23
Deməli 1930-cu ildə Şəkidə baş vermiş üsyan yalnız iqtisadi və siyasi
hüquqsuzluğa qarşı deyil, həm də əsasında allahsızlıq dayanan mənəviyyatsızlığa
qarşı yüksələn etiraz hərəkatı idi.
24
II FƏSİL
BÖHRANIN YETİŞMƏSİ,
ÜSYANIN İDEOLOJİ-SİYASİ VƏ
TEXNİK-TƏŞKİLATİ ƏSASLARININ
HAZIRLANMASI.
1930-cu il Şəki üsyanının başında Baş Şabalıd kəndinin sakini, savadlı, iti
zəkaya və poetik ilhama malik olan Molla Mustafa Şeyxzadə dururdu. Onun babası
Şeyx Əhməd saflığı, dini dəyərlərə sonsuz məhəbbəti, hörmət və ehtiramı ilə el-
obanın gözündə övliya səviyyəsinə yüksəlmişdi. Xalq tərəfindən Şeyx Əhmədin
qəbri üzərində ucaldılmış məqbərə yerli əhalinin bu insana olan ehtiramının
təzahürü idi. Az sonra həmin qəbir-məqbərə Qafqaz miqyaslı ziyarətgaha çevrildi.
Üsyan yatırıldıqdan sonra Molla Mustafanın həyatının sonrakı mərhələsi
müəmmalar dumanı içində əriyib yoxa çıxır. Məhz onun tərcümeyi-halının həmin
mərhələsinə xas olan məchulluq müxtəlif səpkili şayiələrin yayılmasına, əsassız
güman və fərziyyələrin meydana gəlməsinə səbəb olmuşdur.
Əbdürrəhman Abdullayevin yazdığına görə Molla Mustafa üsyan
yatırıldıqdan sonra bir müddət gizli şəkildə Tiflis yaxınlığındakı Soğanlıq kəndində
yaşamışdır. O tam təsadüf nəticəsində ələ keçmişdir. Xalq Daxili İşlər
Komissarlığının Balakən rayon şöbəsinin rəisi Tacəddin Koltayev bir nəfər
qaraçını at oğurlayarkən yaxalamış. Oğru bağışlanacağı təqdirdə Sovet dövlətinin
qəddar düşmənlərindən birinin gizləndiyi yeri nişan verəcəyini bildirmişdir.
Beləliklə, oğru ilə enkevedeçinin sövdələşməsi nəticəsində Molla Mustafa həbs
olunmuş və qapalı məhkəmə vasitəsi ilə 10 il müddətinə azadlıqdan məhrum
edilərək sürgünə göndərilmişdir.
21
Molla Mustafa Şeyxzadə haqqında müxtəlif xarakterli söz-söhbətin baş
alıb getməsinə rəvac verən ən mühüm amil Mir Cəfər Bağırovun məhkəməsində
Padarov Hacı Məmməd İbrahim oğlunun verdiyi ifadə olmuşdur. O, Azərbaycan
SSR Baş Siyasi idarəsində, NKVD-də və DTN-də 1931-ci ildən 1954-cü ilədək
işləmiş, müvəkkildən Azərbaycan SSR Təhlükəsizlik nazirinin müavini
vəzifəsinədək yüksəlmişdir.
Padarov məhkəmədə bunları söyləmişdir: «Mənə məlum olan cinayət
faktlarına diqqət yetirməyi zəruri sayıram. 1930-cu ildə Zaqatala-Nuxa zonasının 8
rayonunda silahlı əksinqilabi üsyan baş verdi. Həmin üsyanın təşkilatçısı və başçısı
ruhani ailəsindən çıxmış nuxalı molla Şeyxzadə idi. Üsyan yatırılandan sonra
21
«Kommunist» qəzeti. 15 avqust 1988-ci il
25
üsyanın iştirakçılarına qarşı hərbi çekist əməliyyatı aparıldı. Fövqəladə üçlüyün
başçısı Sumbatov idi. Həmin vaxt yüzlərlə adam həbs edildi, güllələndi və sürgünə
göndərildi. Lakin mənə məlum olmayan səbəbdən üsyanın təşkilatçısı Şeyxzadə
həbs olunmadı.
1932-ci ilin fevralında Azərbaycan BSİ-nin Balakən rayonu üzrə
müvəkkili işlədiyim zaman öyrəndim ki, Şeyxzadə Tiflisdədir, Türkiyəyə keçməyə
hazırlaşır. Mən Tiflisə getdim. O vaxtlar məlum idi ki, Şeyxzadənin ingilis və türk
kəşfiyyatı ilə əlaqəsi var, üsyanı da onların tapşırığı ilə təşkil edib. Şeyxzadə çox
təhlükəli siyasi cinayətkar idi və törətdiyi cinayətlər üçün güllələnməli idi. Mən
Şeyxzadəni Bakıya gətirəndən sonra BSİ-yə təhvil verdim və burada Sumbatova
məlumat verdim. Şeyxzadənin işini BSİ-nin müstəntiqi Zeynal Əliyevə tapşırdılar.
Mən elə güman edirdim ki, Şeyxzadə güllələnib. Ancaq 1937-ci ildə öyrəndim ki,
Şeyxzadə sağ-salamatdır, qohum-əqrəbası ilə məktublaşır. Mən heyrətə gəldim ki,
üsyanın sıravi iştirakçıları (onların arasında elələri var idi ki, Şeyxzadə başlarını
aldadıb üsyana qoşmuşdu) Sumbatovun əmri ilə güllələnib, üsyanın başçısı, casus
hələ sağ qalıb. Mən bu barədə Sumbatovla danışdım. O da özünü elə göstərirdi ki,
guya Şeyxzadənin belə yüngül cəza ilə yaxasını qurtarması onu da hiddətləndirir
və söz verdi ki, Şeyxzadənin işinə yenidən baxmaq üçün tədbir görəcək.
Əslində isə Sumbatov bu söhbəti gözdən pərdə salmaq üçün edirdi, çünki
Şeyxzadə hal-hazırda sağ salamatdır. Onun harada yaşadığı mənə məlum deyil,
ancaq onu bilirəm ki, Nuxada yaşayan ailəsi ondan məktub alır.
22
Əvvəla unutmaq olmaz ki, bu ifadə Sovet xüsusi xidmət orqanlarının
demək olar ki, bütün pillələrində fəaliyyət göstərmiş insana məxsusdur. Onun
insanları qeyri-qanuni həbs etməsi və istintaq təcridxanasında M.C.Bağırovun
«Şüuru varlıq deyil, döymək təyin edir» tövsiyəsinə uyğun olaraq vəhşicəsinə
döyməsi faktları elə həmin məhkəmədə aşkarlandı. Çoxlarının taleyini alt-üst etmiş
bu amansız çekistin özünə qarşı irəli sürülən ittihamdan yayınmaq və Sovet
kommunist sisteminə sədaqətini nümayiş etdirmək üçün guya Yemelyanova və
onun timsalında M.C. Bağırova əks mövqedə durduğunu sübut etmək istəyi nəzərə
alınmalıdır.
İkincisi, Padarov xidmət etdiyi sistemin xislətinə sadiq qalaraq Molla
Mustafanı türk və ingilis kəşfiyyatına xidmət etməkdə, əhalini məhz onların təhriki
ilə üsyana qaldırmaqda günahlandırması baş verən prosesləri təhrif etmək
niyyətindən xəbər verir.
Əslində isə qeyd olunduğu kimi xalqı üsyana qaldırmağa sövq edən başlıca
səbəb bolşevizmin yaratdığı dözülməz sosial-iqtisadi və mənəvi-psixoloji vəziyyət
olmuşdur.
22
Mir Cəfər Bağırovun məhkəməsi. Bakı, «Yazıçı» nəşriyyatı, 1991, səh 5253