qu təsbit olunurdu. İanə edilmiş torpaqlar adətən məqsədli xarakter daşıyır
və ondan təyinatı üzrə istifadə etmək nəzərdə tutulurdu. Torpaqlardan irsi
istifadə etmək də məhdudlaşdırılırdı. Çünki, feodal dövləti nəsli əyanları
müflis olmaqdan qommağa çalışırdı.
XVI-XVIII əsrlərdə votçina mülkiyyət hüququnun inkişafı davam
edirdi. Xüsusilə çar VI Vaxtanqın qanunları ümumi feodal malikanə torpaq
mülkiyyəti ilə onun ayrı-ayrı üzvlərinə məxsus olan torpaqları fərqləndirirdi.
Ümumi feodal mülkiyyətindən, yalnız bütün feodal ailə üzvlərinin razılığı
əsasında istifadə etmək təsbit edilirdi. Feodal malikanəsinin ümumi
mülkiyyətinin bölünməsinə nadir hallarda və çıxılmaz vəziyyət yarandıqda,
özü də. şəxsən çarın nəzarəti altında icazə verilirdi. Çünki malikanə
(votçina) mülkiyyəti iqtisadiyyatın özəyi olmaqla həm ona gəlir gətirir, həm
də imtiyaz hüququ verirdi. Feodal malikanəsinin ayrı-ayrı üzvlərinə məxsus
olan xüsusi əmlak isə öz pulu və zəhmətilə əldə olunmuş mülkiyyət hesab
edilirdi. Bu əmlakları istədiyi kimi istifadə etmək: satmaq, bağışlamaq,
dəyişmək, hədiyyə etmək, ianə vermək və s. mülkiyyətçinin müstəsna
hüququ olsa da, onun vərəsəliyə verilməsi, əmlakın ümumi mülkiyyətə
keçməsilə nəticələnirdi ki, bu da yuxarıda qeyd etdiyimiz kimi, ümumi
mülkiyyətdən istifadə hüququnu xeyli dərəcədə məhdudlaşdırırdı.
Bəxşiş edilmiş mülkiyyət şərti xarakter daşıyırdı. Çar hərbi və ya mülki
xidmət müqabilində feodala mülkiyyət bəxşiş edirdi. Adətən xidmət
əvəzində verilmiş mülkiyyət ömürlük verilsə də çar istədiyi zaman onu geri
ala bilərdi. Lakin zaman keçdikcə şərti mülkiyyət vərəsəliklə örtülərək
faktiki olaraq irsi mülkiyyətdən heç nə ilə fərqlənmirdi.
Gürcüstanda hələ qədim dövrlərdən başlayaraq kilsəyə məxsus iri
torpaq mülkiyyəti olmuşdur. Xüsusilə çariça Tamaranın atası III Georginin
və VI Vaxtanqın qanunları ilə statusu daha da artırılmış gürcü katolikosu və
onun dini müəssisələri saysız hesabsız mülkiyyət və əmlak əldə edirdilər.
Gürcüstanda kənd icmalarının sahibliyində də torpaqlar mövcud
olmuşdur. XVIII əsrdə feodal məhdudiyyətləri (çar və ya knyaz
48
qarşısındakı öhdəliklər) tətbiq edilməyən tacirlərə məxsus torpaq mülkiyyəti
də inkişaf etməyə başlayır.
Öhdəlik hüququ. Öhdəlik hüququ müqavilələrdən və deliktlər- dən
(hüquq pozuntuları) yaranan öhdəliyə ayrılırdı. Daşınmaz əmlak və digər
mühüm müqavilələr yazılı və şahidlərin iştirakı ilə bağlanılırdı.
Dəyişmə müqaviləsinə görə istənilən əşya və heyvan müqavilənin
obyekti ola bilərdi. Müqavilə bağlandıqdan sonra onu pozmaq və ya
şərtlərinə yenidən baxmaq qadağan edilirdi.
Öhdəlik hüququnda alqı-satqı müqaviləsi aparıcı mövqeyə malik idi.
Alqı-satqı müqaviləsinin obyekti istənilən daşınar və daşınmaz əmlak ola
bilərdi. Alqı-satqı müqaviləsi xüsusi sənəd olan kupçi kağızında (mülk
kağızı), mötəbər şahidlərin iştirakı və möhürlə təsdiq olunurdu. Kəndlilər
feodalın icazəsi olmadan öz torpaqlarını sata bilməzdilər. Hər hansı bir
kəndi və kəndliləri almaq istəyən knyaz və ya zadəgan çardan icazə almalı
idilər. İtmiş əşyanın satılması qadağan edilirdi. Digər əşyanın sahibi məlum
olardısa, ondan sahibinə qaytarılmış əşyanın dəyərinin yarısını satan,
yarısinı isə alan ödəməli idi. Başqasına məxsus əmlakın alqı-satqısı qadağan
edilirdi. Xəbərdarlıqsız olaraq harın (dəlisov) atı satan şəxs, onun qüsurları
barədə məlumat verməzdirsə, atın yetirdiyi hər hansı xəsarət və ya ziyanın
ödənilməsi satıcının üzərinə düşürdü.
Borc müqaviləsi də geniş yayılmışdı. Müqavilələrin təmin edilməsində
pul, taxıl, çaxır və s. girov qoyulurdu. Borc faizi maksimum 20% müəyyən
edilmişdi. Borc vaxtında ödənilmədikdə borclu öz əmlakı və şəxsiyyəti ilə
cavab verirdi. Kreditor borclunu qul kimi sata bilərdi. VI Vaxtanqın
Qanunnaməsi sələmçilərdən aşağı borc faizi almağı və beləliklə də sinfi
ziddiyyətləri azaltmağı nəzərdə tuturdu. Borc faizlərdən də faiz almaq
qadağan edilirdi. Digər tərəfdən faizi ödəmək üçün vaxtın uzadılması da
qanunla təsbit olunurdu. Hətta əsir alınmış şəxs ailəli olardısa, ona borcu
güzəştli müddətdə qaytarmaq hüququ verilirdi. Əgər övlad atasının razılığı
olmadan borc alardısa, valideyn məsuliyyət daşıyırdı. VI Vaxtanqın
Qanunnaməsində göstərilirdi: “30%-lə pul borc verən
49
ədalətsizdir və öz ruhunu qəti sevmir, 24% verən az sevir, 18% verən bir az
çox sevir və 12% verən tam sevir”.
Saxlanc müqaviləsindən də geniş istifadə edilirdi. Əşyanı saxlamağı
öhdəsinə almış şəxs onun bütöv qorunmasına cavabdehdir. Əgər yenicə
saxlanılmağa verilmiş əşya qəsdən oğurlanardısa və ya yanğın zamanı məhv
olardısa və ya saxlamağa verilmiş digər əşyalarla birlikdə oğurlanırdısa, bu
zaman saxlanc sahibi məsuliyyət daşıyırdı.
Kirayə hüququna görə iş heyvanları, əşyalar və adamlar müqavilənin
obyekti ola bilərdi. XVI-XVIIl əsrlərdə kəndlilərin torpaq- sızlaşması ilə
əlaqədar olaraq onların əməyindən kirayə hüququ əsasında istifadə edilirdi.
Beki və Aqbuqanm qanunları isə onların əməyini qoşqu heyvanlarının
qüvvəsinə bərabər tuturdu. Qanunna- mənin 79-cu maddəsində göstərilirdi
ki, əgər muzdlu kəndli iş zamanı vəfat edirdisə, kirayəçi yalnız kirayə
əməyinin pulunu ödəyir və heç bir cinayət məsuliyyəti daşımırdı. Onun
ölümü iş heyvanın tələf olmasına bərabər tutulurdu.
Gürcüstan feodal hüququnda dəyişmə, yoldaşlıq, zaminlik və s.
müqavilələrdən istifadə edilirdi.
Nikah-ailə hüququ, nikah-ailə hüququnda pravoslav kilsənin rolu
böyük idi. Nikaha daxil olmaq üçün tərəflərin razılığı tələb olunmurdu.
Nikah müqaviləsi tərəflərin valideynləri və ya qəyyumları tərəfindən
bağlanılırdı. Qızlar üçün nikaha daxil olma 12 yaş müəyyən edilmişdi.
Yaxın qohumlar arasında və başqa dindən olanlarla nikaha girmək qadağan
idi. Azad şəxslərin (feodallardan başqa) təh- kimli və ya qulla nikaha daxil
olması onun azadlığının itirilməsilə nəticələnirdi. Lakin əsilzadə nəslindən
olan qadının digər aşağı silkdən olan kişi ilə nikaha gimıəsi ərin sosial
statusunu artırır və hüquqlarını feodal nəslinin hüquqlarına bərabər tuturdu.
Qız ərə gedərkən valideyinlərinin sosial vəziyyətindən asılı olmayaraq cehiz
aparmalı idi. Nikah hədiyyəsi və cehiz qadının sərəncamında olmaqla, ər
vəfat etdikdən sonra tamamilə onun mülkiyyətinə keçirdi. Lakin daşınmaz
əmlak mərhumun oğlanlarına çatırdı. Arvad və övladlar tamamilə atanın
tabeçiliyində idilər. Qadın ərin razılığı olmadan mülki müqavilələr bağlaya,
ailə əmlakı üzərində sərəncam verə, övladlarının taleyini həll edə və ya
məhkəmədə çıxış edə bilməzdi.
50
Dostları ilə paylaş: |