www.kitabxana.net Amid Əlioğlu
2016
çıxmayan dünənki hadisə bir daha canlandı gözümün
önündə.
Həmin günün xidmət qrafikində yer almadığıma
görə, sonrakı günə qədər asudə vaxtım var idi. Lakin
bu vaxtı istədiyin kimi keçirə bilməzdin. Yağış
yağdığından buna ehtiyac da yox idi. Yaxşı olardı ki,
komandirin gözünə görünməyəsən. Yoxsa nəsə
məşğuliyyət tapacaqdı.
Aramsız yağan yağış səngərin içində hərəkəti
demək olar ki, məhdudlaşdırmışdı. Çəkmələrin suya-
palçığa batmaması üçün müəyyən məsafələrlə atılmış
çay daşlarının üzəri ilə hərəkət edilirdi. Nənəmin
mənim üçün tədarük etdiyi qidalardan əsgər
yoldaşlarım üçün bölüşdürüb İslamın payını ayrıca
saxladım. Bəşirov həmin gün üçüncü postun keşikçisi
idi. Hərbi nizamnaməyə əsasən, postda əlavə
məşğuliyyət qadağan sayılsa da, düşündüm ki, onun
qoğal ilə kompot içməyi üçün ayıracağı vaxtda
fəlakət baş verməz.
Yağışda islanmamaq üçün nəzərdə tututan
sellofan örtüyü geyinib İslamın yanına getdim. Yağış
şiddətini bir qədər azaltmışdı. Səma getdikcə qara
buludlardan arınır, görüntü yaxşılaşırdı. Posta çatanda
www.kitabxana.net Amid Əlioğlu
2016
İslamı silahını kiçik kəsikdən düşmənə tuşlamış, lakin
yerində yarımaddımlayan vəziyyətdə gördüm. Səbəbi
düşündüyüm kimi idi. Qış girəndən onsuz da normal
işləməyən böyrəkləri bir az da incidirdi onu.
Ayaqlarının saatlarla suda olması böyrəklər üçün real
təhlükə idi. Onun yerinə növbə çəkib təbii ehtiyacını
ödəmək üçün göndərdim. Daha çox əziyyət
çəkməməyim üçün qaçaraq gedib-gələn İslam həmin
an mənə dəfələrlə təşəkkür etmişdi.
Cibimdə gətirdiyim qoğalı və balaca şüşədəki
kompotu ona verdim. Yeyib içənə qədər keşik
çəkməyi davam etdirdim. Tələsik yeyib bitirdikdən
sonra həm boş şüşəni, həm də qoğalın büküldüyü
kağızı əzib xidmət bitəndən sonra zibil qabına atmaq
üçün kənara qoyaraq silahını məndən aldı. Gözlərini
kəsikdən ayırmadan söhbətə başladı:
-
Məzuniyyət necə keçdi?
-
Pis keçmədi, – dedim. Məzuniyyəti o qədər də
tərifləyib onu darıxdırmaq istəmirdim.
-
Nənən necədir? – soruşdu.
-
Çox sağ ol, yaxşıdır. Salam dedilər sənə.
Səndən danışmışam onlara, – deyib gülümsədim. O
da gülümsədi.
www.kitabxana.net Amid Əlioğlu
2016
-
Göndərən də, gətirən də sağ olsun, – deyəndə
üzünü mənə tutdu, sonra gözlərini yenidən düşmən
postuna zillədi.
-
Dəyməz, Bəşirov. Özün necəsən? Xidmət necə
gedir? – zarafatlaşmaq istədim onunla.
-
Xidmət? – kinayəli gülüşlə dedi bu sözü: –
Vətənə xidməti soruşursan, yoxsa Səfərova?
-
Təbii ki, vətə...
-
Əla
gedir,
əla.
Bütün
varlığımla
qulluğundayam, – sözümü kəsərək dedi. Rişxəndi
açıq-aşkar hiss olunurdu: – Çox qalmayıb onsuz da.
Hər şey yaxşı olacaq.
Onun sözləri məni qorxutdu. Yaxşı olacaq
deyəndə, nəyi nəzərdə tuturdu görəsən? Yəqin
Səfərovun gedişindən sonra hər şeyin düzələcəyini
nəzərdə tuturdu. Odur ki, onun sözünə qüvvət olaraq
fikrini dəstəklədiyimi bildirmək üçün:
-
Əlbəttə, yaxşı olacaq. Pis günün ömrü az olur,
Bəşirov, eşitməmisən? Ən sonuncu an yaşansa da,
yaxşı saniyə pis illəri unutdurur.
-
Elə olar yəqin... – Bir qədər gözlədikdən sonra
dilləndi: – Lakin mənim yaxşı günümü sən
görməyəcəksən...
www.kitabxana.net Amid Əlioğlu
2016
Nə demək istədiyini soruşmaq istəyirdim ki,
səngərlə kiminsə yaxınlaşdığını hiss elədim. İslamla
tələsik sağollaşıb postdan çıxanda Səfərovla üzbəüz
idik. Bir müddət bir-birimizə sükut içində baxanda
axşamkı hadisələr bir daha lent kimi gözümün
qabağından keçdi. Gözümün içinə diqqətlə baxan
çavuş da sanki o lenti izləyirdi. Birinci dəfə idi ki,
onu məni görəndə özünü itirən halda görürdüm. Sanki
məzuniyyətdə onun kim olduğunu örəndiyimi hiss
etmişdi. Artıq ondan heç bir halda çəkinmirdim. İndi
onun məndən çəkindiyini hiss edirdim. Ən azından
saatdar təyin edilmədiyim halda, səngərin içində
olduğuma görə cəza almalı idim. Lakin bu fikir
Səfərovun ağlına nədənsə gəlmirdi. Qarşısında
dayandığım üçün Bəşirovun olduğu posta boylanaraq
baxan Səfərov şübhəli nəzərlərlə:
-
Burda nə baş verir? Xidmət vaxtı nə ilə
məşğulsan, Bəşirov? – səsini sərtləşdirərək sağ
tərəfimdən keçib İslama yaxınlaşdı. İslam isə bir
kəlmə belə işlətmədən diqqətini düşmən postuna
yönəltmişdi: – Səninlə deyiləm mən? – Səsini bir az
da qaldıran çavuşun gözünə kompot şüsəsi ilə qoğalın
büküldüyü kağız sataşdı: – Bu nədi burda, zibilxanadı
www.kitabxana.net Amid Əlioğlu
2016
bura sənin üçün, Bəşirov? Sən bilmirsən ki, postu
təmiz saxlamaq lazımdır?
İslamın əsəbiləşdiyini hiss eliyirdim. Odur ki,
araya girdim. Çavuşun qolundan tutub özümə sarı
çevirdim.
-
Səfərov.... – gözlərimdəki hikkəni görən çavuş
çaşıb qalmışdı: – Xidmətinin bitməyinə az qalıb.
Çıxanda götürüb zibil qabına atacaq. Faciəvi nəsə var
burada?
Qolunu kənara çəkib əlimdən çıxan çavuş:
-
Mənə dəxli yoxdur. Bura postdur. Təmiz
olmalıdır. Buna görə mənə söz gəlməlidir? Bəlkə
yoxlama gəldi? Onda kim cavab verəcək? – Az qala
şivən salan arvadlar kimi özünə əl qataraq danışırdı.
-
Zərər yoxdur. Mən indi götürüb aparıb zibil
qabına ataram, – bildirdim.
-
Sən niyə atırsan? Postda yemək olmaz. Yeyib,
cəzasını da çəkəcək. Özü yığışdırsın. – üzünü
Bəşirova
çevirərək davam etdi: – Yığışdıra
bilmirsənsə, ananı çağır yığışdırsın...
Səfərov, az müddət keçməsinə baxmayaraq,
İslamın anasının öldüyünü unudacaq qədər şərəfsiz
bir insan idi. Anidən arxaya çevrilən İslamın gözləri
Dostları ilə paylaş: |