746
Zeynalabdinə belə gözəl bir məktəb açdığı və oxumaq üçün onlara
bütün lazımi şəraiti yaratdıqlarına görə təşəkkür etdi. Sonra xüsusi
qeyd etdi ki, bizim üzümüzə elmin, təhsilin qapılarını açdıqları,
bütün sahələr üzrə yüksək təhsil verdikləri üçün müəllimlərimizə
təşəkkür edirəm. Bu məktəb sayəsində biz bütün dünyəvi elm lə-
rə yiyələndik, yerin-göyün sirlərinə vaqif olduq, dünyada nə lər
baş verdiyini öyrəndik, insan necə yaşamalıdır, hüquq və hə yat
qanunlarını mənimsədik. Vətən anlayışı nədir, onu inkişaf etdi rən-
lər, quranlar kimlərdir, bunları bildik!
Biz bayram vaxtlarında Sona xanımın hər birimiz üçün gön-
dərilən hədiyyələrini aldıq. Əzizlənməyi, sevilməyi, valideyn
qay ğısını ondan gördüm. Sizi hər zaman xatırlayacaq, ən gözəl
örnəklərlə həyatımızı zənginləşdirdiyinizə görə sizsiz darıxacağıq.
Bizi öz isti və qayğıkeş qucağına almış bu məktəbi heç zaman
unutmayacağıq.
Mən tez-tez bura gələcəyəm. Məgər qızlar ata evini tərk edən-
də birdəfəlikmi gedirlər? Bizim ruhumuz, canımız olan mənəvi
atamız Hacı Zeynalabdin bəyi, Sona xanımı – əziz anamızı, əziz
müəllimlərimizi heç zaman, heç zaman unutmayacağıq. Haqqınızı
bizə halal edin!
Hamı kövrəlmişdi.
Həsən bəy:
– Hə, dostlar, biz qızlarımızın məhz belə yetişməsini istə-
mişdik, şükürlər olsun, istədiyimiz kimi oldu, – dedi.
Sonra hər bir qıza məktəb və təsisçi adından Zeynalabdin
Tağıyevin hədiyyəsi – Qurani-Kərim, Lermontovun, Puşkinin və
başqa yazarların əsərləri hədiyyə edildi.
Sonda Axund Mir Məhəmməd Kərim tədrisi başa vuran
şagirdlərə xeyr-dua verdi. Məktəbin buraxılış müsamirəsinə aid
materiallar “Kaspi”nin 13 may nömrəsində dərc olundu.
747
1906-cı il, avqust
Həsən bəyin oğlu Midhət Fransada oxuduğu Ali Mühəndislik
kursundan Bakıya yay tətilinə gəlmişdi. Atasının səhhətindəki
problemlər onu ciddi narahat edirdi. Bakıda olduğu müddətdə
ayağını bir addım da şəhərdən kənara qoymamışdı. Midhət çox
gözəl bir fotoaparatla qayıtmışdı, şəhərdə gördüyü mənzərələri,
tarixi binaları, milyonçuların mülklərini, xeyriyyə cəmiyyətlərinin
binasını, əntiq əşyalar satılan dükan və mağazaları, şəhərin diqqət-
çəkən yerlərinin fotosunu çəkirdi.
Bundan başqa, Midhət atasının tövsiyəsi ilə həm də fotosunu
çəkdiyi Bakı binalarının, məktəblərin, maarif və xeyriyyə cə-
miy yətlərinin tarixini qələmə almağa başladı. Qələmə aldığı bu
materiallar əsasında, hətta Paris mətbuatında Azərbaycan haqqında
geniş bir məqalə dərc etdirməyi düşünürdü.
Atasının 1872-ci ildə yaratdığı ilk Müsəlman Xeyriyyə Cə miy-
yətindən başlayaraq 1905-ci ildə Zeynalabdin Tağıyevin xey riyyə
cəmiyyətinin yaranması haqqında, onun üzvləri – Hacı Zeynalabdin
Tağıyevin, Həsən bəy Zərdabinin, Əlimərdan bəy Top çubaşovun,
Əhməd bəy Ağayevin, Əli bəy Hüseynzadənin və başqalarının
həyat və fəaliyyəti haqqında tarixi əhəmiyyətli yazılar yazdı.
Midhət yeni yaranan “Nəşr və maarif”, “Nicat” cəmiyyətləri
haqqında da atasından məlumat toplayaraq, xronika hazırladı.
Həsən bəy bu cəmiyyətlərdən olan “Nəşr və maarif”in müsəl-
man xeyriyyə cəmiyyətləri ilə birlikdə indiyə qədər Azərbaycanın
on yeddi kənd və üç şəhərində yeni məktəbin açılmasında iştirak
etdiyini oğlunun diqqətinə çatdırdı...
O, oğlu Midhəti üzvü olduğu “Nicat” xeyriyyə cəmiyyətinin
növbəti yığıncağına da apardı, cəmiyyətin gənc üzvləri – Üzeyir
Hacıbəyov, Məhəmmədəmin Rəsulzadə, Cahangir Zeynalov,
Hüseyn Sarabski və başqaları ilə tanış etdi.
Nəriman Nərimanov iclasa xeyli öncə gəlmişdi, Həsən
bəyin oğlu ilə tanış oldu və xeyli söhbət elədi. Sonra Həsən bəy
748
və Nəriman Nərimanov müəllimlərin bu yaxınlarda keçiriləcək
qurultayının hazırlıq işlərinin gedişini müzakirə etdilər. Məlum
oldu ki, cəmiyyət üzvlərinin təşəbbüsü ilə “Azərbaycandakı bütün
ibtidai və orta məktəbləri bundan sonra rus-tatar məktəbləri deyil,
rus-Azərbaycan məktəbləri adlandırmaq, həmin məktəblərdə məc-
buri qaydada Azərbaycan dilini tədris etmək” təklifini qurultayın
müzakirəsinə çıxarmaq istəyirlər.
Həsən bəy:
– Nəriman, hər şeyi yaxşı-yaxşı düşünün, hər yeni təklif
imperiya dairələri tərəfindən üstünə millətçilik damğası vurularaq
pis qarşılana bilər. Bu tipli təklifləri birdən-birə ortaya atmaqla
ciddi nəticə əldə etmək olmaz, onu yavaş-yavaş, qəbul olunması
üçün müəyyən zəmin hazırladıqdan sonra irəli sürmək olar.
Unutmayın, bizim təhsil üzrə inspektorumuz Levitski çox millətçi,
şovinist adamdır. Ehtiyatlı olun!
749
Müəllimlər qurultayı
1906-cı il avqustun 15-də qurultay öz işinə başladı. Nəriman
Nərimanov qurultayı açıq elan edib təşkilat məsələlərini səsə qoydu.
Həsən bəy Zərdabi birinci iclaslın sədri, Nəriman Nərimanov
müavini, Fərhad Ağayevsə katibi seçildi.
Səhhətinin o qədər də yaxşı olmamasına baxmayaraq, Həsən
bəy bütün qüvvəsini səfərbər edərək qurultayı idarə etməyə baş-
la dı. Rus-Azərbaycan məktəblərində Azərbaycan dilinin tədrisi,
bu məktəblərin gələcəkdə rus-Azərbaycan məktəbləri kimi ad-
lan dırılması məsələsi, bütün məktəblər üçün vahid tədris me to-
dikasının işlənməsi, müəllimlərin həyat və əmək şəraitinin yax-
şılaşdırılması, Qori Müəllimlər Seminariyasının Azərbaycan dilli
filialının bölgələrdən birində açılması və s. kimi mühüm məsələlər
elə birinci iclasda müzakirəyə çıxarıldı.
Həsən bəy sədr olaraq birinci məsələ ilə bağlı bildirdi:
– Qardaşlar, burada, məncə, ən vacib məsələ məmləkəti miz-
dəki Rus-Azərbaycan məktəblərində ana dilinin tədrisi mə sələsidir.
Qu rultay nümayəndələrindən heç kim də bunun əleyhinə çıxış
etmədi. Yalnız cənab Levitski – bizim təhsil üzrə inspektorumuz
ibtidai siniflərdə azərbaycanca danışmağı məsləhət görmür,
qadağan edir. Odur ki, təklif edirəm, qurultayın adından bu təklif
Qafqaz canişinliyi qarşısında qaldırılsın. Düşünürəm, cənab
Levitski də bu məsələni düzgün araşdıraraq, ana dilində təhsilin
bugünkü aktuallığını nəzərə alaraq bunun əleyhinə getməyəcək.
Həsən bəy təklifi səsə qoydu, hamı lehinə səs verdi. Qurultay
adından Qafqaz canişinliyinə müvafiq teleqramın göndərilməsi
qurultayın sədri Həsən bəyə həvalə olundu.
Həsən bəy qurultay gedə-gedə teleqramın mətnini hazırlayıb,
qurultayın diqqətinə çatdırdı. Nəriman Nərimanov teleqramın
məzmunundakı “Qurultay sizin ədalətli sərəncam vermənizi xahiş
edir” fikrinə etiraz edərək təklif etdi ki, “qurultay xahiş edir” ifa-
dəsi, “qurultay tələb edir” ifadəsi ilə əvəz edilsin. Həsən bəy bu
təklifə etiraz edərək dedi:
Dostları ilə paylaş: |