12
hazırladığı Yekun Müşahidələrdən sonra keçən müddət ərzində dövlət tərəfindən həyata keçirilmiş bütün tədbirləri
təhlil etmir, eləcə də Azərbaycandakı vəziyyətlə CEDAW Komitəsinin tövsiyələri arasındakı bütün uyğunsuzluqları
nəzərdən keçirmir. Hesabat dövlətin həyata keçirdiyi əsas tədbirləri və qalmaqda olan əsas boşluqları işıqlandırır.
Qeyd etmək lazımdır ki, həyata keçirilən tədbirin yetərliliyini və onun hansı səviyyədə yerinə yetirildiyini
müəyyənləşdirmək hər zaman mümkün olmur. Bu cür məhdudiyyət təqdim etdiyimiz tərz hesabatlara xasdır.
•
İndikatorlar: İndikatorlar əsas çatışmazlıqlar, daha dəqiq desək, tədbirlərin tələb olunduğu sahələr üzrə müəyyən
edilmişdir. Hesabat müvafiq indikatorun hansı CEDAW/ UDİ tövsiyəsinə uyğun gəldiyini və araşdırma zamanı
qaldırılmayan hansı əsas əlavə məsələləri əhatə etdiyini müəyyənləşdirir. BMT qurumları tərəfindən irəli sürülmüş
tövsiyələrin bəziləri ümumi xarakter daşıdığı üçün həmin tövsiyələrə münasibətdə tələb oluna biləcək spesifik
hüquqi, siyasi və digər tədbirləri hədəf götürəcək daha konkret indikatorlar hazırlanıb. Nəticədə daha geniş
indikatorlar şəbəkəsi yaratmaq mümkün oldu ki, CRSH-la bağlı dövlətin artıq yerinə yetirdiyi beynəlxalq insan
hüquqları öhdəliklərini də həmin indikatorlar sırasına daxil edildi. Bununla belə, qiymətləndirmə prosesini sistemli
apara bilmək üçün selektiv olmaq və çox sayda indikatorları daxil etməmək əhəmiyyətli idi. Hesabat əsas diqqəti
qanunlara və aparılan siyasətə yönəltmiş olsa da, təhlil struktur, proses və nəticə indikatorlarını da əhatə edir ki,
bu da qanunların və siyasətin kontekstini, irəliləyiş olan və narahatıq doğuran sahələri, qanunların və yeridilən
siyasətin harada arzuolunan nəticəyə nail olduğunu müəyyənləşdirməyə imkan verir.
Qiymətləndirmənin davamlılığı
Qiymətləndirmənin davamlılığı istiqamətində İnsan hüquqları üzrə Müvəkkilin Azərbaycanda CRSH, eləcə də
CEDAW və UDİ üzrə İşçi Qrupun müvafiq tövsiyələrinin yerinə yetirilməsi üzrə illik icmalı həyata keçirməsi nəzərdə
tutulub. Bu hesabatın metodologiyası əsas götürüləcək, ancaq həyata keçirilən tədbirlərin yetərliliyinin və onların
hansı səviyyədə yerinə yetirilməsinin daha təkmil şəkildə qiymətləndirilməsi üçün metodologiya əlavə olaraq
nəzərdən keçirilə bilər. İllik icmal bu istiqamətdə irəliləyişi izləmək və qalan uyğunsuzluqları, eləcə də yeni imkan və
maneələri müəyyənləşdirmək üçün əhəmiyyətli ola bilər.
İnsan Hüquqları İndikatorları
İnkişaf proseslərini izləmək üçün uzun illər sosial və iqtisadi indikatorlardan istifadə edilib. Bu yaxınlarda
isə insan hüquqlarının həyata keçirilməsinin monitorinqi üçün də indikatorlardan istifadə edilə biləcəyi
müəyyən edildi. Yeni minilliyin əvvəlindən etibarən insan hüquqları indikatorları müəyyənləşdirilmiş, işlənib
hazırlanmış və bir çox beynəlxalq təşkilatlar (OHCHR və ÜST kimi) da daxil olmaqla bir çox əlaqədar
qurumlar tərəfindən istifadə edilmişdir. Metodologiyalarda və istifadə olunan terminologiyada fərqlərə
baxmayaraq insan hüquqları indikatorlarının çoxu aşağıdakı ümumi xüsusiyyətləri əks etdirir:
• İnsan hüquqları indikatorlarının spesifik insan hüquqları normaları və ya öhdəlikləri ilə əlaqədar olmasının
etiraf
edilməsi;
• Sosial-iqtisadi indikatorlar spesifik norma və ya öhdəliyə aid olduqda insan hüquqlarının ölçülməsi üçün
istifadə
oluna bilər;
• Bütün insan hüquqları və öhdəliklərini əhatə etmədiyi üçün mövcud sosial-iqtisadi indikatorlardan daha
çöx
indikatora ehtiyac ola bilər;
• İnsan hüquqları baxımından zəruri olan indikatorların müxtəlif növləri mövcuddur. Bir çox insan
hüquqları indikatorları 3 kateqoriya üzrə qruplaşdırıla bilər: (1) qanunları, müqavilələrin ratifikasiyasını
və institusional mexanizmləri əks etdirən struktur indikatorları; (2) siyasət və proqramları spesifik insan
hüquqları standartları ilə əlaqələndirən proses indikatorları; (3) hüququn praktikada tətbiq olunmasını
nümayiş etdirən nəticə indikatorları.
• Ayrı-seçkiliyin qarşısının alınması və bərabərliyin təmin edilməsi üçün məlumatların meyarlar üzrə
bölünməsi çox əhəmiyyətlidir.
13
FƏSİL 1:
AZƏRBAYCAN RESPUBLİKASININ
BEYNƏLXALQ
İNSAN HÜQUQLARI ÖHDƏLİKLƏRİ
Cinsi və reproduktiv sağlamlıq hüququ ilə yanaşı, insan hüquqlarına yaşamaq hüququ, sağlamlığın ən yüksək
standartına nail olmaq hüququ, təhsil hüququ, informasiya hüququ, inkişaf hüququ və qadınlara münasibətdə
bərabərlik və ayrı-seçkiliyə yol verilməməsi hüququ da daxildir. Bu hüquq və prinsiplər beynəlxalq və regional
insan hüquqları sazişlərində öz əksini tapmışdır. Bu müqavilələri ratifikasiya etməklə dövlətlər CRSH-na hörmət
etmək, onları qorumaq və yerinə yetirmək öhdəliyi götürürlər. Onlar bunu müvafiq qanun, siyasət və proqramları
qəbul edərək, eləcə də CRSH-nın təmin edilməsinə maneə törədən mövcud qanun, siyasət və praktikaları aradan
qaldıraraq və ya dəyişdirərək həyata keçirirlər.
Azərbaycan Respublikası 9 əsas beynəlxalq insan hüquqları müqaviləsindən 8-ni ratifikasiya etmişdir: Qadına
qarşı ayrı-seçkiliyin bütün formalarının ləğv olunması haqqında Konvensiya (CEDAW), Uşaq hüquqları haqqında
Konvensiya, İqtisadi, sosial və mədəni hüquqlar haqqında Beynəlxalq Pakt, Vətəndaş və siyasi hüquqlar haqqında
Beynəlxalq Pakt, İrqi ayrı-seçkiliyin bütün formalarının qadağan olunması haqqında Konvensiya, Əlilliyi olan şəxslərin
hüquqları haqqında Konvensiya, İşgəncə və digər qəddar, qeyri-insani və alçaldıcı rəftar və ya cəzalandırma
haqqında Beynəlxalq Konvensiya.
7
Azərbaycan Avropa İnsan Hüquqları Konvensiyası və Avropa Sosial Xartiyası
da daxil olmaqla regional müqavilələri də ratifikasiya etmişdir.
8
Bu müqavilələr beynəlxalq səviyyədə Azərbaycanın
üzərinə insan hüquqlarının hüququ sahəsində məcburi olan öhdəliklər qoyur.
Azərbaycan Respublikasının Konstitutsiyasının (Konstitusiya) 148-ci maddəsinə əsasən, Azərbaycan
Respublikasının tərəfdar çıxdığı beynəlxalq müqavilələr Azərbaycan Respublikasının qanunvericilik sisteminin
ayrılmaz tərkib hissəsidir.
9
İnsan hüquqlarına dair beynəlxalq müqavilələri ratifikasiya etməklə dövlətlər öz üzərinə həmin müqavilələrə
riayət etmələrinə dair dövri hesabatlar təqdim etmək öhdəliyi də götürürlər. Bu hesabatlar müqavilə orqanları,
müstəqil ekspert komitələri tərəfindən nəzərdən keçirilir. Məsələn, CEDAW Konvensiyasının monitorinqini Qadınlara
qarşı ayrı-seçkiliyin ləğv olunması Komitəsi həyata keçirir. Saziş qurumları Yekun Müşahidələr hazırlayır ki, orada
müvafiq tövsiyələr də əks olunur. Yekun Müşahidələr hüquqi qüvəyə malik olmasalar da, sözügedən sənəd tərəf
dövlətlərə, mövcud boşluqlar, həmçinin insan hüquqları sahəsində öhdəliklərə uyğunluğu təmin etmək üçün zəruri
olan hüquqi, siyasi və digər tədbirlərə dair məlumatı özündə ehtiva edən nüfuzlu bələdçi qismində çıxış edir.
Yekun Müşahidələrdəki tövsiyələri əsas götürərək bir çox ölkələr müvafiq tədbirləri həyata keçirilər. 2009 və
2015-ci illərdə Azərbaycanın 4-cü və 5-ci dövri hesabatları CEDAW Komitəsi tərəfindən nəzərdən keçirildi. Komitə
CRSH-nı da əhatə etməklə tövsiyələr əks etdirən Yekun Müşahidələr qəbul etdi.
10
CEDAW Komitəsi tərəf dövlətlərin
hesabatlarını hər 4 ildən bir nəzərdən keçirir; hərçənd bəzən hesabatların dövlətlər tərəfindən gec təqdim olunması,
eləcə də Komitənin iş yükünün çoxluğu səbəbi ilə gecikmələr baş verir.
Azərbaycan, Uşaq hüquqları Komitəsi də
daxil olmaqla, insan hüquqlarına dair digər beynəlxalq müqavilələr əsasında da dövri hesabatlar təqdim edir. Təqdim
olunan qiymətləndirmə CEDAW Komitəsinin Yekun müşahidələrini əsas götürsə də digər beynəlxalq qurumlar
tərəfindən irəli sürülmüş tövsiyələr də nəzərə alınmışdır.
Azərbaycanda insan hüquqlarının vəziyyəti İnsan Hüquqları Şurasının Universal Dövri İcmal (UDİ) proseduru
əsasında da nəzərdən keçirilmişdir. 2013-cü ildə UDİ-nin İşçi Qrupu Azərbaycanla bağlı tövsiyələr irəli sürmüşdür.
Həmin tövsiyələrdə CRSH da yer alır. UDİ prosedurunun dövriliyi 4.5 ildən birdir ki, Azərbaycanın hesabatına növbəti
baxışın 2017-2018-ci illərə təsadüf edəcəyi gözlənilir.
7
İrqi ayrı-seçkiliyin bütün formalarının ləğv olunması haqqında Beynəlxalq Konvensiya (qüvvəyə minib -1969, Azərbaycan qoşulub - 1992); İqtisadi,
sosial və mədəni hüquqlar haqqında Beynəlxalq Pakt (qüvvəyə minib - 1976, Azərbaycan qoşulub -1992); Vətəndaş və siyasi hüquqlar haqqında
Beynəlxalq Pakt (qüvvəyə minib - 1976, Azərbaycan qoşulub -1992); qaınalra qarşı ayrı-seçkiliyin bütün formalarının ləğv edilməsi haqqında Kon-
vensiya (qüvvəyə minib - 1981, Azərbaycan qoşulub - 1995); İşğəncə əleyhinə Konvensiya (qüvvəyə minib - 1987, Azərbaycan qoşulub - 1996); Uşaq
hüquqları haqqında Konvensiya (qüvvəyə minib - 1990, Azərbaycan qoşulub - 1992); Bütün miqrant işçilərin və onların ailə üzvlərininhüquqlarının
müdafiəsi haqqında Beynəlxalq Konvensiya (qüvvəyə minib – 2003, Azərbaycan qoşulub - 1999); Əlilliyi olan şəxslərin hüquqları haqqında Konven-
siya (qüvvəyə minib - 2008, Azərbaycan ratifikasiya edib – 2009). Azərbaycan Respublikası Məcburi yoxaçıxmış bütün şıxslərin müdafiəsi haqqında
Konvensiyanı 6 fevral 2007-ci il tarixində imzalamış, amma hələ ratifikasiya etməmişdir.
8
İnsan hüquqlarının və əsas azadlöqlarının müdafiəsi haqqında Avropa Konvensiyası (qüvvəyə minib – 1953, Azərbaycan ratifikasiya edib – 2002);
Yenidən baxılmış Avropa Sosial Xartiyası (qüvvəyə minib - 1996, Azərbaycan ratifikasiya edib - 2004)
9
Azərbayan Respublikasının Konstitusiyası, 12 noyabr 1995.
10
Azərbaycan, Qadınlara qarşı ayrı-seçkiliyin bütün formalarının ləğv olunması haqqında Konvensiya əsasında Dördüncü Dövri Hesabat, 13 noyabr
2008, CEDAW/C/AZE/4; CEDAW Komitəsinin Yekun müşahidələri
nin Yekun Müşahidələri, Azərbaycan, 7 avqust 2009, CEDAW/C/AZE/CO/4.