3
1994-cü ildə beynəlxalq səviyyədə əldə edilmiş razılaşmaya əsasən, qadın və qızlar müvafiq təhsil ilə təmin edildikdə
cəmiyyət daha məhsuldar, onların hüquqları qorunduqda cəmiyyət daha ədalətli və onlar öz gələcəkləri ilə bağlı seçim
etmək səlahiyyətinə malik olduqda cəmiyyət daha güclü olur.O zamandan etibarən, hökumətlər, milli insan hüquqları
təsisatları, BMT-nin Əhali Fondunun başçılığı ilə əksər BMT qurumları Qahirə
1
çərçivəsinin istər yerli, istərsə də beynəlxalq
arenada həyata keçirilməsinə inadla səy göstərir, bütün dünyada qadın və qızların hüquqlarının müdafiəsinin, təşviqinin
təkmilləşməsinin təmin olunması istiqamətində əhəmiyyətli və davamlı fəaliyyətlər həyata keçirirlər.
Ancaq bütün by səylərə baxmayaraq, bir çox qadınlar hələ də sağlamlığın ən yüksək standartının ayrılmaz
komponenti olan cinsi və reproduktiv hüquqlarını həyata keçirmək imkanından məhrumdurlar. Qadınları cinsi və
reproduktiv həyatla bağlı qərar vermək imkanından məhrum edən, eyni zamanda onları qarşısı alına biləcək ölüm
və xəstəliklər baxımından riskə atan fərdi, institusional və struktural amillərin qarşılıqlı təsiri nəticəsində bu hüquqlar
uzun müddət diqqətdən kənarda qalmışdır.
Azərbaycanda cinsi və reproduktiv sağlamlıq hüquqları ilə bağlı ölkəyə verilən tövsiyələr nəzərə alınmaqla BMT-
nin Əhali Fondunun Azərbaycan Nümayəndəliyi Azərbaycan Respublikasının İnsan Hüquqları üzrə Müvəkkilinin
(Ombudsman) Aparatı ilə birgə saziş qurumlarının cinsi və reproduktiv sağlamlıq və hüquqlar üzrə tövsiyələrinin
icra vəziyyəti üzrə qiymətləndirilmə keçirmişdir. Sözügedən bu təhlilin nəticələrinin cinsi və reproduktiv sağlamlıq
və hüquqların təkmilləşdirilməsi məqsədilə dövlət orqanları, vətəndaş cəmiyyəti və digər tərəfdaşlarla aparılan
müvafiq təşviqat strategiyalarının gücləndirilməsinə töhfə verəcəyi gözlənilir. Bu baxımdan verdiyi dəstəyə görə
Azərbaycan Respublikasının İnsan Hüquqları üzrə Müvəkkili (Ombudsman) professor Elmira Süleymanovaya
təşəkkürümüzü bildiririk.
Qeyd
edilməlidir ki, hazırkı hesabat bir çox təsisat və ekspertlərin dəstəyi ilə ərsəyə gəlmişdir.
Təqdim olunan qiymətləndirmə sənədi insan hüquqları və cinsi və reproduktiv sağlamlıq üzrə beynəlxalq
mütəxəssis Judith Bueno de Mesquita və yerli ekspertlər Pərvanə Bayramova və Rəşid Rumzadə tərəfindən
hazırlanmış, tədqiqat üçün zəruri olan məlumatlar toplanmış və aralıq təhlili aparılmışdır.
BMT-nin Əhali Fondunun Gender, İnsan Hüquqları və Mədəniyyət Şöbəsinin texniki məsləhətçisi Alfonso
Barraguesə və bu şöbənin proqram müşaviri İda Krogh Mikkelsenə də bu hesabatın hazırlanmasında verdikləri
məsləhət və tövsiyələrə görə xüsusi təşəkkürümüzü bildiririk.
Məlumat toplanılması prosesində öz fikirlərini bizimlə paylaşaraq, aidiyyəti tövsiyələrin hazırlanması üçün
əhəmiyyətli töhfə vermiş dövlət orqanlarının və vətəndaş cəmiyyətinin nümayəndələrinin də dəstəyi əhəmiyyətliliyi
baxımından xüsusilə qeyd olunmalıdır.
MİNNƏTDARLIQ
1
1994-cü ildə Qahirədə keçirilmiş Əhali və İnkişaf üzrə Beynəlxalq Konfransın qəbul etdiyi Fəaliyyət Proqramı nəzərdə tutulur.
4
ÖN SÖZ
ÖN SÖZ
Cinsi və reproduktiv sağlamlıq və hüquqlara (CRSH) dair diskurs ilk dəfə 20 il əvvəl Qahirədə keçirilən Əhali
və İnkişaf üzrə Beynəlxalq Konfransda (ƏİBK) təqdim edilmişdir. Məlum olduğu kimi, ƏİBK çərçivəsində tanınan
hüquqların çoxu Qadınlara Qarşı Ayrı-seçkiliyin Bütün Formalarının Ləğv Olunması üzrə Konvensiya da daxil
olmaqla insan hüquqları üzrə bir sıra sazişlərdən irəli gəlirdi. Bu sənədlərdə əks olunmuş müddəaların böyük
əksəriyyətinin cinsi və reproduktiv sağlamlıq və hüquqlara birbaşa və yaxud da dolayı şəkildə təsiri var. Buna
baxmayaraq, məhz ƏİBK çərçivəsində ilk dəfə olaraq qadınların reproduktiv sağlamlıq və hüquqlarının ayrıca
məqsəd olduğu, həmçinin əhali və inkişaf məsələlərinə dair siyasət və proqramların əsas prinsiplərindən birini
təşkil etdiyi vurğulanmışdır.
Qeyd etmək lazımdır ki, Azərbaycan Respublikası ƏİBK çərçivəsini dəstəkləyən 179 ölkə sırasında olaraq,
o zamandan etibarən əhalinin, xüsusilə də müvafiq müdafiə tədbirlərinə ehtiyacı olan təbəqələrin reproduktiv
sağlamlıq və hüquqlarının müdafiəsi və təşviqatı istiqamətində daima səy göstərir. Belə ki, ölkədə reproduktiv
sağlamlıq xidmətləri və hüquqlarının tam müyəssərliyini təmin etmək məqsədilə vacib strateji müdaxilələr
edilmişdir. Bu müdaxilələr Əhalinin reproduktiv sağlamlığının qorunması üzrə Milli Strategiyanın qəbul edilməsi
(2008-2015), ana sağlamlığı və ailə planlaşdırılması üzrə klinik protokolların hazırlanması və institusionallaşması,
səhiyyə infrastrukturunun təkmilləşdirilməsi və s. bu kimi tədbirləri özündə ehtiva edir. Lakin, ölkənin insan
hüquqları üzrə göstəricilərinin BMT-nin saziş qurumları tərəfindən təhlili CRSH-nın səmərəli müdafiəsinin tam
şəkildə təmin edilməsinə maneə yaradan bir sıra çatışmazlıqların olduğunu müəyyən edir.
Bu boşluqların aradan qaldırılması üçün məlumat təmin edəcək bu qiymətləndirmənin əhəmiyyəti çox
böyükdür, çünki ilk dəfə olaraq CRSH üzrə irəliləyişlərin monitorinqi və problemlərin aradan qaldırılması üzrə
müvafiq qanunverici və siyasət tövsiyələrinin hazırlanması məqsədilə məhz insan hüquqları çərçivəsi tətbiq
olunmuşdur. Qiymətləndirmə reproduktiv sağlamlıq üzrə xidmətlər və məlumat, abortlar, ana sağlamlığı, qadınlara
qarşı zorakılıq, cinsi və reproduktiv sağlamlıq üzrə təhsil və İİV/QİÇS daxil olmaqla CRSH üzrə altı əsas məsələ,
eyni zamanda gender stereotipləri, xüsusi müdafiə tədbirlərinə ehtiyacı olan qruplar, hesabatlılıq, müyəssər
ədalət mühakiməsi və məlumatların monitorinqi kimi kəsişən mövzular üzrə vəziyyəti də təhlil edir.
Artıq bütün dünyada etiraf edilib ki, davamlı inkişaf cinsi və reproduktiv sağlamlığa dair hüquqların da yetərincə
təmin və təşviq ediləcəyi halda mümkündür, çünki bütün şəxslər məcbur edilmə, zorakılıq və ayrı-seçkiliyə məruz
qalmadan öz cinsi və reproduktiv həyatlarına dair sərbəst şəkildə qərar vermək hüququ və müvafiq imkanlara
malik olmalıdır. CRSH-nın universal, ayrılmaz, bölünməz və bir-biri ilə qarşılıqlı əlaqədə olduğunu bir daha
vurğulayan geniş insan hüquqları çərçivəsinə əsaslanan bu yanaşmanın bütövlükdə əhali, xüsusilə də qadın və
qızlar
üçün daha təkmil təhsil, sosial-iqtisadi və siyasi göstəricilərlə nəticələnəcəyi gözlənilir.
Dr. Zahidul A. Huque
BMT-nin Əhali Fondunun Türkiyə üzrə Nümyəndəsi,
Azərbaycan, Ermənistan və Gürcüstan üzrə Ölkə Direktoru