Amid Əlioğlu
Yüklə 1,73 Mb. Pdf görüntüsü
|
www.kitabxana.net Amid Əlioğlu 2016 Rahat yatdığım gecələri də təbii ki, Əhmədə borclu idim. Cavidan kimi o da mənə həyatda dostum olacaq insan barədə işarələr verirdi. Mənə maraqlı gələn Cavidanın da, Əhmədin də yuxumda həmişə xoşbəxt olmaları idi. Həyatda o qədər də xoşbəxt olmadıqları halda, yuxumda necə buna nail ola bilirdilər?! Onlara paxıllıq edirdim bu mənada. Özümü öldürmək kimi fikirlərə düşəndə, mütləq yuxuma girib məni bundan daşındırırdılar. Cənnətdə olduqlarını görürdüm. Halbuki Əhməd cənnətin, cəhənnəmin, ümumiyyətlə, fövqəltəbii qüvvələrin varlığına inanmırdı. Bu dəfə məhz Mətləb göstərilən əlamətlərə uyğun gəlirdi. Dərsdən sonra dərs vəsaitinin surətini çıxarmaq üçün yanıma gəldiyindən, demək olar, onu hər gün görürdüm. Bir vəsaitin surətinin çıxarılması kifayət qədər vaxt apardığı üçün onunla söhbət etmək imkanım olurdu. Oxuduğum əsərlərin demək olar ki, hamısını onun da mütaliə etməsi bizi əməlli-başlı söz yoldaşına çevirmişdi. Onunla birgə, kitablardakı müxtəlif obrazlar haqqında uzun-uzadı danışar, işlətdiyi frazaları müzakirə edərdik. Çox vaxt bir- birimizdən xəbəri olmadan eyni kitabı oxuyardıq. Buna görə də söhbətimiz çox maraqlı və rəngərang www.kitabxana.net Amid Əlioğlu 2016 alınırdı. Zaman keçdikcə onu hər gün görüb, söhbətləşmək üçün səbirsizlənirdim. Surətçıxaranla bağlı işi oldu-olmadı fərqi yox idi: elə Mətləb də hər gün mənə baş çəkirdi. Bir müddətdən sonra Əhməd artıq yuxuma girmirdi. Əmin idim ki, bu, Mətləblə yaxın ünsiyyətimlə əlaqəli idi. Zaman keçdikcə Mətləblə düşüncə qardaşı olduğumun fərqinə varırdım. Mətləb ölkənin ən qədim universitetinin ən çox bilgi tələb edən fakültəsinə, yüksək balla qəbul olmuşdu. Cəmiyyətimizdə beləsinə “öz biliyi ilə qəbul olunub” deyirlər. Gülməlidir, deyilmi? Bəlkə də bir çoxu üçün burda gülməli bir şey yoxdur. Ən maraqlısı o idi ki, adi bilgilərə sahib olmayan varlı balaları onun qrup yoldaşlarıydı. Universitetin piyadalar üçün nəzərdə tutulan səkilərini təkcə Mətləbin oxuduğu qrupun tələbələrinin sürdüyü avtomobillər tuturdu. Demək olar ki, ilk gündən Mətləbi “kruq”larına yaxın buraxmayan gələcəyin “hüquq-mühafizə orqanlarının işçiləri”nin gündəlik söhbətləri qızlar, bahalı avtomobil markaları və telefonlara həsr olunurdu. O, isə bu barədə məlumatları əlinə düşən qəzet və jurnallardan, bir də www.kitabxana.net Amid Əlioğlu 2016 şəhərdə gördüyü iri reklam lövhələrindən alırdı. İstifadəçisi olmadığı bir vasitədən maraq yaradacaq hansı söhbəti edə bilərdi ki? Odur ki, ölkə abutiruyentlərinin 80 faizinin yaxın düşə bilmədiyi fakültədə təhsil almaq Mətləbi artıq usandırırdı. Ödənişsiz əsaslarla oxuduğu üçün ona təqaüd təyin edilmişdi. Fəqət elə birinci aydan etibarən təqaüdünü ala bilmək üçün maliyyə şöbəsinin qapısını dəfələrlə döyməli olmuşdu. Bu məsələdə nəinki kömək edən yox idi, hətta beş-on manatdan ötrü özünü əziyyətə verdiyi üçün onu ələ salırdılar da. Həftədə bir dəfə xərclik üçün rayondan göndərilən az məbləğdə pul isə surətçıxaran, dəftər, qələm və günlük ucuz yeməklərə getdiyindən aylıq təqaüd Mətləb üçün çox vacib idi. Çalışırdı ki, heç bir dərsdən kəsiri olmasın. Çünki bu baş versəydi ya təqaüdünün kəsilməsilə, ya da az olan məbləğin daha da aşağı endirilməsi ilə nəticələnərdi. Onların qrupunda müəllimin candərdi səsləndirdiyi mühazirəni yazmaq belə ayıb sayılırdı. Sonradan vəziyyətin demək olar ki, bütün universitetdə belə olduğunun şahidi oldum. www.kitabxana.net Amid Əlioğlu 2016 Bütün bunlar universitet təhsili ilə bağlı verdiyim qərarım üçün təsəlliverici amillər sayıla bilərdi. Zənnimcə, savadsız olması üçün pul verən şəxs işləməsi üçün də pul verməli idi. Mənim isə təhsil almamağım üçün universitetə verəsi pulum- param yox idi. Mən təhsilimi də, təlimimi də, tərbiyəmi də kitablardan alırdım. Özü də pulsuz. Həm də istədiyim vaxt. Kitablardakı “insan”ı öyrəndikcə, real həyatdakı insandan qaçmalı oldum. Onların düşündüklərini hiss etmək, əslində, həyatımı asanlaşdırmaq əvəzinə, bir qədər də çətinləşdirirdi. Çünki kiminsə səhv düşündüyünü dediyim zaman ona verilmiş beynilə heyvandan fərqələnən insan, bu fərqliliyi aradan götürərək, vəhşiyə dönürdü. Əsla elə düşünmədiyini Allahına and içərək, əzizlərini söyərək dilə gətirirdi. Beynin ötürdüyü informasiyanı dəyişərək başqa formada səsləndirilməsini əmr edən orqan hansıdır, bilmirəm, amma bütün bunların səbəbkarı odur. Səmimi insan - əsl düşüncəsini dilə gətirəndir, nəinki beynini hansısa maraqlara uyğun düşünməyə vadar edən. “Üzdə bir cür, arxada başqa cür…” - ifadəsini tez-tez işlədən insanları üzdə bir cür, arxada tamam Yüklə 1,73 Mb. Dostları ilə paylaş:
|