HÜQUQUN ƏSAS CƏHƏTLƏRİ
Hüququn mənbələri. Hüququn ilk mənbəyi uzun müddət adətlər
olmuşdur. Kanon (kilsə) hüququ və məhkəmə təcrübəsi (məhkəmə
presedenti) hüquq mənbəyi kimi onun zənginləşməsində əhəmiyyətli rol
oynamışdır. Adət hüququ və kanon hüququ əsasında ailə - nikah hüququ,
vərəsəlik hüququ və qismən də cinayət hüququ formalaşırdı.
Qanunyaratmada hakim praktiklər də fəal iştirak edirdilər. VI Vaxtanqm
Qanunnaməsi isə yaranmış “boşluqla- rı” aradan qaldırmağı məhkəmə
hakimlərinə həvalə edirdi.
Gürcüstan feodal hüququnun ən qədim abidələrindən biri IV Baqratın
(1027-1072) qanunları idi. Qanunnamədə o dövrün məhkəmə orqanları və
məhkəmə prosesi öz əksini tapmışdı.
XIV əsrin əvvəllərində tərtib edilmiş “Çar sarayının nizam
qaydaları” və “Dəstür-ül-əməl” (nizamnamə, təlimat) adlı hüquq
toplularında o dövrdə hüququn tətbiq olunması barədə məlumat verilir.
XVIII əsrin əvvəllərində hazırlanmış digər “Dəstürüləməf’də dövlətin
vəzifəli şəxsləri və onların çar əmlakından istifadə edilməsində
səlahiyyətləri, həmçinin kəndli mükəlləfiyyətlərinin yerinə yetirilməsi və
dövlət vergilərinin alınması tənzimlənirdi.
Gürcüstanda feodal hüququnun mühüm mənbələrinə Əzəmətli V
Georginin qanunlar toplusu, Samtsexe-Satabaqo knyazı Beki və onun
nəvəsi Aqbuqanm Qanunnaməsi və çar VI Vaxtanqm Su- debnikini
(qanunlar külliyyatı) daxil etmək olar.
Əzəmətli V Georginin (1318-1346) qanunlar toplusu 1335-ci ildə
hazırlanmışdı. Georginin qanunları dağ ərazilərində yaşayan əhali arasında
ictimai münasibətləri tənzim etməli idi. Çar Georgi qanunların hazırlanması
şərtləri barədə göstərirdi ki, o dağlıq ərazi olan Araqvi və Ksaniyə səyahət
edərkən bu qanunların tərtib olunması zərurəti ilə qarşılaşmışdı. Belə ki,
əvvəlki gürcü çarları bu ərazidə olan xalqlar üçün xüsusi qanun verməmiş,
onlar adət hüququna əsaslanan qanunlarla yaşayırdılar. Lakin bu qanunlar
çoxsaylı özbaşınalıqlar və zorakarlıqlarla pozulurdu. Bu xalqlar arasında
birbirinə xəyanətkarcasına basqın etmə, qəsrlərdə soyğunçuluq, quldurluq
45
törətmək, qətllər, başqasının arvadını oğurlamaq, zorakarlıqla əmlakı ələ
keçirmə və digər çoxsaylı qanıınsıızlııq və bir-birinə nifrət və s.
ədalətsizliklər mövcud idi. V Əzəmətli Georgi dağlı tayfalar arasında
özünün verdiyi Qanunnamənin tətbiq edilməsinə çalışmışdı. V Georginin
qanunları əsasən cinayət hüququ sahəsinə aid normaları özündə birləşdirirdi.
V Georginin Qanunnaməsi bu tayfalar arasında mövcud olan qan intiqamını
nəinki ləğv edir, əksinə onu qanuniləşdirirdi. Belə ki, qanun ərə onun
arvadını oğurlamış adamdan qisas almağa icazə verirdi. Arvadı oğurlanmış
kişi, öz düşmənini tapıb qətlə yetirər və onun evini, əmlakını talayıb yandıra
bilərdi.
Çar V Georginin Qanunnaməsi feodal hüququnun səciyyəvi olan
prinsipni silki bərabərsizlik və feodalların imtiyaz hüququnu təsbit edirdi.
Əhalinin, ayrı-ayrı şəxslərin hüquqları onun sosial vəziyyətindən asılı olaraq
qorunurdu.
Qanunnamə qan intiqamını qan pulu ilə əvəz edilməsinə icazə verirdi.
Əsas cəzalar kimi cərimələrdən geniş istifadə edilirdi.
Gürcüstan hüququnun digər mənbəyini Samtsxe-Saatabaqo knyazlan
Beki (1361-1391-ci illər) və onun nəvəsi Aqbuqanın (1444-1451-ci illər)
tərtib etdiyi Qanunnamələr təşkil edir. Samtsxe Saatabaqo feodal sahibliyi
uzunmüddət knyazlıq olaraq Gürcüstan çarından asılı deyildi, müstəqil idi.
Osmanlı imperiyasının işğalına qədər, yəni XVI əsrədək ən nüflızlu
müstəqil knyazlıq olan Samtsxe Sa- atbaqo hökmdarı Beki müstəqil
qanunvericilik fəaliyyəti ilə məşğul olmuş və onun nəvəsi Aqbuqa
Qanunnaməyə əlavələr edərək V Georginin Qanunnaməsi ilə müqayisədə
feodalizmin daha çox inkişaf etmiş mərhələsi üçün daha mükəmməl
qanunvericilik bazasını yarada bilmişdi. Cinayət, mülki və məhkəmə
hüququnu özündə birləşdirən 170 maddədən ibarət Beki və Aqbuqanın
Qanunnaməsi bütün Gürcüstan çarlığına şamil edilməsə də bütövlükdə
Gürcüstan hüquq qanunvericiliyi tarixində böyük əhəmi}^ətə malik idi.
Digər tərəfdən Qanunnamə hazırlanarkən onun müəllifləri bu və ya digər
halda Gürcüstanda qüvvədə olmuş hüquqi aktlan da nəzərə almışdılar.
Gürcüstan feodal hüququnun mənbəyinə Kartli çarı VI Vaxtan- qın
təqribən 1707-1709-cu illər ərzində tərtib etdiyi Qanunnaməni
46
daxil etmək olar. Çar VI Vaxtanqın Qanunnaməsi 7 bölmədən ibarət
olmaqla 270 maddəni və giriş hissəsini özündə birləşdirirdi:
1.
Musa qanunları (yəhudi qanunları) Tövratdan (Bibliyanın ilk beş
kitabı) çıxarış;
2.
Bizans qanunları;
3.
Mixtar Qoşun Alban qanunnaməsindən və erməni qanunlarından
çıxanş;
4.
Gürcü katolikoslarının qanunları;
5.
V Georginin qanunları
6.
Beki və Aqbuqanm Qanunnaməsi
7.
VI Vaxtanqın özünün hazırladığı Qanunnamə.
Çar VI Vaxtanqın özünün hazırladığı Qanunlar, yerli adət hüququ və
məhkəmə praktikası bu və ya digər konkret işlərdə tam normaları əhatə
etmədiyi halda çox ehtimal ki, məhkəmə hakimlərinə digər yuxarıda
göstərilən qanunlardan istifadə etməyə icazə verilirmiş. Vaxtanq
qanunnaməsi bütün gürcü çarlıqlarında və knyazlıq- larında istifadə edilirdi.
Gürcüstan Rusiya imperiyasına birləşdirildikdən sonra VI Vaxtanqın
Qanunnaməsi mülki işlərdə hüququ qüvvəsini saxlamaqla Rusiya İmperiya
qanunlar külliyyatının X cildinə daxil edilmişdi.
Mülkiyyət hüququ. Gürcüstanda feodal torpaq mülkiyyəti, dövlət
mülkiyyəti (divan), çar domeni (xassə), əsilzadə əyanlara məxsus irsi
mülkiyyət (malikanə, xüsusi), xidmət müqabilində olan mülkiyyət (iqta) və
kənd icmalarına məxsus torpaqlardan ibarət olmuşdur.
Dövlət mülkiyyətinə dövlət xəzinəsinə məxsus torpaqlar, fəth olunmuş
ərazilər, dövlətin maliyyə ehtiyatları (qızıl, qiymətli əşyalar), strateji
əhəmiyyət kəsb edən yollar, körpülər, meşələr, Tiflis və Kutaisi kimi
“qədim şəhərlər” və s. aid idi.
Çar domeninə, çar və onun ailəsinə məxsus olan torpaqlar daxil edilirdi.
Malikanə (votçina) mülkiyyətinə aid olan torpaqlara irsi, satın alınmış,
bağışlanmış, ianə edilmiş torpaqlar aid idi. Bu torpaq mülkiyyətinin hər biri
müəyyən hüquqi rejimə malik idi. Satın alınmış və bağışlanmış
votçinalardan (mülklər) sərbəst istifadə etmək hüqu
47
Dostları ilə paylaş: |