22
[65, 77].
Əmtəə-xidmətlər bazarında baş verən konyunktur dalğalanmaları bütün
vəziyyətlərdə əhalinin həyat səviyyəsinə,rifah halına və ümumiyyətlə cəmiyyətdəki
sosial-iqtisadi sabitliyin mövcud durumuna mənfi təsirini göstərərək tarazlığı pozur.
Nəzərə almaq lazımdır ki, transformasiya yönümlü dəyişikliklərin ilk mərhələsində
əmtəə-xidmətlər bazarında baş verən gərginliklər və qiymət artımı müxtəlif amillərin
təsiri altında yaranmışdır. Bu amilləri aşağıdakı kimi fərqləndirə bilərik:
–
məhsul istehsalı(istehlak təyinatlı) həcminin kəskin şəkildə azalması;
–
ölkənin xarici iqtisadi siyasətinin zəif olması ilə əlaqədar olaraq bazara mal
idxalının zəif olması,qənaətbəxş səviyyədə olmaması;
–
əmtəə-xidmətlər bazarında inhisarçılığın olması və azad rəqabət mühitinin
kifayət qədər formalaşmaması;
–
istehlak bazarında dövlət tənzimləmə fəaliyyətinin qismən aradan
qaldırılması fonunda kölgəli iqtisadiyyatın dirçələrək təsir imkanlarının genişlənməsi.
Aparılmış təhlillər göstərir ki, formalizasiya dövrünü keçən milli iqtisadiyyatda
aparılan iqtisadi, hüquqi islahatlar, mülkiyyətin özəlləşdirilməsi və azad sahibkarlıq
fəaliyyətinin inkişaf etdirilməsi istehlak bazarındakı mövcud vəziyyətə də öz təsirini
göstərmişdir. Odur ki, milli iqtisadiyyatda(daxili bazarda) qiymətlər tələblə təklifin
təsiri altında formalaşmaqla, azad rəqabət mühiti geniş vüsət almışdır. Məlumdur
ki,mövcud istehlak bazarında tarazlığın təmin edilməsi və qiymətlərin səviyyəsinin
sabitləşdirilməsi üçün bazarda əmtəə təklifinin həcminin artırılması və əhalinin
alıcılıq qabiliyyətinin yüksəldilməsi labüddür. Əsası ulu öndər H.Əliyev tərəfindən
qoyulan iqtisadi islahatlar kursu, keçid dövrünü yaşayan respublikamızda qısa
müddət ərzində yerli iqtisadiyyatın dirçəlməsinə,iqtisadi böhranın qismən
dayandırılmasına,böhranın mənfi nəticələrinin aradan qaldırımasına və makroiqtisadi
sabitliyin təmin edilməsinə əlverişli şərait yaratmışdır.
Məhz bütün bunların nəticəsidir ki, 1995-ci illə müqayisədə 2015-ci ildə ölkədə
ümumi daxili məhsul istehsalı 27 dəfə, adambaşına məhsul istehsalı 20 dəfə, kənd
təsərrüfatı məhsullarının istehsalı dəyər ifadəsində 6 dəfə, satışın bütün kanallarında
pərakəndə əmtəə dövriyyəsi 14 dəfə artmışdır. Təbii ki, makroiqtisadi göstəricilərin
23
səviyyəsinin yüksəlməsi əhalinin yaşayış səviyyəsinin,rifah halının də yüksəlməsinə
təsirini göstərmişdir. Belə ki, müqayisə olunan dövrdə əhalinin gəlirləri 18,2 dəfə
artaraq 39360,7 milyon manata, əhalinin xərcləri isə 11,9 dəfə artaraq 31267,8
milyon manata, iqtisadiyyatda məşğul olan işçilərin orta aylıq əmək haqqı 26 dəfə
artaraq 444,45 manata çatmışdır [90].
Məlumdur ki, istehlak bazarı müxtəlif növ iqtisadi subyektlərin fəaliyyəti,
mövcudluğu şəraitində özünü tənzimləyir.Bu subyektlərə dövlət və özəl ticarət
müəssisələri, xarici və yerli təşkilatlar, fərdi mağazalar, xırda istehsalçılar, əmtəə
birjaları vəs aiddir. Buna görə də ərzaq bazarı daha dərindən araşdırılmalı,ərzaq
bazarının təminində dövlətin baxış istiqamətləri təkmilləşdirilməlidir.
İstehlak bazarının tədqiqi bir sıra metodoloji prinsiplərə əsaslanır. Belə ki, o
bütün digər mübadilə sahələri kimi ictimai təkrar istehsalın digər mərhələləri ilə
qarşılıqlı əlaqə şəraitində tədqiq və təhlil olunur. Bu zaman istehlak bazarı istər
bazarın daxili, istərsə də xarici amilləri (ehiyat, xammal, təchizat, rəqiblər, istehsal
texnologiyasının, planlaşdırma sisteminin mükəmməlliyi, ümumi iqtisadi-siyasi
amillər və s.) ilə qarşılıqlı surətdə nəzərdən keçirilərək öyrənilməli,təhlil və tədqiq
olunmalıdır. Digər vacib metodoloji prinsip bazarın öyrənilməsində onun bütün
struktur elementlərinin və bunların qarşılıqlı təsirinin nəzərə alınmasından ibarətdir.
Bir çox hallarda tədqiqatçılar bazarın tərkib hissələrinin (tələbin proqnozlaşdırılması,
istehlak tələblərinin, niyyətlərinin, qiymətlərin öyrənilməsi, marketinq tədqiqatları,
rəqabət mühiti, konyunktura müşahidələri və s) qarşılıqlı əlaqəli təsirini nəzərə almır,
hətta səhv olaraq istehlak prosesinin (istehlak məhsulları ilə təminat, onlardan
istifadənin intensivliyi, təkrar istehsalının təmini, xidmət müddətləri və s) öyrənilməsi
işinə dərin yanaşmırlar. Bu isə mövcud istehlak bazarının tədqiqində və
öyrənilməsində komplekslik prinsipinin pozulmasına gətirib çıxarır. Belə ki, belə
olduğu halda səhv nəticələr əldə olunur.
İstehlak bazarının öyrənilməsi zamanı onun tələb və təklifin tarazlaşdırılması
problemlərinin öyrənilməsinə yönəldiyini, problemlilik, komplekslilik, sistemlilik,
elmilik kimi əsas metodoloji prinsiplərə əsaslanmasını xüsusi olaraq qeyd
etməliyik.[13, səh 88]
24
Bunun üçün də, bəzi iqtisadçılar istehlak, o cümlədən ərzaq malları istehlakı
bazarının öyrənilməsi zamanı aşağıdakı məsələlərin həll edilməsinin zəruriliyini
vurğulayırlar [3, 14, 66]:
1.
istehlak malları bazarının, o cümlədən ərzaq mallarının onun öz ünsürlərinə
və bu ünsürlərin qarşılıqlı əlaqəsinə təsirinin öyrənilməsi, məhz bunun sayəsində
tələb və təklifin real həcmi, strukturu, onların tarazlıq dərəcəsi haqqında düzgün
biliklərin əldə edilməsi;
2.
bazarın tərkib ünsürlərinin vəziyyətinin, bu vəziyyətin qarşıya qoyduğu
problemlərin xarakterinin və proseslərinin intensivliyinin qiymətləndirilməsi. Bunun
nəticəsində bazara dair səbəb-nəticə əlaqələri, bazarın fəaliyyət mexanizmi, onun bu
və ya digər vəziyyətinin səbəbləri, onun qarşısına qoyduğu problemlər və s. haqqında
düzgün qərar qəbul etmək imkanı yaranır.
3.
bazardakı inkişaf prosesləri, bazar ünsürlərinin gələcək vəziyyətinin
proqnozlaşdırılması, elmi cəhətdən əsaslandırılmış proqnozlaşdırma üsulları və
bazarın öyrənilməsinin əvvəl göstərdiyimiz iki komponentinin təhlil edilərək
qiymətləndirilməsi, bazarın gələcək vəziyyətini müəyyənləşdirməyə imkan verir.
Bazarın öyrənilməsində digər vacib metodoloji prinsiplərdən biri də onun
mühafizəkar yolla və problematik üslubda, yəni məqsədyönlü şəkildə öyrənilməsi
zərurətidir. Bu prinsip vasitəsilə, bir yandan yaranmış plan-kommersiya işi
təcrübəsinin müəyyənləşdirdiyi daimi (standart) idarəetmə vəzifələri, digər yandan
isə yenicə meydana çıxan, xüsusi (qeyri-standart) qərarlar qəbulu tələb edən
problemin yaratdığı vəzifələr əsas götürülür və hər iki tərəfin tələblərinin sintezinin
yeni şəraitdə hansı formadakı tətbiqindən istifadənin daha əlverişli olduğu
müəyyənləşdirilir. Birinci halda, adətən olduğu qaydada həll olunan, nisbətən sabit
formasiya axınları tələb edən vəzifələr üstünlük təşkil edir. Buna ticarətdəki
məhsulların çeşid sayını yüksəltmək və ticarətin yeni təşkili metod-üsullarını tətbiq
etmək, mövcud standartlarla yeniliklərin koordinasiyası metodunu misal göstərmək
olar.
Bazarın digər növ müxtəliflikləri ilə yanaşı, istehlak bazarı da özünəməxsus
xüsusiyyətlərə malikdir. İqtisadiyyatda istehlak malları bazarının vacibliyini,
Dostları ilə paylaş: |