Balıq bilavasitə qızardılan zaman urvalanır (şəkil 1.15).
Ağ urva. Ağ urvanın hazırlanması üçün qazmaqsız buğda
çörəyinin kərtilmiş içi əzilib qəlbirdən keçirilir.
Qırmızı urva. Qırmızı urvanın hazırlanması üçün qazmaqlı
buğda çörəyi yaxşı qurudulub həvəngdə döyülür.
27
Şəkil 1.15. Balıq tikələrinin unda urvalanması
Lyezon. Lyezonun hazırlanması üçün çiy yumurta su yaxud
süd ilə qarışdırılır və sonra duz vurulur.
Burada hər yumurta üçün 75-100 q süd yaxud 60 q su və 2-
4 q duz götürülür.
Suda bişirmək, az miqdar suda bişirmək və qızartmaq üçün
balıq yarımfabrikatları
Balıqdan suda bişirilən, az miqdar suda bişirilən, qızardılan,
bol yağda qızardılan (fri), yaşıl yağda qızardılan suf balığı, xəmir
içində balıq, qrilye balıq, kotlet və balıq bitoçkası deyilən
xörəklər üçün balıq yarımfabrikatları hazırlanır.
Suda bişirilən balıq xörəyi üçün hazırlanmış bütöv balıq,
nərə cinsinə aid balıq halqaları və çapaq, karp, çəki balığı, daban
balığı, vobla və navahadan başqa demək olar bütün balıq cinsləri
tətbiq edilə bilər. Burada paylıq balıq tikələri baş tərəfdən tutmuş
qabırğa və onurğa sümükləri, habelə dərisi üstündə yaxud
sümüksüz lifinin köndələninə kəsilir. Dərinin üzərində 2-3 yerdən
yarıq açılır ki, isti emal zamanı paylıq tikələr formasını itirməsin.
Qızardılan balıq xörəkləri üçün hazırlanmış bütöv şəkildə
navaha, dabanbalığı, çapaq, çəki balığı, ala balıq və s. cins
28
balıqlar, habelə tikələrə doğranmış şəkildə dərisi üstündə sümük-
süz, yaxud həm dərisiz, həm də sümüksüz hər cins balıq tətbiq
edilir. Hər hansı üsulda parçalanmış balıq paylıq tikələrə doğranır
ki, bunun üçün də balıq içi yuxarıya doğru masa üzərinə qoyulub
başından başlanaraq liflərinin eninə tərəf tikələrə doğranır; nərə
cinsinə aid balıq quyruq tərəfdən doğranmağa başlanır.
Qızartmazdan qabaq bütöv balıq yaxud paylıq tikələr duzlanır və
un içində urvalanır.
Bol yağ içində bişirilən (fri) balıq xörəyi üçün hazırlanmış
bütöv şəkildə navaha, koryuşka, salaka, kilkə, mərsin balığı və
xəmsə, habelə dərisi soyulmuş, həm də qabırğa və onurğa sümük-
ləri çıxarılmış suf, naqqa, treska, nərə, ağ balıq və uzunburun
balıq cinslərindən doğranmış paylıq tikələr tətbiq edilir.
Bütöv balığa və kəcinə doğranmış paylıq tikələrə burada
duz səpilir, sonra bunlar un içində urvalanır, lyezonda isladılır və
təkrar döyülmüş suxarıda (ağ urvada) urvalanıb bol yağ içində
qızartmağa verilir (şəkil 1.16).
Şəkil 1.16. Balıq-fri
Xəmir içində balıq xörəyi (qızardılmış) parçalanmış dərisiz
və sümüksüz tir şəklində tikələrə doğranmış suf, durnabalığı və
treska balığından hazırlanır. Burada balıq tikələri dəsmalla
qurudulub qaba qoyulur, hər paya 3 q bitki yağı və 0,05 q limon
duzu yaxud limon şirəsi, döyülmüş istiot, duz və 3 q cəfəri
göyərtisi vurulub 10-20 dəqiqə marinadlaşdırılır.
29
Bu xörək frityur içində qızardılmadan qabaq tir şəklindəki
tikələr yağdan çıxarılıb xüsusi hazırlanmış maye halında olan
xəmirə salınır.
Həmin maye xəmirin hazırlanması üçün qaba soyuq su
yaxud süd və bitki yağı tökülür, sonra buğda unu və duz qatılıb
qarışdırılaraq maye xəmir halına salınır və bunun da içinə
çalınmış yumurta ağı vurulub ehmalca yenə qarışdırılır.
Kotlet kütləsinin hazırlanması
Kotlet kütləsinin hazırlanması üçün çox zaman narın əzələ-
arası sümükləri olmayan balıqlar (suf, naqqa, durnabalığı, yayın
balığı, treska, keta balığı, xanı balığı, ala zubatka) tətbiq edilir.
Kotlet kütləsi suya qoyulmuş duzlu balıqdan da hazırlana bilər.
Burada dərisi, qabırğa və onurğa sümükləri rədd edilmiş
balığın yumşaq əti xırda tikələrə doğranıb, I yaxud əla növ undan
bişirilmiş və qabaqca süddə yaxud suda isladılmış kərti (2-3 gün
saxlanmış) buğda çörəyinə qatılır və ətçəkən maşından keçirilir.
Bu qayda ilə əldə edilmiş kütləyə duz və döyülmüş istiot vurulub
hamısı birlikdə yaxşı qarışdırılır.
Kotlet kütləsi hazırlanan zaman aşağı növ undan hazırlan-
mış çörək götürüldüyü hallarda məmulatın təmi aşağı düşür.
Kotlet kütləsinə yağlı balıq cinslərindən əldə edilən balıq
yağı və habelə kərə yağı (1 kq yumşaq balıq ətinə 50-100 q)
qatıla bilər. Suvaşqanlığı aşağı düşsün deyə, kotlet kütləsinə
bişmiş balıq da (çiy balığın yumşaq ətinin çəkisinə nisbətən 25-
30%) qatıla bilər.
Burada 1 kq yumşaq balıq ətinə 250 q (25%) buğda unu,
300-350 q (30-35%) su yaxud süd, 20-25 q (2-2,5%) duz və 1 q
(0,1%) istiot vurulur.
30
Dostları ilə paylaş: |