www.kitabxana.net Amid Əlioğlu
2016
bərəlmişdi. Ağlımdan, günlərdir fikrindən keçirdiyini
edəcəyini keçirdim. Elə də oldu. O, cəld silahını
Səfərova tuşlamağı ilə qoruyucunu açmağı bir oldu.
Özümü onun qabağına atanda əlini saxladı. Fikrindən
döndərmək üçün söhbət etməyə vaxt yox idi. Özü də
gözləmədən sinəsindən itələyib silahı əlindən aldım.
Donub qalan Səfərov onun silahsız olduğunu görüb,
üstünə atılmaq istəyəndə, boğazından tutub sıxdım.
Onu orada boğub öldürə bilərdim. Amma yenə də
nənəmin sözləri qulağımda eşidildi. İtələyib su ilə
dolu səngərin içinə atdım. İslama isə tərpənməməyini
tapşırdım. Onsuz da tərpənməyəcəkdi. Postun içində
oturub ağlayırdı.
Palçıqlı suyun içindən güclə ayağa qalxan
Səfərov qaçmaq istəyirdi. Belə olan halda onu
vuracağımla hədələyərək dayandırdım. Onunla
üzbəüz idik. Həyəcandan bərəlmiş gözləri ilə gah
silahın ucuna, gah da tətikdə olan barmağıma baxırdı.
Silahı islanmaması üçün səngərdən yuxarı atdım.
İslamın adına idi deyə bu, onun üçün problem ola
bilərdi. Var qüvvəmlə sifətinə vurduğum yumruq öz
əlimi də incitmişdi. Yenidən yıxılan Səfərov dəhşət
www.kitabxana.net Amid Əlioğlu
2016
içində idi. Yaxasından tutub qaldırdım. Düz gözünün
içinə baxa-baxa hər şeyi üzünə deyəcəkdim:
-
Səfərov... - Qışqırırdım: – Sən həqiqətən də
çox əclaf adamsan, Səfərov... Sən cındır adamsan,
Səfərov! – Qışqırdığım üçün gözüm od, ağzım isə
tüpürcək
püskürürdü:
–
Sən
qəhbəsən,
Səfərov...Nəinki qəhbəsən, həm də qəhbənin ... –
“balasısan” deyəcəkdim ki, atəş səsinin eşidilməsi ilə
səngərin içinə düşən bir şeyin ağırlığı suyun ləpəsini
ayağımıza qədər gətirdi. Qaçaraq posta gəldim.
Burada İslamın hərbi papağı, kompot şüsəsi və bir də
qoğalın büküldüyü əzilmiş kağızdan savayı heç nə
yox idi. Səngər qan gölünü xatırladırdı. Postun
kənarındakı islanmış torpaqdakı izlər onun səngərdən
çıxdığına işarə idi...O, düşmən gülləsi ilə intihar
etmişdi. Lakin yenə də ortalıqda İslamdan əsər-əlamət
yox idi. Digər dostlarımın intiharından sonra təbii
olaraq onları axtarmaq üçün özümü dağa-daşa vursam
da, bu dəfə vəziyyətlə o saat barışmalı oldum.
Bilirdim ki, faydasızdır. Əmin idim ki, buna gərək
yoxdur. Düşündüm ki, İslamı heç Allah da geri
qaytara bilməz...
www.kitabxana.net Amid Əlioğlu
2016
Səngərin içində ləpələnən suya səssizcə nə
qədər baxdığımı xatırlamıram.
www.kitabxana.net Amid Əlioğlu
2016
BEŞİNCİ HİSSƏ
DÜNYA BİR PALATA, BİZ İSƏ...
Acı, böyümənin bir parçasıdır. Və unutmayın, bir şey
canınızı yandırdığında içinizdəki başqa bir şey
basdırılmışdır.
Məşhur hind mütəfəkkiri Oşo (Çandra Mohan Racniş)
Özümə
gələndə
tavanda
yanan
işığa
fokuslanmaqda əziyyət çəkdim bir müddət. Gözlərimi
əsir alan duman qatı yavaş-yavaş çəkiləndən sonra ilk
eşitdiyim səs ürək aparatından müvafiq intervalla
gələn impulsun siqnalları oldu. Hərəkət etməyə
taqətim yox idi. Gözlərimi sadəcə sağa və sola
hərəkət etdirə bilirdim. Nə baş verdiyini xatırlamağa
çalışsam da, bir şey alınmadı. Niyə orada idim? Mənə
nə olmuşdu? Heç bir yerimdə ağrı hiss etməməyimə
baxmayaraq, nəyə görə xəstəxana palatasında, özü də
tək-tənha uzanmışdım? Tavanda florasan işıqdan,
önümdəki divarda isə saatdan başqa heç nə
www.kitabxana.net Amid Əlioğlu
2016
görmürdüm. Bir saata yaxın keçən müddət ərzində
yadıma heç nə sala bilmədiyim üçün əsəbiləşirdim
artıq. Elə bu dəm, bir səs məni diksindirdi:
-
Hər vaxtın xeyir olsun!
Üzümü qeyri-iradi olaraq səs gələn tərəfə
çevirdim. Eynən mənim kimi hər tərəfindən sistem
şlanqları asılan, nurani bənizli bir qoca idi səslənən.
Diksindirdiyi üçün ani olaraq acıqlı olsam da, üzünü
daha da qırışdıran səmimi təbəssümü yumşalmağımla
nəticələndi.
-
Salam...- söhbət etməyə heç həvəsim yox idi.
-
Özünü necə hiss edirsən? – soruşdu.
Üzümü yenidən tavana sarı çevirərək dilucu cavab
verdim:
-
Pis....
-
Başa düşürəm, bala, – qoca dərindən nəfəs
alaraq dedi.
Özümü səhhətimə görə deyil, beynimdə tüğyan edən
fırtınaya görə pis hiss etdiyimi nəzərdə tutaraq
bildirdim:
-
Heç yerim ağrımır, əslində... - “Heç nə
xatırlamıram!” - deyəcəkdim ki, qoca sözümü kəsdi:
www.kitabxana.net Amid Əlioğlu
2016
-
Bilirəm, bala. Heç nəyi yadına sala bilmirsən.
Bəlkə də, bura necə düşdüyünü də unutmusan.
Təlaş içində üzümü ona sarı çevirdim. O isə
davam edirdi:
-
İki günə yaxındır ki, burdasan. Yanına
həkimlərdən başqa heç kim gəlməyib. Bu müddət
ərzində ancaq sayıqlamısan. Dostlarından danışıb
ağlayırdın.
-
Dostlarımdan? – həyəcanla soruşdum. Qocanın
hər sözü yaddaşımı bərpa edirdi sanki.
-
Hə, bala. Əvvəlcə Cavidan adı çəkdin.
Dediklərindən belə başa düşdüm ki, binəva özünü
maşının altına ataraq intihar edib.
-
Düzdür, dayı, – artıq hər şeyi xatırlamağa
başlayırdım: – ən yaxın uşaqlıq dostum olub. Çox
ağıllı uşaq idi.
Yazıq dözmədi insanların
hərəkətlərinə.
-
Heyif... – kişi yenə də dərindən nəfəs alaraq
dedi.
Bir qədər sakitlikdən sonra davam etdi:
-
Sonra Əhməddən danışdın. Sonra... Səhv
eləmirəmsə, Mətləb və sonda da İslam adlı şəxslərdən
Dostları ilə paylaş: |