46
ki, milli iqtisadiyyatımızın rəqabət qabiliyyətinin yüksəldilməsi və strukturunun
təkmilləşdirilməsi qeyri-neft ixracının artımına səbəb olacaqdır.[85] İstənilən halda
rəqabət yüksək olarsa, suni qiymət artımı azalar və inflyasiya prosesi kəskinləşməz.
Beləliklə, əmtəə və xidmətlər bazarında da tarazlığın təmin olunmasına,əhalinin
faydalılığının maksimumlaşmasına,iqtisadi-sosial vəziyyətin yaxılaşmasına zəmin
yaranar.
47
2.3.İstehlak bazarının mövcud vəziyyətinin təhlili
İstehlak malları bazarı alqı-satqı prosesinin son mərhələsi olduğundan, yəni
istehsal olunmuş malların bilavasitə reallaşdırılması (satışı) ilə məşğul olduğundan,
yeni iqtisadi münasibətlərə keçdikdə, burada da əsaslı dəyişikliklər baş verir. Ona
görə də, istehlak malları bazarının formalaşmasının müasir vəziyyətinin
qiymətləndirilməsi böyük əhəmiyyət kəsb edir.
Son illər ölkəmizdə həyata keçirilən uğurlu islahatlar nəticəsində istehlak
bazarında yerli istehsalın xüsusi çəkisi yüksəlməyə başlamışdır. Belə ki, «Azərbaycan
Respublikası regionlarının sosial-iqtisadi inkişafı dövlət proqramları (2004- 2008-ci
və 2009-2013-cü illər)» iqtisadiyyatın sahə və ərazi kəsimlərinin dinamik inkişafına
əlverişli şərait yaratmışdır. Proqramların qəbul edilməsi iqtisadiyyatın sahə və ərazi
sektorlarında yaranmış disproporsiyaların aradan qaldırılmasına istiqamətlənmişdir.
Bayaq qeyd edildiyi kimi, Azərbaycan Respublikası XX əsrin sonlarında dövlət
müstəqilliyini bərpa etdiyi vaxtdan keçən dövr ərzində ölkənin ictimai-siyasi və
sosial-iqtisadi həyatında köklü dəyişikliklər baş vermişdir. 1993-cü ildən başlayaraq
ümummilli lider Heydər Əliyevin həyata keçirdiyi məqsədyönlü siyasət müstəqilliyin
ilk illərində ölkədə baş alıb gedən siyasi və iqtisadi böhranı aradan qaldırmış,
Azərbaycanın demokratik dövlət quruculuğu və bazar iqtisadiyyatı yolu ilə
irəliləməsinə geniş yol açmışdır. Ölkədə ardıcıl aparılan islahatlar 1990-cı illərin
birinci yarısında iqtisadiyyatda mövcud geriləməni dayandırmış və yeni inkişaf
mərhələsinə keçidi təmin etmişdir [15, 88].
Həyata keçirilən siyasət çox qısa bir zaman ərzində iqtisadiyyatda əsaslı keyfiyyət
dəyişikliklərinə səbəb olmuşdur: inflyasiya cilovlanmış (1996-cı ildən başlayaraq
Azərbaycanda inflyasiyanın səviyyəsi 2-3%-dən yuxarı qalxmır), büdcə kəsiri ümumi
daxili məhsulun 1-2%-i səviyyəsinə endirilmiş, 1996-cı ildə, makroiqtisadi sabitliyə
nail olunmuş, 1997-ci ildən başlayaraq isə dinamik iqtisadi inkişafı təmin etmək
mümkün olmuşdur. 1996-cı ildə ümumi daxili məhsulun artım sürəti 1,3%, 1997-ci
ildə 5,8%, 1998-2003-cü illərdə isə orta hesabla 10,0% təşkil etmişdir. 2009-cu ilin 6
48
ayı ərzində isə bu rəqəm 10,0%-dən də aşağı həddə düşmüşdür [20, 21, 25, 39, 88].
Ölkənin istehlak bazarı regional istehlak bazarlarının məcmusundan ibarətdir.
Regional iqtisadiyyatda, bütövlükdə iqtisadiyyatda olduğu kimi, əmək bazarı, əmtəə
istehsalçıları, kapital, yanacaq enerji resursları və s. fəaliyyət göstərir. Bunlardan hər
biri müəyyən təşkilati struktur, bazarın digər kateqoriyalarına təsir mexanizminə,
funksional təyinatına görə və regionun iqtisadiyyatında tutduğu əlamətlərə görə
fərqlənirlər. Lakin öz sosial və iqtisadi əhəmiyyətinə görə əmtəə və xidmətlərin
istehlak bazarı xüsusi yer tutur.
Hazırda regional istehlak bazarları bazar münasibətlərinin aşağı səviyyəsi ilə
ölçülmədən hüquqi-normativ bazanın zəif inkişafı, qarşılıqlı öhdəliklərin tez-tez
pozulması, infrastrukturun lazımi səviyyədə inkişaf etməməsi, nəqliyyat xərclərinin
artması inhisarçılıq səviyyəsinin yüksək olması, maliyyə-kredit sisteminin təkmil
olmaması ilə xarakterizə olunur. Bazar münasibətləri subyektlərinin bu vəziyyəti
istehsalın ictimailəşməsinin müasir səviyyəsi ilə müəyyən edilir və bu istehsalçılar,
satıcılar və alıcılar arasında olan ayrılığı aradan qaldıraraq, onları bazar əlaqələri
vasitəsi ilə birləşdirir.
Tədqiqatlar göstərir ki, bazar proseslərinin öz-özünü tənzimləməsi mümkün
deyildir və proseslərə dövlətin müdaxilə etməsi tələb olunur. Əmtəə və xidmətlər
bazarında müxtəlif iştirakçıların olması, onların maraqlarının nəzərə alınması və
bazarın sabit inkişafı çox mürəkkəb məsələdir. Bu cür inkişaf üçün lazımi şərait
yaradılması və onlara nəzarət edilməsi dövlət tənzimlənməsi olmadan mümkün
deyildir. Dövlət tənzimlənməsi, hər şeydən əvvəl, istehlak bazarının aktivləşməsi
üçün qanunvericilik və hüquqi-normativ bazanın təkmilləşdirilməsi deməkdir.
İstehlak bazarının inkişafının regional siyasəti – bazar iştirakçıları arasında
tarazlığın təmin olunmasının mühüm şərtidir. Bazarın tənzimlənməsi və onların
fəaliyyətlərinin əlaqələndirilməsi icra orqanları tərəfindən həyata keçirilməlidir.
İcra orqanları istehlak bazarında bütün iştirakçılar üçün vahid normativ-hüquqi
baza təmin etməli, məhsul istehsalçıları ilə satıcılar arasında rəqabət mühiti
yaratmalı, onları normal fəaliyyət göstərmələri üçün səmərəli şərait yaratmalı və
istehlakçıların hüquqlarını təmin etməlidirlər.