Amid Əlioğlu
Yüklə 1,73 Mb. Pdf görüntüsü
|
www.kitabxana.net Amid Əlioğlu 2016 həyəcanı bir az da artırırdı. Səngərdən çöldə görünən istənilən obyekti snayperlə nişangaha alırdılar. Bir dəfə çavuş Səfərov onlarla guya məzələnmək üçün ağac budağından “T” şəkilli alət düzəldib ona mənim kitelimi geyindirərək səngərdən yuxarı qaldırdı. Bununla həm məni qorxutmaq, həm də düşməni çaşdırmaq istəyirdi. Əvvəlcə bir-iki dəqiqə onu sabit tutaraq, cibindən bir əli ilə siqaret çıxarıb yanındakından yandırmasını istədi. Dərindən qullab alıb, tüstünü üzü yuxarı ədəbazlıqla üfürəndən sonra siqareti yenidən damağına qoydu. Ağzında siqaret olduğunda güclə başa düşüləcək şəkildə dilləndi: - Görürsən? Onlar sənin kitelindən də qorxurlar! – deyə, gülə-gülə əlindəkini sağa-sola yellətməyə başladı. Yenə də düşmən tərəfdən bir cavab yox idi. – Hamı mənim kimi deyil e, – bildirəndə özünü qorxusuz göstərməyə çalışırdı. Mənim isə gözüm iki ay ərzində tozdan-palçıqdan qoruduğum kitelimdə idi. Səfərov əlini saxlayıb siqaretindən bir qullab da almaq üçün sağ əlini ağzına tərəf aparanda sabit saxladığı T şəkilli alətin qollarının birləşdiyi yerdə qırmızı xırda işığın işarması ilə küt tappıltı səsinin gəlməsi bir oldu. Sol əli ilə boş tutduğundan snayper www.kitabxana.net Amid Əlioğlu 2016 gülləsinin zərbəsi budağın yuxarısını Səfərovun başına elə zərblə çırpdı ki, yıxılmamaq üçün özünü güclə saxladı. Onun rənginin ağardığını görmək üçün iki göz lazım idi. Dik yerisə də, səngərdən görünməyəcəyini bildiyi halda, başını aşağı əyərək, yeyin addımlarla blindaja getməyinə baxmaq mənə xüsusi həzz vermişdi. Postda xidmət aparan əsgərlərə hər dörd saatdan sonra iki saat yatmağa icazə verilirdi. Yuxu rejimi o qədər pozulurdu ki, çox vaxt günün necə keçdiyini bilmirdin. Eni beş, uzunluğu on beş santimetr olan kəsikdən eyni nöqtəyə iki saat ərzində ayıq-sayıq baxmaq dəhşətli bir şey idi. Hərdən ani də olsa, həmin mənzərəli yuxuda olurdun. Göz o görüntüyə o qədər öyrəşirdi ki, yatmağından xəbərin belə olmurdu. Belə bir şəraitdə ayıq qalmaq üçün müxtəlif metodlardan istifadə olunurdu. Bir-birinə yaxın olan beş-altı post hər beş dəqiqədən bir, özündən sonrakı postun nömrəsini ucadan səsləndirməklə oradakı gözətçini çağırırdı. Həmin postu qoruyan əsgər isə yatmadığını sübut etmək üçün növbəti postdakı yoldaşını səsləyirdi. Beləcə, bu qaydayla - sonuncu postdan yenidən əvvəlki posta ötürülməklə - www.kitabxana.net Amid Əlioğlu 2016 çağırışlar davam edirdi. Hərdən olurdu ki, üçüncü postdakı dördüncünü səsləməsinə baxmayaraq, oradan səs gəlmirdi. Bu o demək idi ki, dördüncüdəki əsgər yatıb. Belə olan halda bütün postların hamısı yarızarafat-yarıgerçək qışqıraraq onu oyadırdılar. Səhər düzülüşündə gözüm artıq dost kimi öyrəşdiyim İslamı axtarsa da, onu tapa bilmədim. Əvvəlcə ayaq yolunda olduğunu düşündüm, lakin ordan başqa əsgərin çıxaraq sıraya gəlməsi ilə dalağım sancdı. Ağlıma min cür qorxulu şey gəlirdi. Səfərovun təbəssümlə gənc əsgərlərə üzünü tutub: - O ağıllı Bəşirov hanı? – deməsi məni lap həyəcanlandırdı. Özümdən asılı olmayaraq sıradan çıxıb blindaja yüyürdüm. Zavallı İslam dəmir çarpayısının yanında qıvrılıb zarıyırdı. Əllərini qarnına sıxıb ağladığını görəndə, əsəbimdən hiddətə gəldim. Onu yerdən qaldırmaq istəyəndə isə daha çox zarımağı bağrımı yandırıb közə döndərdi. Ürəyim sanki başımda döyünürdü. Ona qayıdacağımı deyib çölə çıxdım. Səfərov həm İslama, həm də mənə görə tağıma idman adı ilə zülm edirdi. Bizim sıraya qayıdacağımız təqdirdə zülm bitəcəkdi. Bu, onun köhnə metodu idi. Yerindən gec qalxana, sıraya gec www.kitabxana.net Amid Əlioğlu 2016 gələnə görə bütün heyətə eyni hərəkətləri təkrarladırdı. Komandirin və starşınanın sıraya yaxın - siqaret çəkmək üçün nəzərdə tutulan yerdə olmasına baxmayaraq Səfərovun üstünə yüyürdüm: - Sən çox alçaq adamsan, cındır! – Qışqırıb Səfərova yaxınlaşanda, təəccüblə üzünü mənə çevirdi. Hər kəs donub qalmışdı. Yaxasından tutub o murdar sifətinə başımla vurmaq istəyirdim. Lakin o, mən ona çatmamış qeyri-ixtiyari arxa-arxaya addımladığı üçün istəyimi həyata keçirə bilmədim. Başına təpik vurmaq üçün sağ ayağımı bacardığımdan da yuxarı qaldırmaq istəyəndə sol ayağımın torpaqda sürüşməsi yıxılmağıma səbəb oldu. Cəld ayağa durub yenidən üstünə getmək istədim, lakin əsgərlər tərəfindən qarşım kəsildi. Mən isə onu dayanmadan söyürdüm. Bu zaman komandirin sərt səsini eşitdim. Soyadımı elə qəddarcasına səsləndirdi ki, affekt vəziyyətindən çıxa bildim. - Yanımaaa! – Deyə çığıranda sifəti hirsindən quruluşunu bir az da dəyişmişdi. İkimiz də komandirin yanına getdik. Yüklə 1,73 Mb. Dostları ilə paylaş:
|