739
edəcəklər və bir tərəfdən də dövlət açdığı məktəblər ki, oralarda
elm təhsil edən dil və məzhəbdən gərək əl çəkəydi. Belədə, biz
müsəlmanlar iki dəryanın arasında duran gəmiydik ki, hər tərəfə
meyl etsək, yıxılıb qərq olası idik.
İndi Allaha şükür olsun ki, keçən ildən bizim rəhmli padşahımız
hökm edibdir ki, Rusiyaya tabe olan tayfalar öz uşaqlarını öz
məktəbxanalarında, öz dillərində oxuda bilərlər və onlar padşahlıq
məktəblərində oxuyanda onların öz dillərini və ədəbi-məzhəblərini
də onlara oxutsunlar”.
Hamı hər tərəfdən qulaq asaraq, heyrətlə Həsən bəyin xəstə
olmasına baxmayaraq, yenə də millətin dərdləri ilə yaşamasını
xüsusi qeyd edirdilər.
– Kaş bu kişidə millətə olan ürək yanğısının mində biri bizim
hər birimizdə olaydı…
– Bu adam özü üçün yaşamır. Bu insanı Allah göndərib, vallah,
bu adam müqəddəsdir, – deyərək, Həsən bəyi çox istədiklərini
nümayiş etdirməyə çalışırdılar.
– Bu adam el atasıdır, – deyə digərləri qeyd edirdilər.
Peterburq doktorunun müalicəsindən sonra Həsən bəy fəal
həyata qayıtmışdı.
– Əlimərdan, sən nə zaman Tiflisə gedirsən? – Həsən bəy
axşam ondan səfərinin vaxtını soruşdu.
– Sabah yox, o biri gün. Ayın 10-da Vorontsov-Daşkovla
görüş təyin olunub.
– Amma sən bir şeyi yadında saxla, ermənilərin Bakıda tö-
rət dikləri qırğınlarla bağlı qəzetlərdə yazılanları Vorontsova gös-
tərməyin heç nəyi dəyişməyəcək. Müsəlmanların kütləvi qır ğı-
nı onun heç vecinə deyil, heç bir ciddi tədbir görməyəcək. Ça lış
ki, daha təsirli dəlillər göstərsən, onu başqa yollarla ermə ni -
lərin rus imperiyasına, çarın bütün Qafqazdakı nüfuzuna təh lü kə
törətdiklərinə inandırasan. Vorontsov bu işdə Rusiyanın ma raq larına
təhlükə yaranması qənaətinə gəlməsə, heç bir tədbir görməyəcəkdir.
Vorontsovla görüşdə, doğrudan da, onun Bakıdakı erməni
vəh şiliklərinə etinasız münasibəti Əlimərdan bəyi düşünməyə
məcbur etdi.
740
– Cənab Vorontsov-Daşkov, siz İrəvan, Naxçıvan hadisəsinə,
quyulara tökülüb üstü doldurulan günahsız insanlara necə etinasız
qala bilərsiniz?
– İndi mən neyləyim, ermənilər də sənin kimi sübut etməyə
çalışırlar ki, siz onları qırırsınız.
Vorontsovun müsəlmanlara belə “qeyri-adi məhəbbəti”,
erməni quldur dəstələrinin fəaliyyətinə biganəliyi Əlimərdan bəyi
əməlli-başlı təəccübləndirmişdi.
– Cənab Vorontsov, ermənilər gəlib istənilən yalanı uydurub
əlahəzrət imperatorun məmurlarını çaşdırmağa cəhd göstərə
bilərlər. Qoy nə istəyirlər söyləsinlər, amma sizin Bakıdakı və
bölgələrdəki nümayəndələr hər şeyin necə baş verdiyini bilirlər axı.
Bir də keçənləri unudun deyirsiniz, yaxşı, biz də qəbul edirik ki, olan
olub, keçən də keçib. İndi əsas məsələ bundan sonra ermənilərin
belə quldurluq hadisələri törətməsinin qarşısını almaqdan və dinc
əhaliyə qarşı divan tutulmasına yol verməməkdən ibarətdir.
Vorontsov-Daşkov yeni komissiya yaradıb, araşdırmalara
başlayacağına söz verdi.
Əlimərdan bəy Tiflisə gəlmişkən yolüstü Müsəlman Xeyriyyə
Cəmiyyətinin izin məktubunu da Qafqaz Canişinliyinə təqdim
edib müsbət cavab aldı.
741
1906-cı il, Bakı
Həsən bəy Peterburqdan olan həkimin ona gərgin işləməyi
qadağan etməsinə baxmayaraq, bütün günü “Kaspi”də və “Həyat”da
olurdu. Xüsusən, “Kaspi”də Əlimərdan bəy Duma və digər ictimai
işlərdən xilas olub qəzetə ciddi vaxt sərf edə bilmədiyindən dolayı
Həsən bəyin məsuliyyət hissi daha da artmışdı. Bəzən Əlimərdan
bəy günlərlə Rusiyaya gedir, ayrı-ayrı işlərlə bağlı müxtəlif yer-
lər də olurdu. Elə növbəti ilin yanvar ayının 5-dən 11-nə qədər
yenə Rusiyaya gedib Müsəlmanların II qurultayında iştirak etdi.
O olmayanda Həsən bəydən başqa “Kaspi” qəzeti üçün etibarlı və
təcrübəli kim ola bilərdi ki?!
Həsən bəylə Hacı Zeynalabdin Tağıyev birlikdə həm də
ermənilərin rəhbərləri ilə tək-tək görüşərək bu ədavətin mənbəyini
araşdırır, bu qarşıdurmaların və düşmənliyin hər iki tərəfə faciədən
başqa heç nə verməyəcəyini izah edirdilər.
Həsən bəy Hacının nüfuzundan istifadə edərək İrəvana, Tiflisə,
Naxçıvan və Şuşaya teleqram vurdurub oralarda ermənilərin törət-
diyi qırğınlar haqqında “Kaspi”də məlumat verirdi. Əksər yazılarda
hər iki tərəfi qan tökülməsindən çəkinməyə çağırır, qırğınların
dayandırılmasını məsləhət görürdü.
Həsən bəy bundan başqa, Hacı Zeynalabdinin və Şeyxülislamın
bütün ermənilərin katalikosuna, İrəvan ruhanilərinə müraciətini
“Kaspi”də çap etdi. Müraciətdə hər iki tərəfin başbilənlərindən
müdriklik, humanistlik nümayiş etdirmələri tələb olunur, dinc
yanaşı yaşamağın üstünlükləri izah edilir, xalqları sülhə çağırırdılar.
Hadisələrin belə qızğın çağında Həsən bəyin səhhətində yenə
ciddi problemlər yarandı. “Nəşri-maarif”in gənc ziyalıları – Üzeyir
bəy Hacıbəyov, Mirzəağa bəy Hüseynqulu, Sidqi Ruhulla kimi
qələm əhli tez-tez “Kaspi”yə gələr, həm yazılarını gətirər, həm də
Həsən bəyə kömək edərək işini yüngülləşdirməyə çalışardılar.
742
1906-cı il, Rus-Müsəlman
Qız Məktəbinin ilk məzunları
Bir neçə gündən sonra Bakı Müsəlman Qız Məktəbinin bura-
xılışı olacaqdı. Bütün cəmiyyətlər, mətbuat səbirsizliklə o günü
gözləyirdilər. Həsən bəy Zərdabi, Zeynalabdin Tağıyev, Sona xa-
nım Tağıyeva məktəbin məsul şəxsləri kimi o gün çox həyəcanlı
idilər.
Bütün mətbuat İmperatriçə Aleksandra Fyodorovna adına
Bakı Rus-Müsəlman Qız Məktəbinin məzunları haqqında yazırdı.
Hacı Zeynalabdin evində Sona xanımla çay içə-içə vaxtın
necə tez gəlib yetişdiyindən danışırdı.
– Bax, ay Sona, zaman elə bil quşdur, bircə anda uçaraq gəlib
mənzil başına çatdırdı bizi. Elə bil dünən idi bu məktəbin açılışı.
Onda da mən həyəcandan bütün gecəni yatmamışdım. Şükür, min
əzabla qurduğumuz məktəbin ilk buraxılışını da gördük.
– Hacı, mən də çox həyəcanlıyam. Bu qızların bəzilərini
bayram günlərində mən evimizdəki məclislərə dəvət edirdim.
Bilirsən, nə qədər səviyyəli və kübar qızlardır. Məclisdə hər kəs
onların özlərini aparmasına, davranışına, əxlaqlarına və müasir
dünyagörüşlərinə heyran qalırdı. Hər biri bir evin dirəyidir…
– Ev nədir, ay Sona? Onlar gələcəyin ilk qaranquşları ki mi
millətin ümididir. Onların hərəsi bir sahədə – elm, təhsil, mə də-
niyyət, iqtisadiyyat, dövlət qulluğu və s. yerlərdə işləyəcək, özləri
kimi yüzlərlə savadlı qızların yetişməsində iştirak edəcəklər. Bu
qızlar gələcəkdə bütün Azərbaycana dayaq olacaqlar.
Bu qızlar elə bil övladlarımdır mənim. Bunlardan ayrılmaq
mənə asan olmayacaq.
Sona xanım:
– Zaman vardı bizi də, Mirzə Əbutalıb, Hacı Kərim və Molla
Ruhullanı da təhsilə önəm verdiyinə görə ölümlə hədələyib qor xu-
durdular. Bu gün artıq insanlar elmin, təhsilin xeyrini anlayırlar.
Şəmsi bəyin, Hacıağanın, Ağamusanın xanımı keçən həftə biz-
Dostları ilə paylaş: |