Daim axtarışda olan “Lamborghini”
1971-ci ildə inqilab edərək «Countach»
modelinin nümunəsini ortaya çıxardı. 3 il
sonra isə avtomobilin özünün istehsalına
başlandı və bu illər ərzində “Lamborghini”
bütün avtoşoularda
diqqət mərkəzində
qalmağı bacardı. «Countach» dəbdəbəli,
şaquli açılan qapılara, 4 litr həcmli
mühərriyə sahib idi.
1972-ci ildə şirkət maliyyə böhranı
yaşadı. Nəticədə Ferruçço traktor
istehsalının bir hissəsinin “Fiat” şirkətinə
satdı. Bir müddət sonra isə traktor
istehsalı bütünlüklə “Same deuts Fahr”
Groupun tərkibinə keçdi. Xatırladaq ki, bu
şirkət indiyədək “Lamborghini” traktorları
istehsal edir.
1970-ci illərdə neft böhranı zamanı
idman avtomobillərinə olan tələbat
azalır, maddi çətinliklər yarandığından
“Lamborghini” şirkəti 2 illik sifarişi olan
avtomobiləri tez bir zamanda satır, digər
alıcılar isə uzunmüddətlik fasilədən
narazı qalırlar. 1978-ci ildə isə şirkət
təmamilə müflisləşir. İtaliya məhkəməsi
məcbur qalaraq şirkəti İsveçrəli Mimram
qardaşlarına satır.
1970-ci illərdə isə “Lamborghini”
avtomobillərinin uğurlu satışları
şirkətin
fəaliyyətində sabitlik yaratdı. Lakin
buna baxmayaraq bir müddət sonra
Ferruçço şirkətdə olan hissələrini isveçrəli
sərmayəçilər Jorj Anri Roseti və Rene
Leymerə satdı. Və Ferruçço 1993-cü ildə
76 yaşında dünyasını dəyişdi.
Ferruçço Lamborgininin rəhbərliyi
dövründə şirkət nə avtomobil
yürüşlərinə qatılır, nə də yürüş
bolidləri istehsal edirdi.
“Lamborghini” avtomobil salonu
paytaxt Bakıda da fəaliyyət göstərir.
Diller 2014-cü ildə açılıb, hazırda
“Flame Towers”də yerləşir.
Avto
Stop
78
Şikrətin Chrysler tərəfindən əldə
edilməsi isə növbəti süprizlərdən biri olur.
Lakin eyni anda “Lamborghini Diablo”
üzərində aparılan işlər markanı yenidən
dünya bazarına qaytarır.
Ferruççonun ölümündən sonra 1994-
cü ildə Chrysler maliyyə problemləri
üzündən “Lamborghini” şirkətini
İndoneziyanın “M’tec (Megatech)”
sərmaya qrupuna satır.
Amma bu qrup
da “Lamborghini”nin son sahibi olmur.
1998-ci ildə markanı “Audi AG” əldə edir.
“Lamborghini”nin yeni rəhbəri istehsal
edilən superkarların dizaynına öz təsirini
göstərir. “Audi”nin böyük texniki imkanları
“Lamborghini”nin ən gözəl modellərindən
birinin yaranmasına səbəb olur. Söhbət
“Lamborghini Murciélago modelindən
gedir.
“Lamborghini” avtomobilləri bu
günkü gündə ən güclü, ekslüziv orijinal
seriyalaşdırılmış modelləri avtomobil
bazarına çıxarır. Avtomobillərin qeyri-adi
üslubu Franko Skalyone, Zaqato, Mario
Maratsi,
Bertone Design və Marçello
Qandini tərəfindən hazırlanır.
Avto
Stop
79
Müəllif:
Aynur Hüseyinzadə
KİMDİR HAQLI?
SIĞORTALI, YOXSA SIĞORTA EDƏN
Bu gün sürücülərin bir çoxunu «hadisə
baş verdikdə sığorta ödənişi olunmaya
bilərmi?» sualı maraqlandırır. Çünki bəzi
sığorta şirkətləri qəzadan sonra maşına
dəyən ziyanı ödəməkdən imtina edir və
bu da məlum “sığorta bizim pulumuzu
vermir” ittihamlarının yaranmasına
səbəb olur. Və yeri gəlmişkən, bu da öz
növbəsində sığorta şirkətlərinə qarşı
anti-reklam kompaniyasına belə çevirilə
bilir. Əslində, belə problemlər səhv
məlumatlandırmadan və imzalanmış
sığorta müqaviləsini oxumamaqdan irəli
gəlir.
Belə hallarda avtomobilini sığortalamış
şəxs qəza zamanı nə edəcəyini bilmir.
Əslində, sığortalının
bilməli olduğu çox
şey var. İlk olaraq qəza baş verdikdə
sürücünün vəzifələrinə diqqət edək.
“Yol Hərəkəti Haqqında» Qanun. 37-ci
maddə :
IV. Mexaniki nəqliyyat vasitəsinin sürücüsü
yol-nəqliyyat hadisəsi zamanı:
1) nəqliyyat vasitəsini yerindən
tərpətməməli, qəza dayanma nişanını
qurmalı, qəza işıq siqnalını yandırmalı,
ya da yanıb-sönən qırmızı işıq fənərini
qoymalı, hadisəyə aidiyyatı olan əşyaların
yerini dəyişməməlidir;
2) zərər çəkənlərə ilk tibbi yardım
göstərilməsi üçün mümkün olan tədbirləri
görməli, «Təcili tibbi yardım» maşını
çağırmalı, zərər çəkənləri həyat üçün
təhlükəli xəsarət aldıqları hallarda isə,
onu səmt üzrə gedən nəqliyyat vasitəsi ilə
yaxınlıqdakı tibbi müəssisəyə göndərməli,
bu mümkün olmadıqda isə, özünün
nəqliyyat vasitəsi ilə aparmalı, orada
şəxsiyyətini təstiq edən sənəd və ya
vəsiqə, nəqliyyat vasitəsinin qeydiyyatı
sənədini təqdim etməklə özünün soyadını,
nəqliyyat
vasitəsinin qeydiyyat nömrə
nişanını bildirməli, sonra hadisə yerinə
qayıtmalıdır;
Avto
Stop
80
3) başqa nəqliyyat vasitələrinin hərəkəti
qeyri-mümkün olduqda, yolun hərəkət
hissəsini boşaltmalıdır. Yolun hərəkət
hissəsini boşaltmaq və ya zərər çəkənləri
öz nəqliyyatında müalicəxanaya aparmaq
zərurəti olduqda, şahidlərin iştirakı ilə
əvvəlcə nəqliyyat vasitəsinin vəziyyətini,
izləri və hadisəyə aidiyyəti olan əşyaları
qeyd etməli və onların qorunması,
nəqliyyat vasitələrinin hadisə yerinin
yanından keçməsini təşkil etmək üçün
mümkün olan bütün tədbirləri görməlidir;
4) hadisə haqqında
Azərbaycan
Respublikasının müvafiq icra hakimiyyəti
orqanına xəbər verməli,hadisəni görmüş
adamların soyadlarını, ünvanlarını yazmalı
və Azərbaycan Respublikasının müvafiq
icra hakimiyyəti orqanı əməkdaşlarının
gəlməsini gözləməlidir;
5) əgər yol-nəqliyyat hadisəsi nəticəsində
heç kim xəsarət almamışdırsa, maddi
zərər cüzidirsə, nəqliyyat vasitələrində
onların hərəkət etməsinə mane ola
biləcək nasazlıq yoxdursa və yol-nəqliyyat
hadisəsini törədənlər hadisənin baş
verdiyi şəraiti qiymətləndirməkdə razılığa
gələrlərsə, hadisənin
sxemini tərtib edib
imzaladıqdan sonra, hadisəni müəyyən
olunmuş qaydada sənədləşdirmək üçün
Azərbaycan Respublikasının müvafiq icra
hakimiyyəti orqanına gəlməlidirlər.
Məlum 37-ci maddəyə əsasən qəza baş
verirsə, avtomobilləri yerindən tərpətmək
olmaz. Lakin, hərəkətin qarşısını alırsa,
yolun hərəkət hissəsindən avtiomobil,
mütləq, kənara çəkilməlidir. Bəzi sığorta
şirkətləri yolun boşaldılması halına görə
sığortalıya ödənişdən imtina edirlər. Bu
kökündən yanlışdır. Bu zaman ilk növbədə
yolun hərəkət hissəsinin boşaldılma
səbəbi aydınlaşdırılmalı, daha sonra
qərar verilməlidir. Hər şey 37-ci maddəyə
uyğundursa, ödənişdən imtina edilə
bilməz.
Sığorta hadisəsi baş verdikdə sığortalının
aşağıdakılara riayət etməsi vacibdir:
Qəza baş verdikdə dərhal avtomobilinizi
sığorta etdirdiyiniz sığorta
şirkətinin
növbətçi telefon nömrələrinə zəng edərək
hadisə barədə ətraflı məlumat verin.
Bundan başqa, müvafiq hüquq-mühafizə
orqanına (102 - polis xidməti) hadisə
barədə məlumat verməlisiniz.
Əgər sığorta hadisəsi barədə məlumat
sığortaçıya dərhal verilməzsə və sığortalı
hadisə barədə dərhal məlumat vermək
iqtidarında olmadığını sübut edə bilməzsə,
sığortaçı sığorta ödənişindən imtina edə
bilər. Sığorta şirkətinin qəza eksperti
hadisə yerinə gələnədək sığortalı nəqliyyat
vasitəsinin vəziyyətində və hadisə yerində
heç bir dəyişiklik etməməlidir. Sığorta
hadisəsi baş verdikdə qeyd olunanlardan
hər hansı
birinə riayət etməsəniz,sığorta
şirkətiniz sizə sığorta ödənişinin
verilməsindən imtina edə bilər.
Bu hallarda sığorta şirkətləri sığorta
ödənişinin verilməsindən imtina edirlər:
— Sığortalı nəqliyyat vasitəsi sığorta
şəhadətnaməsinə və ya qanunvericiliyə
əsasən səlahiyyəti olmayan şəxs
tərəfindən idarə edildikdə;
— Sığorta etdirənin (Sığortalının) və
ya nəqliyyat vasitəsini idarə etmək
hüququ olan şəxsin kobud ehtiyatsızlığı
nəticəsində nəqliyyat vasitəsinə dəyən
zərərlər.
Kobud ehtiyatsızlıq dedikdə aşağıdakı
hallar nəzərdə tutulur:
— svetoforun və ya nizamlayıcının
qadağanedici işarəsində hərəkətin davam
etdirilməsi;
— hərəkət istiqamətlərinə aid olan
tələblərin pozulması;
— yolda müəyyən edilmiş hərəkət
sürətinin yaşayış məntəqələrində 20 km/
saatdan, magistral yollarda 30 km/saatdan
artıq aşılması;
Avto
Stop
81