750
– Nəriman bəy, bilsəydim ki, belə “zor” və “hədə” təklifi keçə-
cək, mən elə 1877-ci ildə qəzetimi bağlayanda “mənim qəzetimin
nəşrini dərhal bərpa edin” deyərək tələb edərdim. Keçməz, oğul!
Bu sayaq yanaşmalar keçməz indi. Mənim bu üsul-idarəyə işim
səndən çox düşüb. Təxmini olaraq bilirəm, nəyi harada və necə
ifadə etsəm, cavabında nə olacaq.
Qurultay nümayəndələrinin çoxu Həsən bəyin təklifini dəs-
tək ləsə də, N.Nərimanov və onun “Nicat” cəmiyyətindən
177
olan
silahdaşları öz fikirlərində təkid edirdilər. Onlardan Mahmud-
bəyov
178
, Hacıbababəyova
179
çıxış edərək bildirdilər:
– Həsən bəy, biz nə zamana kimi onun-bunun dediyi ilə oturub
duracağıq?! Bu Levitskinin öhdəsindən gəlmək, ola bilsin ki, sizin
üçün çətindir, amma bizim üçün bu çox da ağır iş deyil, – dedilər.
Qurultay nümayəndələrindən də bəziləri Həsən bəyin, bəzisi
isə Nəriman Nərimanovun təklifinin əleyhinə getdilər.
Həsən bəy yenə kürsüyə çıxdı:
– Əziz müəllimlər, mənə qulaq asın, yadınızda saxlayın, bu
gün xoşluqla qəbul edilə biləcək bir təklifi biz zorla həyata keçirə
bilmirik. Hələ təzə-təzə bizim ayağımız yer tutur, indi-indi söz
deməyə beş-altı ziyalımız formalaşır. Nə düşünürsünüz, biz hansı
hökm və güclə Rus imperiyasından nəyisə tələb edirik? Biz bu cür
hərəkət etməklə olub-qalan ziyalılarımızı və aydınlarımızı güdaza
verib, məhv edə bilərik. Mən doktor Nərimanovdan soruşuram:
Sən və dostların hansı güclə imperiyadan nəyisə tələb edirsiniz?!
Bizim hansı gücümüz var? Baxın, biz addım-addım məqsədlərimizə
doğru irəliləməliyik.
Bir də bu qurultayın keçirilməsinə maddi dəstək verən və çoxu
da bizimlə hazırda bu salonda əyləşmiş imkanlı şəxslərin taleyini
177
Nicat Cəmiyyəti – Bakı qubernatorunun 1906-cı il avqustun 22-də təsdiq
etdiyi nizamnamə əsasında fəaliyyətə başlamış xeyriyyə cəmiyyəti. Təşkilatın
özü isə mart ayının 9-u yaradılmışdı.
178
Mahmud bəy Mahmudbəyov (1863-1923) – müəllim, Zaqafqaziya (Qori)
Müəllimlər Seminariyasının məzunu
179
Rəhilə xanım Hacıbababəyova – Bakıda ali-ibtidai qız məktəbinin yara dıl-
masının (1914) təşəbbüsçüsü və müdiri, görkəmli pedaqoq
751
düşünürsünüzmü?! Biz bu düşüncə, belə tələblərlə on la rı imperiya
qarşısında hansı çətin vəziyyətə salacağımızın fər qin dəyikmi?!
Sonda tam əmin olduğum bir şeyi diqqətinizə çatdırmaq istəyirəm:
əgər biz Qafqaz canişinliyinə Nərimanovun dediyi mət ni göndərsək,
yəqin bilin, onlar Levitskini bizim ayağımıza verməyəcəklər.
Teleqramı ya cırıb atacaqlar, ya da yalandan deyə cəklər ki. əllərinə
gəlib çatmayıb. Sual edirəm, o zaman biz nəyə nail olacağıq?!
Həsən bəy qeyd etdi ki, o, 1872-ci ildə qubernator Staroselskilə
dostluq münasibətlərindən istifadə edərək həm xeyriyyə cəmiyyəti
yaradıb, həm teatr tamaşasının qoyulmasına nail olub, həm də
“Əkinçi”ni açıb. Sonra da opponentlərinə işarə edərək: “Doktor
Nəri man, mən çox belə tələblər irəli sürmüşəm, nəticələrini də
görmüşəm. Siz Bakıda yaşayan ermənilərə baxın, onlar yuxarılarla
necə dostluq edərək məsələlərini həll edirlər, bütün işlərini hə-
yata keçirirlər Mən sizə tövsiyə edirəm, bu dürlü davranışların
peşmanlığını çəkmədən təklifinizdən imtina edin, biz də teleqramı
göndərək getsin. İnanın, mən təcrübəmə söykənərək sizi əmin
edirəm. Siz bu gün səhv yoldasınız. Nəzakətli davranışın cavabı
müvəffəqiyyətdir. Mən buna inanıram, özü də çox inanıram”.
Nərimanov çox israrlı şəkildə hər iki təklifin səsə qoyulmasını
tələb etdi. Mətndəki ifadənin “xahiş”, yaxud “tələb” kimi yazılması
səsə qoyuldu, Nərimanovun “tələb edirik” ifadəsi səs çoxluğu qazandı.
Nərimanov:
– Həsən bəy, biz çox xahiş etmişik, indi də tələb edirik! –
söylədi.
Həsən bəy:
– Nəriman, heyif səndən, sənin bugünkü ötkəmliyin həmişə
başına bəla açacaq. Çox heyif səndən!
– Siz narahat olmayın, bəzən bəlaların sonunda uğurlar gəlir.
Sabahı gün bəzi qurultay nümayəndələri Hacı Zeynalabdinin
iqamətgahına yollanaraq, onunla görüşdülər.
Hacı Zeynalabdin baş vermiş vəziyyəti onlarla təzədən və
təm kinlə təhlil edib araşdırdı. O, mövcud vəziyyətdə Azərbaycan
müəllimlərinin, ziyalılarının, bütövlükdə xalqın maraqlarını əsas
gətirərək, qurultay qərarının dəyişdirilərək mətnin “xahiş” kimi
yazılmasını tövsiyə etdi.
752
Hacı nümayəndələrin diqqətinə çatdırdı ki, mən sərvətimin
böyük bir qismini xalq üçün faydalı işlərə xərcləyirəm, bəzi dövlət
layihələrinin həyata keçirilməsinə sərf edirəm. Bəyəm mənim
hey fim gəlmir bunlara?! Əlbəttə, gəlir. Amma dövlət dövlətdir,
onunla münasibətləri qoruyub yaxşılaşdırmalısan ki, lazım olanda
istifadə edəsən. Yoxsa, “vurdum, dağıtdım, tökdüm, budur gəldim”
deməklə bir şeyə nail olmaq olmaz, cənab doktor Nəriman. Sən hələ
cavansan, dövlətlə üz-üzə gəlib çətinliklərə düşməmisən. Bu gün
azad fikir, azad insan, nə bilim, bərabərlik istəmək kimi fikirləriniz
onlara milçək vızıltısı kimi gələ bilər. Sözü qısa və təsirli demək
lazımdır. Belə bir mövqe tutmaq heç sizə yaraşmaz.
Mən bütün məsələlərdə Həsən bəyin tövsiyələrini dinləmi-
şəm, onun həyat təcrübəsindən yararlanmışam, savadından bəhrə-
lən mişəm, nəticədə də xeyir tapmışam. Sən bu gün özünü hakim
elan edib bizim hökumət yanında qazandığımız hörmətə də xələl
gətirirsən. Sən tələbəsən, otur yerində, özün də unutma ki, səni
mən oxuduram.
Nərimanov yerindən qalxaraq:
– Hacı, mən tələbə kimi sizdən təqaüd alırdım, burada hamı-
nın qarşısında ondan imtina edirəm. Bəyəm siz tələbələrə ona görə
təqaüd verirsiniz ki, sizin dediklərinizi təsdiq etsinlər? Başqalarının,
nəinki açıq danışığı, hətta çar istibdadına qarşı azadlıq yolunda öz
qanlarını tökdükləri bir zamanda, mən heç kəsə ixtiyar vermərəm
ki, mənfur qızılın gücü ilə məni susdursun. Sizin təqaüddən imtina
etdim, – söylədi.
Hacı Zeynalabdin:
– Çox təəssüf, sənə ümidlərim çox idi. Təmkinlə davranaraq
gələcəyi aydın görmək lazımdır. Çox heyif ki, sənin müdrikliyin
yoxdur. Onu da bil, sənin qəbul etdiyin bu qərar tək cavanlığından
deyil, elə dəli-doluluğunuzdan irəli gəlir.
Sonralar Həsən bəylə Hacı Zeynalabdin Nərimanovdan danı-
şarkən təəssüflə qeyd edirdilər ki, onun başını siyasi təşkilatlar
pozub. Yoxsa millətin dərdinə yanmağın əsas yolları qalıb bir yana,
acıqla, kinlə, əmrlə hər şeyi özümüzə qarşı çevirir.
– Bir də nə deyim, ötkəm xarakter bəzən də çox işlər görə
bilir. Qoy Allah yardımçısı olsun, – Hacı Zeynalabdin bildirdi.
Dostları ilə paylaş: |