19
1893-cü il ABŞ təlaşını gümüş bazarında azad qiymət qoyulmaya yol verən
Şermanın Gümüş Paktı qəbul etməsi ilə əlaqələndirirlər. İnvestorlar bu paktın qəbul
edilməsindən sonra ABŞın “qızıl standartdan” uzaqlaşdığını gözləyərək kapitalı
ölkədən çıxartmağa başladılar. Pul təklifinin azalması və fond bazarının kollapsı
hesablama-ödəniş
sistemində,
bankların
fəaliyyətində
pozulmalara
gətirib
çıxarmışdır.
1907-ci il böhranı daha əvvəlki böhranlardan çox əlamətlərə malik olmuş, lakin
miqyas və nəticələri ilə əvvəlkilərdən olduqca güclü idi. Onu 1906-cı ildə öz qızıl
ehtiyatlarını artırmaq üçün uçot dərəcəsini 3,5% - dən 6 %-ə qaldıran İngiltərənin
bankı təhrik etmişdir. Bu hadisə ABŞ-dan kapitalların axınına səbəb olmuş, nəticədə
isə iş fəaliyyətinin aşağı salınması və bu ölkənin kommersiya banklarının ləğv
edilməsi başlanmışdır. Pul kütləsinin həcminin kəskin azalması milli ödəniş-
hesablaşma sisteminin pozulmasına və uzun davam edən iqtisadi resessiyaya gətirib
çıxarmışdır. ABŞ və İngiltərədən böhran Fransa, İtaliya və başqa ölkələrə
yayılmışdır.
1914-cü ildə növbəti dünya maliyyə böhranı baş verdi. Böhranın başlanması
Birinci Dünya Müharibəsinin başlanması ilə əlaqədar olmuşdur. Beləki, hərbi
əməliyyatları maliyyələşdirmək məqsədi ilə ABŞ, Böyük Britaniya, Almaniya və
Fransa hökumətləri tərəfindən xarici emitentlərin kağızlarının total satışı həyata
keçirilmişdir. Bu böhran başqalarından fərqli olaraq, müharibə edən tərəflər, bunun
nəticədə həm mal, həm də pul bazarlarında iflasa səbəb olduğu, xarici aktivləri ləğv
etməyə başladıqdan sonra bir neçə ölkədə praktiki olaraq eyni vaxtda başlamışdır.
Böhranın nəticəsi olaraq bütün əmtəə və pul bazarlarının düşməsi baş verdi.
Bankların paniki həmin ölkələrin mərkəzi bankları tərəfindən vaxtında intervensiyası
nəticəsində yumşaldılmışdır.
Müharibələr arasında olan dövrdə ümumi təkrar istehsal sahəsində üç əsas
böhran – 1920 - 1921 ci illər; 1929 - 1933-cü illər; 1937 -1938-ci illərdə baş
vermişdir.
20
1920-1922-ci illərdə növbəti iqtisadi böhran baş verdi. Bu böhranın başlanma
səbəbi Birinci Dünya Müharibəsindən sonra milli valyutanın alıcılıq qabiliyyətinin
artması, yəni defilyasiyanın baş verməsi və istehsalın azalmasının-resessiya hadisəsi
ilə əlaqədar olmuşdur. Böhranın nəticəsi kimi ABŞ, Böyük Britaniya, İtaliya,
Danimarka, Norveç, Finlandiya vəHollandiyada bank və valyuta böhranları müşahidə
olundu.
Yadda qalan ən böyük iqtisadi böhranlardan biri də 1929-1933(1939)-cu illər
böhranı- “Böyuk Depressiya”dır. 24 oktyabr 1929-cu ildə-“Qara Cümə Axşamı”
Nyu-York fond Birjasında səhmlərin qiymətləri kəskin şəkildə düşməyə başlayır. 28
oktyabr 1929-cu ildə- “Qara Bazar Ertəsi” səhmlərin qiymətləri katastrofik miqyasda
düşür və 29 oktyabr 1929-cu ildə- “Qara Çərşənbə Axşamı” fond birjasının tamamilə
süqutu baş verdi.
Dünyada 1900-1903, 1907, 1920-ci illərdə iqtisadi böhranların heç biri 1929-
1933 illərdə baş vermiş və bütün kapitalizm dünyasını, iqtisadiyyatın bütün sahələrini
əhatə etmiş dünya böhranı ilə müqayisə edilə bilməzlər. Bu böhran zamanı kapitalist
ölkələrinin sənaye istehsalının məcmu həcmi 46%, polad əridilməsi - 62%, kömür
hasilatı -31 %, gəmiqayırma istehsalı - 83%, xarici ticarət dövriyyəsi - 67% azalmış,
işsizlərin sayı 26 mln nəfərə çatmış yaxud istehsalatda işləyənlərin 25% təşkil
etmişdir, əhalinin real gəlirləri orta hesabla 58% azalmışdır.
1929 - 1933-cü illərdə - Böyük Depressiya zəmanəsi, daha çox ABŞ zərər vuran
müasir tarixdə ən iri dünya maliyyə böhranı dövrüdür. O, Nyu-Yorkda fond
birjasında iflasdan başlamış və bank sistemini, sənayeni və kənd təsərrüfatını əhatə
etmişdir. Öz xüsusiyyətinə görə bu təkrar istehsalın dövri böhranı idi, bu zaman
əhalinin aşağı alıcılıq qabiliyyəti nəticəsində malın istehsal kütləsi tələb olunmamış
və satılmamışdır. Nəticədə ictimai təkrar istehsal prosesi pozulmuş, çox saylı ticarət
və sənaye müəssisələri, nəqliyyat şirkətləri, banklar dağılmışdır. 1932-ci ildə ABŞ-da
sənaye istehsalı, ümumən 46%, məhsulun ayrı-ayrı növləri üzrə isə olduqca daha çox
azalmışdır, məsələn, çuğun - 79%, polad -76; avtomobil -80%. Fəaliyyətdə olan 279
domna Peçindən yalnız 44 qalmışdır. Böhran iflasın kütləvi dalğasına səbəb
21
olmuşdur. Böhran müddətində çox sayda firma, müəssisə, banklar, zavodlar bağlandı
– və sadəcə, ABŞ-da 109 min firma dağılmışdır.1929-1933-ccu illərdə 135 min illik
sənaye maliyyə firmaları; 5760 bank iflasa uğramışdır. Yalnız 1932-ci ildə
korporasiyaların itkisi 3,2 mlrd dollar təşkil etmişdir. Xarici ticarət dövriyyəsi 3,1
dəfə azalmışdır. Ölkə 1911-ci il səviyyəsinə düşmüşdür.
1929-1933-cü illərdə baş vermiş böhran nəticəsində dünya üzrə sənaye istehsalı
30 il öncəki səviyyəyə - 20-ci əsrin əvvəllərindəki göstəricilərə endi. Beləki, sənaye
istehsalı Böyük Britaniyada 24%, Almaniyada 41%, Fransada 60% dərəcəsində
gerilədi. Səhmlərin qiyməti kəskin dərəcədə düşdü. ABŞ-da 87%, Böyük Britaniyada
24%, Fransada 60%, Almaniyada 64% enmə müşahidə olundu. İşsizlik göstəricisi
özünün maksimum həddinə çatmışdı. 32 ölkədə işsizlərin sayı 30 milyona yüksəldi.
Təkcə ABŞ-da işsizlərin sayı 14 milyona yüksəlmişdi. Əhalinin durumu, xüsusilə
kənd yerlərində yaşayan əhalinin vəziyyəti kəskin şəkildə pisləşmişdi.[38] Siyasi
sahədə kommunizm və faşizm meylləri artmışdı. Böhranın yaratdığı çətinliklər
dünyada sosial qarşıdurmanı da gücləndirmişdi. O, sənaye ölkələrində güclü fəhlə
çıxışlarına səbəb olmuşdu.
Böyük Depressiyanın baş vermə səbəbi ilə əlaqədar iqtisadçılar vahid mövqeyə
gələ bilmirlər. Bu barədə hər iqtisadi məktəbin öz yanaşması vardır. Bu yanaşmalar
aşağıdakılardır:
- Keynsçilər iqtisadi böhranın səbəbini pul kütləsinin çatışmazlığında
görürdü.[92]
- Monetarıstlər səbəbi FRS-nin monetar siyasətində görürdü.
- Böhranın səbəbi kimi marksistlər kapitalizmə məxsus istehsalın artıqlığı
məsələsini irəli sürürdülər.
- Səhmlərin alınmasında marjinal üsul 1929-1933-cü illər iqtisadi böhranının baş
verməsinə göstərilən digər səbəbdir.
- Böyük Depressiyanın baş verməsi ilə əlaqədar digər səbəb kimi birja-
qabarcığı-istehsala artıq yatırımlar göstərilirdi.
Dostları ilə paylaş: |