16
funksionallığının xüsusi prosesi kimi çıxış edir. Maliyyə qloballaşmasının strukturu
keyfiyyətcə dünya maliyyə bazarları subyektlərini və həmçinin qlobal maliyyə
məhsullarını əhatə edir və proses müvafiq dünya bazarlarında yüksək kapital
mobilliyi ilə müşayiət olunur. İqtisadiyyat qloballaşdıqca baş verən böhranlarda
qloballaşır.
Qloballaşma nəticəsində maliyyə böhranlarının yaranmasına təsir edən
amillər bunlardır: - Valyuta məzənnəsinin stabil rejimi; - Kapitalın yüksək mobilliyi;
- Obyektiv informasiya çatışmamazlığı; - Maliyyə institutlarının natamam inkişafı;
- İnkişaf etməkdə olan ölkələrin qloballaşan maliyyə bazarlarına inteqrasiyasının
onlara fayda verməsi.
Buna baxmayaraq maliyyə qloballaşmasının müsbət cəhətləri də vardır :
- Kapitalların səmərəli təkrar paylanması;
- Dünya bazarında mövcud olan kapitallardan istifadə imkanı;
- Məsrəflərin səviyyəsinin aşağı düşməsi və əməliyyatların yüksək xidməti;
- Risklərin diversifikasiyası;
- Maliyyə sferasında müasir standartların və texnologiyaların tətbiqi.
Bəzi iqtisadçılar hesab edirlər ki, getdikcə böhranlar daha tez-tez baş verəcək,
daha uzun müddət davam edəcək, onların həllinin dəyəri isə iki səbəbdən daha
yüksək olacaq. Birincisi, kapital bazarının qloballaşmasının güclənməsi nəticəsində
böhranlar selinin yaranması ehtimalı artır. Buna milli maliyyə bazarlarına kapital
axınına qoyulan məhdudiyyətlərin aradan qaldırılması və dünya maliyyə bazarları
arasında əlaqələrin və qarşılıqlı asılılığın güclənməsi səbəb olur. İkincisi, çətin idarə
olunan iqtisadiyyatın təcili, ardıcıl olmayan liberallaşması ölkələri onların buna hazır
olmadığı bir halda dünya bazarlarında rəqabət aparmaq zəruriliyi qarşısında qoyur.
1.2. Dünya maliyyə-iqtisadi böhranlarının tarixi təkamülü
Təxminən iki əsrdir ki, dünya sənaye cəmiyyəti formalaşmış və inkişaf etmiş
ölkələrdə bazarda satılmayan malların yığılması, qiymətlərin aşağı düşməsi, qarşılıqlı
hesablaşma sisteminin dağılması, bank sisteminin dağılması, sənaye və ticarət
17
firmalarının müflisləşməsi , işsizlərin sayının artması ilə nəticələnən iqtisadi
böhranlar müşahidə edilir.
İqtisadi ədəbiyyatlarda böhran əmtəə və xidmətlərə olan tələb və təklifin
pozulması nəticəsində yaranan bir hadisə kimi xarakterizə olunur. Böhranlar insan
cəmiyyətini bütün tarix boyu müşaiyət edib. Əvvəllər - XIX əsrin ortalarında
böhranlar kənd təsərrüfatı istehsalında baş verirdi. Belə ki, kənd təsərrüfatı və sənaye
istehsalı arasında tələb tarazlığının pozulması böhranla nəticələnmişdir. [61]
XX əsr iqtisadi böhranları bir-iki və üç ölkənin sərhədləri çərçivəsində baş
verirdi. Baxmayaraq ki, son onilliklərdə beynəlxalq ictimaiyyət tərəfindən böhranın
qarşısının alınması mexanizmləri yaradılıb, yenə də dünya iqtisadi kataklizmlərinin
tarixi göstərir ki, onu əvvəldən dəqiq təxmin etmək və ondan qaçmaq mümkün deyil.
Zaman keçdikcə mövcud vəziyyətə uyğun iqtisadi böhranlarda dəyişmişdir.
Əhatə sahəsinə görə böhranlar yerli, regional və dünya olur. Belə ki, XIX əsrin
ortalarına kimi onlar bir, iki yaxud üç ölkənin hüdudları ilə məhdudlaşırdı, sonralar
isə beynəlxalq xarakterə malik oldular, ilk beynəlxalq böhran 1825-ci ildə baş
vermişdir.
Əvvəl bütün iqtisadi sarsıntılar yalnız iqtisadiyyatdan kənar səbəblərin təsiri, ilk
növbədə müharibələr, epidemiyalar, təbii fəlakətlər və s. ilə, sonralar isə kənd
təsərrüfatı məhsullarının tam istehsal edilməməsi ilə bağlı olmuşlar. XIX əsrin
ortalarından etibarən böhranların əsas səbəbi sənaye istehsalı ilə ödəmə qabiliyyəti
tələbi arasında tarazlığın pozulması olmuşdur, yəni klassik iqtisadi dövr sənaye
inqilabı ilə eyni vaxtda meydana çıxmışdır.
Beləliklə, yeni növ böhranlar XIX əsrdə başlanmış və orta hesabla hər 8-10
ildən bir təkrarlanırdılar. Ayrı-ayrı iqtisadi dövrlər müddəti və intensivliyinə görə bir-
birindən əhəmiyyətli dərəcədə fərqləndiyinə baxmayaraq onların hamısı eyni azalma,
depressiya, canlanma və yüksəliş fazalarına malik idilər.
İlk dövri böhran 1825-ci ildə İngiltərədə baş vermiş, növbəti böhran 1836-cı ildə
Böyük Britaniya və ABŞ-da baş vermişdir. 1847-ci il böhranı bütün Avropa, Şimali
və Cənubi Amerika ölkələrini, 1873 -1878-ci illərin böhranı isə Avropa ölkələrinin
18
çoxunu və ABŞ əhatə etmiş və özünün uzun müddətli olması ilə əvvəlkiləri arxada
qoymuşdur.
1825-ci ilin dünya iqtisadi böhranına kapitalın Böyük Britaniyadan Latın
Amerikanın müstəqil ölkələrinə kütləvi axını və London birjasında ehtikar
əməliyyatlarının həcmlərinin artması səbəb olmuşdur. Bu böhran ölkənin qızıl
ehtiyatlarının kəskin azalmasına və ticarət balansının pozulmasına, bu da öz
növbəsində kütləvi müflisliyə və sonrakı iqtisadi resepsiyaya gətirib çıxartmışdır.
İnvestisiyaların və ixracatın azalması Latın Amerika ölkələrinin büdcə gəlirlərini
azaltmış və bütün regionda dövlət borcları üzrə defoltlar doğurmuşdur.
İlk böyük dünya iqtisadi böhranı 1857-ci ildə olmuşdur. Böhranın baş
verməsinin səbəbi dəmiryolu şirkətlərinin kütləvi iflası olmuşdu. Bu böhranın
nəticəsi olaraq səhmlər bazarının düşməsi , ABŞ bank sisteminin böhranı, Avropa-
Almaniya, Böyük Britaniya, Fransa , Rusiya və Latın Amerikası ölkələrində
böhranlar baş vermişdi. ABŞ-da çüyünün istehsalı 20%, pambığın istehlakı isə 27%
azalır. Böyük Britaniyada gəmiqayırma 26% enir, Almaniyada çüyün istehlakı 26%
azalır, Fransada çüyünün istehsalı 13% və pambığın istehlakı da 13% azalır.
Rusiyada çüyünün istehsalı 17% , pambıq parçalarının istehsalı isə 14% azalır.[12,
səh 3.]
1873-cü ildə növbəti iqtisadi böhran baş verdi. Bu daha çox maliyyə böhranı idi.
Bu böhranın baş verməsinə səbəb Latın Amerikasında kredit yüksəlişi və Almaniya
və Avstriyada daşınmaz əmlak bazarlarında spekulyativ yüksəliş idi. Böhranın
nəticəsi olaraq Vyana, Sürix və Amsterdam fond birjalarının düşməsi baş verdi.
Həmçinin ABŞ-da bank böhranı baş verdi. Nyu-York fond birjasında səhmlərin
qiymətləri ciddi enir, Sakit Okean Dəmir Yolu şirkətinin baş maliyyəçisi və
prezidenti Cey Kuk iflasa məruz qalır. Bu böhran 5 il müddətinə davam edir. Latın
Amerika ölkələrində kreditlərə artmış tələblər, Almaniya və Avstriyanın daşınmaz
əmlak bazarında ehtikar yüksəliş ilə nəticələnən beş il 1873 -1878-ci il ərzində dünya
maliyyə böhranı davam etmişdir.
Dostları ilə paylaş: |