25
səbəbləri arasında regionun milli valyutalarının devalvasiyası və CŞA ölkələrinin
ödəniş balansının yüksək defisit səviyyəsi durur. İqtisadçılarının hesablamalarına
görə, Asiya böhranı dünya ÜDM 2 trln. dollara kimi azaltmışdır. [21, səh.319]
Böhran öz orbitinə həm də kredit portfellərinin diversifikasiyasını fikrinə
vurulmuş inkişaf etmiş ölkələrin nikbin kreditorlarını, həm də öz iqtisadiyyatına daha
böyük həcmli investisiyalar cəlb etmək məqsədilə Qərbin maliyyə bazarının
tənzimlənməsini ləğv etmək tələbinə razılaşan sürətlə inkişaf edən borclu ölkələri
daxil etmişdir. Böhran müşayət edən amillər bunlar idi: Tailandda zəif hökumət,
Cənubi Koreyada konqlomeratlar, İndoneziyada “oğru kapitalizm” və bütün
regionda kreditləşmənin yüksək riski.
Məlum olduğu kimi, qlobal maliyyə böhranı 2007-2008-ci illərdə Amerikanın
daşınmaz əmlak bazarından başlanmışdır və daha sonra bütün inkişaf etmiş və
etməkdə olan ölkələrinin iqtisadiyyatına da “yoluxmuşdur”.
1.3. 2007-2008-ci illər qlobal maliyyə-iqtisadi böhranı və onun səbəbləri
“Böhran”- bu söz 2008-2015-ci illər ərzində ən çox eşitdiyimiz sözdür. Bu gün
dünya maliyyə iqtisadi böhranından daha məşhur mövzu yoxdur. Onu siyasətçi və
iqtisadiyyatçılardan tutmuş heç bir baza iqtisadi məlumatları olmayan sadə
vətəndaşlara qədər hamı müzakirə edir. Bir neçə son onilliklərdə yüksələn inkişafına
görə - “dünya iqtisadiyyatının qızıl əsri” adlanan dövrdən sonra qloballaşma
dövrünün ən böyük böhranı baş verdi. Dünya maliyyə-iqtisadi böhranı qısa dövr
ərzində inkişaf etmiş ölkələrdən tutmuş, onsuzda iqtisadi vəziyyəti ağır olan zəif
inkişaf etmiş ölkələri də bürüdü.
Ta əvvəldən hamını düşündürən böhranın əsil səbəbi və niyə baş verməsi, digər
böhranlardan fərqli xüsusiyyətləri və ən əsası nə qədər müddət davam edəcəyi, ondan
çıxış yolları və böhranın nəticələrinin necə olacağıdır.
26
Qlobal maliyyə-iqtisadi böhran iqtisadi-siyasi gündəliyi formalaşdırır. O indiyə
kimi ümumi qəbul olunmuş nəzəri və praktiki iqtisadi nəticələrə yenidən baxmağı və
düşünməyi tələb edir.
Yeni iqtisadi artım modelinin meydana gəlməsi üçün aşağıdakı amillər
əhəmiyyətli hesab olunur: artım tempi və uzunmüddətli dövrdə durğunluq,
bərabərsizlik və iqtisadi artım, yeni sosial dövlətin cizgiləri, qloballaşmanın
prespektivləri və eləcə də ölkələrin inkişafında yenidən sənayeləşməsi,
Aparıcı ölkələrin iqtisadi inkişafı 2007-ci ildən başlayan və hələ də davam edən
böhranla müəyyən olunur.
Bu böhran özünəməxsusluğu ilə seçilir. Belə ki, o bir qayda olaraq istehsalın
aşağı düşməsi və işsizliyin artması - bu iki parametrin heç biri ilə ifadə olunmur. O,
sosial-iqtisadi həyatın bir çox sahələrini əhatə edən çoxşaxəlik özəlliyinə malikdir.
Bu sistemli böhran bu baxımdan 1930-cu və 1970-ci illər böhranına oxşayır. Sözsüz
burada birbaşa oxşarlıqdan söz gedə bilməz.
Böhranların strukturları unikal olur. Belə ki, hər böhranın aradan qaldırılması
zamanı əldə edilmiş təcrübədən yeni mühitdə istifadə etmək demək olar ki, mümkün
deyil.
Buna baxmayaraq bəzi keyfiyyət özəllikləri vardır ki, onları qruplaşdırmağa
imkan verir. Daha doğrusu böhranaları onların özəlliklərini nəzərə alaraq müqayisə
etmək olar. Lakin bir dəfə effektiv olan antiböhran siyasətini “resept” kimi bir daha
təklif etmək olmur. Sistemli iqtisadi böhranların aşağıdakı xüsusiyyətləri var:[66]
1. Belə böhranlar eyni zamanda tsiklik və strukturlu olur. O texniki bazaların
əvəz olunması ilə ciddi inistitusional və texniki dəyişiliklərlə əlaqədardır. Bəzən
texniki baza əvəzinə texniki uklad anlayışından da istifadə olunur. Bu dəyişiliklər
iqtisadiyyatı səmərəliliyin və məhsuldarlığın keyfiyyəti baxımından yeni səviyyəyə
yüksəldir. Texniki bazanın elmi və texniki yeni nəaliyyətlər ilə yenilənməsi iqtisadi
böhrandan çıxışın ən uğurlu şərtidir.
27
2. İqtisadi böhranın əsas elementi maliyyə böhranıdır. Sonuncu mövcud böhran
göstərir ki, ondan çıxmaq çox çətindir və ona qarşı struktur və istitusional islahatlar
şəklində kompleks tədbirlər həyata keçirmək lazımdır.
3. İqtisadi böhranın qaçılmaz nəticəsi yeni iqtisadi inkişaf modelinin
formalaşdırılmasıdır: inkişaf etmiş və həmçinin, inkişaf etməkdə olan ölkələr yeni
texniki dəyərlərin yaradılması dedikdə struktur təkmilləşdirilməsini nəzərdə tutur.
Yeni sənaye və real istehsal sahələrinin yaradılması yeni iqtisadi-siyasi alətlərin
ortaya çıxması üçün zəmin yaradır. Bu tendensiyanı 2009-cu ildə meydana gəlmiş
yeni termin- “yeni normallıq”- “newnormal” (Ulyukayev-2009) yaxşı əks etdirir.
4. Ciddi geosiyasi və geoiqtisadi dəyişiliklər dünya siyasətində yeni qüvvələr
balansının formalaşmasına səbəb olur. Böhranın əvvəlində elə ehtimal edilirdi ki, o
iki qütblü modelin-ABŞ və Çin, möhkəmlənməsinə gətirəcək. Bu modelə “nəhəng
ikili”-
“G2”
adlandırırlar.
Ferguson
isə
bu
cütlüyü
“Kimerika”
adlandırır.(Chimerika=China+ America). Lakin tədricən 2-3 açar iqtisadi mərkəzin
olmasını inkar etmədən bir-birinin maraqlarını müdafiə edən çoxqütblü dünya
iqtisadiyyatı formalaşdı. Müasir reallıqda söhbət regional qrupların maraqlar
balansından gedir.
5. Sistemli iqtisadi böhran dövründə sosial-iqtisadi proseslərin tənzimlənməsi
modelinə keçid baş verir. 1930-cu illər iqtisadi böhranından sonra sənaye mərhələsinə
keçid tamamlandı və vergi artımı, büdcə xərcləri, dövlət mülkiyyəti və planlaşdırma
və bəzi hallarda qiymət qoyma ilə müşayət olunan böyük dövlətlər ideologiyası və
təcrübəsi möhkəmləndi.
Əksinə olaraq 1970-ci illər böhranı
genişmiqyaslı
liberallaşma və
tənzimlənmədən azad iqtisadiyyata, vergilərin aşağı düşməsinə gətirib çıxardı. Baş
verən proseslər post-sənaye mərhələsinə keçidi tələb etdi.
2008-ci il böhranın əvvələrində elə təəsürat yaranmışdı ki, dünya iqtisadiyyatı
dövlətin iqtisadiyyat üzərində dominant olduğu dövrə qayıdacaq. Təcrübə hələki bu
tendensiyanı təstiqləməyib. Dövlətin iqtisadiyyatın tənzimlənməsində rolu həqiqətən
Dostları ilə paylaş: |